ဘဝဆိုသည်မှာ မသေချာဘူးဆိုဦးတော့

[Unicode]

ဘဝအတွက် အသေအချာ စီမံကိန်း(Plan) ကြီးတွေချထားပေမယ့်လည်း ဘယ်သူမှ မခန့်မှန်းနိုင်ကြသည်က သဘာဝတရားကြီးနှင့် ကံကြမ္မာတရားတို့ပင် ဖြစ်သည်။ ရေရာသေချာမှုများနှင့် ကျွန်တော်တို့ဘဝတွေကို ဖန်တီးဖို့ကြိုးစားကြသည်။ ဒါပေမယ့် ဘဝက တကယ် ရော သေချာမှုရှိရဲ့လား ဆိုတာပြောရခက်သည်။

သဘာဝတရားနှင့်ကံကြမ္မာများကြောင့် သေချာမှုမရှိသည့် ဘဝမှာ ကျွန်တော်တို့ ဒီတိုင်းလက်လျှော့ပြီး ဘာမှ မကြံမစည် မတွေးတောဘဲ နေကြရတော့မည်လော။ မလုပ်နိုင်ပါ။ မလုပ်သင့်ပါ၊ ရှင်သန်ဖို့အတွက်ဆိုလျှင် ကျွန်တော်တို့ ကြံစည်ရမည်။ တွေးတောရမည်။ လုပ် ဆောင်ရမည်။ လူရယ်လို့ ဖြစ်လာပြီဆိုမှဖြင့် လက်လျှော့ပြီးနေရသည့် ဘဝကို ဘယ်သူလိုချင်မည်နည်း။

တကယ်တော့ လူမှမဟုတ်ပါဘူး။ သက်ရှိသတ္တဝါမှန်သမျှ ဖြစ်တည်လာကြပြီဆိုသည်နှင့် ရှင်သန်ဖို့ကြိုးစားကြသည်။ ကြိုးစားရမည်။ မသေချာဘူးဆိုပြီး လက်လျှော့ပြီး အရှူံးပေးကြစတမ်းဆိုပါလျှင် မနက်ဖြန်ဆိုတာတွေ ဖြစ်မလာပါဘူး။ ကျွန်တော်တို့လည်း လူဖြစ်လာ စရာမရှိပါဘူး။

လူဖြစ်လာပြီးဆိုမှဖြင့် လူ့ဝတ္တရားတို့ကို ကျွန်တော်တို့ ရင်ဆိုင်ကြရပါလိမ့်မည်။ ရင်မဆိုင်ဘဲ ရှောင်ပြေးခဲ့ပါလျှင် ထပ်ပြီးရင်မဆိုင်ချင်စရာ များက ရှေ့ဆက်သွားမည့်လမ်းတစ်လျှောက် ပိုပြီးတွေ့ကြုံကြရမည်မှာ အမှန်ပင်ဖြစ်သည်။ လောကဓံကြီးက ဒူးထောက်လက်လျှော့သူကို ပိုပြီးဖိနင်းဖို့ စောင့်နေပါလိမ့်မည်။

ဖြစ်လာမှတော့ ရှင်သန်ဝံ့ကြရမည်။ ဘဝမှာယှဉ်တွဲကြည့်စရာတွေက အများအပြားရှိသည်။ ခြေလက်အင်္ဂါပြည့်ပြည့်စုံစုံနှင့် မွေးခဲ့ရသည် ကပင် ကျွန်တော်တို့ “အရထူး”နေပါပြီ။ ဘဝမှာကိုယ်လက်အင်္ဂါ မပြည့်မစုံဘဲမွေးဖွားလာပြီး ဆက်လက်ရှင်သန်ဖို့ကြိုစားနေကြသည့် လူများ ကိုယ့်မျက်စိရှေ့တွင် အများအပြားတွေ့နိုင်ပါသည်။ အမြင်အင်္ဂါချို့ယွင်းနေသော်လည်း အချို့သော ကိုယ်လက်အင်္ဂါ ပြည့်စုံသူများ ထက်ပင် အရာရောက်နေသူများရှိကြသည်။

“ဘဝဆိုတာ မသေချာဘူးဆိုတာတောင်မှ ရဲရဲဝံ့ဝံ့ ရှင်သန်ဝံ့ကြသည်။”

သတ္တဝါတွေအပြင် မသေချာသောဘဝမှာ ရှင်သန်နိူင်ဖို့ လေနှင်ရာလွင့်ကြရသည့် သစ်စေ့လေးများကလည်း အတုယူစရာ ရှိပါသည်။ မြေဆီမြေလွှာ နည်းပါးလှသည့် ကျောက်ကမ်းပါးယံများထံ လေသယ်ဆောင်၍ ရောက်လာခဲ့ကြသည့် အစေ့ကလေးများသည်လည်း ရသည့် မြေရေလေနှင့် နေထို့မှ ရနိုင်သမျှ အာဟာရလေးများကို ရယူကြပြီး အစို့အညှောင့်လေးထွက်နိုင်အောင်ကြိုးစားသည်။ ဆက် လက်ရှင်သန်နိုင်ဖို့ ကြိုးစားသည်။ ကုတ်ကပ်တွယ်တက်လို့ အမြင့်ကိုရောက်ဖို့ ထပ်ကြိုးစားသည်။ သဘာဝတရားကြီးက ဖျက်စီးဦးမည်။ လက်လျှော့သွားသည်လား။ မလျှော့ပါ။ ရှင်သန်ဖို့ အခွင့်အရေးရှိသမျှ သူထပ်ကြိုးစားသည်။

ကမ်းမမြင်လမ်းမမြင်လို့ ပင်လယ်ပြင်ကြီးကို မဖြတ်သန်းခဲ့ကြလျှင် ကျွန်တော်တို့ နိုင်ငံစုံလူမျိုးစုံကိုတွေ့ခဲ့ကြရမည်မဟုတ်ပေ။ ဘဝဆိုတာ မရေရာဘူးဆိုပြီး မကြိုးမစားမနေခဲ့ကြပါဘူး။ ရှင်သန်ဖို့အပြင်ကို တွေ့သိလိုမှုတွေ၊ ဖန်တီးလိုမှုတွေ၊ လက်ရှိဘဝရဲ့ ဟိုမှာဘက်တွေမှာ ဘာတွေ ဘယ်လိုတွေဆိုပြီး ရှာဖွေခဲ့ကြသည်။

တွေ့သိလိုမှုကြောင့် သေရမည်ဆိုဦးတော့ သေဝံ့ခဲ့ကြသည်။ ဖန်တီးလိုမှုကြောင့် သေရမည်ဆိုဦးတော့ သေဝံ့ခဲ့ကြသည်။

ဘဝကိုရလာပြီးဆိုမှတော့ သက်သေကြဖို့ မလိုပါ။ သက်မသေလည်း သဘာဝအရကိုက တစ်နေ့သေကြရပါမည်။ သူ့အလိုလို သေဖို့ရာ သေချာနေမှတော့ သက်သေစရာမလိုပါဘူး။ ရှင်သန်ဝံ့ဖို့သာ ကြိုးစားရပါမည်။

တတ်ကျိုးလျှင် လက်နှင့်လှော်ရမည်။ လက်ကျိုးလျှင် ခြေနှင့်လှော်ရမည်။ ရှင်သန်နိုင်ဖို့ဆိုလျှင် ကြံစည်နိုင်သမျှ အခွင့်အရေးကို ကြံစည်ရပါမည်။ စိတ်ပျက်လက်လျှော့နေစရာမရှိပါ။

ဘဝမှာရှင်သန်နိုင်ဖို့အပြင် ပန်းတိုင်ဆိုသည့် မျှော်မှန်းချက်က လူတကာတို့ထက်ထူးသည့် လူရည်ချွန်တို့အတွက်ရှိနေပါသေးသည်။

အိမ်ခြံမြေ ကိစ္စအဝဝနှင့် ပတ်သက်၍ ဥပဒေအကြံပေးပညာရှင်များနှင့် ဆွေးနွေးတိုင်ပင်လိုပါက iMyanmarHouse.com (အိုင်မြန်မာဟောက်စ်ဒေါ့ကွန်း) ၏ ဖုန်းနံပါတ်များဖြစ်သော 09-966901767, 09-268022352 သို့ ဆက်သွယ်နိုင်ပါသည်။ အသေးစိတ်ကြည့်ရန် ဤနေရာကို နှိပ်ပါ။

ရောင်းရန်အိမ်ခြံမြေများကို သင်စိတ်တိုင်းကျ ရှာဖွေရန်အတွက်  ဤနေရာကို နှိပ်ပါ။

ငှားရန်အိမ်ခြံမြေများကို သင်စိတ်တိုင်းကျ ရှာဖွေရန်အတွက် ဤနေရာကို နှိပ်ပါ။

ခွန်နောင်လွင်ထူး ( iMyanmarHouse.com အိုင်မြန်မာဟောက်စ်ဒေါ့ကွန်း) မှ အထူးရေးသားဖော်ပြသည်။

Credit: iMyanmarHouse.com

[Zawgyi]

ဘဝဆိုသည္မွာ မေသခ်ာဘူးဆိုဦးေတာ့

ဘဝအတြက္ အေသအခ်ာ စီမံကိန္း(Plan) ႀကီးေတြခ်ထားေပမယ့္လည္း ဘယ္သူမွ မခန႔္မွန္းႏိုင္ၾကသည္က သဘာဝတရားႀကီးႏွင့္ ကံၾကမၼာတရားတို႔ပင္ ျဖစ္သည္။ ေရရာေသခ်ာမႈမ်ားႏွင့္ ကြၽန္ေတာ္တို႔ဘဝေတြကို ဖန္တီးဖို႔ႀကိဳးစားၾကသည္။ ဒါေပမယ့္ ဘဝက တကယ္ ေရာ ေသခ်ာမႈရွိရဲ႕လား ဆိုတာေျပာရခက္သည္။

သဘာဝတရားႏွင့္ကံၾကမၼာမ်ားေၾကာင့္ ေသခ်ာမႈမရွိသည့္ ဘဝမွာ ကြၽန္ေတာ္တို႔ ဒီတိုင္းလက္ေလွ်ာ့ၿပီး ဘာမွ မႀကံမစည္ မေတြးေတာဘဲ ေနၾကရေတာ့မည္ေလာ။ မလုပ္ႏိုင္ပါ။ မလုပ္သင့္ပါ၊ ရွင္သန္ဖို႔အတြက္ဆိုလွ်င္ ကြၽန္ေတာ္တို႔ ႀကံစည္ရမည္။ ေတြးေတာရမည္။ လုပ္ ေဆာင္ရမည္။ လူရယ္လို႔ ျဖစ္လာၿပီဆိုမွျဖင့္ လက္ေလွ်ာ့ၿပီးေနရသည့္ ဘဝကို ဘယ္သူလိုခ်င္မည္နည္း။

တကယ္ေတာ့ လူမွမဟုတ္ပါဘူး။ သက္ရွိသတၱဝါမွန္သမွ် ျဖစ္တည္လာၾကၿပီဆိုသည္ႏွင့္ ရွင္သန္ဖို႔ႀကိဳးစားၾကသည္။ ႀကိဳးစားရမည္။ မေသခ်ာဘူးဆိုၿပီး လက္ေလွ်ာ့ၿပီး အရႉံးေပးၾကစတမ္းဆိုပါလွ်င္ မနက္ျဖန္ဆိုတာေတြ ျဖစ္မလာပါဘူး။ ကြၽန္ေတာ္တို႔လည္း လူျဖစ္လာ စရာမရွိပါဘူး။

လူျဖစ္လာၿပီးဆိုမွျဖင့္ လူ႔ဝတၱရားတို႔ကို ကြၽန္ေတာ္တို႔ ရင္ဆိုင္ၾကရပါလိမ့္မည္။ ရင္မဆိုင္ဘဲ ေရွာင္ေျပးခဲ့ပါလွ်င္ ထပ္ၿပီးရင္မဆိုင္ခ်င္စရာ မ်ားက ေရွ႕ဆက္သြားမည့္လမ္းတစ္ေလွ်ာက္ ပိုၿပီးေတြ႕ႀကဳံၾကရမည္မွာ အမွန္ပင္ျဖစ္သည္။ ေလာကဓံႀကီးက ဒူးေထာက္လက္ေလွ်ာ့သူကို ပိုၿပီးဖိနင္းဖို႔ ေစာင့္ေနပါလိမ့္မည္။

ျဖစ္လာမွေတာ့ ရွင္သန္ဝံ့ၾကရမည္။ ဘဝမွာယွဥ္တြဲၾကည့္စရာေတြက အမ်ားအျပားရွိသည္။ ေျခလက္အဂၤါျပည့္ျပည့္စုံစုံႏွင့္ ေမြးခဲ့ရသည္ ကပင္ ကြၽန္ေတာ္တို႔ “အရထူး”ေနပါၿပီ။ ဘဝမွာကိုယ္လက္အဂၤါ မျပည့္မစုံဘဲေမြးဖြားလာၿပီး ဆက္လက္ရွင္သန္ဖို႔ႀကိဳစားေနၾကသည့္ လူမ်ား ကိုယ့္မ်က္စိေရွ႕တြင္ အမ်ားအျပားေတြ႕ႏိုင္ပါသည္။ အျမင္အဂၤါခ်ိဳ႕ယြင္းေနေသာ္လည္း အခ်ိဳ႕ေသာ ကိုယ္လက္အဂၤါ ျပည့္စုံသူမ်ား ထက္ပင္ အရာေရာက္ေနသူမ်ားရွိၾကသည္။

“ဘဝဆိုတာ မေသခ်ာဘူးဆိုတာေတာင္မွ ရဲရဲဝံ့ဝံ့ ရွင္သန္ဝံ့ၾကသည္။”

သတၱဝါေတြအျပင္ မေသခ်ာေသာဘဝမွာ ရွင္သန္ႏိူင္ဖို႔ ေလႏွင္ရာလြင့္ၾကရသည့္ သစ္ေစ့ေလးမ်ားကလည္း အတုယူစရာ ရွိပါသည္။ ေျမဆီေျမလႊာ နည္းပါးလွသည့္ ေက်ာက္ကမ္းပါးယံမ်ားထံ ေလသယ္ေဆာင္၍ ေရာက္လာခဲ့ၾကသည့္ အေစ့ကေလးမ်ားသည္လည္း ရသည့္ ေျမေရေလႏွင့္ ေနထို႔မွ ရႏိုင္သမွ် အာဟာရေလးမ်ားကို ရယူၾကၿပီး အစို႔အေညႇာင့္ေလးထြက္ႏိုင္ေအာင္ႀကိဳးစားသည္။ ဆက္ လက္ရွင္သန္ႏိုင္ဖို႔ ႀကိဳးစားသည္။ ကုတ္ကပ္တြယ္တက္လို႔ အျမင့္ကိုေရာက္ဖို႔ ထပ္ႀကိဳးစားသည္။ သဘာဝတရားႀကီးက ဖ်က္စီးဦးမည္။ လက္ေလွ်ာ့သြားသည္လား။ မေလွ်ာ့ပါ။ ရွင္သန္ဖို႔ အခြင့္အေရးရွိသမွ် သူထပ္ႀကိဳးစားသည္။

ကမ္းမျမင္လမ္းမျမင္လို႔ ပင္လယ္ျပင္ႀကီးကို မျဖတ္သန္းခဲ့ၾကလွ်င္ ကြၽန္ေတာ္တို႔ ႏိုင္ငံစုံလူမ်ိဳးစုံကိုေတြ႕ခဲ့ၾကရမည္မဟုတ္ေပ။ ဘဝဆိုတာ မေရရာဘူးဆိုၿပီး မႀကိဳးမစားမေနခဲ့ၾကပါဘူး။ ရွင္သန္ဖို႔အျပင္ကို ေတြ႕သိလိုမႈေတြ၊ ဖန္တီးလိုမႈေတြ၊ လက္ရွိဘဝရဲ႕ ဟိုမွာဘက္ေတြမွာ ဘာေတြ ဘယ္လိုေတြဆိုၿပီး ရွာေဖြခဲ့ၾကသည္။

ေတြ႕သိလိုမႈေၾကာင့္ ေသရမည္ဆိုဦးေတာ့ ေသဝံ့ခဲ့ၾကသည္။ ဖန္တီးလိုမႈေၾကာင့္ ေသရမည္ဆိုဦးေတာ့ ေသဝံ့ခဲ့ၾကသည္။

ဘဝကိုရလာၿပီးဆိုမွေတာ့ သက္ေသၾကဖို႔ မလိုပါ။ သက္မေသလည္း သဘာဝအရကိုက တစ္ေန႔ေသၾကရပါမည္။ သူ႔အလိုလို ေသဖို႔ရာ ေသခ်ာေနမွေတာ့ သက္ေသစရာမလိုပါဘူး။ ရွင္သန္ဝံ့ဖို႔သာ ႀကိဳးစားရပါမည္။

တတ္က်ိဳးလွ်င္ လက္ႏွင့္ေလွာ္ရမည္။ လက္က်ိဳးလွ်င္ ေျခႏွင့္ေလွာ္ရမည္။ ရွင္သန္ႏိုင္ဖို႔ဆိုလွ်င္ ႀကံစည္ႏိုင္သမွ် အခြင့္အေရးကို ႀကံစည္ရပါမည္။ စိတ္ပ်က္လက္ေလွ်ာ့ေနစရာမရွိပါ။

ဘဝမွာရွင္သန္ႏိုင္ဖို႔အျပင္ ပန္းတိုင္ဆိုသည့္ ေမွ်ာ္မွန္းခ်က္က လူတကာတို႔ထက္ထူးသည့္ လူရည္ခြၽန္တို႔အတြက္ရွိေနပါေသးသည္။

အိမ္ၿခံေျမ ကိစၥအဝဝႏွင့္ ပတ္သက္၍ ဥပေဒအႀကံေပးပညာရွင္မ်ားႏွင့္ ေဆြးေႏြးတိုင္ပင္လိုပါက iMyanmarHouse.com (အိုင္ျမန္မာေဟာက္စ္ေဒါ့ကြန္း) ၏ ဖုန္းနံပါတ္မ်ားျဖစ္ေသာ 09-966901767, 09-268022352 သို႔ ဆက္သြယ္ႏိုင္ပါသည္။ အေသးစိတ္ၾကည့္ရန္ ဤေနရာကို ႏွိပ္ပါ။

ေရာင္းရန္အိမ္ၿခံေျမမ်ားကို သင္စိတ္တိုင္းက် ရွာေဖြရန္အတြက္ ဤေနရာကို ႏွိပ္ပါ။

ငွားရန္အိမ္ၿခံေျမမ်ားကို သင္စိတ္တိုင္းက် ရွာေဖြရန္အတြက္ ဤေနရာကို ႏွိပ္ပါ။

ခြန္ေနာင္လြင္ထူး ( iMyanmarHouse.com အိုင္ျမန္မာေဟာက္စ္ေဒါ့ကြန္း) မွ အထူးေရးသားေဖာ္ျပသည္။

Credit: iMyanmarHouse.com