နိုင်ငံခြားဘဏ် (၇) ခုကို ဘဏ်ခွဲနှင့် ဘဏ်ကုမ္ပဏီအဖြစ် ဖွင့်လှစ်ရန် ဗဟိုဘဏ်ခွင့်ပြု

[Unicode]

နိုင်ငံခြားဘဏ် (၇) ခုကို နိုင်ငံခြားဘဏ်ခွဲလိုင်စင်နှင့် နိုင်ငံခြားဘဏ်ကုမ္ပဏီအဖြစ် ဖွင့်လှစ်ခွင့်ပြုလိုက်ကြောင်း ဗဟိုဘဏ်က ထုတ်ပြန်ကြေညာသည်။

ပြည်တွင်း၌ တတိယအကြိမ်မြောက် နိုင်ငံခြားဘဏ်ခွဲခွင့်ပြုခြင်းဖြစ်ပြီး နိုင်ငံခြားဘဏ်ခွဲလိုင်စင်လေးခုနှင့် ဘဏ်ကုမ္ပဏီ ၃ ခုကို ခွင့်ပြုလိုက်ခြင်းဖြစ်သည်။

၎င်းတို့ထဲတွင် တိုင်ဝမ်၊ ဟောင်ကောင်၊ ကိုရီးယားနှင့် ထိုင်းနိုင်ငံတို့မှဖြစ်သည်။ ကိုရီးယားနိုင်ငံမှ industrial bank of Korea နှင့် KB Koomin bank တို့ကို နိုင်ငံခြားဘဏ်ကုမ္ပဏီဖွင့်လှစ်ခွင့်နှင့် Korea Development Bank ကို ဘဏ်ခွဲဖွင့်လှစ်ခွင့်တို့ကို ခွင့်ပြုခြင်းဖြစ်သည်။

ထိုင်ဝမ်ဘဏ်နှစ်ခုဖြစ်သည့် Cathey United Bank နှင့် Mega International Bank တို့ကို ဘဏ်ခွဲလိုင်စင် အဖြစ်ခွင့်ပြုခြင်းဖြစ်သည်။

ဟောင်ကောင်အခြေစိုက် Bank of China(Hongkong) ကို ဘဏ်ခွဲလိုင်စင်နှင့် ထိုင်းဘဏ် Siam Commercial Bank ကို ဘဏ်ကုမ္ပဏီအဖြစ် ခွင့်ပြုခဲ့ခြင်းဖြစ်သည်။

ထိုအပြင်ဗဟိုဘဏ် ထိုင်း K ဘဏ်(Kasikorn Bank)က ပြည်တွင်းမှ A ဘဏ်မှ ရှယ်ယာ ဝယ်ခွင့်ကို ခွင့်ပြုလိုက်ကြောင်းလဲပါဝင်သည်။

လိုင်စင်ထုတ်ထားခြင်းသည် ၉ လအသက်ဝင်မည်ဖြစ်ပြီး ထိုကာလအတွင်း ဘဏ်လုပ်ငန်းဆိုင်ရာ လုပ်ငန်းအဆိုပြုချက်ကို ဗဟိုဘဏ်သို့တင်ပြရမည်ဟုဆိုသည်။

တတိယအကြိမ်အဖြစ် နိုင်ငံခြားဘဏ်များကို ခွင့်ပြုရာတွင် ဗဟိုဘဏ်က နိုင်ငံခြားဘဏ်များကို ဘဏ်ခွဲလိုင်စင်နှင့် လက်အောက်ခံ ဘဏ်ကုမ္ပဏီအဖြစ် ခွင့်ပြုမည်ဖြစ်ကြောင်း ၂၀၁၉ နိုဝင်ဘာတွင် ကြေညာခဲ့သည်။

လက်ရှိတွင် ပြည်တွင်း၌ နိုင်ငံခြားဘဏ် ၁၃ ခုကို ဘဏ်ခွဲ လိုင်စင်ခွင့်ပြုထားသည်။ ဂျပန် ဘဏ်သုံးခု၊ စင်ကာပူဘဏ် နှစ်ခု၊ထိုင်း၊ တရုတ်၊ မလေးရှား၊ ဩစတြေးလျနှင့် နယူးဇီလန်၊ ဗီယက် နမ်၊ ကိုရီးယားနှင့် တိုင်ပေတို့မှ တစ်ခုစီ ခွင့်ပြုထားသည်။

ဗဟိုဘဏ်က ၂၀၂၀ ဇန်န ဝါရီ ၁ ရက်ကစတင်ပြီး ပြည်တွင်း ဘဏ်များတွင် နိုင်ငံခြားဘဏ်များက ရှယ်ယာ ၃၅ ရာခိုင်နှုန်း ဝယ်ယူခွင့်ပြုမည်ဟု ဗဟိုဘဏ် က ထုတ်ပြန်ထားသည်။

စိမ့်စည်သူ ( iMyanmarHouse.com အိုင်မြန်မာဟောက်စ်ဒေါ့ကွန်း) မှ အထူးရေးသားဖော်ပြသည်။

Credit: iMyanmarHouse.com

[Zawgyi]

ႏိုင္ငံျခားဘဏ္ (၇) ခုကို ဘဏ္ခြဲႏွင့္ ဘဏ္ကုမၸဏီအျဖစ္ ဖြင့္လွစ္ရန္ ဗဟိုဘဏ္ခြင့္ျပဳ

ႏိုင္ငံျခားဘဏ္ (၇) ခုကို ႏိုင္ငံျခားဘဏ္ခြဲလိုင္စင္ႏွင့္ ႏိုင္ငံျခားဘဏ္ကုမၸဏီအျဖစ္ ဖြင့္လွစ္ခြင့္ျပဳလိုက္ေၾကာင္း ဗဟိုဘဏ္က ထုတ္ျပန္ေၾကညာသည္။

ျပည္တြင္း၌ တတိယအႀကိမ္ေျမာက္ ႏိုင္ငံျခားဘဏ္ခြဲခြင့္ျပဳျခင္းျဖစ္ၿပီး ႏိုင္ငံျခားဘဏ္ခြဲလိုင္စင္ေလးခုႏွင့္ ဘဏ္ကုမၸဏီ ၃ ခုကို ခြင့္ျပဳလိုက္ျခင္းျဖစ္သည္။

၎တို႔ထဲတြင္ တိုင္ဝမ္၊ ေဟာင္ေကာင္၊ ကိုရီးယားႏွင့္ ထိုင္းႏိုင္ငံတို႔မွျဖစ္သည္။ ကိုရီးယားႏိုင္ငံမွ industrial bank of Korea ႏွင့္ KB Koomin bank တို႔ကို ႏိုင္ငံျခားဘဏ္ကုမၸဏီဖြင့္လွစ္ခြင့္ႏွင့္ Korea Development Bank ကို ဘဏ္ခြဲဖြင့္လွစ္ခြင့္တို႔ကို ခြင့္ျပဳျခင္းျဖစ္သည္။

ထိုင္ဝမ္ဘဏ္ႏွစ္ခုျဖစ္သည့္ Cathey United Bank ႏွင့္ Mega International Bank တို႔ကို ဘဏ္ခြဲလိုင္စင္ အျဖစ္ခြင့္ျပဳျခင္းျဖစ္သည္။

ေဟာင္ေကာင္အေျခစိုက္ Bank of China(Hongkong) ကို ဘဏ္ခြဲလိုင္စင္ႏွင့္ ထိုင္းဘဏ္ Siam Commercial Bank ကို ဘဏ္ကုမၸဏီအျဖစ္ ခြင့္ျပဳခဲ့ျခင္းျဖစ္သည္။

ထိုအျပင္ဗဟိုဘဏ္ ထိုင္း K ဘဏ္(Kasikorn Bank)က ျပည္တြင္းမွ A ဘဏ္မွ ရွယ္ယာ ဝယ္ခြင့္ကို ခြင့္ျပဳလိုက္ေၾကာင္းလဲပါဝင္သည္။

လိုင္စင္ထုတ္ထားျခင္းသည္ ၉ လအသက္ဝင္မည္ျဖစ္ၿပီး ထိုကာလအတြင္း ဘဏ္လုပ္ငန္းဆိုင္ရာ လုပ္ငန္းအဆိုျပဳခ်က္ကို ဗဟိုဘဏ္သို႔တင္ျပရမည္ဟုဆိုသည္။

တတိယအႀကိမ္အျဖစ္ ႏိုင္ငံျခားဘဏ္မ်ားကို ခြင့္ျပဳရာတြင္ ဗဟိုဘဏ္က ႏိုင္ငံျခားဘဏ္မ်ားကို ဘဏ္ခြဲလိုင္စင္ႏွင့္ လက္ေအာက္ခံ ဘဏ္ကုမၸဏီအျဖစ္ ခြင့္ျပဳမည္ျဖစ္ေၾကာင္း ၂၀၁၉ ႏိုဝင္ဘာတြင္ ေၾကညာခဲ့သည္။

လက္ရွိတြင္ ျပည္တြင္း၌ ႏိုင္ငံျခားဘဏ္ ၁၃ ခုကို ဘဏ္ခြဲ လိုင္စင္ခြင့္ျပဳထားသည္။ ဂ်ပန္ ဘဏ္သုံးခု၊ စင္ကာပူဘဏ္ ႏွစ္ခု၊ထိုင္း၊ တ႐ုတ္၊ မေလးရွား၊ ဩစေၾတးလ်ႏွင့္ နယူးဇီလန္၊ ဗီယက္ နမ္၊ ကိုရီးယားႏွင့္ တိုင္ေပတို႔မွ တစ္ခုစီ ခြင့္ျပဳထားသည္။

ဗဟိုဘဏ္က ၂၀၂၀ ဇန္န ဝါရီ ၁ ရက္ကစတင္ၿပီး ျပည္တြင္း ဘဏ္မ်ားတြင္ ႏိုင္ငံျခားဘဏ္မ်ားက ရွယ္ယာ ၃၅ ရာခိုင္ႏႈန္း ဝယ္ယူခြင့္ျပဳမည္ဟု ဗဟိုဘဏ္ က ထုတ္ျပန္ထားသည္။

စိမ့္စည္သူ ( iMyanmarHouse.com အိုင္ျမန္မာေဟာက္စ္ေဒါ့ကြန္း) မွ အထူးေရးသားေဖာ္ျပသည္။

Credit: iMyanmarHouse.com