တောင်ကိုရီးယားက လိင်ဆက်ဆံနေသည့် နှံကောင်စုံတွဲ ကော်ဖီဆိုင်

[Unicode]

တောင်ကိုရီးယားနိုင်ငံ၊ ချုံးဆန်းခရိုင် (Jeongseon ) ဂူကျဲအိုရီ ဘူတာရုံတွင် နှံကောင်၏ အိပ်မက်အမည်ရှိ ကော်ဖီဆိုင်တစ်ဆိုင် တည်ရှိလေသည်။

ကော်ဖီဆိုင်ကို နှံကောင်တစ်ကောင်အသွင် ဆောက်လုပ်ထားခြင်းဖြစ်သည်။ စိတ်ဝင်စားဖွယ်ကောင်းသည်မှာ နှံကောင် ဖိုမ စုံတွဲ နှစ်ကောင်ထပ်နေသည့်အသွင် အဆောက်အအုံ ၂ လုံးဖြစ်ပြီး နှံကောင်အမတွင်လည်း ကော်ဖီဆိုင်တစ်ဆိုင်ရှိသေးသည်။

ဂူကျဲအိုရီ ဘူတာသည် ချုံးဆန်းခရိုင်အနီးရှိ နာမည်ကျော် rail bike (မြန်မာအခေါ် ထရော်လီ) လမ်းဖြစ်သော Auraji ရထားလမ်းပေါ်တွင် တည်ရှိသည်။

နှံကောင် ၂ ကောင်၏ ခန္ဓာကိုယ်အဖြစ် ရထားတွဲဟောင်း ၂ ခုကို အသုံးပြုကာ ပြန်လည်မွမ်းမံဆောက်လုပ်ထားခြင်းဖြစ်ပြီး နှံကောင်ခြေထောက်များအသွင် ပုံဖော်ထားသည့် သံတိုင်ကြီးများက နှံကောင်များကို ထောက်မပေးထားသည်။ နှံကောင်များ၏ ဦးခေါင်းပိုင်းတွင် အာရုံခံနှာမောင်းတံသဖွယ် တပ်ဆင်ပေးထားသည်ကိုလည်း တွေ့ရသည်။

ညအချိန်များတွင် နှံကောင်ကော်ဖီဆိုင်ကို အောက်ဘက်ဆီမှ မီးအလင်းပေးထားရာ နေ့ရောညပါ ထူးခြားသည့်မြင်ကွင်းတစ်မျိုးစီ ပေးစွမ်းနိုင်သည့် နေရာတစ်ခုဖြစ်နေသည်။

လိင်ဆက်ဆံနေသည့် နှံကောင်များအသွင်ပုံဖော်ထားသည့် ကော်ဖီဆိုင်တွင် ညစားစားရသည်မှာ တမူဆန်းပြားသည့် အတွေ့အကြုံပင် ဖြစ်လေသည်။

အစိမ်းရောင်သဏ္ဍာန် အဆောက်အအုံများ၊ နှံကောင်၏ နှာမောင်းတံများ၊ သံမဏိခြေထောက်ကြီးများနှင့် အနက်ရောင် မျက်လုံးများ တွေ့ရမည် ဖြစ်သည်။

နှံကောင်နှစ်ကောင်အနက် အပေါ်ဘက်တွင်ရှိသည်မှာ အမဖြစ်ပြီး အောက်ဘက်တွင်ရှိသည်မှာ အထီးဖြစ်သည်။

(မှတ်ချက်- နှံကောင်များ မိတ်လိုက်ရာတွင် အမသည် အပေါ်တွင်နေလေ့ရှိပြီး အထီးမှာ အောက်တွင် နေလေ့ရှိသည်။ သို့အတွက်ကြောင့် ကော်ဖီဆိုင်တွင် အမကို အပေါ်တွင် ဆောက်လုပ်ထားခြင်း ဖြစ်သည်။ နှံကောင်အဖိုတို့သည် မိတ်လိုက်ရန်အတွက် အမကောင်များကို သီချင်းဆိုကာ ဆွဲဆောင်ခေါ်ယူလေ့ရှိသည်ဟု ဆိုသည်။

အချို့သော နှံကောင်မများသည်လည်း သီချင်းသံများ ထုတ်လွှင့်လေ့ရှိသည်။ သို့သော် တွေ့ရခဲပြီး အသံမှာ ညင်သာတိုးတိတ်လွန်း သည်။ နှံကောင်အဖို၊ အမနှစ်မျိုးလုံး၏ ဝမ်းဗိုက်များတွင် လူတို့၏ နားစည်သဖွယ် Tympana ပါဝင်ပြီး အသံထုတ်လွှင့်မှုများကို ဖမ်းယူသည်။ သီချင်းသံများမှာ မျိုးစိတ်ချင်းတူမှသာ ကြားရသောကြောင့် နှံကောင်မများသည် အဖိုကောင်၏ သီချင်းသံကို ကောင်းစွာခွဲခြားနိုင်ကြသည်။ နှံကောင်အဖိုနှင့်အမတွင် အဖိုကောင်သည် ကိုယ်လုံးကိုယ်ထည်သေးပြီး အမကောင်မှာ ကိုယ်လုံးကြီးသည်။ မိတ်လိုက်သည့် ကြာချိန်မှာ မျိုးစိတ်အပေါ်မူတည်ပြီး ၄၅ မိနစ်မှ အချို့မျိုးစိတ်ဆိုလျှင် တစ်ရက်ခန့်အထိ ကြာမြင့်လေ့ရှိသည်။)

အထီးရှိရာအောက်ထပ်တွင် ခေါက်ဆွဲဆိုင်ဖွင့်လှစ်ထားပြီး အမကောင်ရှိရာ အပေါ်ထပ်တွင်မူ ကော်ဖီဆိုင် တည်ရှိသည်။

ဂူကျဲအိုရီ ဘူတာရုံတည်ရှိရာ ရထားလမ်းပိုင်းတွင် ကိုရီးယားနိုင်ငံသားများသာမက ကမ္ဘာလှည့်ခရီးသည်များပါ ရထားလမ်းပေါ်တွင် ပြေးသည့် အပျော်စီးယာဉ်ငယ်များ စီးရန် လာရောက်ကြလေ့ရှိသည်။

(iMyanmarHouse.com Team မှ ရေးသား ဖော်ပြသည်။)

Credit: iMyanmarHouse.com

Ref: Grasshopper’s Dream, A Cafe With Two Giant Grasshoppers At The Train Station In South Korea (arch2o.com, naturallycuriouswithmaryholland.wordpress.com )

[Zawgyi]

ေတာင္ကိုရီးယားက လိင္ဆက္ဆံေနသည့္ ႏွံေကာင္စံုတြဲ ေကာ္ဖီဆိုင္

ေတာင္ကိုရီးယားႏိုင္ငံ၊ ခ်ံဳးဆန္းခရိုင္ (Jeongseon ) ဂူက်ဲအိုရီ ဘူတာရံုတြင္ ႏွံေကာင္၏ အိပ္မက္အမည္ရွိ ေကာ္ဖီဆိုင္တစ္ဆိုင္ တည္ရွိေလသည္။

ေကာ္ဖီဆိုင္ကို ႏွံေကာင္တစ္ေကာင္အသြင္ ေဆာက္လုပ္ထားျခင္းျဖစ္သည္။ စိတ္ဝင္စားဖြယ္ေကာင္းသည္မွာ ႏွံေကာင္ ဖိုမ စံုတြဲ ႏွစ္ေကာင္ထပ္ေနသည့္အသြင္ အေဆာက္အအံု ၂ လံုးျဖစ္ျပီး ႏွံေကာင္အမတြင္လည္း ေကာ္ဖီဆိုင္တစ္ဆိုင္ရွိေသးသည္။

ဂူက်ဲအိုရီ ဘူတာသည္ ခ်ဳံးဆန္းခရိုင္အနီးရွိ နာမည္ေက်ာ္ rail bike (ျမန္မာအေခၚ ထေရာ္လီ) လမ္းျဖစ္ေသာ Auraji ရထားလမ္းေပၚတြင္ တည္ရွိသည္။

ႏွံေကာင္ ၂ ေကာင္၏ ခႏၶာကိုယ္အျဖစ္ ရထားတြဲေဟာင္း ၂ ခုကို အသံုးျပဳကာ ျပန္လည္မြမ္းမံေဆာက္လုပ္ထားျခင္းျဖစ္ျပီး ႏွံေကာင္ေျခေထာက္မ်ားအသြင္ ပုံေဖာ္ထားသည့္ သံတိုင္ၾကီးမ်ားက ႏွံေကာင္မ်ားကို ေထာက္မေပးထားသည္။ ႏွံေကာင္မ်ား၏ ဦးေခါင္းပိုင္းတြင္ အာရံုခံႏွာေမာင္းတံသဖြယ္ တပ္ဆင္ေပးထားသည္ကိုလည္း ေတြ႔ရသည္။

ညအခ်ိန္မ်ားတြင္ ႏွံေကာင္ေကာ္ဖီဆိုင္ကို ေအာက္ဘက္ဆီမွ မီးအလင္းေပးထားရာ ေန႔ေရာညပါ ထူးျခားသည့္ျမင္ကြင္းတစ္မ်ဳိးစီ ေပးစြမ္းႏိုင္သည့္ ေနရာတစ္ခုျဖစ္ေနသည္။

လိင္ဆက္ဆံေနသည့္ ႏွံေကာင္မ်ားအသြင္ပံုေဖာ္ထားသည့္ ေကာ္ဖီဆိုင္တြင္ ညစားစားရသည္မွာ တမူဆန္းျပားသည့္ အေတြ႔အၾကံဳပင္ ျဖစ္ေလသည္။

အစိမ္းေရာင္သ႑ာန္ အေဆာက္အအံုမ်ား၊ ႏွံေကာင္၏ ႏွာေမာင္းတံမ်ား၊ သံမဏိေျခေထာက္ၾကီးမ်ားႏွင့္ အနက္ေရာင္ မ်က္လံုးမ်ား ေတြ႔ရမည္ ျဖစ္သည္။

ႏွံေကာင္ႏွစ္ေကာင္အနက္ အေပၚဘက္တြင္ရွိသည္မွာ အမျဖစ္ျပီး ေအာက္ဘက္တြင္ရွိသည္မွာ အထီးျဖစ္သည္။

(မွတ္ခ်က္- ႏွံေကာင္မ်ား မိတ္လိုက္ရာတြင္ အမသည္ အေပၚတြင္ေနေလ့ရွိျပီး အထီးမွာ ေအာက္တြင္ ေနေလ့ရွိသည္။ သို႔အတြက္ေၾကာင့္ ေကာ္ဖီဆိုင္တြင္ အမကို အေပၚတြင္ ေဆာက္လုပ္ထားျခင္း ျဖစ္သည္။ ႏွံေကာင္အဖိုတို႔သည္ မိတ္လိုက္ရန္အတြက္ အမေကာင္မ်ားကို သီခ်င္းဆိုကာ ဆြဲေဆာင္ေခၚယူေလ့ရွိသည္ဟု ဆိုသည္။

အခ်ဳိ ႔ေသာ ႏွံေကာင္မမ်ားသည္လည္း သီခ်င္းသံမ်ား ထုတ္လႊင့္ေလ့ရွိသည္။ သို႔ေသာ္ ေတြ႔ရခဲျပီး အသံမွာ ညင္သာတိုးတိတ္လြန္း သည္။ ႏွံေကာင္အဖို၊ အမႏွစ္မ်ဳိးလံုး၏ ဝမ္းဗိုက္မ်ားတြင္ လူတို႔၏ နားစည္သဖြယ္ Tympana ပါဝင္ျပီး အသံထုတ္လႊင့္မႈမ်ားကို ဖမ္းယူသည္။ သီခ်င္းသံမ်ားမွာ မ်ဳိးစိတ္ခ်င္းတူမွသာ ၾကားရေသာေၾကာင့္ ႏွံေကာင္မမ်ားသည္ အဖိုေကာင္၏ သီခ်င္းသံကို ေကာင္းစြာခြဲျခားႏိုင္ၾကသည္။ ႏွံေကာင္အဖိုႏွင့္အမတြင္ အဖိုေကာင္သည္ ကိုယ္လံုးကိုယ္ထည္ေသးျပီး အမေကာင္မွာ ကိုယ္လံုးၾကီးသည္။ မိတ္လိုက္သည့္ ၾကာခ်ိန္မွာ မ်ဳိးစိတ္အေပၚမူတည္ျပီး ၄၅ မိနစ္မွ အခ်ဳိ ႔မ်ဳိးစိတ္ဆိုလွ်င္ တစ္ရက္ခန္႔အထိ ၾကာျမင့္ေလ့ရွိသည္။)

အထီးရွိရာေအာက္ထပ္တြင္ ေခါက္ဆြဲဆိုင္ဖြင့္လွစ္ထားျပီး အမေကာင္ရွိရာ အေပၚထပ္တြင္မူ ေကာ္ဖီဆိုင္ တည္ရွိသည္။

ဂူက်ဲအိုရီ ဘူတာရံုတည္ရွိရာ ရထားလမ္းပိုင္းတြင္ ကိုရီးယားႏိုင္ငံသားမ်ားသာမက ကမၻာလွည့္ခရီးသည္မ်ားပါ ရထားလမ္းေပၚတြင္ ေျပးသည့္ အေပ်ာ္စီးယာဥ္ငယ္မ်ား စီးရန္ လာေရာက္ၾကေလ့ရွိသည္။

(iMyanmarHouse.com Team မွ ေရးသား ေဖာ္ျပသည္။)

Credit: iMyanmarHouse.com

Ref: Grasshopper’s Dream, A Cafe With Two Giant Grasshoppers At The Train Station In South Korea (arch2o.com, naturallycuriouswithmaryholland.wordpress.com )