မွန်ပြည်နယ်ရှိ စီမံကိန်းများအားလုံးကနဦးပတ်ဝန်းကျင် ဆန်းစစ်ခြင်း လုပ်ငန်း ဆောင်ရွက်နေဆဲဟုဆို

မွန်ပြည်နယ်အတွင်း စီမံကိန်းလုပ်ငန်းများ အားလုံးကို ကနဦး ပတ်ဝန်းကျင်ဆန်းစစ်ခြင်း လုပ်ငန်းများ ဆောင်ရွက်နေဆဲ ဖြစ်ကြောင်း ပြည်နယ်သယံဇာတ နှင့် သဘာဝပတ်ဝန်းကျင် ထိန်း သိမ်းရေးဝန်ကြီး ဒေါက်တာမင်း ကြည်ဝင်းက ဆိုသည်။

မွန်ပြည်နယ် စီမံကိန်းလုပ် ငန်းများကို ကနဦး ပတ်ဝန်းကျင် ဆန်းစစ်ခြင်း IEE (Initital Environmental Examination)ပြုလုပ် ရန် လုပ်ငန်းရှစ်ခု၊ ပတ်ဝန်းကျင် ထိခိုက်မှု ဆန်းစစ်ခြင်း EIA (Environmental Impact Asses -ment) ပြုလုပ်ရန် လုပ်ငန်း ၁၀ ခုကို သယံဇာတနှင့် သဘာဝပတ် ဝန်းကျင် ထိန်းသိမ်းရေးဝန်ကြီး ဌာနသို့ တင်ပြ၍ သဘောထား တောင်းခံထားကာ ပြည်နယ်ပတ် ဝန်းကျင် ထိန်းသိမ်းရေးဦးစီးဌာန က စိစစ်နေဆဲဟု ဆိုသည်။

‘‘ပြည်နယ်ထဲမှာရှိတဲ့ စီမံ ကိန်းလုပ်ငန်းအားလုံးကို IEE တစ်ခုမှ မလုပ်ရသေးပါဘူး။ IEE လုပ်ဖို့ ဆောင်ရွက်နေတုန်းပါပဲ’’ ဟု ဒေါက်တာမင်းကြည်ဝင်းက ပြောသည်။

ကျိုက်မရောမြို့နယ်တွင် ခနောက်စိမ်းသတ္တုသန့်စင်စက်ရုံ၊ ဘိလပ်မြေစက်ရုံ၊ မုဒုံမြို့နယ်တွင် ရော်ဘာထုတ်လုပ်ခြင်းလုပ်ငန်း၊ ပေါင်မြို့နယ်တွင် ကျောက်ထုတ် လုပ် သည့်လုပ်ငန်းများ၊ မော်လမြိုင်မြို့နယ်တွင် ဆောက်လုပ်ရေးလုပ်ငန်းသုံးခွဲကျောက်များ တူးဖော် ထုတ်လုပ်ဖြန့်ဖြူးခြင်း လုပ်ငန်း၊ BOT စနစ်ဖြင့် အတ္ထရံမြစ်ရေကို သန့်စင်ဖြန့်ဝေခြင်းလုပ်ငန်း၊ ရော်ဘာ သစ်ခွဲခြင်း လုပ်ငန်း၊ BOT စနစ်ဖြင့် ပြည်တွင်း ဖြစ်အရက် ဖြန့်ဖြူးခြင်းလုပ်ငန်း၊ ကျိုက်ထိုမြို့နယ်တွင် Cable Car ဖြင့် ခရီးသည် သယ်ယူပို့ဆောင် ရေးလုပ်ငန်း၊ ဟိုတယ်ဝန်ဆောင် မှုလုပ်ငန်း၊ ရော်ဘာပင်အိုသစ် များကို လေးဖက်ချောသစ်အဖြစ် ထုတ်လုပ်ခြင်းလုပ်ငန်း၊ ဘီးလင်းမြို့နယ်တွင် အဆင့်မြင့် ရော်ဘာစက်ရုံ၊ ရေဒီရယ်တာယာ ထုတ်လုပ်ဖြန့်ဖြူးခြင်းလုပ်ငန်း အစရှိသည့် လုပ်ငန်း ၂၄ ခုကို စိစစ်နေ ဆဲဖြစ်သည်ဟု ဒေါက်တာ မင်းကြည်ဝင်းက ဆိုသည်။

‘‘အမှန်တကယ်ဆို ပြည်နယ် အတွင်းမှာ ရင်းနှီးမြှုပ်နှံမှု မစခင် စီမံကိန်းလုပ်ငန်းကို အစိုးရက အရင်ဆုံး IEE ကိစ္စကိုလုပ်ရ မယ်။ စီမံကိန်းလုပ်ငန်းတစ်ခု ကြောင့် ဒေသထဲမှာရှိတဲ့ ဒေသခံ တွေ ပတ်ဝန်းကျင်မှာ နစ်နာမှုရှိ၊ မရှိ လုပ်ထားသင့်တယ်။ ဒါလုပ် ထားမယ်ဆိုတော့ ဘာမှ ပဋိပက္ခ မဖြစ်နိုင်ဘူးပေါ့။ အစိုးရဘက်က IEE တစ်ခုမှ မလုပ်ရသေးဘူးဆို တော့ ပဋိပက္ခကိစ္စတွေ ထပ်ဖြစ် လာဦးမှာပဲလို့ ကျွန်မမြင်တယ်’’ ဟု သထုံမြို့နယ် မဲဆန္ဒနယ် အမှတ်(၁) မှ ဒေါ်ခိုင်ခိုင်လဲ့က ပြောသည်။


Credit: 7DayDaily