ဗဟုသုတ | Posted by ဇာနည်ကျော်
လှပအေးချမ်းသောသဘာဝအလှတရားများနှင့်ပြည့်နှက်နေသော ထိုင်ဝမ်နိုင်ငံကို အလည်ရောက်ခဲ့ပါက ထိုင်ဝမ်ရဲ့နာမည်ကြီးနှလုံးသည်းပွတ် National Palace Museum ကို သွားရောက် လေ့လာစေလိုပါသည်။
ထိုင်ဝမ်နိုင်ငံ Taipei မြို့မှာရှိသော အမျိုးသားနန်းတော်ပြတိုက်မှာ မင်းမျိုးအစဉ်အဆက်ထိန်းသိမ်းလာခဲ့သော ရှေးခေတ်အနုစိတ်လက်ရာပေါင်း ၇သိန်းကျော်သိမ်းဆည်းပြထားပြီး မင်မင်းဆက်နှင့်ချင်းမင်းဆက်တို့ရဲ့ ရှေးဟောင်းနန်းတွင်းပစ္စည်းများစွာပါဝင်သည်။ ထိုထဲကမှလည်ပတ်လေ့လာသူတို့ရဲ့စိတ်နှလုံးကို ဖမ်းစားသွားနိုင်တဲ့ပစ္စည်းတစ်မျိုးကတော့ အဖိုးတန်လှသည့်သဘာဝကျောက်စိမ်းအစစ်၊အင်းစက်ပိုးမွှားများပါဝင်သော ကျောက်စိမ်းဂေါ်ဖီထုပ်ဖြစ်ပါသည်။
စိမ်းပြာရောင်၊ အဖြူရောင်နှင့် အညိုရောင်တို့ ရောနှောနေသော ကျောက်စိမ်းအမျိုးအစားဖြစ်သည့် jadeite ကျောက်စိမ်းဖြင့်ပြုလုပ်ထားပြီး ချင်းမင်းဆက်လက်ထက် (၁၆၄၄-၁၉၁၂) ကာလများကဖန်တီးခဲ့သည့် အနုစိတ်လက်ရာမျိုးဖြစ်ပါသည်။
ကျောက်စိမ်းဂေါ်ဖီထုပ်ရဲ့သမိုင်းကြောင်းမှာ ချင်းမင်းဆက်၏နောက်ဆုံးမင်းဖြစ်သည့် ဖူယီဘုရင်၏မိဖုရားအတွက်ပြုလုပ်ခဲ့သည် ဟုဆိုပြီး ဂေါ်ဖီထုပ်ကတော့ မင်းမျိုးမင်းနွယ်များ၏မျိုးဆက်ပွားခြင်း၊အိမ်ထောင်ရေး၊ကြွယ်ဝခြင်းကို ရည်ညွှန်းပြီး အင်းဆက်ပိုးမွှားများကတော့ သဘာဝအလှဖြစ်တည်မှုကို ရည်ညွှန်းသည်ဟု ဆိုကြပါသည်။ လက်တဖဝါးစာအရွယ်သာရှိသည့် တန်ဖိုးကြီးမားသော ကျောက်စိမ်းမုန်ညှင်းကိုလေ့လာနိုင်ရန်အတွက် တင်ဆက်ပေးလိုက်ပါသည်။ Social Media အသုံးပြုသူများကို တစ်နည်းတစ်ဖုံဆွဲဆောင်နေသော ကျောက်စိမ်းမုန်ညင်းကို ထိုင်ဝမ်နိုင်ငံတွင်သွားရောက် လေ့လာနိုင်ပါသည်။
အိမ်ခြံမြေ ကိစ္စအဝဝနှင့် ပတ်သက်၍ ဥပဒေအကြံပေးပညာရှင်များနှင့် ဆွေးနွေးတိုင်ပင်လိုပါက iMyanmarHouse.com (အိုင်မြန်မာဟောက်စ်ဒေါ့ကွန်း) ၏ ဖုန်းနံပါတ်များဖြစ်သော 09-268022352 , 09-966901767 သို့ ဆက်သွယ်နိုင်ပါသည်။ အသေးစိတ်ကြည့်ရန် ဤနေရာကို နှိပ်ပါ။
ရောင်းရန်အိမ်ခြံမြေများကို သင်စိတ်တိုင်းကျ ရှာဖွေရန်အတွက် ဤနေရာကို နှိပ်ပါ။
ငှားရန်အိမ်ခြံမြေများကို သင်စိတ်တိုင်းကျ ရှာဖွေရန်အတွက် ဤနေရာကို နှိပ်ပါ။
(iMyanmarHouse.com Team မှ ရေးသား ဖော်ပြသည်။)
Credit: iMyanmarHouse.com