စစ်မှုထမ်းဟောင်း အိမ်ရာအတွက် သိမ်းဆည်းခံခဲ့ရသည့် မကွေးမြို့နယ် ကန်ရွာလေး ကျေးရွာရှိ လယ်ယာမြေများတွင် ရွာသင်္ချိုင်းမြေ ပါဝင်သဖြင့် မကွေးတိုင်းအစိုးရအဖွဲ့နှင့် ဝန်ကြီးချုပ် တို့က ဇန်နဝါရီ ၅ ရက်၌ သင်္ချိုင်းမြေ အစားထိုး ပေးအပ်ခဲ့ကြောင်း သတင်းရရှိသည်။
ကန်ရွာလေး ကျေးရွာသည် ၂၀၁၁ တွင် လမ်းဖောက်လုပ်မှု ကြောင့် သင်္ချိုင်းမြေနေရာ ပြောင်း ရွှေ့ခဲ့ပြီး ၂၀၁၅ တွင် စစ်မှုထမ်းဟောင်း အိမ်ရာအတွက် လယ် ယာမြေများ သိမ်းဆည်းခံခဲ့ရရာ ပြောင်းရွှေ့ထားသည့် သင်္ချိုင်းမြေ ထပ်မံပါရှိသွားသဖြင့် သင်္ချိုင်းမရှိ ဘဲ နေခဲ့ရသည်ဟု ဒေသခံ တောင်သူများက ပြောသည်။
ကန်ရွာလေး ကျေးရွာ၏ မြောက်ဘက် ပေ ၂,၅၀၀ ကျော် အကွာတွင် သင်္ချိုင်းမြေနေရာသစ် သတ်မှတ်ခဲ့သကဲ့သို့ ယင်းမြေနေရာအတွက် လိုအပ်သည့် ကျပ် ၆၅ သိန်းကို မကွေးတိုင်းဒေသကြီး အစိုးရအဖွဲ့ ကျေးလက်ဖွံ့ဖြိုးရေး ရန်ပုံငွေမှ ထောက်ပံ့ခဲ့ကြောင်း သိရသည်။
‘‘သင်္ချိုင်းမရှိလုိ့ ကျွန်တော်တို့ရွာက လူတွေ မသေရဲလောက် အောင် ဖြစ်ခဲ့ရ၊ စိတ်ပူပန်ခဲ့ရ တယ်။ သင်္ချိုင်းမရှိတာက တော် တော် ဒုက္ခရောက်တယ်။အလောင်းကို ဘယ်နေရာသွားထားရမှန်း မသိတော့ဘူး။ ကိုယ့်သင်္ချိုင်းမဟုတ်ရင် ဘယ်ကမှ လက်မခံဘူး။ အတော်ဒုက္ခရောက်တာပါ။ အခုတော့ အစိုးရက သင်္ချိုင်းမြေ အတည်ဖြစ်ဖို့ ပုံစံ ၁၀၅ ရရှိရေးအတွက်ပါ ဆောင်ရွက်ပေးခဲ့လို့ ထပ်ပြီး အသိမ်းခံရမှာ မစိုးရိမ်ရတော့ဘူးပေါ့’’ဟု ဒေသခံတောင်သူဦးအောင်နိုင်က ဆိုသည်။
ယခင်က သိမ်းဆည်ရာတွင် သင်္ချိုင်းမြေဖြစ်သဖြင့် မသိမ်းဆည်းရန် တင်ပြခဲ့သော်လည်း မြေစာရင်းက သင်္ချိုင်းမြေ မရှိဟု ငြင်းပယ်ခဲ့ကြောင်း၊ ယခု ကျေးရွာက လျှောက်ထား၍ ပုံစံ ၁၀၅ ရရှိရန် ခရိုင်မြို့နယ် အုပ်ချုပ်ရေးမှူးက ညွှန်ကြားပေးခဲ့ကြောင်း သိရသည်။
‘‘ကျွန်တော်တို့ မဲပေးခဲ့တဲ့ လွှတ်တော်ကိုယ်စားလှယ်တွေကို လည်း ကျေးဇူးတင်ပါတယ်။ တိုင်းလွှတ်တော် ကိုယ်စားလှယ် ဒေါ်ခင်ချိုလတ်က သင်္ချိုင်းမြေမရှိ တာနဲ့ပတ်သက်ပြီး လွှတ်တော်ကို တင်ပြမှုတွေ လုပ်ခဲ့တာကလည်း ကျွန်တော်တို့ အခုလိုရဖို့အတွက် တွန်းအားပါ’’ဟု ဦးအောင်နိုင်က ပြောသည်။
မကွေးမြို့နယ်ရှိ ကျေးရွာ အများစု၏ သင်္ချိုင်းမြေများမှာ မြေစာရင်းက အတည်ပြုသတ် မှတ်ထားသည့် ပုံစံ ၁၀၅ မရှိကြ ဘဲ ဘိုးဘွားအစဉ်အဆက် သတ်မှတ်ပေးခဲ့သည့် သင်္ချိုင်းမြေ နေရာကိုသာ အသုံးပြုကြသည်။
Credit: 7DayDaily
