သင်ဟာ မြေရှင်တစ်ဦးလားး။ သင့်မြေကွက်မှာ ကန်ထရိုက်တိုက် အကျိုးတူ ပူးပေါင်းဆောက်လုပ်ချင် လို့ ကန်ထရိုက် ရှာနေပြီလား၊ ဒါဆို ရင် ဒါတွေသိဖို့ လိုပါမယ်။
သင့်မြေကွက်ဟာ ဂရန်အမည်ပေါက် (အမည်ပေါက်သူ သက်ရှိ ထင်ရှား) ဖြစ်မယ်ဆိုရင် အကောင်း ဆုံးပေါ့။ မြို့တော်စည်ပင်မှာ အချိန်ကာလ မကြာမြင့်စေရဘဲ ဆောက်လုပ်ခွင့် အမြန်ဆုံး ရပါလိမ့်မယ်။ ဂရန် အမှန်၊ သတ်မှတ်ချက်တွေ ကိုက်ညီရင် အများဆုံး ၄၅ ရက်အတွင်းမှာ ဆောက်လုပ်ခွင့် ကျရပါစေ့မယ်လို့ မြို့တော်စည်ပင်က အာမခံထားတယ်။ သင့်မြေကွက်ပေါ် မူတည်ပြီး သတ်မှတ်ချက်နဲ့ကိုက်ညီတဲ့ အထပ် အမြင့် ရပါလိမ့်မယ်။ တစ်ခုပဲရှိမယ်။ ကန့်သတ်ထားတဲ့ဇုန် (ဥပမာ ရွှေတိဂုံစေတီအနီး) များထဲမှာဆိုရင်တော့ ဇုန်အလိုက်သတ်မှတ်ထားတဲ့ အမြင့်ပဲ ရလိမ့်မယ်။
ဂရန်အမည်ပေါက် မဟုတ်ဘဲ အရပ်စာချုပ်နဲ့ဝယ်ယူထားတဲ့မြေကွက်ဆိုရင်တော့ ရွေးချယ်ရမယ့်လမ်း ကြောင်းနှစ်ခုရှိတယ်။ တစ်ခုကဂရန်ကို အမည်ပေါက် ပြန်လျှောက်ပြီးမှ ဆက်လုပ်ဖို့။ နောက်တစ်ခုကတော့ အရပ်စာချုပ်နဲ့ပဲ လျှောက်ထားပြီးဆက်လုပ်ဖို့။ ဂရန်အမည်ပေါက်ရပြီဆိုရင်တော့ အပေါ်စာပိုဒ်ကလိုပဲပေါ့။ အရပ်စာချုပ်နဲ့ လျှောက်ထားရင်တော့ စည်ပင်မှာ အချိန်နည်းနည်းပိုပေးရပါလိမ့်မယ်။ စည်ပင်က ပထမဆုံး သင့်ရဲ့မြေကွက်ရာဇဝင်ကို မြို့ပြစီမံကိန်းနှင့် မြေယာဌာနမှာ မေးမြန်းပါလိမ့်မယ်။ အဲဒီဌာနက စိစစ်ပြီး သင့်မြေကွက်ဟာ အစိုးရမြေစာရင်းမပေါက်ဘူး၊ နိုင်ငံခြားသားပိုင်မြေ စာရင်းမပေါက်ဘူးဆိုရင် တိုင်းရင်းသား ပိုင် မြေကွက်စာရင်းပေါက် ဖြစ်နေသည့်တိုင် ခွင့်ပြုနိုင်ကြောင်း စည်ပင်ကို အကြောင်းပြန်ပါလိမ့်မယ်။ အချိန် ကတော့ သုံးပတ်လောက်ကြာနိုင်တယ်။ ပြီးရင် စည်ပင်က သတင်းစာမှာ ထည့်ပြီးတော့ ကန့်ကွက်ရန်ရှိမရှိ စိစစ်ပါဦးမယ်။ ကန့်ကွက်သူရှိရင်တော့ လိုအပ်သလို ဆက်လက်စိစစ်ပြီးမှ အတည်ပြုပါလိမ့်မယ်။ ပြီးတော့မှ လုပ်ထုံးလုပ်နည်းတွေနဲ့အညီ ဆက်ဆောင်ရွက်မှာဆိုတော့ ကန့်ကွက်သူမရှိရင်တောင် စုစုပေါင်းကာလ အနည်းဆုံး နှစ်လခွဲလောက်ကြာမှ ဆောက်လုပ်ခွင့် ကျလာနိုင်ပါမယ်။ ကန့်ကွက်သူရှိရင်တော့ ပိုကြာမှာပေါ့။ အကြမ်းဖျင်းအားဖြင့်တော့ အရပ်စာချုပ်နဲ့ဆိုရင် သုံးထပ်အထိပဲ ဆောက်လုပ်ခွင့်ပြုပါလိမ့်မယ်။
အရပ်စာချုပ်အရ သင်ပိုင်ဆိုင်သော်လည်း သင့်မြေကွက်ဟာ မြေရာဇဝင်မှာ နိုင်ငံခြားသားပိုင် စာရင်း ပေါက်နေခဲ့ရင်တော့ စည်ပင်က ပြည်ထဲရေးဌာနမှာရှိတဲ့ မရွှေ့မပြောင်းနိုင်သောပစ္စည်းများ ကန့်သတ်သော အဖွဲ့ထံ ဆက်လက်တင်ပြပါလိမ့်မယ်။ အဲဒီအဖွဲ့က စိစစ်ပြီး ခွင့်ပြုနိုင်မယ့် အနေအထား အချက်အလက်များ တွေ့ရင် ခွင့်ပြုနိုင်ကြောင်းအကြောင်းပြန်ပါလိမ့်မယ်။ အဲဒီတော့မှ စည်ပင်က အပေါ်က လုပ်ထုံးလုပ်နည်းတွေ အတိုင်း ဆက်လုပ်သွားပါလိမ့်မယ်။ အချိန်ကတော့ လိုအပ်သလောက် ကြာနိုင်ပါတယ်။
မြေရှင်များ……ကန်ထရိုက်ကို ရွေးချယ်တဲ့နေရာမှာတော့ သတိထားပါ။ အနည်းဆုံး သင် နှစ်မျိုးနှစ်စား တွေ့လိမ့်မယ်။ တရားဝင်လိုင်စင်ကိုင်ဆောင်ထားတဲ့ ကန်ထရိုက်တာ/ကုမ္ပဏီများနဲ့ တရားဝင်လိုင်စင်ကိုင်မ ထားတဲ့ (အငှားလိုင်စင်နဲ့လို့ပြောတတ်တဲ့) လိုင်စင်မဲ့ ကန်ထရိုက်တာတွေ ဖြစ်ပါတယ်။ သင့်ရဲ့ လိုလားချက် တွေနဲ့ ညှိနှိုင်းယူတဲ့အခါမှာ တစ်ခါတစ်ရံ အလိုက်လျောနိုင်ဆုံးသူတွေက လိုင်စင်မဲ့ ကန်ထရိုက်တာတွေဖြစ် နေတတ်ပါတယ်။ သူတို့တွေအကြောင်းကို သိထားဖို့ လိုအပ်ပါတယ်။ ပြဿနာဖြစ်တတ်တာ များတဲ့လိုင်စင်မဲ့ ကန်ထရိုက်တာတွေနဲ့ဆောက်မိလို့ တစ်စုံတစ်ရာဖြစ်ခဲ့မယ်ဆိုရင် စည်ပင်ကတော့ လိုင်စင်မဲ့ကန်ထရိုက်တာ တွေနဲ့ ပတ်သက်လို့ ဘာအာမခံချက်မှ ပေးမထားပါဘူး။ တရားဝင်လိုင်စင် ကိုင်ဆောင်ထားတဲ့ ကန်ထရိုက်များ၊ ကုမ္ပဏီများကတော့ ပြဿနာ နည်းပါတယ်။ စည်ပင်အနေနဲ့ ကိုင်တွယ် ဖြေရှင်းပေးနိုင်တယ်။
ဒီတော့ ကန်ထရိုက်ရွေးရင်ဒီအချက်တွေနဲ့စဉ်းစားပြီး ရွေးချယ်သင့်တယ်လို့ တိုက်တွန်းလိုပါတယ်။
မြေရှင်တွေအနေနဲ့ လက်ရှိအချိန်မှာ ဖြစ်နေတဲ့ ပြဿနာတချို့ကို သိထားသင့်ပါတယ်။ ခေတ်အခါအရ ဆင်ခြေဖုံးမြို့နယ်တွေမှာ ကန်ထရိုက်တိုက်တွေ အလျှိုအလျှိုပေါ်လာတယ်။ တချို့ကအဆင်ပြေပြေနဲ့ တိုက်ခန်း
ပေါ် တက်နေနိုင်ကြပြီ။ ဒါပေမယ့် တချို့ကတော့ ပြဿနာ ကိုယ်စီနဲ့ပါ။ ဆောက်ခွင့်မကျသေးဘဲဆောက်လို့
ဒဏ်ကြေးဆောင်ရတာနဲ့၊ ခွင့်ပြုတာထက် အမြင့်၊ အထပ်တွေ ပိုဆောက်မိလို့ ဒဏ်ကြေးဆောင်ရတာနဲ့၊
လုပ်ငန်းစဉ်အတိုင်းမလုပ်လို့ လူနေထိုင်ခွင့် မကျလာတာနဲ့ အမျိုးမျိုးသော ပြဿနာတက်နေတဲ့ အဆောက်
အအုံပေါင်း ၁,၂ဝဝ ကျော်တောင် ရှိနေပါတယ်။ ဒါကြောင့်ပြဿနာကင်းကင်း၊ စိတ်ချမ်းချမ်း သာသာ စီးပွားရေးလုပ်မယ်ဆိုရင်တော့ လုပ်ငန်းစဉ်တွေအဆင့်လိုက် လုပ်မယ့်ကန်ထရိုက်၊ သတ်မှတ်ချက်တွေ လိုက်နာ
မယ့်ကန်ထရိုက်တွေနဲ့သာ ညှိနှိုင်းပူးပေါင်းသင့်ပါတယ်။
သင်ဟာ ကန်ထရိုက်တိုက်ခန်း ဝယ်ယူနေထိုင် သို့မဟုတ် ဝယ်ယူ မြှုပ်နှံဖို့ စဉ်းစားနေသူလား…..။ ဒါဆို ရင်တော့ အထက်က အချက်လေးတွေ သိထားပြီး ခေါင်းမရှုပ်ရစေဖို့စည်းမျဉ်းကိုက်ညီပြီးတရားဝင်လူနေထိုင်ခွင့် ရရှိထားတဲ့ တိုက်ခန်းလေးတွေသာ ရွေးချယ်ပါ။ ဈေးကြိုက်တယ်ဆိုပြီး အလျင်အမြန် ဆုံးဖြတ်ချက်ချမိရင်တော့ ကံဆိုးရင် ရင်မောရပါလိမ့်မယ်။ ကြိုပွိုင့်ဝယ်မယ်ဆိုရင် ဆောက်မယ့်ကန်ထရိုက်တာ၊ မြေရှင်တို့ကို သေသေ ချာချာ စိစစ်ပြီးမှ ဆုံးဖြတ်သင့်ပါတယ်။
သင်ဟာ လိုင်စင်မဲ့ ကန်ထရိုက်တာလား ။ လိုင်စင်အမြန်ဆုံးလျှောက်ထားသင့်ပါပြီ။ အခုလက်ရှိအချိန်
မှာ ဥပဒေတွေအရ လိုင်စင်မဲ့ ကန်ထရိုက်တွေကို တိုက်ရိုက် မထိခိုက်သေးပေမယ့် မြို့တော်စည်ပင်က နောင်ဆိုရင်လိုင်စင်မဲ့ ကန်ထရိုက်တာတွေကိုပါအရေးယူနိုင်မယ့် ဥပဒေတွေ ရေးဆွဲအတည်ပြုပြီးဖြစ်နေပါပြီ။ နည်းဥပဒေတွေ ရေးဆွဲနေဆဲဖြစ်ပြီး အဲဒါအတည်ပြုပြီးသွားရင် မြေရှင်နဲ့ ပါဝင်ပတ်သက်သူများအားလုံး (ကန်ထရိုက်အစ ပန်းရန် အလယ် လက်သမားအဆုံး)အကုန်လုံးကို အရေးယူတော့မယ်လို့ ပြောနေပါပြီ။
ဒါကြောင့် လုပ်သင့်တာလေးတွေ လုပ်ပြီး၊ မလုပ်သင့်တာလေးတွေ မလုပ်ရင် အကောင်း ဆုံးပါ။
သင်ဟာ တရားဝင်လိုင်စင် ကိုင်ဆောင်ထားတဲ့ ကန်ထရိုက်တာ သို့မဟုတ် ကုမ္ပဏီလား။ ဒါဆိုရင် စည်ပင်က စစ်ဆေးခွင့်ပြုထားတဲ့ အတိုင်းအတာ၊ ပစ္စည်းအမျိုးအစား၊ အချိုးအစားများအတိုင်းဆောက်ပါ။
သင်ဆောက်လုပ်တဲ့ အဆောက်အအုံမှာကြီးမားတဲ့ ချွတ်ယွင်းချက်တွေ ဖြစ်ပေါ်တွေ့ရှိလာခဲ့မယ်ဆို
ရင်မြို့တော် စည်ပင်က သင့်ရဲ့လိုင်စင်ကိုပိတ်သိမ်းသည်အထိ အရေးယူနိုင်ပါတယ်။ အဲဒီလိုအရေးယူ
ခဲ့မှုတွေလည်းရှိပါ တယ်။
ဘယ်သူပဲဖြစ်ဖြစ် ကန်ထရိုက်တိုက်နဲ့ တစ်နည်းတစ်ဖုံ ပတ်သက်မှု ရှိလာနိုင်စရာ အခြေအနေမျိုး ရှိနေ
ရင်တော့ အောက်ပါ ဗဟုသုတလေးတွေ သိထားဖို့လိုပါမယ်။ အကြမ်းဖျင်းအားဖြင့် အဆောက်အအုံရဲ့
အမြင့်ကို မြေကွက်မျက်နှာစာ လမ်းအကျယ်ရဲ့ နှစ်ဆအထိ၊ ဆောက်လုပ်မယ့် အဆောက်အအုံမျက်နှာစာရဲ့သုံးဆအထိ ခွင့်ပြုနိုင်ပါမယ်။ ယနေ့ခေတ်အခါအရ မြေကွက် အကျယ် ၂,၅ဝဝ စတုရန်းပေနဲ့အထက်ဆိုရင်တော့ ကားပါကင်နေရာလိုပါမယ် (လက်ရှိအချိန်အတွက် ဒီသတ် မှတ်ချက်က မဖြစ်မနေလိုက်နာရမယ့် သတ်မှတ်ချက်ပါ)။ အဆောက်အအုံ အမြင့် ၆၂ ပေကျော်ရင်တော့ ဓာတ်လှေကားထည့်ပေးရပါမယ်။
အဆောက်အအုံရဲ့နံ ဘေးဘက်မှာ တစ်ပေစီ ချန်ရပါမယ်။ အနောက်ဘက် မှာ လမ်းကြား/မီးတားလမ်းရှိရင် တစ်ပေ ချန်ရမှာဖြစ်ပြီး အဲဒါတွေမရှိရင် ခြောက်ပေချန်ရပါမယ်။
လုပ်ငန်းစဉ် အဆင့်ဆင့်တွေကို ပွဲစားမလို တိုက်ရိုက်လာရောက် တင်ပြနိုင်ပြီး မြေရှင်ဘက်က မြေမှန်၊ ဂရန်မှန်ပြီး ကန်ထရိုက်ဘက်က တင်ပြအဆောက်အအုံ ပုံစံမှန်၊ တင်ပြတွက်ချက်မှုတွေ မှန်မယ်ဆိုရင် ဆောက်လုပ်ခွင့်ဟာ စည်ပင်မှာ ၄၅ ရက်ထက်ပိုမကြာပါဘူး။ ပုံစံ/ တွက်ချက်မှုတွေနဲ့ပတ်သက်လို့ လိုအပ်တာတွေရှိမယ်ဆိုရင် စည်ပင်က ခေါ်ယူပြင်ဆင်စေတဲ့အခါ ကျွမ်းကျင်သူများ ကိုယ်တိုင် သွားရောက် ဆွေးနွေးသင့်ပါတယ်။ မကျွမ်းကျင်သူတွေ သွားမိမယ်ဆိုရင်တော့ ဆိုလိုရင်းတွေ မမိရင် အခေါက်ခေါက်အခါခါ ထပ်
သွားရပြီး အချိန်တွေ အလဟသကုန်ပါတယ်။
အားလုံးမှန်ပြီး စနစ်တကျ တင်ပြဆောင်ရွက်ရင် စစ်ဆေးခအနေနဲ့ တစ်စတုရန်းပေကို ၃၆ ကျပ်နှုန်း သာ ကျသင့်မှာပါ။ ဒါပေမယ့် ခွင့်ပြုမိန့်မကျမီ ကြိုဆောက်မိမယ်ဆိုရင်တော့ တစ်စတုရန်းပေကို ကျပ် ၂,၅ဝဝ နှူန်း (၄ဝ၊ ၆ဝ အကွက်ဆိုရင် သိန်း ၆ဝ ခန့်)ဒဏ်ကြေး၊ ခွင့်ပြုအမြင့်/အထပ်ထက် ကျော်လွန် ဆောက်မိရင်တော့တစ်စတုရန်းပေကို ကျပ် ၁၅,ဝဝဝ နှုန်း (၄ဝ၊၆ဝအကွက်ဆိုရင် သိန်း ၃၆ဝ ခန့်) ဒဏ်ကြေးဆောင်ရပါလိမ့်မယ်။ လိုအပ်ရင် ပြန်လည်ဖြိုဖျက်စေတာတွေလည်း ရှိပါမယ်။ ဒဏ်ကြေးဆောင်ပြီး နောက် အဆောက်အအုံကို လူနေထိုင်ခွင့်ပြုခဲ့မယ်ဆိုရင်တောင်အဆောက်အအုံရဲ့ကြံ့ခိုင်မှုကို တာဝန်မယူနိုင် တဲ့ စည်းတံဆိပ်
အနီရောင်ဖြင့်သာ လူနေထိုင်ခွင့် ပြုမှာဖြစ်ပါတယ်။
ခြံစည်းရိုး ခတ်ချင်တယ်ဆိုရင် တော့ အဲဒီမြေကွက်ဟာ ဂရန်အမည်ပေါက်ဖြစ်ရပါမယ်။ ဒီတော့ အခြေခံအားဖြင့် ဒီအချက်ကလေးတွေကိုသိထားမယ်၊ အသုံးချမယ်ဆိုရင် မိတ်ဆွေတို့ရဲ့ အချိန်တွေ၊ ရင်းနှီး မြှုပ်နှံမှုတွေကို ဆုံးရှုံးမှုမဖြစ်စေဘဲ အကျိုးရှိရှိ အသုံးချနိုင်ပါလိမ့်မယ်။
Credit : ပီတိဖေ
