ဒဂုံမြို့သစ်(ဆိပ်ကမ်း) မြို့နယ်၊ မြေ ၁၈၃ ဧက၌ အကောင်အထည်ဖော်မည့်
နိုင်ငံ့ဝန်ထမ်း အိမ်ရာစီမံကိန်းကို စိတ်ဝင်စားသည့် ကုမ္ပဏီများအား ရန်ကုန်တိုင်းဒေသကြီးအစိုးရအဖွဲ့က နိုင်ငံပိုင်သတင်းစာများတွင် အဆိုပြုလွှာဖိတ်ခေါ်ထားသည်။
စီမံကိန်း၌ နိုင်ငံ့ဝန်ထမ်း၊ ပြည်သူ့ဝန်ထမ်းအိမ်ရာများအပြင် စီးပွားရေးဆိုင်ရာ အဆောက် အအုံများ၊ ဈေးဝယ်စင်တာအဆင့် မြင့်လူနေအိမ်ရာများနှင့် ယာဉ်ရပ်နားနေရာများကို ဖော်ဆောင်မည်ဖြစ်၍ စိတ်ဝင်စားသည့် ပြည်တွင်း၊ ပြည်ပကုမ္ပဏီများအား ဖိတ်ခေါ်ခြင်းဖြစ်သည်ဟု တိုင်းအစိုးရ က ဆိုသည်။
တိုင်းအစိုးရ၏ တင်ဒါအ ကြောင်း အသေးစိတ်မေးမြန်းရန် ဖော်ပြထားသည့် ဖုန်းနံပါတ်သို့ ဆက်သွယ်ရာတွင် ‘‘အသေးစိတ် ကို ဖြေကြားလို့မရဘူး။ အပေါ်က ဆရာများ ညွှန်ကြားချက်အတိုင်း လုပ်ပေးနေရတာပါ ’’ ဟု ဖုန်းလက်
ခံဖြေကြားသူကပြောသည်။
စိတ်ဝင်စားသည့် ကုမ္ပဏီ များသည် အိတ်ပိတ်အဆိုပြုလွှာ ကို စက်တင်ဘာ ၇ ရက်တွင် ပြန်လည်တင်ပြရမည်ဟု တိုင်းအစိုးရ က ကြေညာထားသည်။
‘‘ တိုင်းအစိုးရက ရှင်းပြထား တာတော့ လူတန်းစားပေါင်းစုံနေ နိုင်အောင် လုပ်တယ်လို့ ဆိုထား တယ်။ ကျွန်တော့်အမြင်ပြောရရင် ဒဂုံမြို့သစ်အတွက် ဒါတွေက လို အပ်ပါတယ်။ အငှားအိမ်ရာ၊ တန်ဖိုးနည်းအိမ်ရာလိုဟာမျိုးတွေက အလုပ်သမားတွေအတွက် လိုအပ်ပါတယ် ’’ဟု ဒဂုံမြို့သစ် (တောင်ပိုင်း) မြို့နယ်၊ တိုင်းဒေသကြီး လွှတ်တော်ကိုယ်စားလှယ် ဦးသိန်းနိုင်က ပြောသည်။
မြို့သစ်စီမံကိန်းအပြင် ရှိရင်းစွဲ မြို့သစ်များဖွံ့ဖြိုးအောင် ဆောင်ရွက်ရန် သမ္မတ၏လမ်း ညွှန်မှုကို တိုင်းအစိုးရက အကောင်အထည်ဖော်ခြင်းဖြစ်ကြောင်း ၎င်းက ဆိုသည်။
အဆိုပါစီမံကိန်းသည် တိုင်း အစိုးရက ၂၀၁၈ မေလတွင် လွှတ်တော်သို့ တင်ပြခဲ့သည့် ကျပ်ဘီလီ ယံ ၁,၀၀၀ ကျော်တန်ဖိုးရှိ အိမ်ရာဖွံ့ဖြိုးရေးစီမံကိန်းများအနက်မှ တစ်ခုဖြစ်သည်။
Credit: 7Daydaily
