လာမည့် ၁၀ နှစ်အတွင်း ဆော်ဒီပြည်သူများကို နေအိမ်ပေါင်း ၁၀၀၀၀ နှင့် ကားစင်းရေ ၁၀၀၀၀ လှူဒါန်းမည်

ဆော်ဒီအာရေးဗီးယားနိုင်ငံသားတို့၏ လူနေမှုဘဝအဆင့်အတန်း မြင့်မားရန်ရည်ရွယ်၍ လာမည့် ၁၀ နှစ်တာ ကာလအတွင်း နိုင်ငံတစ်ဝန်းရှိ ပြည်သူတို့ကို နေအိမ်ပေါင်း ၁၀၀၀၀ နှင့် မော်တော်ကားအစင်းရေ ၁၀၀၀၀ လှူဒါန်းသွားမည်ဖြစ်ကြောင်း ဆော်ဒီအခြေစိုက် ပရဟိတ အဖွဲ့အစည်းဖြစ်သော Alwaleed Philanthropies က ထုတ်ဖော်ကြေညာလိုက်သည်ဟု အရှေ့အလယ်ပိုင်းအခြေစိုက် အိမ်ခြံမြေသတင်းဝက်ဘ်ဆိုက်တစ်ခုတွင် ဖော်ပြသည်။

အဆိုပါအဖွဲ့အစည်း၏ ဥက္ကဌမှာ ဘီလျံနာတစ်ဦးဖြစ်သူ မင်းသား အယ်ဝါလိ ဘင် တလာ ဘင် အဗ္ဗဒူလာဇစ် အယ်လ်ဆတ် ဖြစ်သည်။

ယင်းကဲ့သို့ နေအိမ်နှင့်ကားများပေးအပ်သည်မှာ ၇ ကြိမ်မြောက်ရှိခဲ့ပြီဖြစ်ပြီး မင်းသားအယ်လ်ဝါလိက ယခုအကြိမ်တွင် ရရှိမည့်သူ ၂၆၀၀ ဦးတို့၏ အမည်များကိုလည်း ကြေညာခဲ့ပြီး ဖြစ်သည်။

Housing and Car Grants’ ဟု အမည်ပေးထားသော အဆိုပါစီမံကိန်းသည် ပရဟိတအဖွဲ့၏ ရေရှည်ရည်မှန်းချက်ဖြစ်ပြီး ဆော်ဒီအိုးအိမ်နှင့် အခြေခံအဆောက်အအုံဝန်ကြီးဌာန၏ စီမံကိန်းများကို လျှောက်ထားခွင့်မရကြသည့် ဆော်ဒီနိုင်ငံသားများကို အဓိကရည်ရွယ်ခြင်း ဖြစ်သည်။

နေအိမ်တစ်ခုချင်းစီအတွက် လိုအပ်မည့် နေရာအကျယ်အဝန်းနှင့်စပ်လျဉ်း၍ ပြန်လည်စစ်ဆေးမှုများ ပြုလုပ်နေရခြင်းကြောင့် ၇ ကြိမ်မြောက် အိမ်၊ ကားပေးအပ်မှုအစီအစဉ် နှောင့်နှေးနေရခြင်းဖြစ်သည်ဟု ဆိုသည်။

ဆဌမအကြိမ်မြောက် အိမ်၊ ကားပေးအပ်လှူဒါန်းမှု အစီအစဉ်တွင် ဆော်ဒီ၏ မြို့တော် ရီယာ့ဒ်တွင် စတုရန်းပေ ၄၀၀ အကျယ်အဝန်းရှိ နေအိမ်များ ပေးအပ်လှူဒါန်းခဲ့ပြီးဖြစ်သည်ဟု ဆိုသည်။
အိမ်၊ ကားပေးအပ်မှု အစီအစဉ်အတွက် အခကြေးငွေပေးရန် မလိုသကဲ့သို့ လျှောက်ထားနိုင်သူ၏ အသက်အရွယ်ကန့်သတ်ထားခြင်းလည်း မရှိကြောင်း သိရသည်။

Credit: iMyanmarHouse.com
(iMyanmarHouse.com Team မှ ရေးသား ဖော်ပြသည်။)