Valentine’s Day တွင် အသည်းကွဲနေသူတို့အနေဖြင့် ချစ်သူဟောင်းအား လက်စားချေနိုင်ရန် အမေရိကန်ရှိ တိရ စ္ဆာန်ဥယျာဉ်များက စီစဉ်ပေးလာသည့် ထူးဆန်းသော လက်စားချေနည်းများ

အသည်းကွဲနေသူတို့အနေဖြင့် ချစ်သူများနေ့တွင် ချောကလက်များ ၊ ပန်းစည်းများကို စိတ်ဝင်စားကြမည် မဟုတ်ချေ။

အကယ်၍ ပိုးဟပ်တစ်ကောင်ကို သင့် Ex ၏ နာမည်မှည့်ခေါ်လိုက်ပြီး အခြားသတ္တဝါတစ်ကောင်က အဆိုပါပိုးဟပ်အား စားသောက်နေသည်ကို ထိုင်ကြည့်ရလျှင် မည်မျှအရသာရှိမည်နည်း။

ယခုနှစ် Valentine’s Day တွင် အမေရိကန်ပြည်တလွှားရှိ တိရ စ္ဆာန်ရုံများစွာက အသည်းကွဲနေသူများအတွက် ချစ်သူဟောင်းတို့ကို လက်စားချေနိုင်မည့် ထူးဆန်းသော အစီအစဉ်များ စီစဉ်ပေးလာသည်။

San Antonio တိရ စ္ဆာန်ဥယျာဉ်မှသည် Bronx တိရ စ္ဆာန်ဥယျာဉ်တို့အထိ Valentine’s Day အထူးအစီအစဉ် အဖြစ် စီစဉ်ပေးလာမှုများမှာ ခံစားချက်များ ပြေပျောက်စေရန် ရည်ရွယ်ခြင်းဖြစ်သော်လည်း ရယ်စရာကောင်း နေသည်။

● ၁။ ဆန် အန်တိုနီယို တိရ စ္ဆာန်ဥယျာဉ်၊ တက္ကဆပ်ပြည်နယ်

အမေရိကန်ပြည်၊ တက္ကဆပ်ပြည်နယ်၊ ဆန် အန်တိုနီယိုမြို့မှ ၅၇ ဧက ကျယ်ဝန်းသော ဆန် အန်တိုနီယို တိရ စ္ဆာန် ဥယျာဉ်သည် ယခုနှစ် Valentine’s Day တွင် ချစ်သူဟောင်းအား လက်စားချေလိုသူတို့အတွက် အစီအစဉ်တစ်ခု စီစဉ်ပေးလာသည်။ ပိုးဟပ်တစ်ကောင်ကို ချစ်သူဟောင်း၏အမည်ပေးကာ အခြားတိရ စ္ဆာန်တစ်ကောင်ကို ထိုပိုးဟပ်အား စားစေခြင်း ဖြစ်သည်။

(ဘယ်လိုလုပ်ရမလဲ))

(က) ၁၀ ဒေါ်လာ ပေးလျှင် ပိုးဟပ်တစ်ကောင်ကို သင့်ချစ်သူဟောင်း၏ အမည်ပေးခွင့် ရမည်ဖြစ်သည်။

(ခ) ကြွက်တစ်ကောင်ကို ချစ်သူဟောင်း၏အမည် ပေးလိုလျှင်မူ ၂၅ ဒေါ်လာ ပေးရသည်။

(ဂ) ဟင်းသီးဟင်းရွက်တစ်ခုကို ချစ်သူဟောင်း၏ အမည်ပေးစေကာ တဂျွမ်းဂျွမ်း ဝါးစားသည်ကို ကြည့်ရှုလိုပါက ၅ ဒေါ်လာ ပေးရမည် ဖြစ်သည်။

ယခုကဲ့သို့ လုပ်ဆောင်ခဲ့မှုများကို မှတ်တမ်းတစ်ခုအနေဖြင့် ပြန်လည်ခံစားလိုပါသလား။

အဆိုပါ ပိုးဟပ်၊ ကြွက်၊ ဟင်းသီးဟင်းရွက်အား စားသောက်လိုက်ပုံ ဗွီဒီယိုမှတ်တမ်းကို ဝယ်ယူနိုင်သည်ဟု ဆိုသည်။

ယင်းနောက် ဗွီဒီယိုကို သင်၏ မိတ်ဆွေသူငယ်ချင်းများအား မျှဝေနိုင်မည် ဖြစ်သည်။ ပိုမိုသိရှိလိုသူများအနေဖြင့် ဆန် အန်တိုနီယို တိရ စ္ဆာန်ဥယျာဉ်၏ ဝက်ဘ်ဆိုက် (sazoo.org) တွင် ဝင်ရောက်လေ့လာနိုင်ပါသည်။

● ၂။ Bronx တိရ စ္ဆာန်ဥယျာဉ်

အကယ်၍ ပြင်းထန်မှုမရှိသည့် လက်စားချေသည့်နည်းလမ်းကိုသာ ရွေးချယ်လိုသည်ဆိုပါက နယူးယောက် ပြည်နယ်၊ Bronx ခရိုင်ရှိ Bronx တိရ စ္ဆာန်ဥယျာဉ်မှ စီစဉ်ပေးသော Name-a-Roach ပရိုဂရမ်ကို ရွေးချယ်နိုင် သည်။

ထိုတိရ စ္ဆာန်ဥယျာဉ်တွင် ငွေအနည်းငယ်လှူဒါန်းမည်ဆိုပါက Madagascar hissing ပိုးဟပ်ကြီးမျိုး တစ်ကောင်ကို သင့် ex ၏အမည် ပေးနိုင်မည် ဖြစ်သည်။

ယခုအစီအစဉ်တွင်မူ ပိုးဟပ်များကို စားပြမည့် အစီအစဉ် မပါချေ။

၁၅ ဒေါ်လာပေးလျှင် သင်၏ အမည်ပေးမှု အစီအစဉ်ကို တရားဝင် အတည်ပြုပေးမည့် digital certificate ရရှိမည် ဖြစ်သည်။

ထပ်ဆောင်း လှူဒါန်းမည်ဆိုပါက Roach-belt bag ၊ အမွှေးပွ ချည်ထည် ပိုးဟပ်တို့ ရရှိမည်ဖြစ်ပြီး

Wild Encounter အစီအစဉ်တွင် Madagascar hissing ပိုးဟပ်အရှင်တစ်ကောင်ကို အွန်လိုင်းမှတဆင့် ကြည့်ရှုနိုင်မည့်အပြင် တိရ စ္ဆာန်ရုံမှ ကျွမ်းကျင်ပညာရှင်တို့နှင့် စကားပြောခွင့်ရမည် ဖြစ်သည်။

အသေးစိတ်ပိုမိုသိရှိလိုသူများအနေဖြင့် BronxZoo.com/Roach တွင် ဝင်ရောက်လေ့လာနိုင်ကြောင်း သိရသည်။

● ၃။ El Paso တိရ စ္ဆာန်ဥယျာဉ်

အာဃာတ တရားများ လွှတ်ချလိုသူများအတွက် တက္ကဆပ်ပြည်နယ်၊ El Paso မြို့မှ El Paso တိရ စ္ဆာန် ဥယျာဉ်နှင့် ရုက္ခဗေဒဥယျာဉ်က Quit Bugging Me အမည်ရှိ အစီအစဉ်တစ်ခု ရှိနေသည်။

သင့်အား စိတ်ညစ်စေသည့် ချစ်သူဟောင်း၊ အလုပ်ရှင် (သို့မဟုတ်) ယောက္ခမ၏ အမည်ကို စာရင်းပေးသွင်းကာ Quit Bugging Me အစီအစဉ်တွင် ပါဝင်နိုင်သည်။

El Paso တိရ စ္ဆာန်ဥယျာဉ်က သင်ပေးပို့သောအမည်ကို ပိုးဟပ်တစ်ကောင်အား အမည်ပေးမည်ဖြစ်ပြီး တိရ စ္ဆာန်ရုံရှိ ပိုးဟပ်စားသော သတ္တဝါတစ်ကောင်ကောင်အား စားသောက်ရန် ကျွေးမွေးရာတွင် သင်ပေးထားသည့် အမည်ကို ခေါ်ကာ အစာကျွေးမည် ဖြစ်သည်။

အွန်လိုင်း ဖောင်မှတဆင့် စာရင်းပေးသူများသာ အကျုံးဝင်မည်ဟု ဆိုသည်။

အဆိုပါ အစီအစဉ်တွင် ပါဝင်လိုသူတို့သည် မဖြစ်မနေ အလှူငွေထည့်ရန် မလိုအပ်သော်လည်း Paso Del Norte Community ဖောင်ဒေးရှင်းသို့ ငွေလှူဒါန်းရန် El Paso တိရ စ္ဆာန်ဥယျာဉ်က ဆော်သြထားသည်။

အဆိုပါ လှူဒါန်းငွေများကို တောရိုင်းတိရ စ္ဆာန်များ ထိန်းသိမ်းကာကွယ်ရေးအတွက် အသုံးပြုသွားမည်ဟု ဆိုသည်။

အွန်လိုင်းမှတဆင့် စာရင်းပေးလိုသူများအနေဖြင့် အောက်ဖော်ပြပါ အင်တာနက်လင့်ခ်မှတဆင့် စာရင်းပေးနိုင်ကြောင်း သိရသည်။

အိမ်ခြံမြေ ကိစ္စအဝဝနှင့် ပတ်သက်၍ ဥပဒေအကြံပေးပညာရှင်များနှင့် ဆွေးနွေးတိုင်ပင်လိုပါက iMyanmarHouse.com (အိုင်မြန်မာဟောက်စ်ဒေါ့ကွန်း) ၏ ဖုန်းနံပါတ်များဖြစ်သော 09-268022352 , 09-966901767 သို့ ဆက်သွယ်နိုင်ပါသည်။ အသေးစိတ်ကြည့်ရန် ဤနေရာကို နှိပ်ပါ။

ရောင်းရန်အိမ်ခြံမြေများကို သင်စိတ်တိုင်းကျ ရှာဖွေရန်အတွက် ဤနေရာကို နှိပ်ပါ။

ငှားရန်အိမ်ခြံမြေများကို သင်စိတ်တိုင်းကျ ရှာဖွေရန်အတွက် ဤနေရာကို နှိပ်ပါ။

(iMyanmarHouse.com Team မှ ရေးသား ဖော်ပြသည်။)

Credit: iMyanmarHouse.com

Ref: Valentine's Day special: Name a cockroach after your ex and watch it get eaten