တိုက်ခန်း အရောင်းအဝယ်ပြုလုပ်သည့် စာချုပ်တစ်ခုကို နမူနာဆောင်၍ တင်ပြပါမည်။
တိုက်ခန်းတွင် နေထိုင်သော တိုက်ခန်းရှင်က ၎င်း၏ တိုက်ခန်းကို အပျောက်စနစ်အရ ရောင်းပါသည်။ တိုက်ခန်းဝယ်သူက ငွေအပြီးပေးချေ၍ အခန်းသော့ကို ခတ်ပါသည်။ သာမန်အားဖြင့်ဆိုပါမူ အရောင်းအဝယ်သဘောအရ တိုက်ခန်းကို ဝယ်သူက ငွေကို အပြီးချေပါက တိုက်ခန်းရောင်းသူဘက်ကလည်း ရောင်းသော တိုက်ခန်းကို ဝယ်ယူသူသို့ ပေးအပ်လေ့ရှိပါသည်။
အရောင်းအဝယ်စာချုပ် ချုပ်ဆိုရာတွင် ရောင်းသူ၊ ဝယ်သူ အသီးသီး၏ အမည်၊ မှတ်ပုံတင်၊ နေရပ်များ ပါရှိရပါမည်။ ရောင်းသောပစ္စည်းကို တိတိကျကျ ဖော်ပြပါရှိရပါမည်။ ရောင်းသောပစ္စည်းအတွက် တန်ဖိုးသတ်မှတ်ချက် ပါရှိရပါမည်။ ထို့နောက် ဝယ်သူ၏ ဆောင်ရွက်ချက်၊ ရောင်းသူ၏ ဆောင်ရွက်ချက်များ ပါရှိရမည်လည်း ဖြစ်ပါသည်။ ဖော်ပြပါအချက်များသည် မလွဲမသွေပါရှိရမည့် အချက်များ ဖြစ်ပါသည်။
အချို့ စာချုပ်များတွင် အရောင်းအဝယ်ပြုလုပ်သောပစ္စည်းကို ဖော်ပြရာတွင် တိတိကျကျ မဖော်ပြဘဲ ``ဦးဖြူ၏ နေအိမ်တိုက်ခန်းကို ဦးမြက ဝယ်ယူသည်´´ဆိုသော သဘောမျှသာ ဖော်ပြချုပ်ဆိုထားကြသည်ကိုလည်း တွေ့ဖူးပါသည်။
ယခုတင်ပြမည့်အချက်မှာ ဝယ်သူ၏ ဆောင်ရွက်ချက်၊ ရောင်းသူ၏ ဆောင်ရွက်ချက်များကို တိတိကျကျ မဖော်ပြဘဲ ချုပ်ဆိုခဲ့သည့်အတွက် ပြဿနာ အငြင်းပွားစရာ ဖြစ်လာခဲ့သည့် အဖြစ်အပျက်တစ်ရပ် ဖြစ်ပါသည်။
ဦးဖြူက ဦးမြအား ၎င်းပိုင် တိုက်ခန်းကို ရောင်းပါသည်။ စာချုပ်ချုပ်၍ ငွေပေးငွေယူလုပ်ကြပါသည်။ ဦးမြက ရောင်းသူပေးသော တိုက်ခန်းကို ၎င်း၏သော့ဖြင့် ခတ်ပါသည်။ နောက်သုံးရက်ခန့်ကြာသောအခါ ဦးဖြူသည် ဦးမြဝယ်ယူထားသော တိုက်ခန်းတွင် ပြန်လည် ရောက်ရှိနေပါသည်။ ဦးမြ သိသွားသဖြင့် သွားရောက်ပြောသောအခါတွင် အခြားတွင် အခန်းမရသေး၍ နေခြင်းဖြစ်သည်ဟု ဆိုပါသည်။
ဤတွင် ဦးမြက မကျေမနပ်ဖြစ်ပါတော့သည်။ ရဲစခန်းကို သွားရောက်၍ မတရားကျူးကျော်ဝင်ရောက်နေထိုင်ကြောင်း တိုင်ပါသည်။ ရဲက ဦးဖြူကိုခေါ်၍ စစ်ဆေးမေးမြန်းပါသည်။ ဦးဖြူက ၎င်း မတရားကျူးကျော် ဝင်ရောက်နေထိုင်ခြင်း မဟုတ်ကြောင်း၊ အဆိုပါတိုက်ခန်းတွင် ၎င်း နေထိုင်လာခဲ့သည်မှာ နှစ်ပေါင်း ၂၀ ပင် ကျော်လွန်ခဲ့ပြီဖြစ်ကြောင်း ဖြေရှင်းချက်ပေးပါသည်။
ဦးဖြူ၏တိုက်ခန်းကို ဦးမြကို ရောင်းပြီးပြီဆိုသည့် အချက်နှင့်စပ်လျဉ်း၍ ရဲက မေးရာ ဦးဖြူက ရောင်းပြီးပြီမှာ မှန်ကြောင်း၊ သို့သော် လက်ရောက်ပေးအပ်ခြင်း မရှိသေးကြောင်း၊ အခြားတွင် အခန်းရှာနေဆဲ ဖြစ်ကြောင်း၊ အခန်းရပါက ပြောင်းရွှေ့ပေးမည် ဖြစ်ကြောင်း ထုချေပါသည်။
ဦးဖြူနှင့် ဦးမြတို့နှစ်ဦး ချုပ်ဆိုထားသော တိုက်ခန်း အရောင်းအဝယ်စာချုပ်ကို စစ်ဆေးကြည့်ရှုသောအခါ ``ဦးဖြူပိုင်သော တိုက်ခန်းကို ဦးမြက ငွေကျပ် ၃၀၀၀၀၀၀၀ိ/-(ကျပ်သိန်းသုံးရာတိတိ)ဖြင့် ဝယ်ယူပါသည်´´ဟူ၍သာ ပါရှိပြီး ရောင်းသူ၏ ဆောင်ရွက်ချက်နှင့်စပ်လျဉ်း၍ တစ်စုံတစ်ရာ ဖော်ပြချုပ်ဆိုထားသည်ကို မတွေ့ရဘဲ ရှိပါသည်။
ရောင်းသူ၏ ဆောင်ရွက်ချက်နှင့် စပ်လျဉ်း၍ တစ်စုံတစ်ရာ ဖော်ပြချုပ်ဆိုထားသည့်အချက် စာချုပ်တွင် မပေါ်လွင်သောကြောင့် ဦးမြသည် ဦးဖြူထံမှ အခန်းကို ၃၀၀၀၀၀၀၀ိ/-ကျပ်ဖြင့် ဝယ်ယူထားသည်မှာ မှန်သော်လည်းလက်ရောက်ရရှိပြီး ဖြစ်-မဖြစ် ဆိုသည်မှာ စာချုပ်တွင် မပေါ်ပေါက်ဘဲ ရှိနေသည့်အတွက် ဦးမြ၏ စွပ်စွဲပြောဆိုချက်သည်ပင် အမှန်လော။ ဦးဖြူ၏ ထုချေ ဖြေရှင်းချက်သည်ပင် အမှန်လော ဆိုသည်ကို ဝေခွဲရခက်စေပါသည်။
ထိုကဲ့သို့ ဝေခွဲရခက်စေသည့် စာချုပ်မျိုး မဖြစ်ရလေအောင် နောင် စာချုပ်ချုပ်မည်ဆိုပါက အောက်ပါအတိုင်း ရောင်းသူ၏ ဆောင်ရွက်ချက်ကို တိတိကျကျ ထည့်သွင်းချုပ်ဆိုသင့်ကြောင်း အကြံကောင်းပြုအပ်ပါသည်။
* ယခု ဤစာချုပ်ချုပ်သောနေ့မှာပင် အပိုင်ဝယ်ယူသူက ရောင်းဖိုးငွေ ကျပ်- ၃၀၀၀၀၀၀၀ိ/-(ကျပ်သိန်းသုံးရာတိတိ)ကို အပြီးအကျေ ပေးချေရာ အပိုင်ရောင်းသူကလည်း ရောင်းသော တိုက်ခန်းကို အပိုင်ဝယ်သူသို့ အပြီး လက်ရောက် လွှဲပြောင်းပေးအပ်ပါကြောင်း နှစ်ဦးနှစ်ဘက် ဝန်ခံ ကတိပြုကြပါသည်။ * . . . . ဟူသတည်း။
Credit :ဦးကျော်ဇေယျ(ဥပဒေ)
