ပြည်ပ အိမ်ခြံမြေ သတင်း | Posted by အေးမြတ်သူ
OpenAI ၏ စီအီးအို Sam Altman သည် Elon Musk က ၎င်းထံ တနင်္လာနေ့က ပေးပို့ခဲ့သော စာတစ်စောင်ကို သုံးသပ်ပေးရန် ပြည်ထောင်စု တရားသူကြီးတစ်ဦးထံ တင်ပြခဲ့သည်။
Elon Musk က OpenAI ကို ကန်ဒေါ်လာ ၉၇ ဒသမ ၅ ဘီလီယံဖြင့် ဝယ်ယူရန် ကြိုးစားခဲ့ခြင်း ဖြစ်သည်။
OpenAI က အကျိုးအမြတ်အတွက် ဦးတည်သည့် ကုမ္ပဏီအဖြစ် ပြောင်းလဲရန် ထူးခြားနေမှုကို Elon Musk က တရားစွဲထားသည်မှာ ကြာမြင့်ခဲ့ပြီ ဖြစ်သည်။
ယခုအခါ Sam Altman က Elon Musk အား ပြန်လည် ရင်ဆိုင် တိုက်ခိုက်လာခြင်း ဖြစ်သည်။
Sam Altman က ပြောသည်မှာ အဆိုပါ ပေးစာသည် အမှုနှင့် တိုက်ဆိုင်ကြောင်း ပြောကြားသည်။
Elon Musk သည် OpenAI က အကျိုးအမြတ်အတွက် ဦးတည်သည့် ကုမ္ပဏီအဖြစ် ပြောင်းလဲရန် ကြိုးစားမှုကို တိုက်ခိုက်နေခဲ့ပြီး ယခုအခါ ဒေါ်လာ ၁၀၀ ဘီလီယံ နီးပါးပေးကာ ဝယ်ယူရန် ကြိုးစားလာခြင်းကို ကြည့်လျှင် ၎င်းတစ်ဦးတည်း ရှုပ်နေသည်ကို တွေ့ရမည် ဖြစ်ကြောင်း Sam Altman က ခရိုင်တရားသူကြီး Yvonne Gonzalez Rogers အား တင်ပြသည်။
Elon Musk က OpenAI ကို အကျိုးအမြတ်အတွက် ဦးတည်သည့် ကုမ္ပဏီအဖြစ် ကူးပြောင်းမည့်ကိစ္စအား တားဆီးပေးပါရန် တရားရုံးထံ တောင်းဆိုထားခြင်းအပေါ် Sam Altman က ခုခံရလျက်ရှိသည်။
Sam Altman က တရားရုံးတွင် တင်ပြခဲ့သည့် သက်သေအထောက်အထားများ စာရင်းတွင် Elon Musk ပေးပို့လာသည့် စာကို သက်သေအထောက်အထားစာရင်းတွင် ထည့်သွင်းပေးရန် တရားသူကြီး Gonzalez ထံ တင်ပြထားသည်။
Sam Altman ၏ ရှေ့နေက တရားသူကြီးကို ပြောသည်မှာ ရင်းနှီးမြှုပ်နှံသူ အုပ်စုတစ်ခုထံမှ စာတစ်စောင် လက်ခံရရှိခဲ့ကြောင်း၊ အဆိုပါ အုပ်စုတွင် Antonio Gracias နှင့် Gavin Baker တို့ အပါအဝင်ဖြစ်ပြီး Elon Musk က xAI ၏ စီအီးအိုအနေဖြင့် ဦးဆောင်လာခဲ့ခြင်းဖြစ်ကြောင်း ပြောသည်။
စာပါအကြောင်းအရာ၏ ဆိုလိုရင်းမှာ OpenAI ၏ ရှယ်ယာအားလုံးကို ဝယ်ယူရန် ကမ်းလှမ်းခြင်းဖြစ်ကြောင်း ရှေ့နေ Jordan Eth က ပြောသည်။
“Elon Musk က OpenAI ကို ဝယ်ဖို့ ကြိုးစားလာတာဟာ ပရဟိတအနေနဲ့ ဆက်လက်ရပ်တည်ဖို့ တရားရုံးမှာ သူတောင်းဆိုနေတာနဲ့ ရှေှ့နောက်မညီဖြစ်နေပါတယ်” ဟု ရှေ့နေ Jordan Eth က ဆိုသည်။
Elon Musk ၏ ရှေ့နေ Marc Toberoff ကမူ Jordan Eth ၏ တင်ပြမှုမှာ အမှုနှင့်လုံးဝမသက်ဆိုင်ဘဲ လမ်းကြောင်းလွဲသွားစေနိုင်ကြောင်း ပြောသည်။
(Elon Musk ၏ ရှေ့နေက ယခုအကြောင်းရပ်နှင့်စပ်လျဉ်းပြီး တရားသူကြီးထံ တင်ပြစာကို တွေ့ရပုံ။ ဓာတ်ပုံ-DocumentCloud)
OpenAI သည် အကျိုးအမြတ်အတွက် မဟုတ်ဘဲ ရပ်တည်ခဲ့သည့် ရပ်တည်မှုအပေါ် သစ္စာဖောက်ကာ လမ်းကြောင်း ပြောင်းရန် ကြိုးစားနေမှုကို ရပ်တန့်ပေးပါရန် Elon Musk က တောင်းဆိုခဲ့ခြင်း ဖြစ်သည်။
Altman ၏ ရှေ့နေက ပြောသည်မှာ Elon Musk တွင် သူ၏စွပ်စွဲချက်ကို သက်သေပြနိုင်မည့် အချက်အလက်များ မရှိကြောင်း ပြောသည်။
OpenAI ကို Elon Musk ဝယ်ယူရန် ကြိုးစားနေခြင်းနှင့်စပ်လျဉ်းပြီး Sam Altman က ကျေးဇူးတင်ပါတယ်….OpenAI က ရောင်းဖို့မဟုတ်ပါဘူး….ဟု ပြောဆိုထားသည်။
ပြီးခဲ့သောဗုဒ္ဓဟူးနေ့တွင် Elon Musk က တရားရုံး၌ ပြောခဲ့သည်မှာ OpenAI သည် Nonprofit အနေဖြင့် ဆက်လက်ရပ်တည်မည်ဆိုပါက ကန်ဒေါ်လာ ၉၇ ဒသမ ၄ ဘီလီယံဖြင့် ဝယ်ယူရန် ကြိုးပမ်းနေမှုကို ရပ်တန့်သွားမည်ဖြစ်ကြောင်း ပြောသည်။
အိမ်ခြံမြေ ကိစ္စအဝဝနှင့် ပတ်သက်၍ ဥပဒေအကြံပေးပညာရှင်များနှင့် ဆွေးနွေးတိုင်ပင်လိုပါက iMyanmarHouse.com (အိုင်မြန်မာဟောက်စ်ဒေါ့ကွန်း) ၏ ဖုန်းနံပါတ်များဖြစ်သော 09-268022352 , 09-966901767 သို့ ဆက်သွယ်နိုင်ပါသည်။ အသေးစိတ်ကြည့်ရန် ဤနေရာကို နှိပ်ပါ။
ရောင်းရန်အိမ်ခြံမြေများကို သင်စိတ်တိုင်းကျ ရှာဖွေရန်အတွက် ဤနေရာကို နှိပ်ပါ။
ငှားရန်အိမ်ခြံမြေများကို သင်စိတ်တိုင်းကျ ရှာဖွေရန်အတွက် ဤနေရာကို နှိပ်ပါ။
(iMyanmarHouse.com Team မှ ရေးသား ဖော်ပြသည်။)
Credit: iMyanmarHouse.com
Ref: Sam Altman pulls Elon Musk's OpenAI takeover bid into court