နိုင်ငံခြားငွေကြေးဈေးတက်သွားချိန်ဖြစ်သည့် ယခင်သီတင်းပတ်အတွင်း အိမ် ခြံ မြေ အရောင်းအဝယ်ကဏ္ဍမှာ အတန်ငယ်သွက်လက်ခဲ့ကြောင်းသိရှိရသည်။
နိုင်ငံခြားငွေကြေးသည် ယခင်သီတင်းပတ်တွင် တစ်ဒေါ်လာလျှင် ၁၃၀၀ကျပ် ဝန်းကျင်မှ ၁၄၂၀ ကျပ် ဝန်းကျင်အထိ ဈေးနှုန်းမြင့်တက်သွားခဲ့သည်။ယင်းကဲ့သို့ ဒေါ်လာငွေဈေးမြင့်တက်လာချိန်တွင် ဒေါ်လာငွေကြေးစုဆောင်းထားသူအများစုမှာ ထုတ်ရောင်း၍ အိမ် ခြံ မြေ ဘက်သို့ ဦးလှည့်လာသောကြောင့် အရောင်းအဝယ်ပြန်လည်သွက်လက်လာခဲ့ခြင်းဖြစ်ကြောင်း အိမ် ခြံ မြေ အကျိုးဆောင်များမှ ပြောသည်။
""ဒေါ်လာဈေးမတက်ခင်က ရွှေဈေးတွေတော်တော်တက်သွားတယ်။အဲဒီမှာ ရွှေစုထားသူတွေက ထုတ်ရောင်းပြီး အိမ် ခြံ မြေ ဘက် လှည့်လာတယ်။နောက်ပြီးတော့ ဒေါ်လာဈေးတက်တယ်။ခုနကရွှေလိုဘဲ ထုတ်ရောင်းပြီး မြေဘက်လှည့်လာတော့ ပိုသွက်လာတယ်။ကားဘက်မှာလည်း မူဝါဒတွေကမငြိမ်တော့ အကုန်လုံးက ရေရှည်အကျိုးစီးပွားဖြစ်တဲ့ အိမ် ခြံ မြေ ဘက်ကိုပြန်လှည့်လာကြတာ""ဟု ရန်ကုန်တိုင်းအိမ်ခြံမြေလုပ်ငန်းရှင်အသင်း ဥက္ကဌ ဦးစိုင်းခွန်နောင်မှ ပြောပြခဲ့သည်။
ယင်းကဲ့သို့ ဒေါ်လာဈေးတက်လာချိန်တွင် အိမ် ခြံ မြေ ကဏ္ဍအနေဖြင့်အတန်ငယ် သွက်လက်လာခဲ့သော်လည်း ဆောက်လုပ်ရေးလုပ်ငန်းရှင်များဘက်တွင်မူ ငွေဈေးကြောင့်အခက်အခဲတွေ့ကြုံခဲ့ကြရကြောင်းလည်းသိရသည်။
မင်းဝဿန် မှ iMyanmarHouse.com အတွက် အထူးရေးသားဖော်ပြသည်။
Credit: iMyanmarHouse.com
