မြန်မာပြည်သို့ လာရောက်ကာ ဖြူဖြူကျော်သိန်းနှင့် တွဲဖက်သီဆိုဖျော်ဖြေခဲ့ဖူးသော ဂရမ်မီဆုရှင် Jason Mraz ၏ အမေရိကန်မှ စံအိမ်အကြောင်း

ဂျေဆင် သောမတ်စ် မရတ် (မွေး ၁၉၇၇) သည် အမေရိကန်အဆိုတော်ဖြစ်ပြီး ပွဲဦးထွက် တေးအယ်လ်ဘမ် ဖြစ်သော Waiting for My Rocket to Come (၂၀၀၂ ခုနှစ်) ကတည်းက စတင်အောင်မြင်မှု ရခဲ့သည်။

မရတ်သည် အမေရိကန်ပြည်၊ ဗာဂျီးနီးယားပြည်နယ်၊ Mechanicsville မြို့တွင် မွေးဖွားပြီး ဆလိုဗက်ကီးယား လူမျိုးဖြစ်သည်။

သူ၏ နာမည်မှ မျိုးရိုးအမည် မရတ်မှာ ဆလိုဗက် ဘာသာစကားအရ နှင်းခါးဟု အဓိပ္ပာယ်ရသည်။

မရတ် ၅ နှစ်သားအရွယ်တွင် မိဘနှစ်ပါး လမ်းခွဲခဲ့ကြရာ မရတ်မှာ ဖခင်နှင့်လိုက်သွားရပြီး ညီမဖြစ်သူမှာ မိခင်နှင့် ပါသွားသည်။

ဖခင်မှာ စာတိုက်ဝန်ထမ်းဖြစ်ပြီး မိခင်မှာ အမေရိကန်ဗဟိုဘဏ်၏ ဘဏ်ခွဲတစ်ခုမှ ဒုတိယဥက္ကဌတစ်ဦး ဖြစ်သည်။

မရတ်သည် အထက်တန်းအောင်ပြီးသောအခါ နယူးယောက်ရှိ ဂီတအကယ်ဒမီ (American Musical and Dramatic Academy) တွင် တစ်နှစ်ခွဲခန့် ကျောင်းတက်ခဲ့သည်။

ဂျေဆင် မရတ်၏ သီချင်းများအနက် အကျော်ကြားဆုံးမှာ I’m Yours ဖြစ်သည်။ I’m Yours သည် Billboard မဂ္ဂဇင်း၏ Hot 100 စာရင်းတွင် ရက်သတ္တ ၇၆ ပတ်ကြာ ပါဝင်ခဲ့ရာ Billboard ၏ ၅၁ နှစ်တာ သမိုင်းတလျှောက် အချိန်အကြာဆုံး ထိပ်တန်းစာရင်းဝင်ခဲ့သော သီချင်းအဖြစ် သမိုင်းတင်ခဲ့သည်။

၂၀၁၂ ခုနှစ် မေလတွင် I’m Yours ကို YouTube ၌ ကြည့်ရှုမှုအကြိမ်ရေ ၁၂၅၀၀၀၀၀၀ အထိ ရှိခဲ့သည်။

သူ၏ Lucky အမည်ရှိ သီချင်းမှာလည်း Billboard Hot 100 စာရင်းတွင် ရပ်တည်ခဲ့ဖူးသည်။

၂၀၁၀ ပြည့်နှစ်တွင် မရတ်သည် ဂီတ၏ အော်စကာဆုဟု ဆိုကြသော ဂရမ်မီဆု ၂ ဆုရရှိခဲ့သည်။

ဂျေဆင် မရတ်သည် ၂၀၁၂ ခုနှစ်၊ ဒီဇင်ဘာလအတွင်း ရန်ကုန်မြို့ ပြည်သူ့ရင်ပြင်တွင် လူကုန်ကူးမှုတားဆီးကာကွယ်ရေး အသိပညာပေးဖျော်ဖြေပွဲအနေဖြင့် ဂီတလာရောက်ဖျော်ဖြေခဲ့ရာ မြန်မာပြည်မှ နာမည်ကြီးအဆိုတော်များဖြစ်သော ဖြူဖြူကျော်သိန်း၊ R ဇာနည်၊ ဖြိုးကြီး၊ လင်းလင်း၊ စိုင်းစိုင်းခမ်းလှိုင်၊ ချစ်သုဝေတို့လည်း ပါဝင်သီဆိုဖျော်ဖြေခဲ့ကြသည်။

ထို့အပြင် ထိုင်းနိုင်ငံမှ နာမည်ကြီး ဂီတအဖွဲ့ဖြစ်သော Slot Machine လည်း ပူးပေါင်းပါဝင်ခဲ့သည်။

အဆိုပါပွဲတွင် ဂျေဆင် မရတ်၏ Lucky ဟူသောသီချင်းကို မရတ်နှင့် ဖြူဖြူကျော်သိန်းတို့ ပူးတွဲသီဆိုခဲ့ကြသည်။

((ဂျေဆင်မရတ်၏ စံအိမ်))

ဂျေဆင်မရတ်၏ ကြွယ်ဝမှုမှာ ကန်ဒေါ်လာ ၁၅ သန်းခန့်ရှိသည်ဟု ခန့်မှန်းရသည်။ မရတ်သည် အမေရိကန်ပြည်၊ ကယ်လီဖိုးနီးယားပြည်နယ်၊ ဆန်ဒီယေဂိုခရိုင်၊ Oceanside မြို့တွင် နေထိုင်သည်။

Oceanside တွင် နေထိုင်သူအများစုမှာ အိမ်ပိုင်ရှင်များဖြစ်ကြသည်။ အိမ်ငှားနည်းသည်။

Oceanside တွင် ပန်းခြံများလည်း ပေါသည်။

မရတ်၏ စံအိမ်မှာ အိပ်ခန်း ၅ ခန်းနှင့် ရေချိုးခန်း ၄ ခန်းပါဝင်ပြီး အကျယ်အဝန်း စတုရန်းပေ ၅၀၀၀ ကျော်ရှိသည်။

စံအိမ်ကို တပ်စ်ကန် ဗိသုကာဟန်ဖြင့် ဆောက်လုပ်ထားပြီး mid-century vibes မျိုး ပေးစွမ်းသည်။

ခြံနောက်ဘက်တွင် ရေကူးကန်နှင့် spa တို့ရှိပြီး အပန်းဖြေစရာ နေရာများစွာ ပါဝင်သည်။

သစ်ကြမ်းခင်းများ ခင်းကျင်းထားသော နေအိမ်အတွင်းပိုင်းမှာ နွေးထွေးသော ခံစားချက် ပေးသည်။

((နေအိမ်၏ အချက်အလက်များ))

● အိပ်ခန်း - ၅ ခန်း

● ရေချိုးခန်း- ၄ ခန်း

● အကျယ်အဝန်း- ၅၁၅၃ စတုရန်းပေ

● တန်ကြေး- ကန်ဒေါ်လာ ၂ ဒသမ ၁ သန်း

● လိပ်စာ- Morro Heights Rd, Oceanside, CA 92057

အိမ်ခြံမြေ ကိစ္စအဝဝနှင့် ပတ်သက်၍ ဥပဒေအကြံပေးပညာရှင်များနှင့် ဆွေးနွေးတိုင်ပင်လိုပါက iMyanmarHouse.com (အိုင်မြန်မာဟောက်စ်ဒေါ့ကွန်း) ၏ ဖုန်းနံပါတ်များဖြစ်သော 09-268022352 , 09-966901767 သို့ ဆက်သွယ်နိုင်ပါသည်။ အသေးစိတ်ကြည့်ရန် ဤနေရာကို နှိပ်ပါ။

ရောင်းရန်အိမ်ခြံမြေများကို သင်စိတ်တိုင်းကျ ရှာဖွေရန်အတွက် ဤနေရာကို နှိပ်ပါ။

ငှားရန်အိမ်ခြံမြေများကို သင်စိတ်တိုင်းကျ ရှာဖွေရန်အတွက် ဤနေရာကို နှိပ်ပါ။

(iMyanmarHouse.com Team မှ ရေးသား ဖော်ပြသည်။)

Credit: iMyanmarHouse.com

Ref: Jason Mraz House: The Oceanside Pad  (urbansplatter)

Photos: Jason Mraz House