ကမၻာေက်ာ္ ရက္ပ္အဆိုေတာ္ ဖရန္႔ မြန္တားနားက ဆလီနာဂိုမက္ဇ္ထံမွ ဝယ္ယူထားေသာ စံအိမ္ကို ၂ ဆခန္႔ေစ်းတင္ကာ အေရာင္းေစ်းကြက္တင္

### Zawgyi Version ###

ကမၻာေက်ာ္ ရက္ပ္အဆိုေတာ္ ဖရန္႔ မြန္တားနားသည္ ဆလီနာဂိုမက္ဇ္ထံမွ ဝယ္ယူထားေသာ စံအိမ္ကို ၂ ဆခန္႔ေစ်းတင္ကာ အေရာင္းေစ်းကြက္တင္လာေၾကာင္း နယူးေယာက္အေျခစိုက္ အိမ္ျခံေျမသတင္းဝက္ဘ္ဆိုက္တစ္ခုတြင္ ေဖာ္ျပသည္။

ဖရန္႔ မြန္တားနား၏ အမည္ရင္းမွာ ကာရင္ ခါဘို႔ခ်္ျဖစ္ျပီး ၁၉၈၄ ခုႏွစ္၊ ႏိုဝင္ဘာလ ၉ ရက္တြင္ ေမာ္ရိုကိုႏိုင္ငံ၌ ေမြးဖြားၾကီးျပင္းခဲ့သည္။

အသက္ ၁၃ ႏွစ္အရြယ္တြင္ အေမရိကန္ျပည္ေထာင္စုသို႔ မိသားစုႏွင့္အတူ ေရႊ႕ေျပာင္းေနထိုင္ခဲ့ၾကသည္။

ယခုအခါ ဖရန္႔ မြန္တားနားက အေမရိကန္ျပည္၊ ေလာ့စ္အိန္ဂ်လိျမိဳ႕မွ ကမၻာေက်ာ္မ်ား စုေဝးရာ Hidden Hills အရပ္ရွိ စံအိမ္ကို ေစ်းကြက္တင္ ေရာင္းခ်လာသည္။

မြန္တားနားသည္ ဆလီနာဂိုမက္ဇ္ထံမွ ေျမထဲပင္လယ္ဗိသုကာဟန္ျဖင့္ ေဆာက္လုပ္ထားေသာ စံအိမ္ကို ကန္ေဒၚလာ ၃ ဒသမ ၃ သန္းျဖင့္ ဝယ္ယူခဲ့ျပီး ၄ ႏွစ္အၾကာတြင္ ၂ ဆခန္႔ ေစ်းတင္ကာ ကန္ေဒၚလာ ၆ ဒသမ ၅၉၉ သန္း ေစ်းေခၚထားသည္။

မြန္တားနားသည္ အဆိုပါစံအိမ္ကို ျပဳျပင္မြမ္းမံမႈမ်ားစြာ ျပဳလုပ္ခဲ့ရျခင္းေၾကာင့္ ယခုကဲ့သို႔ ေစ်းႏႈန္းမ်ားစြာ ျမွင့္တင္ထားခဲ့ျခင္း ျဖစ္သည္။

မြန္တားနားသည္ ဆလီနာဂိုမက္ဇ္ ျပင္ဆင္ထားသည့္ ခရမ္းေရာင္ႏွင့္ စိမ္းျပာေရာင္ အေရာင္ရင့္တို႔အေပၚ ျပန္လည္ေဆးသုတ္ ေျပာင္းလဲခဲ့သည့္အျပင္ ဧည့္ေဂဟာေဆာင္ေနရာတြင္ ကန္ေဒၚလာ ၄၀၀၀၀၀ ခန္႔ အကုန္အက်ခံကာ အသံဖမ္းစတူဒီယိုတစ္ခု ထည့္သြင္းထားခဲ့ေသးသည္။

အျခားေသာ facility မ်ားအေနျဖင့္ အားကစားေလ့က်င့္ခန္းမတစ္ခု၊ ရုပ္ရွင္ရံုႏွင့္ ဝိုင္သိုေလွာင္ခန္းတို႔လည္း ပါဝင္ေသးသည္။

စတုရန္းေပ ၇၈၀၀ ခန္႔ က်ယ္ဝန္းေသာ ပင္မစံအိမ္ကို ၃ ဧကခန္႔ က်ယ္ဝန္းေသာ ျခံဝန္းအလယ္တြင္ ေဆာက္လုပ္ထားသည္။

အေရာင္ရင့္ရင့္ သစ္မာသားၾကမ္းခင္း၏ အေရာင္တို႔က မီးဖိုေဆာင္၊ နံနက္စာေနရာႏွင့္ ညစာစားခန္း အစရွိေသာ တန္ဖိုးၾကီး ဧည့္ခန္းေနရာမ်ားမွ လင္းလက္ေသာ အျဖဴႏွင့္ ေဇာ္ဂ်ီေရာင္တို႔ႏွင့္ ေရာယွက္ေနသည္။

Master bedroom တြင္ အႏွိပ္ခံုတစ္လံုးတည္ရွိသည့္အျပင္ ေရစိမ္ကန္ႏွင့္ ေရေႏြးေရပန္းတစ္ခုလည္း ပါဝင္ေသးသည္။

အေဆာက္အအံုမွာ ၂ ထပ္ျဖစ္ျပီး အိပ္ခန္း ၅ ခန္းႏွင့္ ေရခ်ဳိးခန္း ၆ ခန္း ပါဝင္သည္။

ေနအိမ္ျပင္ပတြင္ကား အုပ္ၾကြပ္မ်ားခင္းထားသည့္ ျခံဝန္းတြင္ ေရတံခြန္တစ္ခုကို ေတြ႔ရမည္ျဖစ္ကာ တြဲေလာင္းဆြဲမီးမ်ားျဖင့္ အလွဆင္ထားသည္။

ျခံေနာက္ဘက္တြင္ကား ေရကူးကန္ႏွင့္ စိမ္းလန္းေသာ ျမက္ခင္းတို႔ ေတြ႔ရမည္ ျဖစ္သည္။

ထို႔အျပင္ အုတ္ျဖင့္ ျပဳလုပ္ထားေသာ ပီဇာမုန္႔ဖိုႏွင့္ အိုင္ဗီႏြယ္ပန္းတို႔ ဖံုးလႊမ္းေနေသာ ဆင္ရုပ္တစ္ခုတို႔လည္း တည္ရွိေသးသည္။

ေစ်းကြက္တင္ေပးသည္မွာ Douglas Elliman အိမ္ျခံေျမကုမၸဏီမွ အက်ဳိးေဆာင္ ဂါဘရီယယ္ ပမ္ေရာ့ျဖစ္သည္။

(iMyanmarHouse.com Team မွ ေရးသား ေဖာ္ျပသည္။) Credit: iMyanmarHouse.com

### Unicode Version ###

ကမ္ဘာကျော် ရက်ပ်အဆိုတော် ဖရန့် မွန်တားနားသည် ဆလီနာဂိုမက်ဇ်ထံမှ ဝယ်ယူထားသော စံအိမ်ကို ၂ ဆခန့်ဈေးတင်ကာ အရောင်းဈေးကွက်တင်လာကြောင်း နယူးယောက်အခြေစိုက် အိမ်ခြံမြေသတင်းဝက်ဘ်ဆိုက်တစ်ခုတွင် ဖော်ပြသည်။

ဖရန့် မွန်တားနား၏ အမည်ရင်းမှာ ကာရင် ခါဘို့ချ်ဖြစ်ပြီး ၁၉၈၄ ခုနှစ်၊ နိုဝင်ဘာလ ၉ ရက်တွင် မော်ရိုကိုနိုင်ငံ၌ မွေးဖွားကြီးပြင်းခဲ့သည်။

အသက် ၁၃ နှစ်အရွယ်တွင် အမေရိကန်ပြည်ထောင်စုသို့ မိသားစုနှင့်အတူ ရွှေ့ပြောင်းနေထိုင်ခဲ့ကြသည်။

ယခုအခါ ဖရန့် မွန်တားနားက အမေရိကန်ပြည်၊ လော့စ်အိန်ဂျလိမြို့မှ ကမ္ဘာကျော်များ စုဝေးရာ Hidden Hills အရပ်ရှိ စံအိမ်ကို ဈေးကွက်တင် ရောင်းချလာသည်။

မွန်တားနားသည် ဆလီနာဂိုမက်ဇ်ထံမှ မြေထဲပင်လယ်ဗိသုကာဟန်ဖြင့် ဆောက်လုပ်ထားသော စံအိမ်ကို ကန်ဒေါ်လာ ၃ ဒသမ ၃ သန်းဖြင့် ဝယ်ယူခဲ့ပြီး ၄ နှစ်အကြာတွင် ၂ ဆခန့် ဈေးတင်ကာ ကန်ဒေါ်လာ ၆ ဒသမ ၅၉၉ သန်း ဈေးခေါ်ထားသည်။ မွန်တားနားသည် အဆိုပါစံအိမ်ကို ပြုပြင်မွမ်းမံမှုများစွာ ပြုလုပ်ခဲ့ရခြင်းကြောင့် ယခုကဲ့သို့ ဈေးနှုန်းများစွာ မြှင့်တင်ထားခဲ့ခြင်း ဖြစ်သည်။

မွန်တားနားသည် ဆလီနာဂိုမက်ဇ် ပြင်ဆင်ထားသည့် ခရမ်းရောင်နှင့် စိမ်းပြာရောင် အရောင်ရင့်တို့အပေါ် ပြန်လည်ဆေးသုတ် ပြောင်းလဲခဲ့သည့်အပြင် ဧည့်ဂေဟာဆောင်နေရာတွင် ကန်ဒေါ်လာ ၄၀၀၀၀၀ ခန့် အကုန်အကျခံကာ အသံဖမ်းစတူဒီယိုတစ်ခု ထည့်သွင်းထားခဲ့သေးသည်။ အခြားသော facility များအနေဖြင့် အားကစားလေ့ကျင့်ခန်းမတစ်ခု၊ ရုပ်ရှင်ရုံနှင့် ဝိုင်သိုလှောင်ခန်းတို့လည်း ပါဝင်သေးသည်။

စတုရန်းပေ ၇၈၀၀ ခန့် ကျယ်ဝန်းသော ပင်မစံအိမ်ကို ၃ ဧကခန့် ကျယ်ဝန်းသော ခြံဝန်းအလယ်တွင် ဆောက်လုပ်ထားသည်။

အရောင်ရင့်ရင့် သစ်မာသားကြမ်းခင်း၏ အရောင်တို့က မီးဖိုဆောင်၊ နံနက်စာနေရာနှင့် ညစာစားခန်း အစရှိသော တန်ဖိုးကြီး ဧည့်ခန်းနေရာများမှ လင်းလက်သော အဖြူနှင့် ဇော်ဂျီရောင်တို့နှင့် ရောယှက်နေသည်။

Master bedroom တွင် အနှိပ်ခုံတစ်လုံးတည်ရှိသည့်အပြင် ရေစိမ်ကန်နှင့် ရေနွေးရေပန်းတစ်ခုလည်း ပါဝင်သေးသည်။

အဆောက်အအုံမှာ ၂ ထပ်ဖြစ်ပြီး အိပ်ခန်း ၅ ခန်းနှင့် ရေချိုးခန်း ၆ ခန်း ပါဝင်သည်။

နေအိမ်ပြင်ပတွင်ကား အုပ်ကြွပ်များခင်းထားသည့် ခြံဝန်းတွင် ရေတံခွန်တစ်ခုကို တွေ့ရမည်ဖြစ်ကာ တွဲလောင်းဆွဲမီးများဖြင့် အလှဆင်ထားသည်။

ခြံနောက်ဘက်တွင်ကား ရေကူးကန်နှင့် စိမ်းလန်းသော မြက်ခင်းတို့ တွေ့ရမည် ဖြစ်သည်။

ထို့အပြင် အုတ်ဖြင့် ပြုလုပ်ထားသော ပီဇာမုန့်ဖိုနှင့် အိုင်ဗီနွယ်ပန်းတို့ ဖုံးလွှမ်းနေသော ဆင်ရုပ်တစ်ခုတို့လည်း တည်ရှိသေးသည်။

ဈေးကွက်တင်ပေးသည်မှာ Douglas Elliman အိမ်ခြံမြေကုမ္ပဏီမှ အကျိုးဆောင် ဂါဘရီယယ် ပမ်ရော့ဖြစ်သည်။

(iMyanmarHouse.com Team မှ ရေးသား ဖော်ပြသည်။) Credit: iMyanmarHouse.com