ပြည်ပ အိမ်ခြံမြေ သတင်း | Posted by ဇာနည်ကျော်
ပြီးခဲ့သော ဇန်နဝါရီလအတွင်း တောမီးကြောင့် ပြာကျသွားခဲ့သည့် လော့စ်အိန်ဂျလိမှ နေအိမ်တစ်လုံး၏ မြေနေရာမှာ အိမ်ခြံမြေဈေးကွက်တွင် ဝယ်ယူလိုသူများစွာ အလုအယက် ရှိနေခဲ့သည်။
ဝယ်ယူရန် ကမ်းလှမ်းသူ ၆၀ ဦးကျော် ရှိခဲ့သည်ဟု ဆိုသည်။
ကန်ဒေါ်လာ ၉၉၉၀၀၀ ဈေးခေါ်ကာ အရောင်းဈေးကွက် တင်ခဲ့ခြင်းဖြစ်သော်လည်း ဒေါ်လာ ၁ သန်းကျော်ဖြင့် ရောင်းထွက်သွားသည်။
Pacific Palisades အရပ်တွင် တည်ရှိပြီး အိပ်ခန်း ၄ ခန်း ရှိခဲ့သော နေအိမ်ဖြစ်ကာ မီးမလောင်မီက ကန်ဒေါ်လာ ၂ ဒသမ ၇ သန်း တန်ကြေး ရှိခဲ့သည်။ ယခုအခါတွင်မူ မီးခိုးခေါင်းတိုင်ကြီးသာ ရှိသည့် မြေကွက်တစ်ခုအဖြစ်သာ ကျန်ရစ်တော့သည်။
သို့သော် အဆိုပါ နေရာတွင် နေအိမ် ပြန်လည် ဆောက်လုပ်လိုသည့် ရင်းနှီးမြှုပ်နှံလိုသူ များစွာ ရှိနေသည်။
(တချိန်က ကန်ဒေါ်လာ ၂ ဒသမ ၇ သန်း တန်ကြေးရှိခဲ့သော်လည်း ယခုအခါ ဒေါ်လာ ၁ သန်းကျော်သာ ရရှိခဲ့သည်။ ဓာတ်ပုံ-Google Map)
(ရောင်းချသူမှာ အသက် ၇၀ နီးပါးရှိုမုဆိုးမ တစ်ဦး ဖြစ်သည်။ မီးဘေးအာမခံ ကန့်သတ်ချက်များနှင့် ဆောက်လုပ်ရေး စရိတ် မြင့်တက်လာမှုများကြောင့် အိမ်ပြန်ဆောက်မည့်အစား အရှုံးခံရောင်းချရန်သာ ဆုံးဖြတ်ခဲ့သည်။ ဓာတ်ပုံ-Bloomberg)
“သူက အိမ်ပြန်ဆောက်ဖို့၊ ဒီနေရာမှာ ပြန်နေဖို့ စိတ်မဝင်စားတော့ပါဘူး”ဟု ဈေးကွက်တင်ပေးသည့် အကျိုးဆောင် Richard Schulman က ပြောသည်။ အဆိုပါ ဒေသရှိ အိမ်ပိုင်ရှင်များစွာမှာ အလားတူ အခြေအနေမျိုး ရင်ဆိုင်နေရကြောင်းလည်း ၎င်းက ပြောသည်။
လော့စ်အိန်ဂျလိ တောမီးကြောင့် လူအများဆုံး ၂၉ ဦး သေဆုံးခဲ့ပြီး နေအိမ်ပေါင်း ၁၂၀၀၀ ကျော် ပျက်စီးခဲ့ကာ ဆုံးရှုံးမှုတန်ဖိုး ခန့်မှန်းခြေ ကန်ဒေါ်လာ ၁၆၄ ဘီလီယံခန့် ရှိခဲ့သည်။
(တောမီးကြောင့် နေအိမ်ပေါင်း ၁၂၀၀၀ ကျော် ဆုံးရှုံးခဲ့ရသည်။ ဓာတ်ပုံ-Barbara Davidson)
(လော့စ်အိန်ဂျလိ တောမီးကြောင့် လူအများဆုံး ၂၉ ဦး သေဆုံးခဲ့ပြီး နေအိမ်ပေါင်း ၁၂၀၀၀ ကျော် ပျက်စီးခဲ့ကာ ဆုံးရှုံးမှုတန်ဖိုး ခန့်မှန်းခြေ ကန်ဒေါ်လာ ၁၆၄ ဘီလီယံခန့် ရှိခဲ့သည်။ ဓာတ်ပုံ-Google Map)
(ဝယ်ယူရန် ကမ်းလှမ်းသူ ၆၀ ဦးကျော် ရှိခဲ့သည်ဟု ဆိုသည်။ ကန်ဒေါ်လာ ၉၉၉၀၀၀ ဈေးခေါ်ကာ အရောင်းဈေးကွက် တင်ခဲ့ခြင်းဖြစ်သော်လည်း ဒေါ်လာ ၁ သန်းကျော်ဖြင့် ရောင်းထွက်သွားသည်။ ဓာတ်ပုံ-Bloomberg)
အိမ်ခြံမြေ ကိစ္စအဝဝနှင့် ပတ်သက်၍ ဥပဒေအကြံပေးပညာရှင်များနှင့် ဆွေးနွေးတိုင်ပင်လိုပါက iMyanmarHouse.com (အိုင်မြန်မာဟောက်စ်ဒေါ့ကွန်း) ၏ ဖုန်းနံပါတ်များဖြစ်သော 09-268022352 , 09-966901767 သို့ ဆက်သွယ်နိုင်ပါသည်။ အသေးစိတ်ကြည့်ရန် ဤနေရာကို နှိပ်ပါ။
ရောင်းရန်အိမ်ခြံမြေများကို သင်စိတ်တိုင်းကျ ရှာဖွေရန်အတွက် ဤနေရာကို နှိပ်ပါ။
ငှားရန်အိမ်ခြံမြေများကို သင်စိတ်တိုင်းကျ ရှာဖွေရန်အတွက် ဤနေရာကို နှိပ်ပါ။
(iMyanmarHouse.com Team မှ ရေးသား ဖော်ပြသည်။)
Credit: iMyanmarHouse.com
Ref: An LA home reduced to rubble in the fires drew more than 60 offers and stands to sell for over $1M
Photo Credit- Bloomberg, Barbara Davidson, Google Maps