နိုင်ငံခြားဘဏ် ဖွင့်လှစ်ခွင့်ရရန် ဗဟိုဘဏ်သို့ လျှောက်ထားမှုများရှိသော်လည်း လာမည့်
နှစ်မှသာ လိုင်စင် ထပ်မံချထားပေးမည်ဟု ဗဟိုဘဏ် တာဝန်ရှိသူတစ်ဦးက ပြောသည်။
မြန်မာနိုင်ငံအတွင်း နိုင်ငံခြားဘဏ်များ ဖွင့်လှစ်ခွင့်ရရှိရေးအတွက် ဗဟိုဘဏ်သို့လျှောက်ထားမှုများ ရှိသော်လည်း ယခုနှစ်သည် နှစ်ကုန်တော့မည်ဖြစ်ရာ ဒီဇင်ဘာလ
အတွင်း နိုင်ငံခြားဘဏ်လိုင်စင် ထပ်မံချထားပေးတော့ မည် မဟုတ်ဘဲ လာမည့်နှစ်မှသာစိစစ်၍ ချထား ပေးမည်ဖြစ်ကြောင်း ၎င်းက ပြောသည်။
"နိုင်ငံခြားဘဏ်က လျှောက်ထားတာကတော့ အများကြီးပဲ။ စိစစ်ပြီး ခွင့်ပြုနေ တယ်။ စည်းမျဉ်းစည်းကမ်းနဲ့ ညီရင်ပေးမှာပဲ။ ဦးတို့ဆီမှာ စီးပွားလာလုပ်မယ့်သူက အရည်
အချင်း အရည်အသွေး ဘယ်လောက်ရှိလဲ စစ်တာပဲ"ဟု အဆိုပါ တာဝန်ရှိသူကဆိုသည်။
လက်ရှိ မြန်မာနိုင်ငံအတွင်း နိုင်ငံခြား ဘဏ် ၁၅ ဘဏ်ကို ဗဟိုဘဏ်က ဖွင့်လှစ်ခွင့်
လိုင်စင် ချထားပေးပြီးဖြစ်၍ ယင်းထဲမှ ၁၁ ဘဏ်က ဖွင့်လှစ်ထားပြီဖြစ်ကာ ကျန်ဘဏ်များမှာ
လာမည့်နှစ် ၂၀၁၇ ခုနှစ်ထဲမှ သာ ဖွင့်လှစ်နိုင်မည်ဟု ဗဟိုဘဏ်တာဝန်ရှိသူ၏ ပြောဆိုမှုအရ
သိရသည်။
"လိုင်စင်ခွင့်ပြုတာနဲ့ ဘဏ်ဖွင့်တာနဲ့က တစ်နှစ်ခြားလို့ ရတယ်။ ဒီဇင်ဘာလအတွင်းကတော့
ဘယ်နိုင်ငံကမှ လာဖွင့်မှာ မဟုတ် တော့ဘူး။ လိုင်စင်ရထားတဲ့ ဘဏ်တွေကတော့ ၂၀၁၇ ခုနှစ်ထဲမှာ ဖွင့်ဖို့ရှိတာပေါ့"ဟု ၎င်းက ဆိုသည်။
နိုင်ငံခြားဘဏ်များ မြန်မာနိုင်ငံအတွင်း ဘဏ်ဖွင့်ပါက အနည်းဆုံး မတည်ရင်းနှီးငွေအမေရိကန်ဒေါ်လာ ၇၅ သန်း ရှိရမည်ဖြစ်သည်။
နိုင်ငံခြားဘဏ်များကို ဗဟိုဘဏ်က ဘဏ်ဖွင့်ခွင့်လိုင်စင် ချထားပေးရာတွင် ၂၀၁၅ ခုနှစ်တွင် လိုင်စင် ကိုးခု ပထမအကြိမ် ချပေးခဲ့ပြီး ခြောက်ခုကို ၂၀၁၆ ခုနှစ်အတွင်း ဒုတိယအကြိမ်
ခွင့်ပြုချထားပေးခဲ့သည်။ လက်ရှိတွင် မြန်မာနိုင်ငံအတွင်း ဖွင့်လှစ်ထား ပြီးဖြစ်သည့် ပြည်တွင်းဘဏ်၂၃ ဘဏ်ရှိပြီး ပြည်ပဘဏ် ဖွင့်လှစ်ထားမှုမှာ ၁၁ ဘဏ် ရှိသည်။ နိုင်ငံခြားဘဏ်များ မြန်မာနိုင်ငံ
အတွင်း ကိုယ်စားလှယ်ရုံးခွဲများ ဖွင့်လှစ်ထားမှုမှာ ၃၅ ရုံး ရှိသည်။ ထိုသို့ ချထားပေးမှုထဲမှ ၂၀၁၆ ခုနှစ် အတွင်း နိုင်ငံခြားဘဏ်ခြောက်ဘဏ် ဖွင့်လှစ် ထားပြီး တစ်ခုတည်းသာပြည်တွင်းဘဏ် အဖြစ် ရွှေဘဏ်မှာ ဇန်န၀ါရီလအတွင်း ဖွင့်လှစ်ခဲ့သည်။
၂၀၁၅ နှစ်ကုန်ပိုင်းတွင် ဧရာဝတီတိုင်းဒေသကြီး ပုသိမ်မြို့နယ်ရှိ တောင်သူလယ်သမား
ဖွံ့ဖြိုးတိုးတက်ရေးဘဏ် A Bank ကို ဖွင့်လှစ်ခဲ့သည်။
အဆိုပါ ပြည်တွင်းဘဏ်နှစ်ခုသည် နောက်ဆုံးဖွင့်လှစ်ခဲ့သော ဘဏ်နှစ်ခုဖြစ်ပြီး ပြည်တွင်းဘဏ်များထပ်မံဖွင့်လှစ်ခွင့်ရရန် လျှောက်ထားမှုများ ရှိသော်လည်း အရည် အချင်း မပြည့်မီခြင်းကြောင့်
ဗဟိုဘဏ်က ချထားပေးခြင်း မရှိသေးပေ။ ရင်းနှီးမြှုပ်နှံမှု ဥပဒေကို နိုင်ငံသားနှင့် နိုင်ငံခြားသားကိုပူးပေါင်းလိုက်ရာ အဆိုပါ ဥပဒေအား လေးစားရမည်ဖြစ်သောကြောင့် ပြည်တွင်းဘဏ်ကိုသာ
ဦးစားပေး၍ မရသကဲ့ သို့ ပြည်ပဘဏ်များကိုလည်း ဖိနှိမ်၍ မရ ကြောင်း မျှတစွာ လုပ်ဆောင်သွားမည်ဖြစ် ကြောင်း အဆိုပါတာဝန်ရှိသူက ပြောသည်။
သို့သော် နိုင်ငံခြားဘဏ်များသည် ပြည်တွင်းရှိ မည်သည့် လုပ်ငန်းရှင်မဆို တိုက်ရိုက်ငွေချေးခွင့်မရှိဘဲ ပြည်တွင်းဘဏ်များမှ တစ်ဆင့် သာလျှင် ချေးခွင့်ရှိရမည်ဖြစ်သည်။
ယင်းအချက်သည် ပြည်တွင်းဘဏ်များအတွက်အကာအကွယ် ပေးထားခြင်း ဖြစ်ကြောင်း သိရသည်။
"တစ်ခုခုဆိုတာနဲ့ ချက်ချင်း လေလံတင်၊ ၀ိုင်းဒိုင်းဆို ချက်ချင်းတရားစွဲရမယ့် ဟာတွေ၊ဘာတွေနည်းနည်းထိန်းနိုင်တာပေါ့။ နိုင်ငံ ခြားဘဏ်များသည် ပြည်တွင်းလုပ်ငန်းရှင် များကို တိုက်ရိုက်ငွေချေးခွင့်မရှိပါ။ ချေးချင် ရင် လက်ရှိပြည်တွင်းဘဏ် ၂၃ ဘဏ်မှသာ လျှင် ချေးရမယ်။ အဲဒါတော့
စည်းကမ်းသတ်မှတ်ထားတယ်။ နိုင်ငံခြားဘဏ်တွေကတော့ ပြည်တွင်းမှာရှိတဲ့ နိုင်ငံခြားကုမ္ပဏီတွေကို ငွေချေးလို့ရတယ်။ ဒါပေမဲ့ စာရင်းအသွား အလာတွေကတော့ မြန်မာနိုင်ငံသားဘဏ်တွေကနေပဲ ဖြတ်သန်းရမယ်"ဟု ၎င်းက ပြောသည်။
Credit: Myanmar Times
