တက္ကစီပေါ်တွင် အိမ်ခြံမြေကုမ္ပဏီအကြီးအကဲက မိန်းကလေးတစ်ဦးနှင့် မဖွယ်မရာပြုလုပ်နေသည့်ဗွီဒီယို ပြန့်နှံ့ပြီးနောက် ကုမ္ပဏီရှယ်ယာဈေးထိုးကျ

[Unicode] တရုတ်ပြည်၊ ကွမ်ကျိုးမြို့အခြေစိုက် အိမ်ခြံမြေ developer ကုမ္ပဏီတစ်ခု၏ ဘဏ္ဍာရေးအကြီးအကဲချုပ်သည် ဟောင်ကောင်တွင် တက္ကစီကားတစ်စီးပေါ် ၌ မိန်းကလေးတစ်ဦးနှင့် မဖွယ်မရာ (oral sex) ပြုလုပ်နေသော ဗွီဒီယိုဖိုင် အွန်လိုင်းတွင် ပျံ့နှံ့ခဲ့ပြီးနောက် ရာထူးမှ အဖြုတ်ခံလိုက်ရသည်။

အဆိုပါ အိမ်ခြံမြေ developer ကုမ္ပဏီသည် ဟောင်ကောင်စတော့အိတ်ချိန်းတွင် စာရင်းဝင်ထားသော ကုမ္ပဏီဖြစ်ပြီး ရာထူးမှ ထုတ်ပယ်ခံရသူ ဘဏ္ဍာရေးအကြီးအကဲသည် ယခင်က Goldman Sachs ကုမ္ပဏီတွင် အမှုဆောင်အဖြစ် လုပ်ကိုင်ခဲ့သူ ဖြစ်သည်။

အိမ်ခြံမြေ developer ကုမ္ပဏီ Times China Holdings က ဟောင်ကောင်စတော့အိတ်ချိန်းတွင် ကြေညာခဲ့သည်မှာ ဝေါင်ဝင်းနင် (Wong Wing Nin) ကို ဘဏ္ဍာရေးအကြီးအကဲတာဝန်မှ ရုပ်သိမ်းလိုက်ကြောင်းနှင့် ၎င်း၏နေရာတွင် ဘုတ်အဖွဲ့ဝင်အဖြစ် ကာလကြာရှည် ရပ်တည်ခဲ့သူ ဒုတိယဥက္ကဌ Niu Min ကို အစားထိုးလိုက်ကြောင်း ကြေညာထားပြီး ဝေါင်ဝင်းနင်ကို ထုတ်ပယ်ရခြင်း၏ အကြောင်းရင်းကိုမူ ဖော်ပြထားခြင်း မရှိချေ။

ဝေါင်ဝင်းနင်သည် Times China Holdings တွင် ဝင်ရောက်လုပ်ကိုင်ပြီး တစ်နှစ်အကြာတွင် ယခုကဲ့သို့ ထုတ်ပယ်ခံလိုက်ရခြင်းလည်း ဖြစ်သည်။

သို့သော် ဒေသတွင်း သတင်းမီဒီယာတို့၏ ဖော်ပြချက်အရ ကုမ္ပဏီ၏ ရုံးတွင်းအကြောင်းကြားစာတွင် ဖော်ပြသည်မှာ ပြန့်နှံ့လာသော ဗွီဒီယိုဖိုင်ထဲတွင် ဝေါင်ဝင်းနင်သည် အဖော်မိန်းကလေးနှင့် မဖွယ်မရာညစ်ညမ်းသည့်အပြုအမူကို လုပ်ဆောင်ခဲ့ပြီး အဆိုပါ မိန်းကလေး ကို Bonham လမ်းတွင် ချပေးခဲ့ကြောင်း၊ ယင်းဗွီဒီယိုဖိုင်သည် ကုမ္ပဏီ၏ နာမည်ဂုဏ်သတင်းကို ထိခိုက်စေကြောင်း ဖော်ပြထားသည်ဟု ဆိုသည်။

ဝေါင်ဝင်းနင်နှင့် အဖော်မိန်းကလေးတို့ ပြုမူခဲ့ပုံ ဗွီဒီယိုဖိုင်ကို ဇူလိုင်လ ၇ ရက်ညနေပိုင်းက မှတ်တမ်းတင်ထားခဲ့ခြင်းဖြစ်ပြီး နောက်တစ်နေ့တွင် ဟောင်ကောင်ရှိ လူမှုကွန်ရက်အသုံးပြုသူများအကြား များစွာပျံ့နှံ့ဂယက်ထခဲ့သည်။

Times China Holdings ၏ ရှယ်ယာဈေးမှာ လွန်ခဲ့သော ရက်သတ္တပတ်က ဟောင်ကောင်ဒေါ်လာ ၁၆ ဒသမ ၃၂ ဈေးပေါက်ခဲ့ သော်လည်း အဆိုပါဖြစ်ရပ်ပေါ်ပေါက်ပြီးနောက် ရှယ်ယာဈေး နေ့စဉ်ကျဆင်းလာပြီး သောကြာနေ့တွင် ၁၀ ရာခိုင်နှုန်းကျော်အထိ ဈေးထိုးကျသွားကာ ရှယ်ယာတစ်ခုလျှင် ဟောင်ကောင်ဒေါ်လာ ၁၄ ဒသမ ၆၂ သို့ ကျဆင်းသွားသည်။

အသက် ၄၃ နှစ်ရှိပြီဖြစ်သော ဝေါင်ဝင်းနင်သည် Times China Holdings တွင် ဘဏ္ဍာရေးအကြီးအကဲချုပ်အဖြစ် ၂၀၁၉ ခုနှစ်၊ ဇူလိုင်လ ၁ ရက်တွင် စတင်တာဝန်ထမ်းဆောင်ခဲ့ပြီး ဘဏ္ဍာရေးဆိုင်ရာ အစီရင်ခံခြင်းနှင့် ကုမ္ပဏီသို့ ရင်းနှီးမြှုပ်နှံလာသူတို့နှင့် ဆက်ဆံမှုများ ပြုလုပ်ရသည့် တာဝန်ကို ထမ်းဆောင်ရသည်။

Times China Holdings ကုမ္ပဏီသည် လွန်ခဲ့သောနှစ်အတွင်း ယွမ်ငွေံ ၇၈ ဒသမ ၄ ဘီလီယံ (ကန်ဒေါ်လာ ၁၁ ဒသမ ၂ ဘီလီယံ) ဖိုးအထိ ရောင်းချခဲ့ရသည်။

(iMyanmarHouse.com Team မှ ရေးသား ဖော်ပြသည်။)

Credit: iMyanmarHouse.com

Ref: CFO of HK-listed developer out after lewd taxi encounter goes viral (Dimsumdaily, Mingtiandi

[Zawgyi]

တကၠစီေပၚတြင္ အိမ္ျခံေျမကုမၸဏီအၾကီးအကဲက မိန္းကေလးတစ္ဦးႏွင့္ မဖြယ္မရာျပဳလုပ္ေနသည့္ဗီြဒီယို ျပန္႔ႏွံ႔ျပီးေနာက္ ကုမၸဏီရွယ္ယာေစ်းထိုးက်

တရုတ္ျပည္၊ ကြမ္က်ဳိးျမိဳ ႔အေျခစိုက္ အိမ္ျခံေျမ developer ကုမၸဏီတစ္ခု၏ ဘ႑ာေရးအၾကီးအကဲခ်ဳပ္သည္ ေဟာင္ေကာင္တြင္ တကၠစီကားတစ္စီးေပၚ ၌ မိန္းကေလးတစ္ဦးႏွင့္ မဖြယ္မရာ (oral sex) ျပဳလုပ္ေနေသာ ဗြီဒီယိုဖိုင္ အြန္လိုင္းတြင္ ပ်ံ ႔ႏွံ႔ခဲ့ျပီးေနာက္ ရာထူးမွ အျဖဳတ္ခံလိုက္ရသည္။

အဆိုပါ အိမ္ျခံေျမ developer ကုမၸဏီသည္ ေဟာင္ေကာင္စေတာ့အိတ္ခ်ိန္းတြင္ စာရင္းဝင္ထားေသာ ကုမၸဏီျဖစ္ျပီး ရာထူးမွ ထုတ္ပယ္ခံရသူ ဘ႑ာေရးအၾကီးအကဲသည္ ယခင္က Goldman Sachs ကုမၸဏီတြင္ အမႈေဆာင္အျဖစ္ လုပ္ကိုင္ခဲ့သူ ျဖစ္သည္။

အိမ္ျခံေျမ developer ကုမၸဏီ Times China Holdings က ေဟာင္ေကာင္စေတာ့အိတ္ခ်ိန္းတြင္ ေၾကညာခဲ့သည္မွာ ေဝါင္ဝင္းနင္ (Wong Wing Nin) ကို ဘ႑ာေရးအၾကီးအကဲတာဝန္မွ ရုပ္သိမ္းလိုက္ေၾကာင္းႏွင့္ ၎၏ေနရာတြင္ ဘုတ္အဖြဲ႔ဝင္အျဖစ္ ကာလၾကာရွည္ ရပ္တည္ခဲ့သူ ဒုတိယဥကၠဌ Niu Min ကို အစားထိုးလိုက္ေၾကာင္း ေၾကညာထားျပီး ေဝါင္ဝင္းနင္ကို ထုတ္ပယ္ရျခင္း၏ အေၾကာင္းရင္းကိုမူ ေဖာ္ျပထားျခင္း မရွိေခ်။

ေဝါင္ဝင္းနင္သည္ Times China Holdings တြင္ ဝင္ေရာက္လုပ္ကိုင္ျပီး တစ္ႏွစ္အၾကာတြင္ ယခုကဲ့သို႔ ထုတ္ပယ္ခံလိုက္ရျခင္းလည္း ျဖစ္သည္။

သို႔ေသာ္ ေဒသတြင္း သတင္းမီဒီယာတို႔၏ ေဖာ္ျပခ်က္အရ ကုမၸဏီ၏ ရံုးတြင္းအေၾကာင္းၾကားစာတြင္ ေဖာ္ျပသည္မွာ ျပန္႔ႏွံ႔လာေသာ ဗီြဒီယိုဖိုင္ထဲတြင္ ေဝါင္ဝင္းနင္သည္ အေဖာ္မိန္းကေလးႏွင့္ မဖြယ္မရာညစ္ညမ္းသည့္အျပဳအမူကို လုပ္ေဆာင္ခဲ့ျပီး အဆိုပါ မိန္းကေလး ကို Bonham လမ္းတြင္ ခ်ေပးခဲ့ေၾကာင္း၊ ယင္းဗြီဒီယိုဖိုင္သည္ ကုမၸဏီ၏ နာမည္ဂုဏ္သတင္းကို ထိခိုက္ေစေၾကာင္း ေဖာ္ျပထားသည္ဟု ဆိုသည္။

ေဝါင္ဝင္းနင္ႏွင့္ အေဖာ္မိန္းကေလးတို႔ ျပဳမူခဲ့ပံု ဗြီဒီယိုဖိုင္ကို ဇူလိုင္လ ၇ ရက္ညေနပိုင္းက မွတ္တမ္းတင္ထားခဲ့ျခင္းျဖစ္ျပီး ေနာက္တစ္ေန႔တြင္ ေဟာင္ေကာင္ရွိ လူမႈကြန္ရက္အသံုးျပဳသူမ်ားအၾကား မ်ားစြာပ်ံ ႔ႏွံ႔ဂယက္ထခဲ့သည္။

Times China Holdings ၏ ရွယ္ယာေစ်းမွာ လြန္ခဲ့ေသာ ရက္သတၱပတ္က ေဟာင္ေကာင္ေဒၚလာ ၁၆ ဒသမ ၃၂ ေစ်းေပါက္ခဲ့ ေသာ္လည္း အဆိုပါျဖစ္ရပ္ေပၚေပါက္ျပီးေနာက္ ရွယ္ယာေစ်း ေန႔စဥ္က်ဆင္းလာျပီး ေသာၾကာေန႔တြင္ ၁၀ ရာခိုင္ႏႈန္းေက်ာ္အထိ ေစ်းထိုးက်သြားကာ ရွယ္ယာတစ္ခုလွ်င္ ေဟာင္ေကာင္ေဒၚလာ ၁၄ ဒသမ ၆၂ သို႔ က်ဆင္းသြားသည္။

အသက္ ၄၃ ႏွစ္ရွိျပီျဖစ္ေသာ ေဝါင္ဝင္းနင္သည္ Times China Holdings တြင္ ဘ႑ာေရးအၾကီးအကဲခ်ဳပ္အျဖစ္ ၂၀၁၉ ခုႏွစ္၊ ဇူလိုင္လ ၁ ရက္တြင္ စတင္တာဝန္ထမ္းေဆာင္ခဲ့ျပီး ဘ႑ာေရးဆိုင္ရာ အစီရင္ခံျခင္းႏွင့္ ကုမၸဏီသို႔ ရင္းႏွီးျမွဳပ္ႏွံလာသူတို႔ႏွင့္ ဆက္ဆံမႈမ်ား ျပဳလုပ္ရသည့္ တာဝန္ကို ထမ္းေဆာင္ရသည္။

Times China Holdings ကုမၸဏီသည္ လြန္ခဲ့ေသာႏွစ္အတြင္း ယြမ္ေငြံ ၇၈ ဒသမ ၄ ဘီလီယံ (ကန္ေဒၚလာ ၁၁ ဒသမ ၂ ဘီလီယံ) ဖိုးအထိ ေရာင္းခ်ခဲ့ရသည္။

(iMyanmarHouse.com Team မွ ေရးသား ေဖာ္ျပသည္။)

Credit: iMyanmarHouse.com

Ref: CFO of HK-listed developer out after lewd taxi encounter goes viral (Dimsumdaily, Mingtiandi