အိမ်ပိုင်ဆိုင်မှု မရှိသေးသူများ အတွက်သာ ရောင်းချပေးထားသည့် မန္တလေးမြို့ ချမ်းမြ သာစည်မြို့နယ်ရှိ မြရည်နန္ဒာ တန်ဖိုးမျှတအိမ်ရာ အပိုင်း (၁)ရှိ တိုက်ခန်းများကို ပြန် လည် ငှားရမ်းမှု၊ အမြတ်တင်ရောင်းချမှုများ ရှိနေကြောင်း သတင်းရရှိသည်။
ယင်းတန်ဖိုးမျှတအိမ်ရာ အပိုင်း (၁)ရှိ တိုက်ခန်းပေါင်း ၄၂၀ ကို အိမ်ပိုင်ဆိုင်မှု မရှိသေး သည့် အငြိမ်းစား ဝန်ထမ်းများနှင့် လုပ်သက်ရင့် ဝန်ထမ်းများကိုသာ မဲနှိုက်၍ အရစ်ကျ စနစ်ဖြင့် ရောင်းချ ပေးခဲ့သော်လည်း တိုက်ခန်းတန်ဖိုးထက် အမြတ်တင်၍ ရောင်းချခြင်း များနှင့် ငှားရမ်းခြင်းများ ရှိနေကြောင်း အရောင်းအဝယ် ဈေးကွက်မှ စုံစမ်းသိရသည်။
‘အခုဆိုရင် ပြန်ရောင်းတာတွေလည်း များတယ်။ ငှားချင်တယ်ဆိုရင် ငှားလို့ရတယ်။ အရောင်းကတော့ ပိုင်ဆိုင်မှု စာအုပ်တစ်အုပ် ရှိတယ်။ အဲဒီ စာအုပ်ကိုပေးထားမယ်။ ငွေအကျေ သွင်းပြီးမှ နာမည်ပြန်လွှဲပေးမယ်။ ဈေးတွေကတော့ အထပ်အလိုက် အမြတ်ပေးပြီး ဝယ်ရမယ်’ ဟု ပွဲ စားတစ်ဦးက ပြောသည်။
မြရည်နန္ဒာ တန်ဖိုးမျှတအိမ်ရာ အပိုင်း(၁)ရှိ တိုက်ခန်း စတုတ္ထ ထပ်တစ်ခန်းလျှင် ပိုင်ရှင်ထံသို့ အမြတ်ငွေ ကျပ်သိန်း ၆၀၊ တတိယထပ် တစ်ခန်းလျှင် ကျပ်သိန်း ၈၀ ကျော်၊ ပထမထပ်နှင့် မြေညီထပ် တစ်ခန်းလျှင် ကျပ်သိန်း ၁၂၀ ကျော်ပေးကာ ပြန် လည် ဝယ်ယူနေကြောင်း ဈေးကွက်မှ စုံစမ်းသိရသည်။
အစိုးရသို့ သွင်းရသည့် နှုန်းထားများမှာ မြေညီထပ် တစ်ခန်းလျှင် ကျပ် ၁၆၅ သိန်း၊ ပထ မထပ် တစ်ခန်းလျှင် ကျပ် ၁၅၅ သိန်း၊ ဒုတိယနှင့် တတိယထပ် တစ်ခန်းလျှင် ကျပ် ၁၄၅ သိန်း၊ စတုတ္ထထပ် တစ်ခန်းလျှင် ၁၃၅ သိန်းရှိကြောင်း စုံစမ်းသိရသည်။
‘အဝယ်တွေ ကတော့ နေ့တိုင်း လာကြည့်တယ်။ ဒီနေ့ တောင် တစ်ခန်းတည့် သွားပြီ’ ဟု ပွဲစားတစ်ဦးက ပြောသည်။
တန်ဖိုးမျှတအိမ်ရာတွင် မဲပေါက်ထားသူများ အနေဖြင့် တိုက်ခန်းတန်ဖိုး၏ ၃၀ ရာခိုင် နှုန်း ပေးသွင်းပြီးပါက မူရင်းပိုင်ရှင်သာ နေထိုင်ခြင်းဟုတ်၊ မဟုတ် မြို့နယ်ဦးစီးအရာရှိ က ဦးစီး၍ လစဉ် စစ်ဆေးခြင်းကို မတ်လတွင် စတင် ပြုလုပ်မည်ဟု မြို့ပြနှင့် အိမ်ရာ ဖွံ့ဖြိုးရေးဦးစီးဌာန ညွှန်ကြားရေးမှူးက ပြောကြားထား သည်။
အဆိုပါတိုက်ခန်း ဝယ်ယူခွင့် ရရှိသူများသည် ပြန်လည်၍ ရောင်းချခြင်း၊ ငှားရမ်းခြင်းများ ပြုလုပ်ပါက တိုက်ခန်းကို ပြန်လည် သိမ်းယူမည်ဖြစ်ကြောင်း စာချုပ်တွင် ပါရှိသည်။
လုပ်သက် (၂၅)နှစ်အထက် ဝန်ထမ်းများနှင့် အငြိမ်းစားများ အတွက် မဲစနစ်ဖြင့် ရောင်း ချပေးသည့် မြရည်နန္ဒာ တန်ဖိုးမျှအိမ်ရာ အပိုင်း (၁)နှင့် (၂)တွင် အခန်း ပေါင်း ၉၈၀ ဆောက်လုပ်၍ အငြိမ်းစား ဝန်ထမ်းနှင့် အစိုးရဝန်ထမ်းများအား အခန်းပေါင်း ၉၄၀ နှင့် ကုမ္ပဏီဝန်ထမ်းများအား အခန်းပေါင်း ၄၀ ရောင်း ချထားပြီးဖြစ်ကြောင်း သတင်းရရှိ သည်။
Credit: 7DayDaily
