အယ်လ်ဆာဗေဒေါနိုင်ငံရှိ သေမင်းတမန် အကျဉ်းစခန်းကြီး၏ ဓာတ်ပုံများ လူမှုကွန်ရက်တွင် ပျံ့နှံ့ဂယက်ရိုက်

25 Apr 2025 11:23 am တွင် တင်ခဲ့သည်

434 ကြိမ် ကြည့်ရှု့ပြီး

ပြည်ပ အိမ်ခြံမြေ သတင်း | Posted by ဇာနည်ကျော်

အယ်လ်ဆာဗေဒေါနိုင်ငံ (El Salvador) မှ အကြမ်းဖက်မှု တန်ပြန်ရေး အကျဉ်းထောင် (CECOT) ၏ Google Earth ဓာတ်ပုံတစ်ခု လူမှုကွန်ရက်တွင် ပျံ့နှံ့ဂယက်ရိုက်နေသည်။

ထိုဓာတ်ပုံနှင့် ပတ်သက်သည့် အမှန်တရားကို ဖော်ထုတ်ပေးရန် လူမှုကွန်ရက်သုံးစွဲသူတို့က တောင်းဆိုလျက် ရှိသည်။

Google Maps ၏ ဓာတ်ပုံတစ်ခုတွင် လုံခြုံရေးအမြင့်မားဆုံးဖြစ်သော အကျဉ်းထောင်ကြီးကို drone ဖြင့် ရိုက်ကူးထားသည့် ဓာတ်ပုံတစ်ခု၌ သွေးအိုင်ကြီးတစ်ခုကို ထောင်ဝန်းအတွင်း တွေ့ရသည်။

သွေးအိုင် ဟုတ်၊ မဟုတ် အတည်မပြုနိုင်သေးသော်လည်း ထိုဓာတ်ပုံနှင့် ပတ်သက်ပြီး လူမှုကွန်ရက် သုံးစွဲသူတို့နှင့် လူ့အခွင့်အရေးလှုပ်ရှားသူများအကြား အမျိုးမျိုးအဖုံဖုံ ယူဆပြောဆိုကြလျက် ရှိသည်။

များစွာသောသူတို့က ပြောကြသည်မှာ သွေးအိုင်ကြီးမှာ အကျဉ်းသားတို့၏ သွေးများဖြစ်နိုင်ကြောင်း၊ CECOT ထောင်ကြီးသည် ပြန်လမ်းမဲ့အကျဉ်းထောင်ဟု လူသိများသည့်နေရာဖြစ်ကြောင်း ပြောဆိုကြသည်။

လူမှုကွန်ရက်သုံးစွဲသူတစ်ဦးက ပြောသည်မှာ အဆိုပါအကျဉ်းထောင်သည် အကျဉ်းသား ၄၀၀၀၀ ခန့်သာ ဝင်ဆန့်ကြောင်း၊ အကျဉ်းသားများကို တစ်သက်လုံး ထိန်းသိမ်းထားရှိပေးနိုင်မည်မဟုတ်ရာ ၎င်းတို့ကို တနည်းတဖုံဖြင့် ရှင်းလင်းခြင်းဖြစ်နိုင်ကြောင်း ဆိုသည်။

(▲ Google ဓာတ်ပုံတွင် သွေးကွက်ကြီး တွေ့မြင်ရပုံ။ ဓာတ်ပုံ-Google Maps)

အယ်လ်ဆာဗေဒေါသမ္မတ နာယစ် ဘူကီလီ (Nayip Bukele) သည် ၂၀၁၉ ခုနှစ်တွင် အာဏာရလာ ခဲ့ပြီးနောက်ပိုင်း နိုင်ငံတဝန်းရှိ ရာဇဝတ်ဂိုဏ်းများကို ဖိဖိစီးစီး နှိမ်နင်းမှုများ ပြုလုပ်ခဲ့ရာ ယခုအကျဉ်းထောင် ကြီးမှာ လူဆိုးဂိုဏ်းသားများကို ထားရှိသည့်နေရာ ဖြစ်လာခဲ့သည်။

သမ္မတ ဘူကီလီ အာဏာရလာပြီးနောက် လူဦးရေ၏ ၂ ရာခိုင်နှုန်းခန့်ကို ဖမ်းဆီးကာ ထောင်သွင်းအကျဉ်းချခဲ့သည်။

CECOT ထောင်ကြီးတွင် လူဆိုးဂိုဏ်းသားပေါင်း ၁၂၀၀၀ ကျော် ထိန်းသိမ်းထားပြီး ၄ ထပ်အိပ်စင်များတွင် အပြည့်အသိပ် ရှိနေသည်။

ထောင်ထဲတွင် ဇွန်း၊ ခရင်းများ ခွင့်မပြုသောကြောင့် အကျဉ်းသားများမှာ လက်ဖြင့်သာ စားသောက်ကြရသည်။

အိပ်ထောင်အတွင်းမှ တစ်ရက်လျှင် နာရီဝက်သာ ထွက်ခွင့်ပေးသည်။

ထောင်ထဲတွင် သဘာဝအလင်းမရှိဘဲ လျှပ်စစ်မီးကိုသာ ၂၄ နာရီအသုံးပြုထားသည်။

ထောင်ထဲသို့ ရောက်သူများမှာ စတင်ရောက်ချိန်မှစပြီး သဘာဝအလင်းကို မတွေ့ထိရတော့ချေ။

လူမှုကွန်ရက်တွင် ပျံ့နှံ့နေသော Google Maps ဓာတ်ပုံနှင့် ပတ်သက်ပြီး လူအများက စိုးရိမ်ပူပန်နေကြသည်။

မြောက်ဒဂုံ မြို့နယ် 37 ရပ်ကွက် ပင်လုံလမ်းမကျောကပ်လမ်းရှိ 3RC အိမ်ကောင်းအရောင်း

25,000 သိန်း (ကျပ်)

မြောက်ဒဂုံ | ရန်ကုန်တိုင်းဒေသကြီး

လှုိင် ၊ The leaf Residence 4Bedroom Condo for sale (စျေးနှုန်းတန်အရောင်းခန်း)

9,800 သိန်း (ကျပ်)

လှိုင် | ရန်ကုန်တိုင်းဒေသကြီး

ငွေကြာယံလုံးချင်းတိုက်သစ်ရောင်းမည် RC 3 ထပ်

80,000 သိန်း (ကျပ်)

တောင်ဥက္ကလာပ | ရန်ကုန်တိုင်းဒေသကြီး

အထူးသဖြင့် အမေရိကန်သမ္မတ ဒေါ်နယ်ထရမ့်က အမေရိကန်မှ ၎င်းမောင်းထုတ်လိုသော လူ ၂၀၀ ကျော်ကို ပို့ဆောင်ရန် CECOT မှာ အကောင်းဆုံးနေရာဖြစ်ကြောင်း ပြောလာခြင်းဖြစ်သည်။

အမေရိကန်ပြည် မေရီလန်းပြည်နယ်မှ အပြစ်မဲ့ အမျိုးသားတစ်ဦးဖြစ်သူ Kilmar Abrego Garcia မှာလည်း CECOT ထောင်ကြီးသို့ ပို့ဆောင်ခြင်းခံထားရပြီး ၎င်း၏သတင်းကို မကြားရတော့။

ထရမ့်၏ ရှေ့နေတို့က Garcia ကို မှားယွင်းကာ ပြည်နှင်ဒဏ်ပေးခဲ့မိကြောင်း ဝန်ခံထားသည်။

(▲ CECOT အကျဉ်းထောင်ကြီးမှ အကျဉ်းသားများကို တွေ့ရပုံ။ အဆိုပါထောင်ကြီးတွင် MS 13 နှင့် 18 Street လူဆိုးဂိုဏ်းများမှ ဂိုဏ်းသားများကို ထိန်းသိမ်းထားသည်။ တည်နေရာမှာ Tecoluco မြို့တွင် ဖြစ်သည်။)

(▲ CECOT တွင် နေထိုင်ရမှုဘဝမှာ ကြောက်မက်ဖွယ်ကောင်းသည်။ သေလုမျောပါး နာမကျန်းဖြစ်နေသူများကို အစာရေစာ ဝလင်စွာ ကျွေးမွေးရန်နှင့် ဆေးဝါးတိုက်ကြွေးရန် အကျဉ်းသားတို့က တောင်းဆိုကြသည်။)

(▲ CECOT ထောင်ကြီးမှ ဆေးမင်ကြောင်ထိုးထားသော အကျဉ်းသားတစ်ဦးကို တွေ့ရပုံ)

(▲ အကျဉ်းသားတစ်ဦးက အခြားအကျဉ်းသားတစ်ဦး၏ မျက်နှာတွင် တစုံတခု လိမ်းကျံပေးနေပုံ)

(▲ အိပ်ထောင်ခန်းတစ်ခုလျှင် စတုရန်းမီတာ ၁၀၀ အကျယ်အဝန်းရှိပြီး နာမည်ကြီးလူဆိုးလူမိုက် ၇၅ ဦးခန့်မှာ အိပ်စင်များတွင် အိပ်စက်ကြရသည်။ အိပ်ဆောင်အတွင်း အိပ်သာ ၂ ခုနှင့် ရေစိမ်ကန် ၂ ခုသာရှိသည်)

(▲ အိပ်ထောင်ကို သံမဏိတိုင်များဖြင့် ကာရံထားပြီး လက်နက်ကိုင် အစောင့်အကြပ်များ ထူထပ်စွာ စောင့်ကြပ်နေသည်။)

(▲ CECOT တွင် အကျဉ်းသားများ လေ့ကျင့်ခန်းလုပ်နေပုံ)

(▲ လူ့အခွင့်အရေးအဖွဲ့တို့က အကျဉ်းထောင်ကြီး၏ အခြေအနေမှာ အဒေါ့ဖ်ဟစ်တလာနှင့် နာဇီတို့၏ တူနေကြောင်း ပြောကြားကြသည်)

အိမ်ခြံမြေ ကိစ္စအဝဝနှင့် ပတ်သက်၍ ဥပဒေအကြံပေးပညာရှင်များနှင့် ဆွေးနွေးတိုင်ပင်လိုပါက iMyanmarHouse.com (အိုင်မြန်မာဟောက်စ်ဒေါ့ကွန်း) ၏ ဖုန်းနံပါတ်များဖြစ်သော 09-268022352 , 09-966901767 သို့ ဆက်သွယ်နိုင်ပါသည်။ အသေးစိတ်ကြည့်ရန် ဤနေရာကို နှိပ်ပါ။

ရောင်းရန်အိမ်ခြံမြေများကို သင်စိတ်တိုင်းကျ ရှာဖွေရန်အတွက် ဤနေရာကို နှိပ်ပါ။

ငှားရန်အိမ်ခြံမြေများကို သင်စိတ်တိုင်းကျ ရှာဖွေရန်အတွက် ဤနေရာကို နှိပ်ပါ။

(iMyanmarHouse.com Team မှ ရေးသား ဖော်ပြသည်။)

Credit: iMyanmarHouse.com

Ref:

ဗဟုသုတ သိမွတ္ဖြယ္ရာ

Share on Facebook

Share on Twitter