အမေရိကန်ပြည်၊ ချီကာဂိုတွင် စိန့်ပက်ထရစ်နေ့ကို ဂုဏ်ပြုသောအားဖြင့် ချီကာဂိုမြစ်ရေကို အစိမ်းရောင်သို့ ပြောင်းလဲပစ်ခဲ့

24 Mar 2025 1:19 pm တွင် တင်ခဲ့သည်

316 ကြိမ် ကြည့်ရှု့ပြီး

ပြည်ပ အိမ်ခြံမြေ သတင်း | Posted by ရွှေစင်ဝင်း

အမေရိကန်ပြည်၊ ချီကာဂိုမြို့ကြီးတွင် စိန့်ပက်ထရစ်နေ့ကို ဂုဏ်ပြုသောအားဖြင့် ချီကာဂိုမြစ်ကြီးကို kelly green ဟုခေါ်သော အစိမ်းတောက်တောက်အရောင်ဖြစ်အောင် ဆေးဆိုးကာ ပြောင်းလဲပစ်ခဲ့သည်။

((မှတ်ချက်။ kelly green ဟူသောအရောင်မှာ အိုင်ယာလန်ယဉ်ကျေးမှုနှင့် ဆက်နွှယ်နေပြီး စိန့်ပက်ထရစ် နေ့ကို တိုက်ရိုက်ကိုယ်စားပြုနေသည်။ အဆိုပါအရောင်မှာ ကံကောင်းခြင်း၊ ပြန်လည်ဆန်းသစ်ခြင်းနှင့် ခွန်အား တို့ကို ကိုယ်စားပြုသည်။ kelly green ဟူသော အမည်မှာ အိုင်ယာလန်မှ မျိုးရိုးအမည်ဖြစ်သော kelly မှ ဆင်းသက်လာပြီး အိုင်ယာလန်၏ စိမ်းလန်းစိုပြည်သော မြေမျက်နှာသွင်ပြင်ကို မြင်ယောင်သတိရစေမည့် အမည်ဖြစ်သည်။ အိုင်ယာလန်တွင် kelly green အရောင်မှာ ကံကြမ္မာကောင်းကို ဆောင်ကြဉ်းပေးပြီး ဥစ္စာဓနပေါကြွယ်ဝစေသည်ဟု ယုံကြည်ကြသည်))

ထောင်နှင့်ချီသော ပြည်သူတို့သည် ချီကာဂိုမြစ်ကမ်းဘေးတွင် စုရုံးရောက်ရှိခဲ့ကြပြီး Chicago Journeymen အမည်ရှိ ရေပိုက်ပြင်သမားများ သမဂ္ဂ၏ အဖွဲ့ခွဲ ၁၃၀ မှ အဖွဲ့ဝင်တို့က လှေများပေါ်မှတဆင့် မြစ်ကြီးထဲသို့ အစိမ်းရောင်ဆေးများ ပက်ဖြန်းကာ ဆေးရောင်ခြယ်ခဲ့ကြသည်။

အဆိုပါ ဓလေ့ပေါ်ပေါက်ခဲ့သည်မှာ ၆၃ နှစ်ခန့် ရှိပြီဟု ဆိုသည်။

၂၀၂၅ ခုနှစ်အတွက် စိန့်ပက်ထရစ်နေ့မှာ မတ်လ ၁၇ ရက်တွင် ကျရောက်ခဲ့သည်။

စိန့်ပက်ထရစ်နေ့ အခမ်းအနားအဖြစ် ချီကာဂိုမြို့လယ်တွင် စီတန်းလှည့်လည်ခြင်းများ ပြုလုပ်ကြသည်။

ထိုသို့ စီတန်းလှည့်လည်ပွဲ မတိုင်မီတွင် ချီကာဂိုမြစ်ကြီးကို အစိမ်းရောင်ဆေးဆိုးခဲ့ကြခြင်း ဖြစ်သည်။

စိန့်ပက်ထရစ်သည် အိုင်ယာလန်သူတော်စင်တစ်ဦးဖြစ်ပြီး ၅ ရာစုအတွင်း အိုင်ယာလန်သို့ ခရစ်ယာန်ဘာသာ ပြန့်ပွားစေရန် စတင်သာသနပြုခဲ့သူတစ်ဦးအဖြစ် လူသိများသည်။

ပါရမီ ရိပ်သာ ထောင့်ကွက် အိမ်အရောင်း

18,500 သိန်း (ကျပ်)

မရမ်းကုန်း | ရန်ကုန်တိုင်းဒေသကြီး

စမ်းချောင်းမြို့နယ် "ပန်းလှိုင်လုံးချင်းအိမ်"ရောင်းမည်

25,000 သိန်း (ကျပ်)

စမ်းချောင်း | ရန်ကုန်တိုင်းဒေသကြီး

ကမာရွတ်မြို့နယ် ၊ ပြည်လမ်းမအနီး အာတီးယားလမ်းရှိ လုံးချင်းအိမ်အရောင်း

30,000 သိန်း (ကျပ်)

ကမာရွတ် | ရန်ကုန်တိုင်းဒေသကြီး

(စိန့်ပက်ထရစ်နေ့ကို ဂုဏ်ပြုသောအားဖြင့် ချီကာဂိုမြစ်ကြီးအား အစိမ်းရောင် ဆေးဆိုးထားသည်ကို ၂၀၂၅ ခုနှစ်၊ မတ်လ ၁၅ ရက်က တွေ့ရပုံ။ ဓာတ်ပုံ-AP Photo/ Erin Hooley)

(ချီကာဂိုမြစ်ကြီးအတွင်း အစိမ်းရောင်ဆေးများ ဖြန်းပက်နေသည်ကို ၂၀၂၅ ခုနှစ်၊ မတ်လ ၁၅ ရက်က တွေ့ခဲ့ရပုံ။ ဓာတ်ပုံ-AP Photo/ Erin Hooley)

မြစ်အတွင်း ပက်ဖြန်းခဲ့သည့် ဆေးများမှာ အဆိပ်သင့်စေမည့်အန္တရာယ်မရှိချေ။

ချီကာဂိုမြစ်ကို အစိမ်းရောင်အဖြစ် နာရီအတန်ကြာ မြင်တွေ့နေရမည်ဖြစ်ပြီး အချို့နေရာများတွင် ရက်နှင့်ချီကာ အစိမ်းရောင်များ တွေ့ရနိုင်သည်။

((ပိုက်ပြင်သမားတွေ စခဲ့တဲ့ ဓလေ့))

၁၉၆၀ ပြည့်လွန်ကာလများက ချီကာဂိုမှ ရေပိုက်လုပ်သားများသည် ရေပိုက်ယိုစိမ့်မှုများကို အဖြေရှာရန် အတွက် အစိမ်းရောင်တောက်တောက်ဆေးမှုန့်များကို အသုံးပြုခဲ့ကြသည်။

၎င်းတို့၏ အဖြူရောင်ဝတ်စုံများတွင် ဆေးစိမ်းများ ပေကျံနေလေ့ရှိကြောင်း CNN သတင်းဌာနက ၂၀၁၉ ခုနှစ် အတွင်း ရေးသားဖော်ပြခဲ့ဖူးသည်။

၁၉၆၂ ခုနှစ်တွင် ချီကာဂို Journeymen ရေပိုက်လုပ်သားများ ဒေသတွင်း သမဂ္ဂမှ အဖွဲ့ဝင်တို့က အစိမ်းရောင် ဆိုးဆေး ပေါင် ၁၀၀ ကို အပျော်အနေဖြင့် ချီကာဂိုမြစ်ထဲသို့ ကျဲချခဲ့ကြသည်။

ချီကာဂိုမြစ်ကြီးမှာ ရက်သတ္တပတ်ခန့် အစိမ်းရောင်ဖြစ်နေခဲ့ကြောင်း Illinois Office of Tourism က ဖော်ပြသည်။

ထိုအလေ့အထကို ယနေ့တိုင် ဆက်ခံကျင့်သုံးလာခဲ့ခြင်းလည်း ဖြစ်သည်။

အိမ်ခြံမြေ ကိစ္စအဝဝနှင့် ပတ်သက်၍ ဥပဒေအကြံပေးပညာရှင်များနှင့် ဆွေးနွေးတိုင်ပင်လိုပါက iMyanmarHouse.com (အိုင်မြန်မာဟောက်စ်ဒေါ့ကွန်း) ၏ ဖုန်းနံပါတ်များဖြစ်သော 09-268022352 , 09-966901767 သို့ ဆက်သွယ်နိုင်ပါသည်။ အသေးစိတ်ကြည့်ရန် ဤနေရာကို နှိပ်ပါ။

ရောင်းရန်အိမ်ခြံမြေများကို သင်စိတ်တိုင်းကျ ရှာဖွေရန်အတွက် ဤနေရာကို နှိပ်ပါ။

ငှားရန်အိမ်ခြံမြေများကို သင်စိတ်တိုင်းကျ ရှာဖွေရန်အတွက် ဤနေရာကို နှိပ်ပါ။

(iMyanmarHouse.com Team မှ ရေးသား ဖော်ပြသည်။)

Credit: iMyanmarHouse.com

Ref: Chicago dyes its river bright green as it opens St. Patrick’s Day celebrations

Photo Credit- AP Photo/ Erin Hooley

Share on Facebook

Share on Twitter