မြို့လယ်ရှိ ဒေါင်လိုက်သစ်တောတစ်ခုတွင် နေထိုင်ခြင်း - Bosco Verticale

7 Dec 2020 10:32 am တွင် တင်ခဲ့သည်

640 ကြိမ် ကြည့်ရှု့ပြီး

ပြည်ပ အိမ်ခြံမြေ သတင်း | Posted by အေးမြတ်သူ

[Unicode] Bosco Verticale (ဒေါင်လိုက်သစ်တော) ဆိုတာ အီတလီနိုင်ငံ မီလန်မြို့လယ်ကောင်ရှိ တစ်မူထူးခြားတဲ့ လူနေ complex (အပန်းဖြေနေရာ ဝန်ဆောင်မှု စသဖြင့် ဘုံအသုံးပြုမှုများဖြင့် လူနေအိမ်ခန်းအများအပြားပါဝင်သည့် အဆင့်မြင့်ဝင်း) တစ်ခုပဲ ဖြစ်ပါတယ်။ သူ့မှာ အမြင့်မီတာ ၈၀ နဲ့ ၁၁၂ စီ ရှိကြတဲ့ မိုးမျှော်တိုက်နှစ်ခု ပါဝင်ပါတယ်။

သူ့တို့အပေါ်မှာ သစ်ပင်ပန်းပင်တွေ ဖုံးအုပ်ထားတာကြောင့် ၎င်းမျှော်စင်နှစ်ခုကို ဒေါင်လိုက်သစ်တောဆိုတဲ့ အဓိပ္ပာယ်နဲ့ အီတလီလို Bosco Verticale လို့ အမည်ပေးထားတာ ဖြစ်ပါတယ်။

Boeri Studio မှ ဗိသုကာပညာရှင်အဖွဲ့က ဒီဇိုင်းထွင်ခဲ့တာဖြစ်ပြီး လူတွေသာမက ငှက်တွေအတွက်ပါ နေစရာစီစဉ်ပေးတဲ့ သစ်ပင်အိမ်တစ်ခုအဖြစ် ရည်ရွယ်ခဲ့တာဖြစ်တယ်လို့ သိရပါတယ်။

မီလန်မြို့ရဲ့ နာမည်ကျော် Porta Nuova Isola ဧရိယာမှာ ၂၀၁၄ ခုနှစ် အောက်တိုဘာက အခမ်းအနားနဲ့ ဖွင့်လှစ်ခဲ့တာဖြစ်ပါတယ်။

၎င်း complex မှာ သစ်ပင်ပန်းပင်ပေါင်း ၈၀၀ (ပထမနဲ့ဒုတိယအဆင့် အပင် ၄၈၀နဲ့ အသေးစားအပင် ၃၀၀) နီးပါး၊ နှစ်နှစ်ခံပင်နဲ့ မြေကြီးကြမ်းခင်းပင်ပေါင်း ၁၅,၀၀၀ နဲ့ ချုံ ၅,၀၀၀ စိုက်ပျိုးထားပါတယ်။

အဲဒီသစ်ပင်ပန်းပင်တွေက အဆောက်အအုံတွေအတွင်းက စိုထိုင်းစကို ထိန်းညှိပေးပြီး ကာဗွန်ဒိုင်အောက်ဆိုက်ကို စုပ်ယူပေးကာ အောက်ဆီဂျင်ကို ထုတ်လုပ်ပေးတယ်လို့ Boeri Studio က ၎င်းတို့ဝက်ဘ်ဆိုက်မှာ ဖော်ပြထားပါတယ်။

၎င်းသစ်ပင်ပန်းပင်တွေက မိုးမျှော်တိုက်တွေမှာ နေထိုင်သူတွေကို အကျိုးကျေးဇူးတစ်ခုထက် ပိုပြီး ပေးတယ်ဆိုတာကိုလည်း အမေရိကန်စီးပွားရေးသတင်းရုပ်သံလိုင်း CNBC က မကြာသေးမီကပဲ လေ့လာတွေ့ရှိထားပါတယ်။

ဒီ complex ရဲ့ ဆောက်လုပ်မှုအယူအဆက အသစ်အဆန်းတော့ မဟုတ်ပါဘူး။ ယခင်ကလည်း ကိုလံဘီယာနိုင်ငံ ဘိုဂိုတာမြို့လယ်ရှိ Edificio Santalaia နဲ့ တရုတ်နိုင်ငံ ချန်တူမြို့ရှိ Qiyi City Forest Garden တို့အပါအဝင် အလားတူအဆောက်အအုံတွေ အမြောက်အများရှိပြီးသားပါ။

ကိုယ်ပိုင်အိမ်ခြံဝန်းလေးနဲ့ပတ်ဝန်းကျင်အေးဆေးကြိုက်နှစ်သက်သူများအတွက်သာမက အရေးပေါ်အခြေအနေတခုခု အတွက်

2,100 သိန်း (ကျပ်)

မြောက်ဥက္ကလာပ | ရန်ကုန်တိုင်းဒေသကြီး

သာကေတမြို့နယ် ထူပါရုံ (-) လမ်း အသင့်နေရုံ မြေညီတိုက်ခန်းရောင်းမည်

2,500 သိန်း (ကျပ်)

သာကေတ | ရန်ကုန်တိုင်းဒေသကြီး

(73’ x 118’)အကျယ်၊ နှင်းဆီကုန်းလမ်းမရှိ မြေကွက် အရောင်း။

138,000 သိန်း (ကျပ်)

ဗဟန်း | ရန်ကုန်တိုင်းဒေသကြီး

ဒါပေမဲ့ ဥပမာအားဖြင့် Qiyi City Forest Garden ဆိုရင် မကြာသေးခင်ကပဲ နိုင်ငံတကာသတင်းတွေမှာ သတင်းဆိုးထွက်လာပါတယ်။ သစ်ပင်ပန်းပင်တွေကို သေချာထိန်းသိမ်းပြုပြင်မှုမရှိခြင်းနဲ့ ခြင်ကိုက်ခြင်း ဆိုတဲ့ မကောင်းသတင်းတွေပဲ ဖြစ်ပါတယ်။

Bosco Verticale ရှိ သစ်ပင်ပန်းပင်တွေကိုတော့ ပုံမှန်ပြုပြင်ထိန်းသိမ်းမှုရှိကာ ဒီအတွက်လည်း ဒီဂျစ်တယ်နဲ့ အလိုအလျောက် စောင့်ကြည့်စနစ်တွေနဲ့ အဆက်မပြတ်စောင့်ကြည့်တာဖြစ်တယ်လို့ သိရပါတယ်။

ဖွင့်လှစ်ပြီး နှစ်အနည်းငယ်အကြာမှာ Bosco Verticale ဟာ လူနေအိမ်ခန်းများစွာရှိတဲ့ အဆောက်အအုံဝင်းအပြင် ငှက်နဲ့ လိပ်ပြာ အမျိုးပေါင်း ၁,၆၀၀ ခန့်အပါအဝင် အင်းဆက်တိရစ္ဆာန်မြောက်များစွာအတွက် ခိုနားရာနေရာတစ်ခုလည်း ဖြစ်လာခဲ့တယ်လို့ သိရပါတယ်။

(iMyanmarHouse.com Team မှ ရေးသား ဖော်ပြသည်။)

Credit: iMyanmarHouse.com

Ref: Bosco Verticale – Living in a Vertical Forest in the Middle of an Urban Jungle (OC)

[Zawgyi]

ၿမိဳ႕လယ္႐ွိ ေဒါင္လိုက္သစ္ေတာတစ္ခုတြင္ ေနထိုင္ျခင္း - Bosco Verticale

Bosco Verticale (ေဒါင္လိုက္သစ္ေတာ) ဆိုတာ အီတလီႏိုင္ငံ မီလန္ၿမိဳ႕လယ္ေကာင္႐ွိ တစ္မူထူးျခားတဲ့ လူေန complex (အပန္းေျဖေနရာ ဝန္ေဆာင္မႈ စသျဖင့္ ဘုံအသုံးျပဳမႈမ်ားျဖင့္ လူေနအိမ္ခန္းအမ်ားအျပားပါဝင္သည့္ အဆင့္ျမင့္ဝင္း) တစ္ခုပဲ ျဖစ္ပါတယ္။ သူ႕မွာ အျမင့္မီတာ ၈၀ နဲ႔ ၁၁၂ စီ ႐ွိၾကတဲ့ မိုးေမွ်ာ္တိုက္ႏွစ္ခု ပါဝင္ပါတယ္။

သူ႕တို႔အေပၚမွာ သစ္ပင္ပန္းပင္ေတြ ဖုံးအုပ္ထားတာေၾကာင့္ ၎ေမွ်ာ္စင္ႏွစ္ခုကို ေဒါင္လိုက္သစ္ေတာဆိုတဲ့ အဓိပၸာယ္နဲ႔ အီတလီလို Bosco Verticale လို႔ အမည္ေပးထားတာ ျဖစ္ပါတယ္။

Boeri Studio မွ ဗိသုကာပညာ႐ွင္အဖြဲ႕က ဒီဇိုင္းထြင္ခဲ့တာျဖစ္ၿပီး လူေတြသာမက ငွက္ေတြအတြက္ပါ ေနစရာစီစဥ္ေပးတဲ့ သစ္ပင္အိမ္တစ္ခုအျဖစ္ ရည္႐ြယ္ခဲ့တာျဖစ္တယ္လို႔ သိရပါတယ္။

မီလန္ၿမိဳ႕ရဲ႕ နာမည္ေက်ာ္ Porta Nuova Isola ဧရိယာမွာ ၂၀၁၄ ခုႏွစ္ ေအာက္တိုဘာက အခမ္းအနားနဲ႔ ဖြင့္လွစ္ခဲ့တာျဖစ္ပါတယ္။

၎ complex မွာ သစ္ပင္ပန္းပင္ေပါင္း ၈၀၀ (ပထမနဲ႔ဒုတိယအဆင့္ အပင္ ၄၈၀နဲ႔ အေသးစားအပင္ ၃၀၀) နီးပါး၊ ႏွစ္ႏွစ္ခံပင္နဲ႔ ေျမႀကီးၾကမ္းခင္းပင္ေပါင္း ၁၅,၀၀၀ နဲ႔ ခ်ံဳ ၅,၀၀၀ စိုက္ပ်ိဳးထားပါတယ္။

အဲဒီသစ္ပင္ပန္းပင္ေတြက အေဆာက္အအုံေတြအတြင္းက စိုထိုင္းစကို ထိန္းညႇိေပးၿပီး ကာဗြန္ဒိုင္ေအာက္ဆိုက္ကို စုပ္ယူေပးကာ ေအာက္ဆီဂ်င္ကို ထုတ္လုပ္ေပးတယ္လို႔ Boeri Studio က ၎တို႔ဝက္ဘ္ဆိုက္မွာ ေဖာ္ျပထားပါတယ္။

၎သစ္ပင္ပန္းပင္ေတြက မိုးေမွ်ာ္တိုက္ေတြမွာ ေနထိုင္သူေတြကို အက်ိဳးေက်းဇူးတစ္ခုထက္ ပိုၿပီး ေပးတယ္ဆိုတာကိုလည္း အေမရိကန္စီးပြားေရးသတင္း႐ုပ္သံလိုင္း CNBC က မၾကာေသးမီကပဲ ေလ့လာေတြ႕႐ွိထားပါတယ္။

ဒီ complex ရဲ႕ ေဆာက္လုပ္မႈအယူအဆက အသစ္အဆန္းေတာ့ မဟုတ္ပါဘူး။ ယခင္ကလည္း ကိုလံဘီယာႏိုင္ငံ ဘိုဂိုတာၿမိဳ႕လယ္႐ွိ Edificio Santalaia နဲ႔ တ႐ုတ္ႏိုင္ငံ ခ်န္တူၿမိဳ႕႐ွိ Qiyi City Forest Garden တို႔အပါအဝင္ အလားတူအေဆာက္အအုံေတြ အေျမာက္အမ်ား႐ွိၿပီးသားပါ။

ဒါေပမဲ့ ဥပမာအားျဖင့္ Qiyi City Forest Garden ဆိုရင္ မၾကာေသးခင္ကပဲ ႏိုင္ငံတကာသတင္းေတြမွာ သတင္းဆိုးထြက္လာပါတယ္။ သစ္ပင္ပန္းပင္ေတြကို ေသခ်ာထိန္းသိမ္းျပဳျပင္မႈမ႐ွိျခင္းနဲ႔ ျခင္ကိုက္ျခင္း ဆိုတဲ့ မေကာင္းသတင္းေတြပဲ ျဖစ္ပါတယ္။

Bosco Verticale ႐ွိ သစ္ပင္ပန္းပင္ေတြကိုေတာ့ ပုံမွန္ျပဳျပင္ထိန္းသိမ္းမႈ႐ွိကာ ဒီအတြက္လည္း ဒီဂ်စ္တယ္နဲ႔ အလိုအေလ်ာက္ ေစာင့္ၾကည့္စနစ္ေတြနဲ႔ အဆက္မျပတ္ေစာင့္ၾကည့္တာျဖစ္တယ္လို႔ သိရပါတယ္။

ဖြင့္လွစ္ၿပီး ႏွစ္အနည္းငယ္အၾကာမွာ Bosco Verticale ဟာ လူေနအိမ္ခန္းမ်ားစြာ႐ွိတဲ့ အေဆာက္အအုံဝင္းအျပင္ ငွက္နဲ႔ လိပ္ျပာ အမ်ိဳးေပါင္း ၁,၆၀၀ ခန္႔အပါအဝင္ အင္းဆက္တိရစၧာန္ေျမာက္မ်ားစြာအတြက္ ခိုနားရာေနရာတစ္ခုလည္း ျဖစ္လာခဲ့တယ္လို႔ သိရပါတယ္။

(iMyanmarHouse.com Team မွ ေရးသား ေဖာ္ျပသည္။)

Credit: iMyanmarHouse.com

Ref: Bosco Verticale – Living in a Vertical Forest in the Middle of an Urban Jungle (OC)

Share on Facebook

Share on Twitter