iMyanmarhouse Mobile App

Properties for Sale in Pa Thein Gyi

ပုသိမ်ကြီးမြို့နယ်

ပုသိမ်ကြီးမြို့နယ်သည် မန္တလေးမြို့၏ အရှေ့ဘက် စွန်းအပိုင်းတွင်တည်ရှိသည် ။ အောင်မြေသာဇံမြို့နယ် ၊ ချမ်းအေးသာဇံမြို့နယ်တို့၏ အရှေ့ဘက်ပိုင်းတွင်တည်ရှိသောမြို့နယ်လည်းဖြစ်သည် ။ ယခင် ကကျေးရွာအဖြစ်သာတည်ရှိခဲ့သည့် ပုသိမ်ကြီးမြို့နယ်သည် ၁၉၅၉ ခုနှစ်က မန္တလေးမြို့၏ မြို့နယ်အဖြစ် သတ်မှတ်ပြီးသည့်အခါ မြို့နယ်တစ်ခုအဖြစ်တည်ရှိလာသည် ။ ယခုအခါ ပုသိမ်ကြီးမြို့နယ်ကိုရပ်ကွက် ၁ ရပ်ကွက် ၊ ကျေးရွာ ၄၂ အုပ်စု ၊ ရွာပေါင်း ၁၄၀ တို့ဖြင့်ဖွဲ့စည်းထားသည် ။ အထင်ကနေရာများဖြစ်သည့် ရန်ကင်းတောင် ၊ မြကျောက်စေတီ ၊ ရေတံခွန်တောင်တော် ၊ မုံလယ်တောရ ၊ သစ္စဝေဒဂူကျောင်းတော် ၊ မဟာဗောဓိငါးထောင် ၊ စိန်ခနောက်တောင် ၊ မြခနောက်တောင် ၊ သခင်မတောင် ၊ အိမ်ရှေ့မင်းထန်းတော ၊ ရွှေထွက်သည့် ဖယောင်းတောင် ၊ ဆည်တော်ကြီးဆည် နှင့် အောင်ပင်လယ်ကန် အစရှိသည့်နေရာများဖြစ် သည် ။ ထို့ပြင်မန္တလေးမြို့အတွက်အရေးပါသောအဆောက်အအုံများဖြစ်သည့် မန္တလေးတီဗီရောဂါဆေးရုံ ၊ မန္တလေးနည်းပညာတက္ကသိုလ် ၊ မန္တလေးကွန်ပျူတာတက္ကသိုလ် ၊ မန္တလေးယဉ်ကျေးမှုတက္ကသိုလ် နှင့် မန္တလေးဆေးဖက်ဆိုင်ရာနည်းပညာတက္ကသိုလ်ကြီးများတည်ရှိသည် ။ ထို့ကြောင့် ပိုသိမ်ကြီးမြို့နယ်သည် မန္တလေးမြို့တွင် အရေးပါသောတက္ကသိုလ်ပေါင်းများစွာရှိသောမြို့နယ်တစ်ခုဖြစ်ပြီးကျောင်းဖွင့်ချိန် တက္ကသိုလ်ကျောင်းသား ၊ ကျောင်းသူများဖြင့်စည်ကားသောမြို့နယ်ဖြစ်သည် ။ ပုသိမ်ကြီးမြို့နယ်တွင် အိမ်ခြံမြေများအနေဖြင့် မြေကွက်လွတ်များစွာကျန်ရှိနေသေးပြီးမြေကွက်များဝယ်ယူရင်းနှီးမြုပ်နှံလိုသူများတွက် သင့်လျော်သောနေရာကောင်းတစ်ခုဖြစ်ပေသည် ။