ကိုဗစ်ဒုတိယအသုတ်ချေးငွေ ရန်ကုန်ကလျှောက်ထားမှုနည်း

[Unicode]

အစိုးရက ဒုတိယအကြိမ်ထုတ်ချေးမယ့် ကိုဗစ်ချေးငွေကို ပြည်နယ်နဲ့တိုင်းဒေသကြီးတွေက လျှောက်ထားမှုအများဆုံးဖြစ်တယ်လို့ ကုန်သည်များနှင့် စက်မှုလက်မှုလုပ်ငန်းရှင်များအသင်းချုပ်ကနေသိရပါတယ်။

တစ်နိုင်ငံလုံးက ချေးငွေလျှောက်လွှာစောင်ရေတစ်သောင်းကျော်ရှိပြီး ရန်ကုန်တိုင်းကလျှောက်ထားမှုက ၂၅ ရာခိုင်နှုန်းနဲ့ ကျန်တဲ့ ၇၅ ရာခိုင်နှုန်းမှာ တိုင်းနဲ့ပြည်နယ်က လျှောက်လွှာတွေလို့ ကုန်သည်များနှင့် စက်မှုလက်မှုလုပ်ငန်းရှင်များအသင်းချုပ်၊ အထွေထွေအတွင်းရေးမှူး ဦးအေးဝင်းကပြောပါတယ်။

ရန်ကုန်ကလျှောက်ထားရာမှာ စားသောက်ကုန်လုပ်ငန်း၊သွင်းကုန်အစားထိုးလုပ်ငန်း၊ပို့ကုန်လုပ်ငန်းစဉ်တစ်လျှောက်ပါဝင်တဲ့လုပ်ငန်းတွေအများဆုံးဖြစ်ပြီး တိုင်းနဲ့ပြည်နယ်လျှောက်လွှာအများစုက စိုက်ပျိုးရေး မွေးမြူရေးနဲ့ ရေလုပ်ငန်းနဲ့သက်ဆိုင်တဲ့ ချေးငွေလျှောက်လွှာတွေဖြစ်နိုင်တယ်လို့ ဦးအေးဝင်းကပြောပါတယ်။

ဒုတိယအကြိမ် ချေးငွေလျှောက်ထားမှုကို ဇူလိုင်လ ၂၉ ရက်နေ့ကနေ သြဂုတ်လ ၁၀ ရက်နေ့ထိလျှောက်ထားခွင့်ပြုခဲ့တာပါ။

ပြည်နယ်နဲ့တိုင်းအချို့ကလျှောက်လွှာတွေက စာရွက်စာတမ်းပြည့်စုံမှုအားနည်းနေပေမယ့် လျောက်လွှာပယ်ချတာမျိုးမလုပ်ဘဲ ပြန်ဆက်သွယ်ပြီး အချိန်ကာလတစ်ခုသတ်မှတ်ပေးပြီး တင်ပြခွင့်ပေးသွားဖို့ကို စီစဉ်ထားတယ်လို့သိရပါတယ်။

စီမံကိန်း၊ဘဏာရေးနှင့် စက်မှုဝန်ကြီးဌာနက ဒုတိယအကြိမ် ကျပ်ဘီလျံ ၁၀၀ ချေးငွေထုတ်ချေးပေးမှာဖြစ်ပြီး ပို့ကုန်လုပ်ငန်း၊ စိုက်ပျိုးရေး၊မွေးမြူရေး နဲ့ ရေထွက်လုပ်ငန်း၊ အလုပ်အကိုင်ဝန်ဆောင်မှု လုပ်ငန်းနဲ့ အသက်မွေးဝမ်းကြောင်း လုပ်ငန်းတွေကို ဦးစားပေးထုတ်ချေးသွားမယ်လို့ ထုတ်ပြန်ထားပါတယ်။

ပထမအကြိမ် ကျပ်ဘီလျံ ၁၀၀ ကိုတော့ ကိုဗစ်သက်ရောက်မှုတွေကြောင့် ထိခိုက်မှုခံခဲ့ရတဲ့ အသေးစားနဲ့ အလတ်စားစီးပွားရေးလုပ်ငန်းတွေ၊ အထည်ချုပ်နဲ့ CMP ကဏ္ဍနဲ့ ဟိုတယ်နဲ့ ခရီးသွားကဏ္ဍ တွေကိုအဓိကထားထုတ်ချေးခဲ့ပါတယ်။

ကိုဗစ်နိုင်တင်းကြောင့် ဖြစ်ပေါ်လာနိုင်သည့် စီးပွားရေးသက်ရောက်မှုများကို ကျားကန်နိုင်ရန် အစိုးရက အနိမ့်ဆုံးချေးငွေ ကျပ်သိန်း ၃၀ မှစတင်ကာ ကျပ်သန်း ၆၅၀ အထိ ထုတ်ချေးပေးနေကြောင်း ရင်းနှီးမြှုပ်နှံမှုနှင့် နိုင်ငံခြားစီးပွားဆက်သွယ်ရေးဝန်ကြီးဌာန တာဝန်ရှိသူကဆိုသည်။

သို့သော် ချေးငွေပမာဏမှာ နည်းပါးလွန်းသဖြင့် လုပ်ငန်းအတွက် အထောက်အကူမရနိုင်၍ ခွင့်ပြုချေးငွေ ပြန်အပ်လိုက်ကြောင်း ခရီးသွားလုပ်ငန်းတစ်ခု၏ ယနေ့နံနက်ထုတ်ပြန်ချက်ကြောင့် အစိုးရ၏ချေးငွေလုပ်ငန်းစဉ်အပေါ် ဝေဖန်မှုများလည်းရှိနေသည်။ ယနေ့အချိန်ထိ လုပ်ငန်း ၂၀၁ ခုအတွက် ချေးငွေကျပ် ၁၀ ဘီလျံခန့် ခွင့်ပြုခဲ့ပြီး လုပ်သား ထောင်နှင့်ချီရှိသည့် လက်ခစား အထည်ချုပ်လုပ်ငန်းတစ်ခုကို ကျပ်သန်း ၆၅၀ အထိ ထုတ်ချေးပေးထားကြောင်း၊ အနိမ့်ဆုံးပေးအပ်သည့် ချေးငွေပမာဏမှာ ကျပ်သိန်း ၃၀ ဖြစ်ကြောင်း ရင်းနှီးမြှုပ်နှံမှုနှင့် နိုင်ငံခြားစီးပွားဆက်သွယ်ရေးဝန်ကြီးဌာန အမြဲတမ်းအတွင်းဝန် ဦးအောင်နိုင်ဦးကပြောသည်။

“စိစစ်ပြီးထောက်ခံလာတာကို ကျွန်တော်(ကော်မတီအဆင့်က) တစ်ပြားမှမလျှော့ဘူး။ အဲဒီအတိုင်းပဲ ထုတ်ခွင့်ပေးလိုက်တာ” ဟု ၎င်းကပြောဆိုသည်။

ချေးငွေလျှောက်ထားမှုများကို အဆင့်သုံးခုဖြင့် စိစစ်နေခြင်းဖြစ်ကြောင်း ကိုဗစ်နိုင်တင်းကြောင့် ဖြစ်ပေါ်လာနိုင်သည့် စီးပွားရေးသက်ရောက်မှုများအပေါ်ကုစားရေး လုပ်ငန်းကော်မတီ၏ အတွင်းရေးမှူးလည်းဖြစ်သူ ဦးအောင်နိုင်ဦးက ဆိုသည်။

မြန်မာနိုင်ငံ၊ အာဆီယံနိုင်ငံများနှင့် ကမ္ဘာတစ်ဝှမ်းလုံး ၏ ကိုရိုနာဗိုင်းရပ်စ် ကူးစက်ခံရမှု ကိန်းဂဏန်းများ - အသေးစိတ်ကြည့်ရန် ဤနေရာကို နှိပ်ပါ။

Corona Virus အကြောင်း သိကောင်းစရာများနှင့် ခုခံကာကွယ်ပုံများအသေးစိတ်ကို ဤနေရာတွင် ဖတ်ရှုနိုင်ပါသည်။

iMyanmarHouse.com သည် မြန်မာနိုင်ငံမှ Coronavirus အပြီးတိုင်တိုက်ဖျက်ရေးအတွက် ကျရာကဏ္ဍမှ ပြည်သူများအားလုံးအတွက် မှန်ကန်သော သတင်းများကို အချိန်နှင့်တပြေးညီ ဖော်ပြပေးနေပါသည်။ မှန်ကန်ယုံကြည်စိတ်ချရသော သတင်းများကိုသာ အယ်ဒီတာအဖွဲ့မှ ဖော်ပြပေးမည်ဖြစ်ပါသည်။ တစ်စုံတစ်ရာ အဆင်မပြေမှုများရှိပါက iMyanmarHouse.com သို့ ဤနေရာတွင် ဆက်သွယ်နိုင်ပါသည်။

နေးရှင်းမြန်မာ ( iMyanmarHouse.com အိုင်မြန်မာဟောက်စ်ဒေါ့ကွန်း) မှ အထူးရေးသားဖော်ပြသည်။

Credit: iMyanmarHouse.com

[Zawgyi]

ကိုဗစ္ဒုတိယအသုတ္ေခ်းေငြ ရန္ကုန္ကေလွ်ာက္ထားမႈနည္း

အစိုးရက ဒုတိယအႀကိမ္ထုတ္ေခ်းမယ့္ ကိုဗစ္ေခ်းေငြကို ျပည္နယ္နဲ႔တိုင္းေဒသႀကီးေတြက ေလွ်ာက္ထားမႈအမ်ားဆုံးျဖစ္တယ္လို႔ ကုန္သည္မ်ားႏွင့္ စက္မႈလက္မႈလုပ္ငန္း႐ွင္မ်ားအသင္းခ်ဳပ္ကေနသိရပါတယ္။

တစ္ႏိုင္ငံလုံးက ေခ်းေငြေလွ်ာက္လႊာေစာင္ေရတစ္ေသာင္းေက်ာ္႐ွိၿပီး ရန္ကုန္တိုင္းကေလွ်ာက္ထားမႈက ၂၅ ရာခိုင္ႏႈန္းနဲ႔ က်န္တဲ့ ၇၅ ရာခိုင္ႏႈန္းမွာ တိုင္းနဲ႔ျပည္နယ္က ေလွ်ာက္လႊာေတြလို႔ ကုန္သည္မ်ားႏွင့္ စက္မႈလက္မႈလုပ္ငန္း႐ွင္မ်ားအသင္းခ်ဳပ္၊ အေထြေထြအတြင္းေရးမႉး ဦးေအးဝင္းကေျပာပါတယ္။

ရန္ကုန္ကေလွ်ာက္ထားရာမွာ စားေသာက္ကုန္လုပ္ငန္း၊သြင္းကုန္အစားထိုးလုပ္ငန္း၊ပို႔ကုန္လုပ္ငန္းစဥ္တစ္ေလွ်ာက္ပါဝင္တဲ့လုပ္ငန္းေတြအမ်ားဆုံးျဖစ္ၿပီး တိုင္းနဲ႔ျပည္နယ္ေလွ်ာက္လႊာအမ်ားစုက စိုက္ပ်ိဳးေရး ေမြးျမဴေရးနဲ႔ ေရလုပ္ငန္းနဲ႔သက္ဆိုင္တဲ့ ေခ်းေငြေလွ်ာက္လႊာေတြျဖစ္ႏိုင္တယ္လို႔ ဦးေအးဝင္းကေျပာပါတယ္။

ဒုတိယအႀကိမ္ ေခ်းေငြေလွ်ာက္ထားမႈကို ဇူလိုင္လ ၂၉ ရက္ေန႔ကေန ၾသဂုတ္လ ၁၀ ရက္ေန႔ထိေလွ်ာက္ထားခြင့္ျပဳခဲ့တာပါ။

ျပည္နယ္နဲ႔တိုင္းအခ်ိဳ႕ကေလွ်ာက္လႊာေတြက စာ႐ြက္စာတမ္းျပည့္စုံမႈအားနည္းေနေပမယ့္ ေလ်ာက္လႊာပယ္ခ်တာမ်ိဳးမလုပ္ဘဲ ျပန္ဆက္သြယ္ၿပီး အခ်ိန္ကာလတစ္ခုသတ္မွတ္ေပးၿပီး တင္ျပခြင့္ေပးသြားဖို႔ကို စီစဥ္ထားတယ္လို႔သိရပါတယ္။

စီမံကိန္း၊ဘဏာေရးႏွင့္ စက္မႈဝန္ႀကီးဌာနက ဒုတိယအႀကိမ္ က်ပ္ဘီလ်ံ ၁၀၀ ေခ်းေငြထုတ္ေခ်းေပးမွာျဖစ္ၿပီး ပို႔ကုန္လုပ္ငန္း၊ စိုက္ပ်ိဳးေရး၊ေမြးျမဴေရး နဲ႔ ေရထြက္လုပ္ငန္း၊ အလုပ္အကိုင္ဝန္ေဆာင္မႈ လုပ္ငန္းနဲ႔ အသက္ေမြးဝမ္းေၾကာင္း လုပ္ငန္းေတြကို ဦးစားေပးထုတ္ေခ်းသြားမယ္လို႔ ထုတ္ျပန္ထားပါတယ္။

ပထမအႀကိမ္ က်ပ္ဘီလ်ံ ၁၀၀ ကိုေတာ့ ကိုဗစ္သက္ေရာက္မႈေတြေၾကာင့္ ထိခိုက္မႈခံခဲ့ရတဲ့ အေသးစားနဲ႔ အလတ္စားစီးပြားေရးလုပ္ငန္းေတြ၊ အထည္ခ်ဳပ္နဲ႔ CMP က႑နဲ႔ ဟိုတယ္နဲ႔ ခရီးသြားက႑ ေတြကိုအဓိကထားထုတ္ေခ်းခဲ့ပါတယ္။

ကိုဗစ္ႏိုင္တင္းေၾကာင့္ ျဖစ္ေပၚလာႏိုင္သည့္ စီးပြားေရးသက္ေရာက္မႈမ်ားကို က်ားကန္ႏိုင္ရန္ အစိုးရက အနိမ့္ဆုံးေခ်းေငြ က်ပ္သိန္း ၃၀ မွစတင္ကာ က်ပ္သန္း ၆၅၀ အထိ ထုတ္ေခ်းေပးေနေၾကာင္း ရင္းႏွီးျမႇဳပ္ႏွံမႈႏွင့္ ႏိုင္ငံျခားစီးပြားဆက္သြယ္ေရးဝန္ႀကီးဌာန တာဝန္႐ွိသူကဆိုသည္။

သို႔ေသာ္ ေခ်းေငြပမာဏမွာ နည္းပါးလြန္းသျဖင့္ လုပ္ငန္းအတြက္ အေထာက္အကူမရႏိုင္၍ ခြင့္ျပဳေခ်းေငြ ျပန္အပ္လိုက္ေၾကာင္း ခရီးသြားလုပ္ငန္းတစ္ခု၏ ယေန႔နံနက္ထုတ္ျပန္ခ်က္ေၾကာင့္ အစိုးရ၏ေခ်းေငြလုပ္ငန္းစဥ္အေပၚ ေဝဖန္မႈမ်ားလည္း႐ွိေနသည္။ ယေန႔အခ်ိန္ထိ လုပ္ငန္း ၂၀၁ ခုအတြက္ ေခ်းေငြက်ပ္ ၁၀ ဘီလ်ံခန္႔ ခြင့္ျပဳခဲ့ၿပီး လုပ္သား ေထာင္ႏွင့္ခ်ီ႐ွိသည့္ လက္ခစား အထည္ခ်ဳပ္လုပ္ငန္းတစ္ခုကို က်ပ္သန္း ၆၅၀ အထိ ထုတ္ေခ်းေပးထားေၾကာင္း၊ အနိမ့္ဆုံးေပးအပ္သည့္ ေခ်းေငြပမာဏမွာ က်ပ္သိန္း ၃၀ ျဖစ္ေၾကာင္း ရင္းႏွီးျမႇဳပ္ႏွံမႈႏွင့္ ႏိုင္ငံျခားစီးပြားဆက္သြယ္ေရးဝန္ႀကီးဌာန အၿမဲတမ္းအတြင္းဝန္ ဦးေအာင္ႏိုင္ဦးကေျပာသည္။

“စိစစ္ၿပီးေထာက္ခံလာတာကို ကြၽန္ေတာ္(ေကာ္မတီအဆင့္က) တစ္ျပားမွမေလွ်ာ့ဘူး။ အဲဒီအတိုင္းပဲ ထုတ္ခြင့္ေပးလိုက္တာ” ဟု ၎ကေျပာဆိုသည္။

ေခ်းေငြေလွ်ာက္ထားမႈမ်ားကို အဆင့္သုံးခုျဖင့္ စိစစ္ေနျခင္းျဖစ္ေၾကာင္း ကိုဗစ္ႏိုင္တင္းေၾကာင့္ ျဖစ္ေပၚလာႏိုင္သည့္ စီးပြားေရးသက္ေရာက္မႈမ်ားအေပၚကုစားေရး လုပ္ငန္းေကာ္မတီ၏ အတြင္းေရးမႉးလည္းျဖစ္သူ ဦးေအာင္ႏိုင္ဦးက ဆိုသည္။

ျမန္မာႏိုင္ငံ၊ အာဆီယံႏိုင္ငံမ်ားႏွင့္ ကမာၻတစ္ဝွမ္းလုံး ၏ ကို႐ိုနာဗိုင္းရပ္စ္ ကူးစက္ခံရမႈ ကိန္းဂဏန္းမ်ား - အေသးစိတ္ၾကည့္ရန္ ဤေနရာကို ႏွိပ္ပါ။

Corona Virus အေၾကာင္း သိေကာင္းစရာမ်ားႏွင့္ ခုခံကာကြယ္ပံုမ်ားအေသးစိတ္ကို ဤေနရာတြင္ ဖတ္႐ႈႏိုင္ပါသည္။

iMyanmarHouse.com သည္ ျမန္မာႏိုင္ငံမွ Coronavirus အၿပီးတိုင္တိုက္ဖ်က္ေရးအတြက္ က်ရာက႑မွ ျပည္သူမ်ားအားလုံးအတြက္ မွန္ကန္ေသာ သတင္းမ်ားကို အခ်ိန္ႏွင့္တေျပးညီ ေဖာ္ျပေပးေနပါသည္။ မွန္ကန္ယုံၾကည္စိတ္ခ်ရေသာ သတင္းမ်ားကိုသာ အယ္ဒီတာအဖြဲ႕မွ ေဖာ္ျပေပးမည္ျဖစ္ပါသည္။ တစ္စုံတစ္ရာ အဆင္မေျပမႈမ်ားရွိပါက iMyanmarHouse.com သို႔ ဤေနရာတြင္ ဆက္သြယ္ႏိုင္ပါသည္။

ေနး႐ွင္းျမန္မာ ( iMyanmarHouse.com အိုင္ျမန္မာေဟာက္စ္ေဒါ႔ကြန္း) မွ အထူးေရးသားေဖာ္ျပသည္။

Credit: iMyanmarHouse.com