Knowledge | Posted by Hnin Ei Khin
အိမ်ခြံမြေလောကမှာ ကြုံတွေ့ရတဲ့ အခက်အခဲတွေက တစ်နေရာနဲ့ တစ်နေရာ မတူပါ ။လူတွေရဲ့ အခြအနေပေါ်မူတည်ပြီး ပြောင်းလဲတတ်တဲ့သဘောကို တွေ့ရတတ်ပါတယ် ။လူအမျိုးမျိုး စိတ်အထွေထွေဆိုသလိုပါပဲ ။သဘောထားပြည့်ဝသူတွေကို တွေ့ရသလို ကပ်သီးကပ်ဖဲ့လုပ်တတ်သူတွေကိုလည်း ကြုံရတာပဲ ။ကိစ္စသေးသေးလေးကိုချဲ့ကားပြီးပုံကြီးချဲ့ချင်တဲ့သူတွေကိုလည်းတွေ့ရပြန်တယ် ။
အချို့ကျပြန်တော့ မိမိရဲ့ အိမ် /ခြံ /မြေ /တိုက်ခန်းရောင်သူ ဖြစ်ပေမယ့် တစ်ဖက်ဝယ်သူကို အထင်အမြင်သေးပြီးဆက်ဆံတာတွေလည်း ရှိပြန်တယ် ။ငါတို့ အပိုင် ဒီလိုတန်ဖိုးကြီးတဲ့ မြေနဲ့အိမ်ကို ဝယ်နိုင်တဲ့အဆင့်ရှိလို့လားဆိုတဲ့ မာန်မာနမျိုးထားတတ်ကြပြန်တယ် ။အချို့သူတွေကျတော့လည်း ငါသာသိ ၊ ငါသာတတ် ဆရာကြီးလုပ်ပြီး အပေါ်စီးက ဆက်ဆံတာကိုလည်း ခံရဖူးတယ် ။ရှေ့နေတစ်ယောက်လုံး ခေါ်လာပေမယ့် “ ဒီရှေ့နေက ငါတို့လောက် အိမ်ခြံမြေတိုက်ခန်းနဲ့ ဆိုင်တဲ့ စာရွက်စာတမ်းကို ကြည့်တတ်လို့လား ၊ အမှုလိုက်တဲ့ရှေ့နေဆိုရင် ငါတို့လောက် နားမလည်ပါဘူး ” ဆိုတဲ့ လေသံမျိုးနဲ့ အထင်သေးစကားနဲ့ သွေးတိုးစမ်းတတ်ကြတာကိုလည်း တွေ့ဖူးပါတယ် ။အို … စုံလို့ပါပဲ ။
အမည်ခံ ၊ အမည်ငှါး ၊ သတိထားဝယ်ပါ
မကြာခင်က လှိုင်သာယာမှာ ကြုံခဲ့ရတဲ့ အဖြစ်အပျက်ကျပြန်တော့ အခုပြောခဲ့သလို မဟုတ်ပြန်ဘူး ။ တစ်မျိုးထူးနေပြန်တယ် ။ရောင်းသူဝယ်သူ နှစ်ဖက်အဆင်ပြေတယ်ဗျာ ။ ဈေးလည်းညှိနှိုင်းပြီးသားပြောစရာမလိုတော့ဘူး ။ရှေ့နေခေါ်လာပြီးမြေကွက်အရောင်းအဝယ် စာချုပ်ချုပ်ရုံပဲ ရှိတော့တယ် ။
တကယ်လည်း စာချုပ်မယ်လုပ်တဲ့အခါမှာ ကန့်ကွက်သူ ပေါ်ပေါက်လာပါတယ် ။ကန့်ကွက်သူက မြေကွက်ပိုင်ရှင်လားဆိုတော့ မဟုတ်ပြန်ဘူး ။ဒါဆိုရင် ခင်ဗျားက ဘယ်လိုသက်ဆိုင်လို့လဲလို့ မေးကြည့်တဲ့အခါ သူက ပါမစ်အမည်ပေါက်သူရဲ့ သားအရင်းဖြစ်တယ်လို့ ဆိုပါတယ် ။ “ ခင်ဗျားကသာ အရင်းဖြစ်ပေမယ့် အဖေနာမည်နဲ့ မြေချပါမစ်ရထားတာကို ဘာအထောက်အထားနဲ့ ကန့်ကွက်ချင်တာလဲ မေးတော့ ဒီမြေကွက်အား ကျွန်တော့်နာမည်နဲ့ ပထမဆုံး စလစ်ချထားပေးထားတာပါ ။ကျွန်တော်နိုင်ငံခြားသွားပြီး အလုပ်လုပ်နေစဉ်မှာ အဖေက သူ့နာမည်ပေါက် ပါမစ်လျှောက်ပြီး အခုလက်ရှိ ကိုမောင်မောင်ကို ရောင်းခဲ့လို့ ကျွန်တော်က မကျေနပ်လို့ ကန့်ကွက်တာပါပဲ ”
“ ဒါနဲ့ နေပါဦး ။ ဒီမြေကွက်ကို ခင်ဗျားအဖေက ဦးမောင်မောင်ကို ရောင်းစဉ်ကတော့ မကန့်ကွက်ခဲ့ဘူးလား ” “ အဲဒီတုန်းက မကျေနပ်ပေမယ့် အဖေကိုကြောက်လို့ မကန့်ကွက်ခဲ့ဘူး ။ဒီလိုဆိုရင် အဖေနာမည်နဲ့ ပါမစ်ကြီးထွက်နေတာကို ပယ်ဖျက်ပေးဖို့ မြို့ရွာနှင့် အိုးအိမ်ဦးစီးဌာနမှာကော လျှောက်ထားဖူးသလား ” “ဟင့်အင်း မလျှောက်ဖူးပါဘူး ” “ နောက်ဆုံးအချက် သိချင်တာကတော့ ခင်ဗျားနာမည်နဲ့ စလစ်ရဖို့ ဆောင်ရွက်စဉ်တုန်းက ခင်ဗျားကိုယ်တိုင် ဆောင်ရွက်ခဲ့သလား ” “ဟင့်အင်း မဆောင်ရွက်ခဲ့ဘူး ။ အဖေ ကိုယ်တိုင်သားသမီးတွေနာမည်နဲ့ စလစ်ရအောင် ဆောင်ရွက်ခဲ့တာပါ ။ကောင်းပြီလေ ။ဒါဆိုရင် စလစ်ကတစ်ဆင့် ပါမစ်လျှောက်တဲ့အခါ မြို့ရွာနှင့် အိုးအိမ်ဖွံ့ဖြိုးရေးဦးစီဌာန (ယခုမြို့ပြနှင့် အိမ်ရာဖွံ့ဖြိုးရေး ဦးစီးဌာန ) မှာ မြေကွက်တန်ဖိုး ကျပ်တစ်သောင်းနှစ်ထောင် (၁၂၀၀၀ိ/ - ) ပေးသွင်းခဲ့တာ ဘယ်သူလဲ ။ အဲဒီမြေကွက်ဖိုး ပိုက်ဆံက ဘယ်သူ့ငွေလဲ ” အဖေကိုယ်တိုင် သူ့ပိုက်ဆံနဲ့ ငွေသွားသွင်းတာပါ ”
“ ဟုတ်လား။ ဒါဆိုရင် ခင်ဗျားလာပြီး ကန့်ကွက်လို့မရဘူး ” ။“ ဟင်ဘာဖြစ်လို့လဲ ” “ ခင်ဗျားကို ခင်ဗျားအဖေက နာမည်ငှါးတာပဲ ။ဒါကြောင့် ခင်ဗျားဟာ ပိုင်ရှင်အစစ် မဟုတ်ဘူး ။ အမည်ခံသာဖြစ်တယ် ။ ခင်ဗျားပိုက်ဆံလည်း တစ်ပြားမှ မပါဘူး ။စလစ်က တစ်ဆင့် အဖေနာမည်နဲ့ ပါမစ်အမည်ဖောက်တာလည်း အဖေ့ပိုက်ဆံပဲ ဖြစ်တယ် ။ တကယ်တော့ အဖေ ဝယ်ထားတဲ့အဖေ့မြေပဲ ။အဖေသာပိုင်တယ် ။ အဖေပိုင် မြေကွက်ကို အဖေအသက် ထင်ရှားရှိစဉ်က ရောင်းချခြင်းဖြစ်လို့ ကိုမောင်မောင်ဆိုသူက ဝယ်ပြီးနေထိုင်လာတာ အခုဆိုရင် ၁၀ နှစ်တောင်ရှိပြီး ။အခု ကိုမောင်မောင်က နောက်တစ်ဦးကို ပြန်ရောင်းချခွင့်ရှိတယ်။
တကယ်တော့ ဒီလို မြေကိစ္စ ၊ အမွေကိစ္စဟာ မိဘအသက်ထင်ရှားရှိစဉ်က မိဘနဲ့သားသမီး အကျေအလည် ဆွေးနွေးရမယ့်ကိစ္စ ဖြစ်ပါတယ် ။မိမိလည်း မပိုင် ၊ မိမိလည်း မဆိုင်တော့ဘဲ မြေကွက်ကို အခြားသူတစ်ဦးကို ပိုင်ဆိုင်နေထိုင်ပြီးမှ မနေချင်လို့ ပြန်ရောင်းတဲ့အချိန်မှာ ကန့်ကွက်ရင်လည်း အပိုပါဘဲ ရပ်ကွက်အုပ်ချုပ်ရေးမှူးရုံးမှာ သွားရောက်ပြီး တိုင်စာပို့ထားတာကို ရန်ကုန်မြို့တော် စည်ပင်သာယာရေးကော်မတီ ၊ မြို့ပြစီမံကိန်းနှင့် မြေစီမံခန့်ခွဲမှုဌာနမှ သွားရောက်ကန့်ကွက်ထားတာကို ယာယီလုပ်နိုင်ပေမယ့် တကယ်လို့ နောက်ဆုံးဝယ်သူက မိမိအမည်ပေါက် အနှစ် ၆၀ ဂရန် လျှောက်ရင် အဲဒီကန့်ကွက်သူကို ခေါ်ယူပြီး နှစ်ဘက်ပိုင်ဆိုင်မှု အထောက်အထားပြဖို့ ခေါ်မယ့် နှစ်ဖက်ညှိနှိုင်းကြတဲ့အခါမှာ ကန့်ကွက်သူဘက်က ဘာမှမတင်ပြနိုင်ရင် ကန့်ကွက်ချက် အလိုလို ရှင်းသွားပါတယ် ။
ဒီလိုမြေကွက်မျိုးဝယ်ရင် ခိုင်မာပါ့မလားလို့ မေးရင် ခိုင်မာပါတယ် ။ဂရန်သစ်လျှောက်လို့ရပါတယ် ။ ကန့်ကွက်ချက်ရှိလို့ စိတ်ညစ်ပေမယ့် ကန့်ကွက်ချက်ရှင်းသွားရင် နေရာက အကွက်အကွင်းကျတယ် ။ ဈေးလည်းသက်သာတယ်ဆိုရင် ဝယ်သာဝယ်လိုက်ပါလို့ အကြံပေးလိုက်ရပါတယ် ။
သုခီ အတ္တာနံ ပရိဟန္တု
Credit: လွှတ်တော်ရှေ့နေမောင်ကောင်းဖေ
