ဆလီနာ ဂိုမက်ဇ်နှင့် တေးထုတ်လုပ်ရေးပိုင်ရှင် Benny Blanco တို့စေ့စပ်ကြောင်းလမ်း၊ ဆလီနာ ပိုင်တဲ့ အိမ်တွေ အများကြီးထဲက ဘယ်အိမ်မှာ သူတို့နေကြမလဲ ပရိသတ်များစိတ်ဝင်စားနေ

ဆလီနာ ဂိုမက်ဇ်နှင့် တေးထုတ်လုပ်ရေးကုမ္ပဏီပိုင်ရှင် Benny Blanco တို့ စတွဲခဲ့ပြီး ၁၈ လအကြာတွင် တရားဝင် စေ့စပ်ကြောင်းလမ်းလိုက်ကြပြီ ဖြစ်သည်။

အသက် ၃၂ နှစ်ရှိပြီဖြစ်သော ဆလီနာ ဂိုမက်ဇ်က သူ၏ စေ့စပ်သည့်သတင်းကို အင်စတာဂရမ် လူမှုကွန်ရက်တွင် ထုတ်ဖော်ကြေညာလာခြင်း ဖြစ်သည်။

သတို့သားလောင်းနှင့်အတူ စိန်လက်စွပ်ကြီးဝတ်ဆင်ထားသော ပျော်ရွှင်နေပုံ ဓာတ်ပုံများစွာလည်း လူမှုကွန်ရက်တွင် တင်ခဲ့သည်။

သူ၏ ပို့စ်တွင် ဆလီနာဂိုမက်ဇ်က “ထာဝရက အခုချိန်နေ စတင်ပါပြီ” ဟု caption ရေးသားထားသည်။

တစ်ခုသော ဓာတ်ပုံတွင် ဆလီနာဂိုမက်ဇ်သည် ပျော်ပွဲစားထွက်သည့် စောင်တစ်ထည်ပေါ်တွင် ထိုင်နေပြီး ဘေးပတ်လည်တွင် Taco Bell မှ အရသာပုံရသော စားသောက်ဖွယ်များ ရှိနေသည်။

ဆလီနာဂိုမက်ဇ်နှင့် ဘလန်ကို တို့၏ စေ့စပ်ပွဲတွင် ၎င်းတို့၏ အကျော်အမော် မိတ်ဆွေများက ဝမ်းမြောက်ဝမ်းသာ အားပေးကြသည်။

တေလာဆွစ်ဖ်က သတို့သမီးအရံအဖြစ် ပါဝင်ပေးမည်ဖြစ်ကာ ပန်းကိုင်မိန်းကလေးအဖြစ် ဆောင်ရွက်ပေးမည် ဖြစ်ကြောင်း လူမှုကွန်ရက်တွင် မှတ်ချက်ပေးသည်။

၎င်းတို့နှစ်ဦး စတွဲခဲ့ပြီးနောက်ပိုင်း ဆယ်လီနာဂိုမက်ဇ်မှာ ချမ်းသာကြွယ်ဝမှု များစွာ တိုးတက်လာခဲ့ပြီး ဘီလျံနာသူဌေးတစ်ဦး ဖြစ်လာခဲ့သည်။

အဓိကအားဖြင့် သူ၏ Rare Beauty အလှကုန်လုပ်ငန်း အလွန်အောင်မြင်မှု ရခဲ့သောကြောင့်ဖြစ်ပြီး ကုမ္ပဏီတန်ကြေးမှာ ကန်ဒေါ်လာ ၂ ဘီလီယံခန့် ရှိနေပြီ ဖြစ်သည်။

ဆယ်လီနာဂိုမက်ဇ်သည် အင်စတာဂရမ်တွင် Follower အများဆုံး အမျိုးသမီးဖြစ်ပြီး Follower ပေါင်း ၄၂၃ သန်းကျော် ရှိသည်။

လက်ထပ်ပြီးနောက်ပိုင်း ၎င်းတို့နှစ်ဦး မည်သည့်အိမ်တွင် နေထိုင်မည်ဆိုသည်ကို ပရိသတ်များက စိတ်ဝင်စားနေကြသည်။

((လော့စ်အိန်ဂျလိမြို့၊ Encino အရပ်မှ စံအိမ်))

၂၀၂၀ ပြည့်နှစ်တွင် ဆယ်လီနာဂိုမက်ဇ်သည် ဂီတသမားတစ်ဦးဖြစ်သော Tom Petty ၏ နေအိမ်ကို ကန်ဒေါ်လာ ၄ ဒသမ ၉ သန်းဖြင့် ဝယ်ယူခဲ့သည်။

အကျယ်အဝန်း စတုရန်းပေ ၉၀၀၀ ရှိပြီး ၁၉၈၉ ခုနှစ်တွင် ဆောက်လုပ်ခဲ့ခြင်း ဖြစ်သည်။

(ဝိုင်သိုလှောင်ခန်း၊ အားကစားလေ့ကျင့်ခန်းမ၊ အနှိပ်ခန်းနှင့် အသံဖမ်းစတူဒီယိုတို့ ပါသည်။ ဓာတ်ပုံ-Realtor)

((လော့စ်အိန်ဂျလိမြို့ Woodland Hills စံအိမ်))

ဆလီနာဂိုမက်ဇ်တို့စုံတွဲ အခြား ရွေးချယ်စရာ အိမ်အနေဖြင့် လော့စ်အိန်ဂျလိတွင် တစ်ခြားတစ်လုံး ရှိသည်။

ထိုအိမ်ကို ဆလီနာဂိုမက်ဇ်က ၂၀၁၇ ခုနှစ်အတွင်း ကန်ဒေါ်လာ ၁ ဒသမ ၈ သန်းဖြင့် ဝယ်ယူခဲ့ခြင်း ဖြစ်သည်။

၁၉၄၉ ခုနှစ်တွင် ဆောက်လုပ်ခဲ့ပြီး ခြံအကျယ် ဧကဝက်ရှိသည်။

(Woodland Hills အရပ်တွင် တည်ရှိပြီး ၂၀၁၇ ခုနှစ်အတွင်း ဝယ်ယူခဲ့ခြင်း ဖြစ်သည်။ ဓာတ်ပုံ-Realtor)

(ခြံအကျယ် ဧကဝက်ရှိပြီး ရေကူးကန်နှင့် Outdoor Kitchen တို့ ရှိသည်။ ဓာတ်ပုံ-Realtor)

(ဆယ်လီနာဂိုမက်ဇ်သည် ကိုဗစ်ကာလအတွင်း လော့စ်အိန်ဂျလိမြို့ Studio City အရပ်ရှိ အခန်းတွင် နေထိုင်ခဲ့ပြီး ယင်းနောက်ပိုင်း ရောင်းထုတ်ခဲ့သည်။ ဓာတ်ပုံ-Realtor)

(ဆယ်လီနာဂိုမက်ဇ်က ကယ်လီဖိုးနီးယားပြည်နယ် Calabasas တွင် စံအိမ်တစ်လုံး ပိုင်ဆိုင်ခဲ့သော်လည်း ၂၀၁၆ ခုနှစ်တွင် ရောင်းထုတ်ခဲ့သည်။ ဓာတ်ပုံ-Realtor)

(ဘလန်ကိုကလည်း နယူးယောက်မြို့ရှိ တိုက်ခန်းကို ယခုနှစ် မေလကတည်းက ရောင်းထုတ်ရန် ကြိုးစားနေသည်။)

((နယူးယောက်မြို့တိုက်ခန်း))

ဘလန်ကိုတွင် နယူးယောက်နှင့် တိုက်ခန်းတစ်ခန်းရှိပြီး ရောင်းထုတ်ရန် ကြိုးစားနေသည်။

အိပ်ခန်း ၃ ခန်းပါဝင်သော အဆိုပါ တိုက်ခန်းကို ၂၀၁၁ ခုနှစ်အတွင်းက ကန်ဒေါ်လာ ၃၄၄၅၀၀၀ ဖြင့် ဝယ်ယူခဲ့ခြင်း ဖြစ်သည်။

အိမ်ခြံမြေ ကိစ္စအဝဝနှင့် ပတ်သက်၍ ဥပဒေအကြံပေးပညာရှင်များနှင့် ဆွေးနွေးတိုင်ပင်လိုပါက iMyanmarHouse.com (အိုင်မြန်မာဟောက်စ်ဒေါ့ကွန်း) ၏ ဖုန်းနံပါတ်များဖြစ်သော 09-268022352 , 09-966901767 သို့ ဆက်သွယ်နိုင်ပါသည်။ အသေးစိတ်ကြည့်ရန် ဤနေရာကို နှိပ်ပါ။

ရောင်းရန်အိမ်ခြံမြေများကို သင်စိတ်တိုင်းကျ ရှာဖွေရန်အတွက် ဤနေရာကို နှိပ်ပါ။

ငှားရန်အိမ်ခြံမြေများကို သင်စိတ်တိုင်းကျ ရှာဖွေရန်အတွက် ဤနေရာကို နှိပ်ပါ။

(iMyanmarHouse.com Team မှ ရေးသား ဖော်ပြသည်။)

Credit: iMyanmarHouse.com

Ref: Selena Gomez and Benny Blanco Are Engaged—but Which of Her Stunning Mansions Will They Choose To Live In? (realtor) Photo Credit-realtor