တရုတ်သည် ယခုနှစ်တတိယသုံးလပတ်တွင် အမေရိကန်ကိုကျော်တက်၍ ကမ္ဘာ့အကြီးဆုံးနယ်စပ်ဖြတ်ကျော်အိမ်ခြံမြေရင်းနှီးမြှုပ်နှံသူ ဖြစ်လာခဲ့သည်။ တရုတ်သည် ယခုနှစ်ပထမကိုးလတာအတွင်း ကမ္ဘာတစ်ဝန်းတွင် ရင်းနှီးမြှုပ်နှံမှု စုစုပေါင်း အမေရိကန်ဒေါ်လာ၁၈ ဘီလျံနီးနီးရှိခဲ့ခြင်းကြောင့်ဖြစ်ကြောင်း ကမ္ဘာ့အိမ်ခြံမြေအကြံပေးကုမ္ပဏီ JLL ၏ကိန်းဂဏန်းအချက်အလက်များက ဖော်ပြခဲ့သည်။ ယင်းပမာဏသည် စံချိန်တင်ခဲ့သည့်၂၀၁၅ ခုနှစ်၏ ပမာဏကိုလည်း သာလွန်ခဲ့သည်။
နိုင်ငံပိုင်လုပ်ငန်းများ၊ အာမခံကုမ္ပဏီများနှင့် ငွေကြေးအဖွဲ့အစည်းများအပါအ၀င် တရုတ်ပြည်မကြီးမှ ရင်းနှီးမြှုပ်နှံသူများသည် ယခုနှစ်ပထမသုံးလပတ်၊ ဒုတိယသုံးလပတ်နှင့် တတိယသုံးလပတ်ပေါင်း ကိုးလတာအတွင်း နိုင်ငံတကာမှ အိမ်ခြံမြေများသို့ ဒေါ်လာ ၁၈ဘီလျံနီးပါး ရင်းနှီးမြှုပ်နှံခဲ့ကြသည်။ ၎င်းပမာဏသည် ယခင်နှစ်ပထမကိုးလတာထက်ရာခိုင်နှုန်း ၅၀ ကျော် မြင့်တက်များပြားခဲ့သည်။ အမေရိကန်နှင့် ဟောင်ကောင်သည်တရုတ်ပြည်မကြီးမှရင်းနှီးမြှုပ်နှံသူများအတွက် အဓိကရင်းနှီးမြှုပ်နှံမှုနယ်မြေများဖြစ်သည်။
နေအိမ်နှင့် မြေ၀ယ်ယူမှု နှစ်ခုပေါင်းလျှင် စုစုပေါင်းအရောင်းအ၀ယ်ပမာဏသည် ဒေါ်လာ၂၁ ဘီလျံ ရှိခဲ့ပြီး ၂၀၁၅ ခုနှစ်က ပမာဏထက် ရာခိုင်နှုန်း ၃၀ သာလွန်သည်။ ၂၀၁၄ နှင့်ယှဉ်ပါက ၄၅ ရာခိုင်နှုန်း သာလွန်သည်။
ယခုအခါ တရုတ်ရင်းနှီးမြှုပ်နှံသူများသည် ဂျာမနီနှင့် အမေရိကန်တို့ကို သာလွန်၍လျော့ကျမှုမရှိ အရင်းနှီးအမြှုပ်နှံနိုင်ဆုံးသော ပြည်ပရင်းနှီးမြှုပ်နှံသူများအဖြစ် ရပ်တည်နေ
ကြသည်။ သူတို့သည် ထိုနေရာကို နောင်နှစ်အများအပြား ဆက်ထိန်းထားနိုင်မည်ဟု ခန်းမှန်းရကြောင်း ကမ္ဘာလုံးဆိုင်ရာငွေလုံးငွေရင်းဈေးကွက် သုတေသနညွှန်ကြားရေးမှူး ဒေး
ဗစ်ဂရင်းမော်ဂန်က ပြောကြားခဲ့သည်။
တရုတ်၏ ငွေလုံးငွေရင်းသည် ကြီးမားလှသည်ဖြစ်ရာ တရုတ်အာမခံကုမ္ပဏီများချည်းသက်သက်ကပင် အိမ်ခြံမြေသို့ ဒေါ်လာ ဘီလျံ ၂၅၀ ကို တိုက်ရိုက်ရင်းနှီးမြှုပ်နှံနိုင်ကြောင်း
JLL က ခန့်မှန်းထားသည်။
ဗြိတိန်က အီးယူမှခွဲထွက်မှုနှင့်ပတ်သက်သည့် မသေချာမရေရာမှုများ၊ အာရှပစိဖိတ်တွင်စီးပွားရေးနှေးကွေးကျဆင်းမှုနှင့် အမေရိကန်က ကမ္ဘာ့အိမ်ခြံမြေဈေးကွက်တွင် တည်
တည်ငြိမ်ငြိမ်လှုပ်ရှားလာခြင်း အပါအ၀င် ပထ၀ီဝင်နိုင်ငံရေးအန္တရာယ်များကြောင့် တရုတ်၏ မကြာသေးမီလများအတွင်း အိမ်ခြံမြေရင်းနှီးမြှုပ်နှံမှုများသည် အခွင့်အလမ်းကို ရှာဖွေမှုပေါ် ဗဟိုပြုလာကြောင်း JLL ၏ နိုင်ငံတကာငွေကြေးအဖွဲ့ခေါင်းဆောင် ဒါရင်းရှားက ပြောကြားခဲ့သည်။
တရုတ်တွင် အစိုးရက ငွေကြေးစီးဆင်းမှုကို စောင့်ကြည်မည်ဟု ကြွေးကြော်ထားသော်လည်း ရင်းနှီးမြှုပ်နှံသူများသည် လာမည့် ၂၀၁၇ ခုနှစ်တွင် ပြည်ပအိမ်ခြံမြေကဏ္ဌများ
၌ ဆက်လက်ရင်းနှီးမြှုပ်နှံကြမည်ဖြစ်ကြောင်းလည်း JLL က ဒီဇင်ဘာလ ၂၀ ရက်တွင်ထုတ်ပြန်ခဲ့သည်။
"ပြည်ပမှာ ရင်းနှီးမြှုပ်နှံတာဟာ တရုတ်ရင်းနှီးမြှုပ်နှံသူအများစုအတွက် မဟာဗျူဟာမြောက်လုပ်ရပ်တစ်ခုပါ" ဟု JLL ၏ အာရှပစိဖိတ်ဈေးကွက်အကြီးအကဲ စတူးဝပ်ခရိုးက
ပြောကြားခဲ့သည်။ "ရေတိုကျဆင်း၊ နှေးကွေးမှုတော့ ရှိနိုင်ပေမယ့် ရေရှည်မှာတော့အပြောင်းအလဲအရမ်းနည်းမယ်လို့ ကျွန်တော်တို့ ခန့်မှန်းရပါတယ်" ဟုလည်း သူက
ပြောကြားခဲ့သည်။
အမေရိကန်ဒေါ်လာ ၁၀ ဘီလျံကျော်သော ပြည်ပရင်းနှီးမြှုပ်နှံမှုများနှင့် ကုမ္ပဏီ၏ ပင်မလုပ်ငန်းအစိတ်အပိုင်းများမဟုတ်သည့် ၁ ဘီလျံကျော်သော ကုမ္ပဏီချင်းပူးပေါင်းမှုများကို
ထိန်းချုပ်နေပြီး ငွေကြေးစီးဆင်းမှုများအား ပိုမိုသတိပြုစောင့်ကြည့်နေကြောင်း တရုတ်အစိုးရက ပြီးခဲ့သည့်နိုဝင်ဘာလက ထုတ်ပြန်ခဲ့သည်။
ထို့နောက် နိုင်ငံပိုင်ဆင်ဟွာသတင်းဌာနက တရုတ်သည် ပြည်ပအိမ်ခြံမြေရင်းနှီးမြှုပ်နှံမှုနှင့်ပတ်သက်၍ စီးပွားရေးလုပ်ငန်းများအား သူတို့၏ကိုယ်ပိုင်ဆုံးဖြတ်ချက်များအတိုင်း
ဆက်လက်လုပ်ဆောင်ခွင့်ပြုမည်ဖြစ်သည်ဟု ဖော်ပြခဲ့သည်။
အာရှပစိဖိတ်တစ်လွှား ပြည်ပ၌ တရုတ်အိမ်ခြံမြေရင်းနှီးမြှုပ်နှံမှုသည် လာမည့် ၂၀၁၇ခုနှစ်အတွင်း ဆက်လက်အားကောင်းနေမည်ဖြစ်ကာ အရှေ့တောင်အာရှသို့လည်းအာရုံစိုက်လာကြမည်ဖြစ်ကြောင်း JLL က ထုတ်ပြန်ခဲ့သည်။
ခင်အေးချမ်း မှ iMyanmarHouse.com အတွက် အထူးရေးသားဖော်ပြသည်။
Credit: iMyanmarHouse.com
