အချစ်အတွက် ထီးနန်းကို စွန့်လွှတ်ခဲ့သူ အက်ဒ်ဝါ့ဘုရင်နှင့် ကြင်ယာတော်အမေရိကန်သူ ဝေါလစ် ဆင်ပ်ဆင်တို့ နေထိုင်ခဲ့သည့် ဘဟားမားကျွန်းမှစံအိမ် အရောင်းဈေးကွက်ဝင်လာ

### Unicode Version ###

အက်ဒ်ဝါ့မင်းသား (Edward VIII) သည် ဗြိတိသျှအင်ပါယာ၏ ဧကရာဇ်အဖြစ် ၁၉၃၆ ခုနှစ်၊ ဇန်နဝါရီလ ၂၀ ရက်တွင် နန်းတက်ခဲ့ပြီး ထိုနှစ် ဒီဇင်ဘာတွင်ပင် အမေရိကန်သူ မုဆိုးမတစ်ဦးဖြစ်သူ ဝေါလစ် ဆင်ပ်ဆင်နှင့် လက်ထပ်ခွင့်ရရန် ထီးနန်းကို စွန့်လွှတ်သွားခဲ့သူ ဖြစ်သည်။

ထိုစဉ်က ဗြိတိန်အမတ်များသည် ရှေးရိုးစွဲဝါဒီတို့သာ များပြားပြီး သာမန်အရပ်သူနှင့် လက်ထပ်မည်ကို လက်မခံကြချေ။

အက်ဒ်ဝါ့ဘုရင်က မစ္စဆင်ပ်ဆင်ကို နိုင်ငံ့အခမ်းအနားများသို့ တက်ရောက်ရန် ခေါ်ယူခြင်းမပြုဟု ကတိပေးပြီး လက်ထပ်ခွင့် တောင်းခံသည့်တိုင် လက်မခံသောကြောင့် ထီးနန်းကို စွန့်လွှတ်လိုက်ခြင်းလည်း ဖြစ်သည်။

အက်ဒ်ဝါ့ဘုရင်သည် ထီးနန်းစွန့်လွှတ်ပြီးနောက်ပိုင်း မစ္စ ဆင့်ပ်ဆင်နှင့်အတူ ဘဟားမားကျွန်းနိုင်ငံ၏ မြို့တော် နာဆူးသို့ ရောက်ရှိနေထိုင်ခဲ့သည်။

ဘဟားမားနိုင်ငံသည် ကျွန်းစုများ စုပေါင်းထားသည့် နိုင်ငံငယ်တစ်ခုဖြစ်ပြီး အမေရိကန်ပြည်ထောင်စု၊ မီယာမီကမ်းခြေ၏ အရှေ့တောင်ဘက်၊ ကျူးဘားနိုင်ငံ၏ မြောက်ဘက် မြောက်အတ္တလန္တိတ်သမုဒ္ဒရာအတွင်းတွင် တည်ရှိသည်။

ဘဟားမားကျွန်းစုများမှ new providence အမည်ရှိကျွန်းပေါ်တွင် နာဆူးမြို့တည်ရှိပြီး ဘဟားမာ၏ မြို့တော် ဖြစ်သည်။

အက်ဒ်ဝါ့ဘုရင်တို့စုံတွဲသည် နာဆူးမှ စံအိမ်တွင် ၃ လခန့် နေထိုင်ခဲ့ခြင်းဖြစ်ပြီး ယခုအခါ အဆိုပါစံအိမ်သည် ကန်ဒေါ်လာ ၈ ဒသမ ၅ သန်းဖြင့် အရောင်းဈေးကွက်ဝင်လာသည်။

အက်ဒ်ဝါ့ဘုရင်သည် အင်္ဂလန်ထီးနန်းကို စွန့်လွှတ်ခဲ့သော်လည်း ဘဟားမား၏ ဘုရင်ခံအဖြစ် တာဝန်ထမ်းဆောင်ရန် ၁၉၃၉ ခုနှစ်တွင် ရောက်ရှိလာခဲ့ခြင်း ဖြစ်ကြောင်း Sotheby’s International Realty မှ ဈေးကွက်တင်ပေးသည့် အကျိုးဆောင် မာ့ခ် ဟက်ဆေက ပြောကြားသည်။

၎င်းတို့ နေထိုင်ရမည့် ဘဟားမားဘုရင်ခံအိမ်တော်မှာ ပြုပြင်မွမ်းမံမှုများ ပြုလုပ်နေသဖြင့် Sigrist House ဟု အမည်ပေးထားသော ယခုရောင်းချမည့် စံအိမ်တွင် ၃ လခန့် နေထိုင်ခဲ့ကြခြင်း ဖြစ်သည်။

Sigrist House စံအိမ်ကို ကနေဒါမှ သမိုင်းပညာရှင်များက စီမံမှုများပြုလုပ်နေသည်ဟု Sotheby’s International Realty မှ ပြောကြားသော်လည်း ပိုင်ရှင်အမည်အတိအကျကိုမူ ထုတ်ဖော်ပြောကြားခြင်း မရှိချေ။

နာဆူးမြို့ပြင်တွင် တည်ရှိပြီး ကေဘယ်ကမ်းခြေ၊ goodman’s ပင်လယ်ကွေ့နှင့် အတ္တလန္တိတ်သမုဒ္ဒရာတို့ကို စီးမိုးတွေ့မြင်နေရသည့် နေရာတွင်တည်ရှိသည်။

ခြံဝန်းအကျယ် ၄ ဧကခန့်ရှိပြီး ကိုယ်ပိုင်ပန်းခြံများပါဝင်သည့် Sigrist House စံအိမ်သည် ဘဟားမား၏ အကောင်းဆုံးစံအိမ်များတွင် အပါအဝင်ဖြစ်ကြောင်း၊ လွန်ခဲ့သော နှစ်ပေါင်းများစွာကာလအတွင်း အဆိုပါစံအိမ်တွင် ဂုဏ်သရေရှိပုဂ္ဂိုလ်များစွာ နေထိုင်သွားခဲ့ကြဖူး ကြောင်း မစ္စတာ ဟက်ဆေးက ပြောကြားသည်။

ဗြိတိသျှလေကြောင်းနယ်ပယ်၏ ရှေ့ဆောင်၊ ရုပ်ရှင်ထုတ်လုပ်သူ ဖရက်ဒရစ် ဆီးဂရစ်က ၁၉၃၀ ပြည့်လွန်ကာလများတွင် အဆိုပါစံအိမ်ကို ဆောက်လုပ်ခဲ့သည်။ ဆီးဂရစ်သည် မင်းသမီး ဖရက်ဒရစ်ကာ ဂူရေးနှင့် လက်ထပ်ခဲ့သည်။

ဆီးဂရစ်သည် ဂျိမ်းစ်ဘွန်းရုပ်ရှင်များနှင့် ၁၉၆၅ ခုနှစ်တွင် ရိုက်ကူးထုတ်လုပ်ခဲ့သော Thunderball ဇာတ်ကားများဖြင့်လည်း နာမည်ကျော်သူ ဖြစ်သည်။

ယခုစံအိမ်ကြီးကို ဂျိမ်းစ်ဘွန်းရုပ်ရှင်များတွင် မကြာခဏထည့်သွင်းရိုက်ကူးခဲ့ဖူးသည်ဟု ဆိုသည်။

စပိန်ကိုလိုနီဗိသုကာဟန်ဖြင့် ဆောက်လုပ်ထားသည့် ပင်မစံအိမ်၏ အကျယ်အဝန်းမှာ စတုရန်းပေ ၁၅၀၀၀ ခန့် ရှိပြီး အတွင်းပိုင်းမှာ ၁၉၃၀ ပြည့်လွန်ကာလက လက်ရာများဖြစ်သည်။

စံအိမ်အတွင်းရှိ မီးလင်းဖို ၄ ခုလုံးကို ဗြိတိန်မှ မှာယူတင်သွင်းခဲ့ခြင်းဖြစ်သည်။

(iMyanmarHouse.com Team မှ ရေးသား ဖော်ပြသည်။)

Credit: iMyanmarHouse.com

### Zawgyi Version ### 

အခ်စ္အတြက္ ထီးနန္းကို စြန္႔လႊတ္ခဲ့သူ အက္ဒ္ဝါ့ဘုရင္ႏွင့္ ၾကင္ယာေတာ္အေမရိကန္သူ ေဝါလစ္ ဆင္ပ္ဆင္တို႔ ေနထိုင္ခဲ့သည့္ ဘဟားမားကၽြန္းမွစံအိမ္ အေရာင္းေစ်းကြက္ဝင္လာ

အက္ဒ္ဝါ့မင္းသား (Edward VIII) သည္ ျဗိတိသွ်အင္ပါယာ၏ ဧကရာဇ္အျဖစ္ ၁၉၃၆ ခုႏွစ္၊ ဇန္နဝါရီလ ၂၀ ရက္တြင္ နန္းတက္ခဲ့ျပီး ထိုႏွစ္ ဒီဇင္ဘာတြင္ပင္ အေမရိကန္သူ မုဆိုးမတစ္ဦးျဖစ္သူ ေဝါလစ္ ဆင္ပ္ဆင္ႏွင့္ လက္ထပ္ခြင့္ရရန္ ထီးနန္းကို စြန္႔လႊတ္သြားခဲ့သူ ျဖစ္သည္။

ထိုစဥ္က ျဗိတိန္အမတ္မ်ားသည္ ေရွးရိုးစြဲဝါဒီတို႔သာ မ်ားျပားျပီး သာမန္အရပ္သူႏွင့္ လက္ထပ္မည္ကို လက္မခံၾကေခ်။

အက္ဒ္ဝါ့ဘုရင္က မစၥဆင္ပ္ဆင္ကို ႏိုင္ငံ့အခမ္းအနားမ်ားသို႔ တက္ေရာက္ရန္ ေခၚယူျခင္းမျပဳဟု ကတိေပးျပီး လက္ထပ္ခြင့္ ေတာင္းခံသည့္တိုင္ လက္မခံေသာေၾကာင့္ ထီးနန္းကို စြန္႔လႊတ္လိုက္ျခင္းလည္း ျဖစ္သည္။

အက္ဒ္ဝါ့ဘုရင္သည္ ထီးနန္းစြန္႔လႊတ္ျပီးေနာက္ပိုင္း မစၥ ဆင့္ပ္ဆင္ႏွင့္အတူ ဘဟားမားကၽြန္းႏိုင္ငံ၏ ျမိဳ ႔ေတာ္ နာဆူးသို႔ ေရာက္ရွိေနထိုင္ခဲ့သည္။

ဘဟားမားႏိုင္ငံသည္ ကၽြန္းစုမ်ား စုေပါင္းထားသည့္ ႏိုင္ငံငယ္တစ္ခုျဖစ္ျပီး အေမရိကန္ျပည္ေထာင္စု၊ မီယာမီကမ္းေျခ၏ အေရွ ႔ေတာင္ဘက္၊ က်ဴးဘားႏိုင္ငံ၏ ေျမာက္ဘက္ ေျမာက္အတၱလႏၱိတ္သမုဒၵရာအတြင္းတြင္ တည္ရွိသည္။

ဘဟားမားကၽြန္းစုမ်ားမွ new providence အမည္ရိွကၽြန္းေပၚတြင္ နာဆူးျမိဳ ႔တည္ရွိျပီး ဘဟားမာ၏ ျမိဳ ႔ေတာ္ ျဖစ္သည္။

အက္ဒ္ဝါ့ဘုရင္တို႔စံုတြဲသည္ နာဆူးမွ စံအိမ္တြင္ ၃ လခန္႔ ေနထိုင္ခဲ့ျခင္းျဖစ္ျပီး ယခုအခါ အဆိုပါစံအိမ္သည္ ကန္ေဒၚလာ ၈ ဒသမ ၅ သန္းျဖင့္ အေရာင္းေစ်းကြက္ဝင္လာသည္။

အက္ဒ္ဝါ့ဘုရင္သည္ အဂၤလန္ထီးနန္းကို စြန္႔လႊတ္ခဲ့ေသာ္လည္း ဘဟားမား၏ ဘုရင္ခံအျဖစ္ တာဝန္ထမ္းေဆာင္ရန္ ၁၉၃၉ ခုႏွစ္တြင္ ေရာက္ရွိလာခဲ့ျခင္း ျဖစ္ေၾကာင္း Sotheby’s International Realty မွ ေစ်းကြက္တင္ေပးသည့္ အက်ဳိးေဆာင္ မာ့ခ္ ဟက္ေဆက ေျပာၾကားသည္။

၎တို႔ ေနထိုင္ရမည့္ ဘဟားမားဘုရင္ခံအိမ္ေတာ္မွာ ျပဳျပင္မြမ္းမံမႈမ်ား ျပဳလုပ္ေနသျဖင့္ Sigrist House ဟု အမည္ေပးထားေသာ ယခုေရာင္းခ်မည့္ စံအိမ္တြင္ ၃ လခန္႔ ေနထိုင္ခဲ့ၾကျခင္း ျဖစ္သည္။

Sigrist House စံအိမ္ကို ကေနဒါမွ သမိုင္းပညာရွင္မ်ားက စီမံမႈမ်ားျပဳလုပ္ေနသည္ဟု Sotheby’s International Realty မွ ေျပာၾကားေသာ္လည္း ပိုင္ရွင္အမည္အတိအက်ကိုမူ ထုတ္ေဖာ္ေျပာၾကားျခင္း မရွိေခ်။ နာဆူးျမိဳ ႔ျပင္တြင္ တည္ရွိျပီး ေကဘယ္ကမ္းေျခ၊ goodman’s ပင္လယ္ေကြ႔ႏွင့္ အတၱလႏၱိတ္သမုဒၵရာတို႔ကို စီးမိုးေတြ႔ျမင္ေနရသည့္ ေနရာတြင္တည္ရွိသည္။

ျခံဝန္းအက်ယ္ ၄ ဧကခန္႔ရွိျပီး ကိုယ္ပိုင္ပန္းျခံမ်ားပါဝင္သည့္ Sigrist House စံအိမ္သည္ ဘဟားမား၏ အေကာင္းဆံုးစံအိမ္မ်ားတြင္ အပါအဝင္ျဖစ္ေၾကာင္း၊ လြန္ခဲ့ေသာ ႏွစ္ေပါင္းမ်ားစြာကာလအတြင္း အဆိုပါစံအိမ္တြင္ ဂုဏ္သေရရွိပုဂၢိဳလ္မ်ားစြာ ေနထိုင္သြားခဲ့ၾကဖူး ေၾကာင္း မစၥတာ ဟက္ေဆးက ေျပာၾကားသည္။

ျဗိတိသွ်ေလေၾကာင္းနယ္ပယ္၏ ေရွ ႔ေဆာင္၊ ရုပ္ရွင္ထုတ္လုပ္သူ ဖရက္ဒရစ္ ဆီးဂရစ္က ၁၉၃၀ ျပည့္လြန္ကာလမ်ားတြင္ အဆိုပါစံအိမ္ကို ေဆာက္လုပ္ခဲ့သည္။ ဆီးဂရစ္သည္ မင္းသမီး ဖရက္ဒရစ္ကာ ဂူေရးႏွင့္ လက္ထပ္ခဲ့သည္။

ဆီးဂရစ္သည္ ဂ်ိမ္းစ္ဘြန္းရုပ္ရွင္မ်ားႏွင့္ ၁၉၆၅ ခုႏွစ္တြင္ ရိုက္ကူးထုတ္လုပ္ခဲ့ေသာ Thunderball ဇာတ္ကားမ်ားျဖင့္လည္း နာမည္ေက်ာ္သူ ျဖစ္သည္။

ယခုစံအိမ္ၾကီးကို ဂ်ိမ္းစ္ဘြန္းရုပ္ရွင္မ်ားတြင္ မၾကာခဏထည့္သြင္းရိုက္ကူးခဲ့ဖူးသည္ဟု ဆိုသည္။

စပိန္ကိုလိုနီဗိသုကာဟန္ျဖင့္ ေဆာက္လုပ္ထားသည့္ ပင္မစံအိမ္၏ အက်ယ္အဝန္းမွာ စတုရန္းေပ ၁၅၀၀၀ ခန္႔ ရွိျပီး အတြင္းပိုင္းမွာ ၁၉၃၀ ျပည့္လြန္ကာလက လက္ရာမ်ားျဖစ္သည္။

စံအိမ္အတြင္းရွိ မီးလင္းဖို ၄ ခုလံုးကို ျဗိတိန္မွ မွာယူတင္သြင္းခဲ့ျခင္းျဖစ္သည္။

(iMyanmarHouse.com Team မွ ေရးသား ေဖာ္ျပသည္။)

Credit: iMyanmarHouse.com