တရုတ်တွင် လူ ၆ သောင်းခန့် COVID-19 ကာကွယ်ဆေးထိုးပြီးဟု တရားဝင်ထုတ်ပြန်

21 Oct 2020 11:24 am တွင် တင်ခဲ့သည်

8222 ကြိမ် ကြည့်ရှု့ပြီး

ပြည်ပ အိမ်ခြံမြေ သတင်း | Posted by အေးမြတ်သူ

[Unicode]

COVID-19 ရောဂါကို ဖြစ်စေသည့် ကိုရိုနာဗိုင်းရပ်စ်အသစ်စတင်တွေ့ရှိရာ တရုတ်နိုင်ငံတွင် မကြာသေးမီအချိန်ထိ လူ ၆ သောင်းနီးပါးအား COVID-19 ကာကွယ်ဆေးများ ထိုးနှံပြီးဖြစ်ကြောင်းနှင့် တစ်ဦးမျှ ပြင်းထန်သော ဓာတ်မတည့်မှုမရှိသေးကြောင်း တရုတ်အစိုးရတာဝန်ရှိသူတစ်ဦးက အောက်တိုဘာ ၂၀ တွင် သတင်းစာရှင်းလင်းပွဲတစ်ခု၌ ပြောကြားခဲ့သည်။

လက်တွေ့စမ်းသပ်နေသည့် စုစုပေါင်း COVID-19 ကာကွယ်ဆေး ၁၃ မျိုး ရှိသည့် တရုတ်နိုင်ငံသည် COVID-19 ကာကွယ်ဆေးတီထွင်မှုတွင် ထိပ်ဆုံးမှဦးဆောင်နေကြောင်း တရုတ်သိပ္ပံနှင့်နည်းပညာဝန်ကြီးဌာနမှ တာဝန်ရှိသူတစ်ဦးဖြစ်သည့် ထျန်းပေါင်ကော်က သတင်းထောက်များသို့ ပြောကြားခဲ့သည်။

ယင်းကာကွယ်ဆေးများအနက် လေးမျိုးမှာ နိုင်ငံပေါင်း ၁၀ နိုင်ငံတွင် လက်တွေ့စမ်းသပ်မှုအဆင့် ၃ သို့ ရောက်ရှိနေကြပြီဖြစ်သည်။

“တရုတ်မှာ လက်တွေ့စမ်းသပ်မှုအစောပိုင်းအဆင့်တွေမှာ ဆေးထိုးတဲ့နေရာတစ်ဝိုက် နာကျင်ရောင်ရမ်းတာနဲ့ ယာယီဖျားနာတာတွေအပါအဝင် အပျော့စားဓာတ်မတည့်မှုလေးတွေကို တွေ့ခဲ့ရပါတယ်။ လက်တွေ့စမ်းသပ်မှုအဆင့် ၃ ရောက်ပြီး အခုထိတော့ အပျော့စားတွေပဲ တွေ့ရသေးပြီး ပြင်းပြင်းထန်ထန်ဓာတ်မတည့်မှုမျိုး မရှိသေးပါဘူး။” ဟု ထျန်းက သတင်းထောက်များသို့ ပြောကြားခဲ့သည်။

တရုတ်သည် ယခုနှစ်မကုန်မီ COVID-19 ကာကွယ်ဆေးအလုံးရေ သန်းပေါင်း ၆၁၀ အထိ ထုတ်လုပ်ရန် မျှော်မှန်းထားကြောင်း၊ လာမည့်နှစ်တွင် ပိုမိုများစွာတိုးမြှင့်ထုတ်လုပ်သွားမည်ဖြစ်ကြောင်း တရုတ် COVID-19 ကာကွယ်ဆေးတီထွင်‌ရေးအထူးအဖွဲ့ခေါင်းဆောင် ကျန်းကျုံးဝေကလည်း အဆိုပါသတင်းစာရှင်းလင်းပွဲတွင် ပြောကြားခဲ့သည်။

တရုတ်နိုင်ငံပိုင်ဆေးကုမ္ပဏီ Sinopharm ၏ ဥက္ကဋ္ဌ လျိုကျင်းကျန်ကလည်း ထိုသတင်းစာရှင်းလင်းပွဲသို့ တက်ရောက်ခဲ့ကာ ၎င်းတို့ကုမ္ပဏီသည် ဘေးကင်းသောကာကွယ်ဆေးလုံလုံလောက်လောက် ပံ့ပိုးပေးနိုင်ရေးအတွက် ကာကွယ်ဆေးအမြောက်အမြားထုတ်လုပ်မှုစတင်ရန် အသင့်ဖြစ်နေပြီဖြစ်ကြောင်း ပြောကြားခဲ့သည်။

ယခုကဲ့သို့ တရားဝင်သတင်းမထုတ်မီက တရုတ်နိုင်ငံတွင် ဆေးကုမ္ပဏီ ၃ ခုထက်မနည်း၏ လက်တွေ့စမ်းသပ်မှုနောက်ဆုံးအဆင့်များကြောင့် လက်တွေ့စမ်းသပ်ဆဲကာကွယ်ဆေးများကို တရုတ်ပြည်သူထောင်သောင်းပေါင်းများစွာ ထိုးထားကြပြီးဟုသာ ကမ္ဘာကသိရှိထားခဲ့ကြရသည်။

တရုတ်အစိုးရက အ‌စောဆုံး လာမည့်လတွင် ကာကွယ်ဆေးတစ်မျိုး ရရှိနိုင်ကြောင်း ကြေညာထားကာ ဖွံ့ဖြိုးဆဲနိုင်ငံများကို ဦးစားပေးမည်ဟု တရုတ်နိုင်ငံခြားရေးဝန်ကြီးဌာန ပြောခွင့်ရပုဂ္ဂိုလ် ဟွာချွမ်ယင်၏ ပြောကြားချက်အရ သိရသည်။

တရုတ်နိုင်ငံသည် ကုလသမဂ္ဂကျန်းမာရေးအဖွဲ့အစည်းဖြစ်သော ကမ္ဘာ့ကျန်းမာရေးအဖွဲ့ (WHO) ဦး‌ဆောင်သည့် ကမ္ဘာလုံးဆိုင်ရာ COVID-19 ကာကွယ်‌ဆေးမဟာမိတ်အစီအစဉ် COVAX တွင် ပါဝင်ရန်လည်း သဘောတူညီချက်စာချုပ်တစ်ရပ်တွင် တရားဝင်လက်မှတ်ရေးထိုးခဲ့ပြီးဖြစ်သည်။

WHO နှင့်အတူ ကူးစက်ရောဂါဆိုင်ရာကြိုတင်ပြင်ဆင်ဆန်းသစ်တီထွင်မှုညွန့်ပေါင်းအဖွဲ့ (CEPI) နှင့် ကာကွယ်ဆေးဆိုင်ရာအဖွဲ့ Gavi တို့မှဆောင်ရွက်နေသည့် COVAX သည် ဖွံ့ဖြိုးပြီးနိုင်ငံများတင်မဟုတ်ဘဲ ဆင်းရဲသောနိုင်ငံများမှလည်း COVID-19 ကာကွယ်ဆေးများရရှိစေမည့် စီမံကိန်းတစ်ခုဖြစ်သည်။

၎င်း COVAX အစီအစဉ်တွင် မြန်မာအပါအဝင် နိုင်ငံပေါင်း ၁၇၂ နိုင်ငံနှင့် လက်တွေ့စမ်းသပ်ဆဲ ကာကွယ်ဆေး မြောက်များစွာ ပါဝင်သည်။

သူ့တွင် ပါဝင်လာနိုင်စေမည့် ဘေးကင်းအစွမ်းထက်သော COVID-19 ကာကွယ်ဆေး သုံးမျိုးထက်မနည်း လျင်လျင်မြန်မြန်ပေါ်ထွက်လာစေရန် ရည်ရွယ်ထားသည့် COVAX က ကမ္ဘာတစ်ဝန်း ရှေ့နှစ်မကုန်မီ ကာကွယ်‌ဆေးအလုံးရေ ၂ သန်းထက်မနည်း ဖြန့်ဖြူးပေးနိုင်ရန် မျှော်မှန်းထားသည်ဟု သိရသည်။

ငွေကြေးရင်းမြစ်နှင့် သိပ္ပံဆိုင်ရာရင်းမြစ်များ စုပေါင်းပါဝင်မည့် COVAX က ငွေကြေးအထောက်အပံ့ရရှိနိုင်သည့် ဝင်ငွေအလယ်အလတ်နိုင်ငံများနှင့် ဝင်ငွေနိမ့်သောနိုင်ငံများ စုစုပေါင်း ၉၂ နိုင်ငံအား ချမ်းသာသောနိုင်ငံများနည်းတူ COVID-19 ကာကွယ်ဆေးများကို မျှမျှတတ ရရှိနိုင်စေမည်ဖြစ်သည်။

စမ်းချောင်းမြို့နယ် , ပြည်လမ်းမအနီး အဆင်သင့်တက်နေရုံ ပေအကျယ်တိုက်ခန်းအရောင်း

3,450 သိန်း (ကျပ်)

စမ်းချောင်း | ရန်ကုန်တိုင်းဒေသကြီး

သာကေတမြို့နယ် "ရတနာအိမ်ယာ"လုံးချင်းအိမ်ရောင်းမည်

15,000 သိန်း (ကျပ်)

သာကေတ | ရန်ကုန်တိုင်းဒေသကြီး

#မဝတလမ်းဆုံနဲ့ နီးတဲ့လမ်းကျယ်အရောင်း✨

6,500 သိန်း (ကျပ်)

အရှေ့ဒဂုံ | ရန်ကုန်တိုင်းဒေသကြီး

ယခုအချိန်ထိမူ တရုတ်က COVAX စီမံကိန်းအား ထောက်ခံသည့် စီးပွားရေးအင်အားအကြီးဆုံးနိုင်ငံဖြစ်သည်။ အမေရိကန်မှ လက်မှတ်မရေးထိုးထားသလို ရုရှားကလည်း လက်မှတ်မထိုးထားပေ။

အတည်ပြုလူနာဦးရေနှင့် သေဆုံးသူဦးရေအများဆုံးသော အမေရိကန်က COVAX တွင် ပါဝင်မည်မဟုတ်ဟု ကြေညာထားသော်လည်း ကာကွယ်ဆေးများ ရရှိရေးအတွက် ဆေးကုမ္ပဏီများနှင့် နှစ်ဦးသဘောတူစာချုပ်များ ချုပ်ဆိုထားပြီးဖြစ်ကြောင်း သိရသည်။

မြန်မာနိုင်ငံ၊ အာဆီယံနိုင်ငံများနှင့် ကမ္ဘာတစ်ဝှမ်းလုံး ၏ ကိုရိုနာဗိုင်းရပ်စ် ကူးစက်ခံရမှု ကိန်းဂဏန်းများ - အသေးစိတ်ကြည့်ရန် ဤနေရာကို နှိပ်ပါ။

Corona Virus အကြောင်း သိကောင်းစရာများနှင့် ခုခံကာကွယ်ပုံများအသေးစိတ်ကို ဤနေရာတွင် ဖတ်ရှုနိုင်ပါသည်။

iMyanmarHouse.com သည် မြန်မာနိုင်ငံမှ Coronavirus အပြီးတိုင်တိုက်ဖျက်ရေးအတွက် ကျရာကဏ္ဍမှ ပြည်သူများအားလုံးအတွက် မှန်ကန်သော သတင်းများကို အချိန်နှင့်တပြေးညီ ဖော်ပြပေးနေပါသည်။ မှန်ကန်ယုံကြည်စိတ်ချရသော သတင်းများကိုသာ အယ်ဒီတာအဖွဲ့မှ ဖော်ပြပေးမည်ဖြစ်ပါသည်။ တစ်စုံတစ်ရာ အဆင်မပြေမှုများရှိပါက iMyanmarHouse.com သို့ ဤနေရာတွင် ဆက်သွယ်နိုင်ပါသည်။

(iMyanmarHouse.com Team မှ ရေးသား ဖော်ပြသည်။)

Credit: iMyanmarHouse.com

Ref: Some 60,000 injected with China's COVID-19 vaccines with no ill effect (CGTN, Aljazeera)

[Zawgyi]

တ႐ုတ္တြင္ လူ ၆ ေသာင္းခန္႔ COVID-19 ကာကြယ္ေဆးထိုးၿပီးဟု တရားဝင္ထုတ္ျပန္

COVID-19 ေရာဂါကို ျဖစ္ေစသည့္ ကို႐ိုနာဗိုင္းရပ္စ္အသစ္စတင္ေတြ႕႐ွိရာ တ႐ုတ္ႏိုင္ငံတြင္ မၾကာေသးမီအခ်ိန္ထိ လူ ၆ ေသာင္းနီးပါးအား COVID-19 ကာကြယ္ေဆးမ်ား ထိုးႏွံၿပီးျဖစ္ေၾကာင္းႏွင့္ တစ္ဦးမွ် ျပင္းထန္ေသာ ဓာတ္မတည့္မႈမ႐ွိေသးေၾကာင္း တ႐ုတ္အစိုးရတာဝန္႐ွိသူတစ္ဦးက ေအာက္တိုဘာ ၂၀ တြင္ သတင္းစာ႐ွင္းလင္းပြဲတစ္ခု၌ ေျပာၾကားခဲ့သည္။

လက္ေတြ႕စမ္းသပ္ေနသည့္ စုစုေပါင္း COVID-19 ကာကြယ္ေဆး ၁၃ မ်ိဳး ႐ွိသည့္ တ႐ုတ္ႏိုင္ငံသည္ COVID-19 ကာကြယ္ေဆးတီထြင္မႈတြင္ ထိပ္ဆုံးမွဦးေဆာင္ေနေၾကာင္း တ႐ုတ္သိပၸံႏွင့္နည္းပညာဝန္ႀကီးဌာနမွ တာဝန္႐ွိသူတစ္ဦးျဖစ္သည့္ ထ်န္းေပါင္ေကာ္က သတင္းေထာက္မ်ားသို႔ ေျပာၾကားခဲ့သည္။

ယင္းကာကြယ္ေဆးမ်ားအနက္ ေလးမ်ိဳးမွာ ႏိုင္ငံေပါင္း ၁၀ ႏိုင္ငံတြင္ လက္ေတြ႕စမ္းသပ္မႈအဆင့္ ၃ သို႔ ေရာက္႐ွိေနၾကၿပီျဖစ္သည္။

“တ႐ုတ္မွာ လက္ေတြ႕စမ္းသပ္မႈအေစာပိုင္းအဆင့္ေတြမွာ ေဆးထိုးတဲ့ေနရာတစ္ဝိုက္ နာက်င္ေရာင္ရမ္းတာနဲ႔ ယာယီဖ်ားနာတာေတြအပါအဝင္ အေပ်ာ့စားဓာတ္မတည့္မႈေလးေတြကို ေတြ႕ခဲ့ရပါတယ္။ လက္ေတြ႕စမ္းသပ္မႈအဆင့္ ၃ ေရာက္ၿပီး အခုထိေတာ့ အေပ်ာ့စားေတြပဲ ေတြ႕ရေသးၿပီး ျပင္းျပင္းထန္ထန္ဓာတ္မတည့္မႈမ်ိဳး မ႐ွိေသးပါဘူး။” ဟု ထ်န္းက သတင္းေထာက္မ်ားသို႔ ေျပာၾကားခဲ့သည္။

တ႐ုတ္သည္ ယခုႏွစ္မကုန္မီ COVID-19 ကာကြယ္ေဆးအလုံးေရ သန္းေပါင္း ၆၁၀ အထိ ထုတ္လုပ္ရန္ ေမွ်ာ္မွန္းထားေၾကာင္း၊ လာမည့္ႏွစ္တြင္ ပိုမိုမ်ားစြာတိုးျမႇင့္ထုတ္လုပ္သြားမည္ျဖစ္ေၾကာင္း တ႐ုတ္ COVID-19 ကာကြယ္ေဆးတီထြင္‌ေရးအထူးအဖြဲ႕ေခါင္းေဆာင္ က်န္းက်ံဳးေဝကလည္း အဆိုပါသတင္းစာ႐ွင္းလင္းပြဲတြင္ ေျပာၾကားခဲ့သည္။

တ႐ုတ္ႏိုင္ငံပိုင္ေဆးကုမၸဏီ Sinopharm ၏ ဥကၠ႒ လ်ိဳက်င္းက်န္ကလည္း ထိုသတင္းစာ႐ွင္းလင္းပြဲသို႔ တက္ေရာက္ခဲ့ကာ ၎တို႔ကုမၸဏီသည္ ေဘးကင္းေသာကာကြယ္ေဆးလုံလုံေလာက္ေလာက္ ပံ့ပိုးေပးႏိုင္ေရးအတြက္ ကာကြယ္ေဆးအေျမာက္အျမားထုတ္လုပ္မႈစတင္ရန္ အသင့္ျဖစ္ေနၿပီျဖစ္ေၾကာင္း ေျပာၾကားခဲ့သည္။

ယခုကဲ့သို႔ တရားဝင္သတင္းမထုတ္မီက တ႐ုတ္ႏိုင္ငံတြင္ ေဆးကုမၸဏီ ၃ ခုထက္မနည္း၏ လက္ေတြ႕စမ္းသပ္မႈေနာက္ဆုံးအဆင့္မ်ားေၾကာင့္ လက္ေတြ႕စမ္းသပ္ဆဲကာကြယ္ေဆးမ်ားကို တ႐ုတ္ျပည္သူေထာင္ေသာင္းေပါင္းမ်ားစြာ ထိုးထားၾကၿပီးဟုသာ ကမ႓ာကသိ႐ွိထားခဲ့ၾကရသည္။

တ႐ုတ္အစိုးရက အ‌ေစာဆုံး လာမည့္လတြင္ ကာကြယ္ေဆးတစ္မ်ိဳး ရ႐ွိႏိုင္ေၾကာင္း ေၾကညာထားကာ ဖြံ႕ၿဖိဳးဆဲႏိုင္ငံမ်ားကို ဦးစားေပးမည္ဟု တ႐ုတ္ႏိုင္ငံျခားေရးဝန္ႀကီးဌာန ေျပာခြင့္ရပုဂၢိဳလ္ ဟြာခြၽမ္ယင္၏ ေျပာၾကားခ်က္အရ သိရသည္။

တ႐ုတ္ႏိုင္ငံသည္ ကုလသမဂၢက်န္းမာေရးအဖြဲ႕အစည္းျဖစ္ေသာ ကမ႓ာ့က်န္းမာေရးအဖြဲ႕ (WHO) ဦး‌ေဆာင္သည့္ ကမ႓ာလုံးဆိုင္ရာ COVID-19 ကာကြယ္‌ေဆးမဟာမိတ္အစီအစဥ္ COVAX တြင္ ပါဝင္ရန္လည္း သေဘာတူညီခ်က္စာခ်ဳပ္တစ္ရပ္တြင္ တရားဝင္လက္မွတ္ေရးထိုးခဲ့ၿပီးျဖစ္သည္။

WHO ႏွင့္အတူ ကူးစက္ေရာဂါဆိုင္ရာႀကိဳတင္ျပင္ဆင္ဆန္းသစ္တီထြင္မႈၫြန္႔ေပါင္းအဖြဲ႕ (CEPI) ႏွင့္ ကာကြယ္ေဆးဆိုင္ရာအဖြဲ႕ Gavi တို႔မွေဆာင္႐ြက္ေနသည့္ COVAX သည္ ဖြံ႕ၿဖိဳးၿပီးႏိုင္ငံမ်ားတင္မဟုတ္ဘဲ ဆင္းရဲေသာႏိုင္ငံမ်ားမွလည္း COVID-19 ကာကြယ္ေဆးမ်ားရ႐ွိေစမည့္ စီမံကိန္းတစ္ခုျဖစ္သည္။

၎ COVAX အစီအစဥ္တြင္ ျမန္မာအပါအဝင္ ႏိုင္ငံေပါင္း ၁၇၂ ႏိုင္ငံႏွင့္ လက္ေတြ႕စမ္းသပ္ဆဲ ကာကြယ္ေဆး ေျမာက္မ်ားစြာ ပါဝင္သည္။

သူ႕တြင္ ပါဝင္လာႏိုင္ေစမည့္ ေဘးကင္းအစြမ္းထက္ေသာ COVID-19 ကာကြယ္ေဆး သုံးမ်ိဳးထက္မနည္း လ်င္လ်င္ျမန္ျမန္ေပၚထြက္လာေစရန္ ရည္႐ြယ္ထားသည့္ COVAX က ကမ႓ာတစ္ဝန္း ေ႐ွ႕ႏွစ္မကုန္မီ ကာကြယ္‌ေဆးအလုံးေရ ၂ သန္းထက္မနည္း ျဖန္႔ျဖဴးေပးႏိုင္ရန္ ေမွ်ာ္မွန္းထားသည္ဟု သိရသည္။

ေငြေၾကးရင္းျမစ္ႏွင့္ သိပၸံဆိုင္ရာရင္းျမစ္မ်ား စုေပါင္းပါဝင္မည့္ COVAX က ေငြေၾကးအေထာက္အပံ့ရ႐ွိႏိုင္သည့္ ဝင္ေငြအလယ္အလတ္ႏိုင္ငံမ်ားႏွင့္ ဝင္ေငြနိမ့္ေသာႏိုင္ငံမ်ား စုစုေပါင္း ၉၂ ႏိုင္ငံအား ခ်မ္းသာေသာႏိုင္ငံမ်ားနည္းတူ COVID-19 ကာကြယ္ေဆးမ်ားကို မွ်မွ်တတ ရ႐ွိႏိုင္ေစမည္ျဖစ္သည္။

ယခုအခ်ိန္ထိမူ တ႐ုတ္က COVAX စီမံကိန္းအား ေထာက္ခံသည့္ စီးပြားေရးအင္အားအႀကီးဆုံးႏိုင္ငံျဖစ္သည္။ အေမရိကန္မွ လက္မွတ္မေရးထိုးထားသလို ႐ု႐ွားကလည္း လက္မွတ္မထိုးထားေပ။

အတည္ျပဳလူနာဦးေရႏွင့္ ေသဆုံးသူဦးေရအမ်ားဆုံးေသာ အေမရိကန္က COVAX တြင္ ပါဝင္မည္မဟုတ္ဟု ေၾကညာထားေသာ္လည္း ကာကြယ္ေဆးမ်ား ရ႐ွိေရးအတြက္ ေဆးကုမၸဏီမ်ားႏွင့္ ႏွစ္ဦးသေဘာတူစာခ်ဳပ္မ်ား ခ်ဳပ္ဆိုထားၿပီးျဖစ္ေၾကာင္း သိရသည္။

ျမန္မာႏိုင္ငံ၊ အာဆီယံႏိုင္ငံမ်ားႏွင့္ ကမာၻတစ္ဝွမ္းလုံး ၏ ကို႐ိုနာဗိုင္းရပ္စ္ ကူးစက္ခံရမႈ ကိန္းဂဏန္းမ်ား - အေသးစိတ္ၾကည့္ရန္ ဤေနရာကို ႏွိပ္ပါ။

Corona Virus အေၾကာင္း သိေကာင္းစရာမ်ားႏွင့္ ခုခံကာကြယ္ပုံမ်ားအေသးစိတ္ကို ဤေနရာတြင္ ဖတ္ရႈႏိုင္ပါသည္။

iMyanmarHouse.com သည္ ျမန္မာႏိုင္ငံမွ Coronavirus အၿပီးတိုင္တိုက္ဖ်က္ေရးအတြက္ က်ရာက႑မွ ျပည္သူမ်ားအားလုံးအတြက္ မွန္ကန္ေသာ သတင္းမ်ားကို အခ်ိန္ႏွင့္တေျပးညီ ေဖာ္ျပေပးေနပါသည္။ မွန္ကန္ယုံၾကည္စိတ္ခ်ရေသာ သတင္းမ်ားကိုသာ အယ္ဒီတာအဖြဲ႕မွ ေဖာ္ျပေပးမည္ျဖစ္ပါသည္။ တစ္စုံတစ္ရာ အဆင္မေျပမႈမ်ားရွိပါက iMyanmarHouse.com သို႔ ဤေနရာတြင္ ဆက္သြယ္ႏိုင္ပါသည္။

(iMyanmarHouse.com Team မွ ေရးသား ေဖာ္ျပသည္။)

Credit: iMyanmarHouse.com

Ref: Some 60,000 injected with China's COVID-19 vaccines with no ill effect (CGTN, Aljazeera)

Covid-19

Share on Facebook

Share on Twitter