ခွေးပိုင်ရှင်များ တစ်နေ့ ၂ ကြိမ် ခွေးကျောင်းပေးရန် ဂျာမနီတွင် ဥပဒေပြဌာန်းမည်

[Unicode]

ဂျာမနီနိုင်ငံတွင် ခွေးမွေးထားသည့် ခွေးပိုင်ရှင်များသည် တစ်ရက်လျှင် ၂ ကြိမ် နာရီနှင့်ချီ၍ ကြာမြင့်သော လမ်းလျှောက်ထွက်ပေး ခြင်းများ ပြုလုပ်ရန် ဥပဒေဖြင့် အမိန့်ပေးခံရတော့မည် ဖြစ်သည်။

ပြည်သူများအနေဖြင့် ၎င်းတို့မွေးမြူထားသော တိရ စ္ဆာန်များကို အိမ်နီးဝန်းကျင် ခရီးတိုများ လမ်းလျှောက်ထွက်ပေးခြင်းထက် ပိုမိုကြာရှည်သည့် လမ်းလျှောက်ထွက်ပေးခြင်းများ ပြုလုပ်စေရန် စိုက်ပျိုးရေးဝန်ကြီး Julia Klockner က ဥပဒေသစ်တစ်ရပ် တင်သွင်းမည် ဖြစ်သည်။

ဂျာမနီတွင် ခွေးပေါင်းများစွာသည် နေ့စဉ်လုံလောက်သည့် လေ့ကျင့်ခန်း ရရှိခြင်းမရှိသည်ကို တွေ့နေရသည့်အထောက်အထားများပေါ် အခြေခံပြီး ယခုဥပဒေကို ပြဌာန်းရန် စီစဉ်ရခြင်းဖြစ်ကြောင်း သူမက ပြောကြားသည်။

Ms Klockner က ခွေးများသည် နေ့စဉ် လုံလောက်သည့် ကိုယ်လက်လှုပ်ရှားမှုနှင့် သဘာဝပတ်ဝန်းကျင်ဖြင့် ထိတွေ့မှုများ လိုအပ်ကြောင်း ပြောကြားသည်။

ခွေးများသည် ပွေ့ဖက်ထားရန်သာဖြစ်သည့် အရုပ်များမဟုတ်ကြောင်း၊ ၎င်းတို့တွင်လည်း ကိုယ်ပိုင်လိုအပ်ချက်များရှိကြောင်း သူမက ပြောကြားသည်။

ယခုရေးဆွဲထားသည့် ဥပဒေအရဆိုလျှင် အိမ်မွေးခွေးကောင်ရေ ၉ ဒသမ ၄ သန်းကျော်ရှိနေသည့် ဂျာမနီတွင် ပိုင်ရှင်များသည် ခွေးများကို ကာလကြာမြင့်စွာ တစ်ကောင်တည်း အထီးကျန်စွာ ထားခဲ့ခြင်းကိုလည်း ခွင့်မပြုချေ။

ထို့အပြင် ခွေးများကို အချိန်ကြာမြင့်စွာ ကြိုးဖြင့်လှန်ထားခြင်းကိုလည်း တားမြစ်ထားသည်။

၅ နှစ်အရွယ် ယော့ရှိုင်းယား တယ်ရီယာတစ်ကောင် ပိုင်ဆိုင်ထားသည့် Barbel Kleid က ပြောကြားရာတွင် ခွေးကို အချိန်မည်မျှ ကျောင်းရမည်ဟုဆိုခြင်းမှာ အထက်စီးဆန်လှကြောင်း ပြောကြားသည်။

Christian Democratic Union ပါတီမှ လွှတ်တော်အမတ် Saskia Ludwig က ပြောကြားရာတွင် မကြာသေးမီက ဖြစ်ပေါ်လာနေသော အပူလှိုင်းအရဆိုလျှင် ခွေးများကို ထိုမျှအချိန်ကြာကြာ အပြင်ဘက်တွင် ရှိနေစေရန်မှာ မဖြစ်နိုင်ကြောင်း ပြောကြားသည်။

သူမက တွစ်တာအကောင့်တွင် ရေးသားခဲ့ရာတွင် “ကျွန်မကတော့ ကျွန်မရဲ့ Rhodesian Ridgeback ကို ၃၂ ဒီဂရီလောက်ရှိတဲ့ အပူရှိန်အောက်မှာ တစ်ရက် ၂ ကြိမ် အပြင်ခေါ်မှာ မဟုတ်ပါဘူး။ အဲ့လိုလုပ်မယ့်အစား လန်းဆန်းပြီးအေးသွားအောင် မြစ်ထဲပဲ ခုန်ချလိုက်ပါမယ်” ဟု ရေးသားခဲ့သည်။

စိုက်ပျိုးရေးဝန်ကြီးက ထုတ်ပြန်ရာတွင် အဆိုပါဥပဒေကို ပြည်သူများလိုက်နာအောင် ကြပ်မတ်ရေးမှာ ဂျာမနီ၏ ပြည်နယ်အသီးသီးရှိ ဒေသတွင်း အာဏာပိုင်များတွင် တာဝန်ရှိကြောင်း ပြောကြားသည်။

လာမည့်နှစ်တွင် အဆိုပါဥပဒေ အသက်ဝင်လာမည်ဟု ခန့်မှန်းရသည်။

(iMyanmarHouse.com Team မှ ရေးသား ဖော်ပြသည်။)

Credit: iMyanmarHouse.com

Ref: German dog owners will be ordered by LAW to take their pets on hour-long walks twice a day under new regulations (Dailymail)

[Zawgyi]

ေခြးပိုင္ရွင္မ်ား တစ္ေန႔ ၂ ၾကိမ္ ေခြးေက်ာင္းေပးရန္ ဂ်ာမနီတြင္ ဥပေဒျပဌာန္းမည္

ဂ်ာမနီႏိုင္ငံတြင္ ေခြးေမြးထားသည့္ ေခြးပိုင္ရွင္မ်ားသည္ တစ္ရက္လွ်င္ ၂ ၾကိမ္ နာရီႏွင့္ခ်ီ၍ ၾကာျမင့္ေသာ လမ္းေလွ်ာက္ထြက္ေပး ျခင္းမ်ား ျပဳလုပ္ရန္ ဥပေဒျဖင့္ အမိန္႔ေပးခံရေတာ့မည္ ျဖစ္သည္။

ျပည္သူမ်ားအေနျဖင့္ ၎တို႔ေမြးျမဴထားေသာ တိရ စၦာန္မ်ားကို အိမ္နီးဝန္းက်င္ ခရီးတိုမ်ား လမ္းေလွ်ာက္ထြက္ေပးျခင္းထက္ ပိုမိုၾကာရွည္သည့္ လမ္းေလွ်ာက္ထြက္ေပးျခင္းမ်ား ျပဳလုပ္ေစရန္ စိုက္ပ်ဳိးေရးဝန္ၾကီး Julia Klockner က ဥပေဒသစ္တစ္ရပ္ တင္သြင္းမည္ ျဖစ္သည္။

ဂ်ာမနီတြင္ ေခြးေပါင္းမ်ားစြာသည္ ေန႔စဥ္လံုေလာက္သည့္ ေလ့က်င့္ခန္း ရရွိျခင္းမရွိသည္ကို ေတြ႔ေနရသည့္အေထာက္အထားမ်ားေပၚ အေျခခံျပီး ယခုဥပေဒကို ျပဌာန္းရန္ စီစဥ္ရျခင္းျဖစ္ေၾကာင္း သူမက ေျပာၾကားသည္။

Ms Klockner က ေခြးမ်ားသည္ ေန႔စဥ္ လံုေလာက္သည့္ ကိုယ္လက္လႈပ္ရွားမႈႏွင့္ သဘာဝပတ္ဝန္းက်င္ျဖင့္ ထိေတြ႔မႈမ်ား လိုအပ္ေၾကာင္း ေျပာၾကားသည္။

ေခြးမ်ားသည္ ေပြ႔ဖက္ထားရန္သာျဖစ္သည့္ အရုပ္မ်ားမဟုတ္ေၾကာင္း၊ ၎တို႔တြင္လည္း ကိုယ္ပိုင္လိုအပ္ခ်က္မ်ားရွိေၾကာင္း သူမက ေျပာၾကားသည္။

ယခုေရးဆြဲထားသည့္ ဥပေဒအရဆိုလွ်င္ အိမ္ေမြးေခြးေကာင္ေရ ၉ ဒသမ ၄ သန္းေက်ာ္ရွိေနသည့္ ဂ်ာမနီတြင္ ပိုင္ရွင္မ်ားသည္ ေခြးမ်ားကို ကာလၾကာျမင့္စြာ တစ္ေကာင္တည္း အထီးက်န္စြာ ထားခဲ့ျခင္းကိုလည္း ခြင့္မျပဳေခ်။

ထို႔အျပင္ ေခြးမ်ားကို အခ်ိန္ၾကာျမင့္စြာ ၾကိဳးျဖင့္လွန္ထားျခင္းကိုလည္း တားျမစ္ထားသည္။

၅ ႏွစ္အရြယ္ ေယာ့ရႈိင္းယား တယ္ရီယာတစ္ေကာင္ ပိုင္ဆိုင္ထားသည့္ Barbel Kleid က ေျပာၾကားရာတြင္ ေခြးကို အခ်ိန္မည္မွ် ေက်ာင္းရမည္ဟုဆိုျခင္းမွာ အထက္စီးဆန္လွေၾကာင္း ေျပာၾကားသည္။

Christian Democratic Union ပါတီမွ လႊတ္ေတာ္အမတ္ Saskia Ludwig က ေျပာၾကားရာတြင္ မၾကာေသးမီက ျဖစ္ေပၚလာေနေသာ အပူလႈိင္းအရဆိုလွ်င္ ေခြးမ်ားကို ထိုမွ်အခ်ိန္ၾကာၾကာ အျပင္ဘက္တြင္ ရွိေနေစရန္မွာ မျဖစ္ႏိုင္ေၾကာင္း ေျပာၾကားသည္။

သူမက တြစ္တာအေကာင့္တြင္ ေရးသားခဲ့ရာတြင္ “ကၽြန္မကေတာ့ ကၽြန္မရဲ ႔ Rhodesian Ridgeback ကို ၃၂ ဒီဂရီေလာက္ရွိတဲ့ အပူရွိန္ေအာက္မွာ တစ္ရက္ ၂ ၾကိမ္ အျပင္ေခၚမွာ မဟုတ္ပါဘူး။ အဲ့လိုလုပ္မယ့္အစား လန္းဆန္းျပီးေအးသြားေအာင္ ျမစ္ထဲပဲ ခုန္ခ်လိုက္ပါမယ္” ဟု ေရးသားခဲ့သည္။

စိုက္ပ်ဳိးေရးဝန္ၾကီးက ထုတ္ျပန္ရာတြင္ အဆိုပါဥပေဒကို ျပည္သူမ်ားလိုက္နာေအာင္ ၾကပ္မတ္ေရးမွာ ဂ်ာမနီ၏ ျပည္နယ္အသီးသီးရွိ ေဒသတြင္း အာဏာပိုင္မ်ားတြင္ တာဝန္ရွိေၾကာင္း ေျပာၾကားသည္။

လာမည့္ႏွစ္တြင္ အဆိုပါဥပေဒ အသက္ဝင္လာမည္ဟု ခန္႔မွန္းရသည္။

(iMyanmarHouse.com Team မွ ေရးသား ေဖာ္ျပသည္။)

Credit: iMyanmarHouse.com

Ref: German dog owners will be ordered by LAW to take their pets on hour-long walks twice a day under new regulations (Dailymail)