အီဂျစ်အစိုးရသည် လာမည့်ဘဏ္ဍာရေးနှစ်တွင် မြို့ပြသစ်အသိုက်အ၀န်းအာဏာပိုင်အဖွဲ့ (Nuca) ၏ ဘဏ္ဍာငွေကို အီဂျစ်ငွေ ၅၀ ဘီလီယံ (ကန်ဒေါ်လာ ၃ ဒသမ ၂၄ ဘီလီယံ) အထိ မြှင့်တင်နိုင်ရန် ရည်ရွယ်၍ မြို့သစ်များရှိ မြေဧကပေါင်း ၂၅၀၀ ခန့်ကို developer တို့အား ရောင်းချပေးရန် စီစဉ်လျက်ရှိကြောင်း အရှေ့အလယ်ပိုင်းအခြေစိုက်အိမ်ခြံမြေသတင်းဝက်ဘ်ဆိုက်တစ်ခုတွင်
ဖော်ပြသည်။
အီဂျစ်အိုးအိမ်ဝန်ကြီးဌာနသည် လက်ရှိအားဖြင့် စီမံကိန်းကြီး ၂ ခု အကောင်အထည်ဖော်လျက်ရှိသည်။
ပထမတစ်ခုမှာ အုပ်ချုပ်ရေးမြို့သစ်ဖြစ်ပြီး မြေဧကပေါင်း ၁၆၈၀၀၀ ခန့်ပေါ်တွင် တည်ဆောက်လျက်ရှိရာ ယင်းအကျယ်အဝန်းမှာ ကိုင်ရိုမြို့သစ်ထက် နှစ်ဆခန့် ကျယ်ဝန်းသည်။
ဒုတိယစီမံကိန်းမှာ အီဂျစ်နိုင်ငံကို နိုင်ငံတကာတွင် အချက်အခြာတစ်ခုဖြစ်လာစေရန် ရည်ရွယ်၍ မြို့သစ်များ ဆောက်လုပ်ရန် ဖြစ်သည်။
အုပ်ချုပ်ရေးမြို့သစ်တည်ဆောက်မှုကို ကန့်ကွက်မှုများရှိသော်လည်း ယင်းမှာအလွန်အရေးကြီးကြောင်း အိုးအိမ်ဝန်ကြီး မော့စ်တာဖာ မက်ဒ်ဘူလီက ပြောကြားသည်။
အုပ်ချုပ်ရေးမြို့သစ်စီမံကိန်းကို Nuca က ဘဏ္ဍာငွေထုတ်ပေးခြင်းဖြစ်ပြီး ယခင်ငါးနှစ်တာကာလအတွင်း အီဂျစ်ငွေ ၅ ဘီလီယံ (ကန်ဒေါ်လာ ၃၂၅ သန်း) သာ ရန်ပုံငွေရှိခဲ့ရာမှ လက်ရှိဘဏ္ဍာရေးနှစ်တွင် အီဂျစ်ငွေ ၃၇ ဘီလီယံ (ကန်ဒေါ်လာ ၂ ဒသမ ၄ ဘီလီယံ) အထိ မြင့်တက်လာရာ ဘဏ္ဍာငွေများစွာတောင့်တင်းသွားပြီ ဖြစ်သည်။
လွန်ခဲ့သော နှစ် ၅၀ အတွင်း အုပ်ချုပ်ရေးမြို့သစ်တည်ဆောက်ရန် နှောင့်နှေးခဲ့ရခြင်းမှာ အီဂျစ်တွင် နိုင်ငံဧရိယာ၏ ၆ ဒသမ ၅ ရာခိုင်နှုန်းတွင်သာ လူနေထိုင်ခဲ့ခြင်းကြောင့်ဖြစ်ပြီး ယခုအခါတွင်မူ တဖြည်းဖြည်း မြင့်တက်လာခဲ့ပြီဖြစ်သောကြောင့် သတ်မှတ်ချိန် ပြီးစီးအောင် ဆောက်လုပ်နိုင်ရန် အဆောတလျင် တည်ဆောက်လျက်ရှိကြောင်းလည်း မက်ဒ်ဘူလီက ပြောကြားသည်။
“၂၀၅၂ ခုနှစ်မတိုင်မီ အီဂျစ်မှာ လူအခြေချနေထိုင်တဲ့ဧရိယာကို ၁၂ ရာခိုင်နှုန်းအထိ ၂ ဆ မြှင့်တင်ဖို့ ရည်မှန်းထားပါတယ်။ မြေဧက ၅၀၀၀ ကနေ ၈၀၀၀ ကြားမှာ လူနေအိမ်တွေ ဆောက်လုပ်သွားဖို့ စီစဉ်ထားပါတယ်” ဟု ၀န်ကြီးက ဆက်လက်ပြောကြားသည်။
Credit: iMyanmarHouse.com
(iMyanmarHouse.com Team မှ ရေးသား ဖော်ပြသည်။)
