မြေကွက်ပိုင်ရှင်တချို့ကကိုယ်ပိုင်ဆိုင်တဲ့ ပါမစ်မြေကို ရောင်းချပြီးနောက်ထပ်ဂရန်
အသစ် ပြန်လျှောက်ကာနောက်ထပ်ဝယ်
သူတွေကို ထပ်မံရောင်းချ တာမျိုးတွေ
ရှိနေတယ်လို့ သိရပါတယ်။
“ပိုင်ရှင်တွေက လောဘတက်တာ၊ များသောအားဖြင့်ပိုင်ရှင်ကိုယ်တိုင်ပဲလုပ်တာ၊ ပါမစ်ဝယ်ထားတဲ့လူကဒုက္ခရောက်တာပေါ့၊ပါမစ်က
အရမ်းခိုင်မာမှုရှိတယ်၊ စာရွက်စာတမ်း ပြည့်ပြည့်စုံစုံနဲ့အကုန် မှတ်ထားတာ၊ဂရန်က နာမည်တောင်မပါ ဘဲ ထွက်ထားတာ”လို့
မြင့်မိုရ်အိမ်ခြံမြေအကျိုးဆောင်မှ ဒေါ်သိင်္ဂီမာက ပြောပါတယ်။
* စာရွက်စာတမ်းသဘောအရ နိုင်ငံတော်အစိုးရက
ချလန်ပေးထားပြီးတော့မှ မြေချ ပါမစ်ထုတ်ပေးတာ ဖြစ်ပါတယ်။
* မြေချပါမစ်က သုံးစုံ ရှိပါတယ်။
* တစ်စုံကို ပိုင်ရှင်ကိုပေးပြီး ကျန်တဲ့ နှစ်စုံကိုတော့
သက်ဆိုင်ရာဌာနက သိမ်းထားပါတယ်။
* ပိုင်ရှင်ကိုပေးထားတဲ့ တစ်စုံမှာပိုင်ရှင်ရဲ့ ဓာတ်ပုံ တစ်ပုံ၊ဝန်ခံကတိပြုတဲ့စာရွက် သုံးရွက် ပါရှိရမှာ ဖြစ်ပါတယ်။
အဲဒါဆိုရင် ပါမစ်မြေကို အရောင်းအဝယ်ပြုလုပ်လို့ရပါတယ်။
* ဂရန်လျှောက် တော့မယ်ဆိုရင်တော့ပိုင်ရှင်ဆီမှာရှိတဲ့ ပါမစ်စာရွက်စာတမ်း အပြည့်အစုံကိုဌာနကို ပြန်အပ်ပြီးမှ ဂရန်လျှောက်ထားလို့ရမှာ ဖြစ်ပါတယ်။
“အမှန်ဆို နှစ်ခုဖြစ်လို့ မရဘူးလေ၊တချို့က ပါမစ်ကို ပြန်အပ်ရမှာမအပ်ဘဲနဲ့တစ်ယောက်ယောက်ကို ရောင်းတယ်၊ဒါမျိုးမဖြစ်အောင် မြေဝယ်တော့မယ်ဆိုရင် မြေစာရင်းရုံးမှာတရားဝင်စစ်လို့ရတယ်၊ဒါဆိုရင် ပါမစ်စစ်လား မစစ်လား၊ဂရန် လျှောက်ထားလား မထားလားတရားဝင် စစ်ပြီးရင် ပြဿနာမရှိနိုင်ပါဘူး”လို့ကောင်းကောင်း (၂) အိမ်ခြံမြေအကျိုး ဆောင်မှဦးအောင်မိုးကျော်က ပြောပါတယ်။
* တချို့မြေကွက်ပိုင်ရှင်တွေက သူတို့ အရင်ရောင်းထားပြီးသားပါမစ်မြေကွက်တွေကို နောက်လူကို ထပ်ရောင်းချင်တာ ကြောင့်သူတို့ဆီမှာရှိနေသေးတဲ့ အထောက်အထားတချို့နဲ့နိုင်ငံပိုင်သတင်း စာမှာ ကြော်ငြာတွေထည့်ပါတယ်။
* မြေကွက်ကို ပိုင်ဆိုင်ထားတဲ့ လက်ရှိပိုင်ရှင် က
အဲသည် ၄င်းကြော်ငြာစာကို မတွေ့ခဲ့ရင် ဂရန်ရသွားနိုင်ပြီး
* အဲသည်အခါမှာ ဝယ်ယူထားတဲ့မြေကွက်နဲ့ ပတ်သက်ပြီး
အရှုပ် အရှင်းတွေ ဖြစ်လာနိုင်ပါတယ်။
“ဒီလိုတွေ မဖြစ်အောင် ပါမစ်နဲ့ ဝယ်ထားတဲ့ စာချုပ်၊ပါမစ်
က အတုလုပ်လို့ရ တာကြောင့်
- ပါမစ်မူရင်း ဟုတ် မဟုတ်၊
- အရောင်းအဝယ်စာချုပ် စစ် မစစ်ဆိုတာကို သက်ဆိုင်ရာဌာနမှာသွားစစ်ရပါမယ်၊တချို့ကတော့ မြေကိစ္စကို နားမလည်ကြတာပေါ့၊
အရပ်ပွဲစားတွေကလဲ နားမလည်တော့ပါမစ်အစစ်မှန်း အတုမှန်း မသိရာက ဖြစ်လာကြတာ”လို့
ကောင်းကောင်း(၂)အိမ်ခြံမြေအကျိုးဆောင်
မှဦးအောင်မိုးကျော်က ပြောပါတယ်။
ဒါကြောင့် မြေကွက်ဝယ်ယူတဲ့အခါ
*ပါမစ်မြေလား၊ဂရန်မြေလားဆိုတာကို သေချာသိဖို့လိုအပ်သလိုစရန်မရိုက်ခင် ရုံးမှာ သွားစစ်သင့်ပါတယ်။
*မှန်တယ်ဆိုမှစရန်ရိုက်ရမှာဖြစ်ပြီးနာမည်ပေါက် သေချာပြီဆိုရင်တော့ငွေအကျေ ချေသင့် တယ်လို့ သိရပါတယ်။
Credit: kumudra journal
