ရန်ကုန်မြို့နယ်များရဲ့ နာမည်တွင်လာပုံသမိုင်း

ကိုလိုနီခေတ်မတိုင်မီ သမိုင်းတစ်လျှောက်မှာ ဒဂုံလို့ ခေါ်ဆိုခဲ့ဖူးတယ့် ရန်ကုန်ဟာ သူ့ဘေးနားက ဆိပ်ကမ်းမြို့ကြီးတွေ ဖြစ်ခဲ့ဖူးတဲ့ ဒလ တို့ သန်လျင်တို့နဲ့စာလျှင်အနည်းငယ် မှေးမှိန်တာကို တွေ့ရပါတယ်။ ဒါပေမဲ့ ကိုလိုနီခေတ်မှာတော့ ရန်ကုန်ဟာ နိုင်ငံတွင်းမှာတင်မကဘဲ အရှေ့တောင်အာရှမှာပါ မြို့များရဲ့ ထိပ်ခေါင်တင် “Queen Of City” ဆိုပြီး ခေါ်ဆိုခံခဲ့ရပါတယ်။ မြန်မာမင်းတွေ လက်ထက်မှာလည်း ရွှေတိဂုံဘုရားကြီးကြောင့် မင်းတွေ အမြဲရောက်ချင်ခဲ့တယ့်အရပ် ဖြစ်ပါတယ်။

ဒဂုံလို့ခေါ်ဆိုရတာဟာ ကုန်းသုံးခုအထွဋ်တွင် တည်ရှိသောရွာ “တြိကုမ္ဗနာဂရရွာ”လို့ ခေါ်ဆိုရာကနေ ဆင်းသက်လာတယ်လို့ ဆိုပါတယ်။ တြိကုမ္ဗမှ တိဂုံ၊ ဒိဂုံ၊ ဒဂုံဆိုပြီး ရွေ့လျားလာတယ်လို့ ယူဆကြပါတယ်။

ရန်ကုန်မြို့နယ်တွေရဲ့ နာမည်အများစုဟာလည်း ဒီလို ဆင်းသက်လာတာဖြစ်ပါတယ်။ လက်လှမ်းမီသလောက် မြို့နယ်တွေရဲ့ နာမည်သမိုင်းကြောင်းကို ဖော်ပြလိုက်ပါတယ်။

ပုဇွန်တောင်

မွန်ဘာသာစကား ပစိုင်းဒိုးမှလာတာဖြစ်ပါတယ်။ ပစိုင်းက ငါး၊ ဒိုးက တောင်ကုန်း ဖြစ်ပါတယ်။ ရှေးအခါက ဒီနေရာမှာ တောင်ကုန်းငါးကုန်း ရှိခဲ့ပါတယ်။ ဒီကုန်းတွေက ၁ ပေတောကုန်း၊ ၂ မအူကုန်း၊ ၃ ပိန္နဲကုန်း၊ ၄ မလွှကုန်း၊ ၅ ညောင်ကုန်းတို့ ဖြစ်ပါတယ်။

အင်းစိန်

မွန်ဘာသာ စကား အင်စိင်က လာတာဖြစ်ပါတယ်။အဓိပ္ပါယ်က ရတနာကန် ဖြစ်ပါတယ်။

ကမာရွတ်

မွန်ဘာသာစကား ဖြစ်ပါတယ်။ ကမာက ရေကန်၊ရောက်ကား ရတနာဖြစ်ပါတယ်။ ဆိုလိုရင်းက ရတနာကန်ဖြစ်ပြီး ကာလကြာမြင့်တဲ့အခါမှာ မြန်မာတို့က ကမာရွတ်လို့ ခေါ်ဆိုလာကြပါတယ်။ ရှေးအခါကတော့ ရှမ်းလူမျိုးတွေ အများဆုံး နေထိုင်ခဲ့တဲ့အရပ် ဖြစ်ပါတယ်။

ဗဟန်း

ဗဟန်းလို့ခေါ်ဆိုတဲ့ မြေသားရှိရာ အရပ်ဖြစ်ပါတယ်။ ရန်ကုန်မြို့ အရပ်တွေမှာ အလွန်ရှေးကျတဲ့အရပ်ဖြစ်ပါတယ်။

ကြည့်မြင်တိုင်

အုပ်စိုးတဲ့မင်းတွေကောက်ယူတဲ့ အခွန်ငွေကြေးတွေ ဘယ်လောက်မြင့်မားပါစေ ပေးဆောင်နိုင်တဲ့အရပ်မို့ ကြေးမြင်တိုင်လို့ ခေါ်ဆိုရာကနေ ကြည့်မြင်တိုင်လို့ တွင်လာတယ်လို့ ဆိုပါတယ်။

နောက်တစ်မျိုးက ဘုရင်တွေလက်ထက်မှာ အခြားအရပ်တွေထက် ကြေးပိုထမ်းဆောင်ရတဲ့အရပ်မို့ ကြေးမြင့်တိုင်လို့ ခေါ်ဆိုခဲ့တာလို့ဆိုပါတယ်။
သူ့မှာ ဒဏ္ဍာရီလာ ပုံပြင်လည်းရှိပါတယ်။

မွန်လူမျိုး မောင်ကန်ဟာ ထွက်ရပ်လမ်း ပုဂ္ဂိုလ်တစ်ဦးနှင့်တွေ့ပြီး လူစွမ်းကောင်း ဖြစ်သွားပါတယ်။ ဂန္ဓလရဇ်တရုတ်ပြည်ကို ရောက်သွားပြီး တရုတ်မင်းဥတိက သူ့သမီးတော်နဲ့ပေးစားပြီး သူကောင်းပြုပါတယ်။ တရုတ်မင်းက ရွှေတိဂုံစေတီတော်က မြတ်စွာဘုရား ဆံတော်ရှင်ကို ကိုးကွယ်ချင်ကြောင်းပြောပြီး ယူခိုင်းတာကြောင့် မောင်ကန်ဟာ သူရဲ့လှံတံကိုကိုင်ပြီး မြေလျှိုးလို့လာခဲ့ပါတယ်။ လာခဲ့ရင်းနဲ့ ခရီးဘယ်လောက်ပေါက်ခဲ့ပြီကို သိချင်တာကြောင့် မြေပေါ်ကို တက်ကြည့်တဲ့အခါမှာ ရွှေတိဂုံဘုရားကိုမြင်လို့ ဝမ်းမြောက်ဝမ်းသာ ဖြစ်ပြီး ခဏအနားယူပါတယ်။ ဘုရားကြီးကိုကြည့်၍ မြင်သောအရပ်မို့ ကြည့်မြင်တိုင်လို့ တွင်စေခဲ့ပါတယ်။

စမ်းချောင်း

စမ်းချောင်းကို ၁၂၂၀ ပြည့်နှစ်မှာ ရှမ်းလူမျိုးတွေက တောကိုရှင်းပြီး ရွာတည်ပါတယ်။ ရွာကိုဖြတ်ပြီး စမ်းချောင်းလေးတစ်ခု စီးနေတာကြောင့် စမ်းချောင်းလို့ ခေါ်တွင်စေခဲ့ပါတယ်။ အင်္ဂလိပ်တို့ အောက်မြန်မာနိုင်ငံကို သိမ်းတဲ့အခါမှာ ရှမ်းလူမျိုးတွေဟာ ဘိုးဘွားပိုင်ဂရန်မြေတွေနဲ့ ဆက်လက်ပိုင်ဆိုင်ခဲ့ပါတယ်။ ရွာလေးဟာ ဖက်ပင်၊ အုန်းပင်တွေနဲ့ စိမ်းစိုတဲ့ ရွာလေးလို့ဆိုပါတယ်။

အလုံ

မုံရွာအလုံအရပ်ကလူတွေ လာရောက်အခြေချ နေထိုင်တာကြောင့် အလုံလို့ခေါ်ခဲ့ပါတယ်။ လှေသမ္ဗန်တွေနဲ့ အရောင်းအဝယ်ကောင်းတဲ့ အရပ်ဖြစ်ခဲ့ပါတယ်။

ရှေးအခါက မြွေကြီးတစ်ကောင်ဟာ သွားလာရာခရီးသွားတွေကို တားမြစ်တတ်တဲ့အရပ်မို့ တားမွေ နောက်တော့ တာမွေ၊ ဆံတော်ရှင်တွေသယ်လာတဲ့ ကုန်သည်ညီနောင်ကို ဗိုလ်ခြေတစ်ထောင်နဲ့ ကြိုဆိုခဲ့တဲ့အရပ်မို့ ဗိုလ်တစ်ထောင် စတဲ့အရပ်ပြော သမိုင်းတွေလည်းရှိပါတယ်။
ရှာဖွေလို့ ရသလောက်ကို ဆက်လက်ဖော်ပြသွားပါ့မယ်။

Ref : History of Yangon by Nagabo Tait Tin Dwe
ရန်ကုန်ရာဇဝင် - ဦးသိမ်းမောင်
ရန်ကုန်မြို့ စည်ပင်သာယာရေးကော်မတီသမိုင်း



Credit : iMyanmarHouse.com
(iMyanmarHouse.com Team မှ ဘာသာပြန်သည်။)