ဗဟုသုတ | Posted by ရွှေစင်ဝင်း
မြေအရောင်းအ၀ယ်လုပ်ရာ၌ ၀ယ်သူများမှသာ ခိုင်မာမှု ရှိစေရန် ရှေ့နေရှေ့ရပ်များခေါ်၍ စာချုပ်များချုပ်ဆိုခြင်း၊ ပိုင်ဆိုင်မှုစာရွက် စာတမ်းများ၊ မှန်/မမှန် စစ်ဆေးခြင်းတို့ကို ဆောင်ရွက်ကြသော်လည်း ရောင်းချသူများကား ရှေ့နေရှေ့ရပ်များခေါ်ယူ၍ အရောင်း အ၀ယ် စာချုပ် စစ်ဆေးစေခြင်းနှင့် အရောင်းအ၀ယ်အား တိကျသေချာစေရန် ဆောင်ရွက်ခြင်းတို့မှာတော့ အင်မတန် ရှားပါးလွန်း လှပါသည်။
အမှန်တကယ်တော့ ရောင်းသူဖြစ်ဖြစ်၊ ၀ယ်သူဖြစ်ဖြစ် အရောင်းအ၀ယ်တစ်ခုအား ပြုလုပ်ကြရာ ၀ယ်ရောင်းသူဘက်မှ ဆောင်ရွက် ပေးရမည့် တာဝန်ရှိသလို၊ ၀ယ်ယူသူဘက်မှလည်း လိုက်နာရမည့် စည်းမျဉ်းစည်းကမ်းများကို အရောင်းအ၀ယ်စာချုပ်ထဲ၌ တိကျစွာရေးသားချုပ်ဆိုထားသင့်ပါသည်။
လွန်ခဲ့သော တစ်ပတ်ခန့်က ကျွန်တော့မိတ်ဆွေ၏ မိခင်ဖြစ်သူက အငြိမ်းစားကျောင်းအုပ်ဆရာမကြီး တစ်ဦးအား ၎င်း၏ တပည့် တော်စပ်ခဲ့ဖူးသူ အိမ်၊ခြံ၊မြေ ပွဲစားတစ်ဦးမှ ဆရာမကြီးပိုင် တောင်ဒဂုံ မြို့နယ်မှာ ရှိသော ပါမစ်မြေအား ၀ယ်ယူရန် ကမ်းလှမ်းခဲ့ပြီး စရန်ငွေတစ်စိတ်တစ်ပိုင်းပေးချေသွားခဲ့ပါသည်။
အဆိုပါ စရန်ငွေပေးချေသွားသော အချိန်၌ တောင်ဒဂုံမြို့နယ်မှာ စီမံကိန်း တစ်ခုကြောင့် မြေဈေးခုန်တက်နေသော အချိန်ကာလ လည်း ဖြစ်ပါသည်။ ထိုသို့စရန်ငွေ တစ်စိတ်တစ်ပိုင်းပေးချေသွားခဲ့ပြီးနောက် အရောင်းအ၀ယ်ပြုသောပါမစ်မြေနှင့်ပတ်သက်သောစာရွက်စာတမ်းမူရင်း များကို ဂရန်လျှောက်ရမည်ဆိုသော အကြောင်းပြချက်ဖြင့် ယူသွားပါသည်။
စရန်ငွေပေးချေပြီး ၂ လခန့်အကြာတွင် အဆိုပါ မြေဈေးများ တစ်ဝက်ခန့် တစ်ရှိန်ထိုး ကျဆင်းသွားပြီးနောက် အဆိုပါ ၀ယ်ယူသူ ပွဲစားမှာ ဒုတိယအရစ် စရန်ငွေကို ပေးချေရမည် ကို ရက်စေ့သော်လည်း မပေးချေခဲ့ပါ။
ပွဲစားအနေနှင့် ဆုတ်လည်းဆူး၊ စားလည်းရူးမည့် အခြေအနေပေါ့။ ရှေ့ဆက်တိုးလျှင် မတန်တဆပေးရမည်ဖြစ်ပြီး၊ နောက်ပြန်ဆုတ်လျှင် ပေးထားသော စရန်ငွေဆုံးတော့မည့်အခြေအနေပါပဲ။
ရောင်းချသူအနေနှင့် ၀ယ်သူကတိပျက်ကွက်ခဲ့ပါက မူလကရရှိထားသော စရံငွေပြန်ပေး စရာမလိုတော့ဘူးပေါ့။ သို့ပေမယ့်လည်း ရောင်းချသူအဖြစ်က ထီပေါက်ပြီး ထီလက်မှတ်ပျောက်သလို ၎င်း၏ ပါမစ်မူရင်း စာရွက်များကို ၀ယ်သူက ပြန်မပေးပဲ နေ့ရွေ့ ညရွေ့လုပ်နေတော့ စိတ်ပူပင်သောကရောက်ရတော့သည်။
ထို့ကြောင့် အရောင်းအ၀ယ် တစ်ခုပြုရာတွင် ရောင်းသူ အနေနှင့် သတိထားရမည့်အချက်မှာလည်းရှိပါသည်။ ယခုကိစ္စကဲ့သို့ ရောင်းချထားသော ပစ္စည်းတန်ဖိုးငွေ အပြည့်အ၀ မရရှိဘဲ မိမိပိုင်ဆိုင်သော ရောင်းချသည့် ပစ္စည်းကိုသော်လည်းကောင်း၊ ယင်းနှင့် ဆက်စပ်ပတ်သက်သည့် စာချုပ်စာတမ်း မူရင်း ကိုသော်လည်းကောင်း ၀ယ်သူဘက်သို့ ကြိုတင်ပေးခဲ့မိပါက ယခု ကဲ့သို့ ဆုံးရှုံးမှုများကို ရင်ဆိုင်ရမည်မှာ မလွဲမသေပင်ဖြစ်ကြောင်း စာဖတ်သူများသို့ သတင်းတစ်ပုဒ်အနေနှင့် မျှဝေပေးလိုက်ရပါ သည်။
Credit : Myanmar Property News
