ကျွန်မတို့ရဲ့တစ်နေ့တာပြုမူလှုပ်ရှားမှုတွေဟာ ကျွန်မတို့ရဲ့ဘဝနေထိုင်မှုပုံစံဖြစ်လာပါတယ်။ ဘဝနေထိုင်မှုပုံစံက ဘဝကို ပုံဖော်ပါတယ်။ ဒါကြောင့် ဘဝခရီးလှပစေဖို့အတွက် အပြုအမူကောင်းတွေ၊ အလေ့အထကောင်းတွေကို မွေးမြူဆောင်ရွက်ဖို့လိုပါတယ်။
ဒီနေရာမှာ ကျွန်မတို့ဟာ ကော်ဖီ၊ သကြား၊ ဆေးလိပ် စသဖြင့် စားတတ်တဲ့အမူအကျင့်လိုမျိုး ကိုယ့်အတွက်မသင့်လျော်တဲ့အပြုအမူတစ်ခုခုကို စွန့်ပစ်ပြီး အဲ့ဒီအရာတွေ မစားသုံးတတ်တဲ့အလေ့အကျင့်ရှိချင်ပြီဆိုရင် တခြားတစ်ခုနဲ့အစားထိုးတတ်ပါတယ်။ ဒါဟာတကယ်တော့ နည်းလမ်းမမှန်တဲ့အပြင် ပိုဆိုးသွားစေတတ်ပါတယ်။ ဥပမာ - ဆေးလိပ်ပြတ်အောင်ဆိုပြီး ကွမ်းစားတာမျိုး၊ ကွမ်းပြတ်အောင်ဆိုပြီး ပီကေဝါးတာ စသဖြင့်ပေါ့။ ဆေးလိပ်မပြတ်တဲ့အပြင် ကွမ်းပါစွဲသွားတာမျိုးတွေကို တွေ့ဖူးကြုံဖူးကြမှာပါ။
ဒါကြောင့် သင့်ဘဝနေထိုင်မှုပုံစံမှာ ကောင်းမွန်တဲ့အလေ့အကျင့်သစ်တစ်ခု ဖြစ်ပေါ်လာစေဖို့ရာ ကူညီပေးဖို့ ဖုန်းရွှေရှိပါတယ်။ အခုဖော်ပြပေးသွားမှာတွေကတော့ ကောင်းမွန်တဲ့အလေ့အထသစ်ဖြစ်ပေါ်လာစေဖို့ ကူညီပေးမယ့် ဖုန်းရွှေနည်းလမ်း ၇ ခုပဲ ဖြစ်ပါတယ်။
၁။ အမှန်တကယ်အလိုရှိခြင်းဖြစ်ပါစေ။
- တကယ်ဖြစ်ချင်တာ၊ တကယ်အလိုရှိတာ မဟုတ်ဘူးဆိုရင် အောင်မြင်မှာမဟုတ်ပါဘူး။ အစမှာကတည်းကိုက မရေမရာ၊ လျော့တိလျော့ရဲ စိတ်ပျော့နေပြီဆိုရင်တော့ မအောင်မြင်ဖို့ရာခိုင်နှုန်းသိပ်များသွားပါပြီ။ ဒါကြောင့် ရေရာခိုင်မာပြတ်သားခြင်းဖြင့် ပန်းတိုင်ကိုရောက်ရှိစေလိုက်ပါ။
၂။ သုတေသနပြုပါ။
- သုတေသနပြုလို့အကောင်းဆုံးရင်းမြစ်ကတော့ You Tube ပဲဖြစ်ပါတယ်။ ကိုယ်မွေးမြူမယ့်အမူအကျင့်နဲ့ပတ်သက်တဲ့ အချက်အလက်တွေကို ရှာဖွေလေ့လာကြည့်ရှုပါ။
၃။ လိုအပ်သည်များ ရှိပါစေ။
- ဒါကတော့ ကိုယ်မွေးမြူမယ့်အလေ့အကျင့်ပေါ်မူတည်ပါတယ်။ ကိုယ်မွေးမြူမယ့်အလေ့အထက ပစ္စည်းပစ္စယတွေလိုအပ်တဲ့အလေ့အထဆိုရင် လိုအပ်တဲ့အရာတွေရှိအောင်လုပ်ပါ။
၎။ အချိန်ရွေးချယ်သတ်မှတ်ပါ။
- လုပ်ဆောင်မယ့်အချိန်ကို ရွေးချယ်သတ်မှတ်ပါ။ အချိန်ရေရေရရာရာ မသတ်မှတ်ထားဘူးဆိုရင် ဖြစ်မလာဖို့ကလည်း အတော်လေးကို သေချာနေပါပြီ။ လုပ်ဆောင်မယ့်အရာနဲ့သင့်လျော်တဲ့အချိန်ကို ရွေးချယ်ဖို့လည်း မမေ့ပါနဲ့။
၅။ ကာလအလိုက်အခြေအနေများအား စာဖြင့်ရေးသား (သို့) ဓာတ်ပုံရိုက်၍ မှတ်တမ်းတင်ပါ။
- မတိုင်မီ၊ ပြုဆဲနှင့် ပြီးနောက် အခြေအနေများအား မှတ်တမ်းတင်ပါ။ ဆိုပါစို့။ အဆီကျအသားကျစ်စေမယ့် လေ့ကျင့်ခန်းကို ပုံမှန်လုပ်ဆောင်တော့မယ်ဆိုရင် အဲ့ဒီအချိန်သုံးခုမှာ ဖြစ်ပျက်တဲ့အခြေအနေတွေကို ဓာတ်ပုံရိုက်မှတ်တမ်းတင်သင့်တာ အသေအချာပဲပေါ့ရှင်။
၆။ ပြက္ခဒိန်အချိန်ဇယားမှာ ထည့်သွင်းပါ။
- ကိုယ်ဆောင်ရွက်မယ့်အရာကို ပြက္ခဒိန်အချိန်ဇယားမှာ ရေးမှတ်ထားပါ။ သတိမမေ့စေဖို့ ကြီးမားတဲ့အထောက်အကူဖြစ်ပါလိမ့်မယ်။
၇။ ထိုအလေ့အထနှင့်သက်ဆိုင်သောဝန်းကျင်အား အပြောင်းအလဲပြုလုပ်ပါ။
- ဥပမာ - အစားအစာကို အတိုင်းအချင့်နဲ့စားတတ်တဲ့အလေ့အကျင့် ပျိုးထောင်မယ်ဆိုရင် ရေခဲသေတ္တာ၊ ကြောင်အိမ်ကို ရှင်းလင်းအဆင့်မြှင့်တာမျိုး၊ မီးဖိုချောင်အတွက် လွယ်ကူတဲ့ ဟင်းသီးဟင်းရွက်လေးတွေ စိုက်ပျိုးတာမျိုးတို့ ပြုလုပ်ပါ။
အထက်မှာဖော်ပြပေးသွားတဲ့ နည်းလမ်းတွေထဲက မိမိနဲ့သင့်လျော်တဲ့နည်းလမ်းတွေကို အသုံးချပြီး အလေ့အထကောင်းတွေထုံမွှမ်းကာ လှပတဲ့ဘဝခရီးလမ်းကို လျှောက်လှမ်းနိုင်ကြပါစေလို့ ဆုမွန်ကောင်းတောင်းပေးလိုက်ရပါတယ်ရှင်။
ခင်အေးချမ်း မှ iMyanmarHouse.com (အိုင်မြန်မာဟောက်စ်ဒေါ့ကွန်း) အတွက် အထူးရေးသားဖော်ပြသည်။
Credit: iMyanmarHouse.com
