KITCHEN ဆေးရောင်ရွေးချယ်မှုအတွက် အကြံပေးမှုတစ်ချို့

သင့်အိမ်အတွက်အရေးအပါဆုံး မီးဖိုခန်းမှာတော့ တည်ငြိမ်တဲ့ အရောင်တွေဖြစ်တဲ့ အဖြူရောင် နဲ့ ဆင်စွယ်ရောင်လိုမျိုး အရောင်တွေကတော့ မပါမဖြစ်ပါပဲ။ မီးဖိုခန်းဟာဆိုရင် အလင်းရောင်ရပြီးလေ ဝင်လေထွက်ကောင်းဖို့လိုတဲ့အတွက် အရောင်လင်းစေတဲ့ အရောင်မျိုးနှစ်သက်သူတွေ အတွက်အဝါရောင်ဟာလည်းရွေးချယ်သင့်တဲ့အရောင်ထဲပါဝင်ပါတယ်။ အဝါရောင်ဟာ မျက်စိပသာဒဖြစ်စေတဲ့အတွက် လူကြိုက်များတဲ့အရောင်အနေနဲ့ပါဝင်ပါတယ်။

အနီရောင်ဟာဆိုရင်လည်း အစာစားချင်စိတ်ကိုတိုးပွားစေတယ်လို့ယူဆကျပေမဲ့ အနီရောင်ကိုရွေးမယ်ဆိုရင်တော့ အရောင်ကိုအရမ်းရင့်သွားတဲ့အခါ အခန်းကိုမှောင်စေတဲ့အတွက် အထူးသတိထားဖို့လိုပါတယ်။ အနီရောင်သုံးတဲ့အခါ တွဲဖက်အရောင်တွေဖြစ်တဲ့ ပန်းရောင် ပန်းဆီရောင်စတာတွေနဲ့ အမြင်ရှိသလို ပေါင်းစပ်ဖန်တီးလို့ ရတာမို့သင့်မီးဖိုခန်းဟာ သာမာန်ထက်ထူးခြား နေမှာပါ။

သဘာဝဆန်တဲ့အစိမ်းရောင်ကို သင့်မီးဖိုခန်းအတွက်ရွေးချယ်မယ်ဆို သစ်သားနဲ့ပြုလုပ်ထားတဲ့ပစ္စည်းတွေနဲ့တွဲဖက်အသုံးပြုတဲ့အခါ သင့်ရဲ့ မီးဖိုခန်းဟာစိမ်းလန်းတဲ့သစ်တောတစ်ခု ထဲရောက်သလိုခံစားရစေမှာပါ။ နို့စိမ်းရောင်နဲ့ပန်းသီးအစိမ်းရောင်လိုမျိုး အရောင်တွေနဲ့တွဲစပ်တဲ့အခါအလွန်လှပစေမှာပါ။

 အပြာရောင်ကတော့ အရောင်ထဲမှာမှ ပင်လယ်ပြာ ကောင်းကင်ပြာ စတဲ့အလွန်လှတဲ့ သဘာဝအရောင်တွေ ရဲ့ကိုယ်စားပြုဖြစ်တဲ့အတွက်သဘာဝကိုနှစ်သက်သူတွေရွေးချယ်သင့်တဲ့အရောင်ပါပဲ။ မီးဖိုချောင်သုံးပစ္စည်းတွေ မှာ အပြာရင့်ရင့်အသုံးပြုပေးသင့်ပါတယ်။

အိမ်ခြံမြေ ကိစ္စအဝဝနှင့် ပတ်သက်၍ ဥပဒေအကြံပေးပညာရှင်များနှင့် ဆွေးနွေးတိုင်ပင်လိုပါက iMyanmarHouse.com (အိုင်မြန်မာဟောက်စ်ဒေါ့ကွန်း) ၏ ဖုန်းနံပါတ်များဖြစ်သော 09-268022352 , 09-966901767 သို့ ဆက်သွယ်နိုင်ပါသည်။ အသေးစိတ်ကြည့်ရန် ဤနေရာကို နှိပ်ပါ။

ရောင်းရန်အိမ်ခြံမြေများကို သင်စိတ်တိုင်းကျ ရှာဖွေရန်အတွက် ဤနေရာကို နှိပ်ပါ။

ငှားရန်အိမ်ခြံမြေများကို သင်စိတ်တိုင်းကျ ရှာဖွေရန်အတွက် ဤနေရာကို နှိပ်ပါ။

Credit: phoenix-emperor