ယခုနှစ် ၂၀၁၇ ခုနှစ်အတွင်းမှာတော့ ကမ္ဘာ့စီးပွားရေးပိုင်းနဲ့
ပတ်သက်လို့ တစ်နှစ်တာတိုးတက်မှုနှုန်း ၂ ဒသမ ၇ ရာခိုင်နှုန်း
ရှိမယ်လို့ ကမ္ဘာ့ဘဏ်ရဲ့ ကမ္ဘာလုံးဆိုင်ရာ စီးပွားရေးရာ အလားအလာ
GEP အစီရင်ခံစာမှာ ဖော်ပြထားပါတယ်။
လက်ရှိအချိန်မှာတော့ ကိုယ်ကျိုးစီးပွားကာကွယ်ရေးဘက်ကို
တိမ်းနိုင်မယ့် ဒေါ်နယ်ထရန့်ရဲ့ Brexit တို့လို မသေချာ မရေရာမှု
အခြေအနေတွေ ရှိနေပေမယ့်လည်း ကမ္ဘာ့စီးပွားရေးပိုင်းမှာတော့
အသင့်အတင့်တိုးတက်မှု ရှိနိုင်မယ်လို့ ခန့်မှန်းလိုက်တာဖြစ်ပါတယ်။
ယင်း ကမ္ဘာ့ဘဏ်ရဲ့ အစီရင်ခံစာမှာတော့ အထက်ပါ မသေချာ
မရေရာမှုတွေနဲ့အတူ ဘဏ္ဍာရေးဈေးကွက်မတည်ငြိမ်မှုတွေက
ယခုနှစ်ရဲ့ ကာလတု တိုးတက်နိုင်မှုအပေါ် ထိခိုက်နိုင်စရာ ရှိပေမယ့်
ဒေါ်နယ်ထရန့်အစိုးရရဲ့ ကတိပြုထားတဲ့ မူဝါဒတွေကြောင့်
ယင်းအခြေအနေတွေကို ထေကာမိစေနိုင်တယ်လို့လည်း
ပါရှိပါတယ်။
မကြာခင် အမေရိကန်သမ္မတဖြစ်လာတော့မယ့် ဒေါ်နယ်ထရန့်
ကတော့ ၎င်းအနေနဲ့ ငွေရေးကြေးရေးဆိုင်ရာ တိုးချဲ့မူဝါဒတွေကို
ချမှတ်မယ်လို့ ကတိပြုထားခဲ့ပြီး ယင်းတို့ထဲမှာတော့ အခွန်
အကောက်တွေ ဖြတ်တောက်လျှော့ချတာနဲ့ အခြေခံအဆောက်
အအုံပိုင်းမှာ တိုးမြင့်သုံးစွဲသွားမယ့် အစီအစဉ်တွေ
ပါဝင်နေပါတယ်။
" ဘာလို့လဲဆိုတော့ အမေရိကန်ရဲ့ အခြေအနေက ကမ္ဘာ့
စီးပွားရေးပိုင်းမှာ ကောင်းစွာသက်ရောက်နေပါတယ်၊
မူဝါဒဦးတည်ချက်တွေအပြောင်းအလဲဖြစ်လာမယ်ဆိုရင်
ကမ္ဘာကြီးအတွက်လည်း သက်ရောက်မှုရှိပါမယ်၊ အမေရိကန်
တို့ရဲ့ တိုးချဲ့မူဝါဒတွေက နိုင်ငံကိုရော ပြည်ပကိုပါ အနီးအနား
ကာလတစ်ခုမှာ တိုးတက်မှုတွေ အားကောင်းစေနိုင်ပါလိမ့်မယ်"
လို့ ယင်းအစီရင်ခံစာမှာ ဖော်ပြထားပါတယ်။
Credit: SFJ Strategy First
