လာမည့် ၂၀၁၇ တွင် ဆော်ဒီအာရေးဗီးယားနိုင်ငံ စီးပွားကျမည်ဟု လန်ဒန်အခြေစိုက် သုတေသနအဖွဲ့ဖြစ်သော Business Monitor International (BMI)၏ သုတေသနတစ်ရပ်တွင် ဖော်ပြသည်ဟု အရှေ့အလယ်ပိုင်းအခြေစိုက် အိမ်ခြံမြေသတင်းဝက်ဘ်ဆိုက် တစ်ခုတွင် ဖော်ပြသည်။
ယင်းသို့ စီးပွားရေးကျဆင်းရခြင်းမှာ အစိုးရ၏ အသုံးစရိတ်လျှော့ချမှုကြောင့်ဖြစ်သည်ဟု ဆိုသည်။
ယခုသို့ ဆော်ဒီအာရေးဗီးယား စီးပွားရေးကျဆင်းမည့် အလားအလာရှိခြင်းမှာ ၁၉၉၉ ခုနှစ်နောက်ပိုင်း ပထမဆုံးအကြိမ်ဖြစ်သည်။
အစိုးရသည် ရေနံဈေးနှုန်းများကျဆင်းမှု၏ အကျိုးဆက်များကို ကုစားကိုင်တွယ်နိုင်ရန်အတွက် အစိုးရ၏ အသုံးစရိတ်လျှော့ချမှုများ အကောင်အထည်ဖော်လျက်ရှိသောကြောင့် ရေနံမဟုတ်သော ကဏ္ဍများတွင်လည်း တိုးတက်မှုကျဆင်းမည့် အလားအလာများ ပေါ်ပေါက်လာခြင်း ဖြစ်သည်။
လာမည့် ၂၀၁၇ ခုနှစ်တွင် ဆော်ဒီ၏ စီးပွားရေး ၀ ဒသမ ၂ ရာခိုင်နှုန်းကျဆင်းသွားမည်ဟု ခန့်မှန်းထားသည်။
ရေနံထုတ်လုပ်မှုမှာလည်း ကျဆင်းဖွယ်ရာရှိကြောင်း ခန့်မှန်းထားကြရာ အစိုးရ၏ အသုံးစရိတ်လျှော့မှုများဖြင့် ပေါင်းစည်းလျှင် စီးပွားကျမည့်အလားအလာမှာ များစွာသေချာနေသည်။
ပြီးခဲ့သော စက်တင်ဘာလအတွင်း ဆော်ဒီအစိုးရက အသုံးစရိတ်လျှော့ချခြင်းများအပါအ၀င် အခြေခံအဆောက်အအုံစီမံကိန်းများစွာ ဆိုင်းငံ့ကြောင်း ကြေညာခဲ့သည်။
BMI က ဟောကိန်းထုတ်ထားရာတွင် ဆော်ဒီအစိုးရ၏ ခြေလှမ်းများသည် ဤမျှဖြင့် ရပ်တန့်သွားဦးမည်မဟုတ်ဘဲ ၂၀၁၇ ခုနှစ်အတွင်းတွင်လည်း အသုံးစရိတ်လျှော့ချခြင်းများထပ်မံကြေညာဖွယ်ရှိဦးမည်ဟု ဟောကိန်းထုတ်ထားသည်။
Credit: iMyanmarHouse.com
(iMyanmarHouse.com Team မှ ရေးသား ဖော်ပြသည်။)
