ဘိန်းဘုရင် အက်စ်ကိုဘာ ပိုင်ဆိုင်ခဲ့သော Boeing 727 ဂျက်လေယာဉ်ကြီးကို အင်္ဂလန်နိုင်ငံသားတစ်ဦးက လူနေအိမ်အဖြစ် ပြောင်းလဲကာ တစ်ညလျှင် ပေါင် ၈၅၀ ဖြင့် အငှားချ

ဘိန်းဘုရင် အက်စ်ကိုဘာ တချိန်က ပိုင်ဆိုင်ခဲ့သော Boeing 727 ဂျက်လေယာဉ်ကြီးကို အင်္ဂလန်နိုင်ငံသား တစ်ဦးက ရေပူစိမ်ကန်၊ Sauna တို့ ထည့်သွင်းကာ လူနေအိမ်အဖြစ် ပြောင်းလဲခဲ့ပြီးနောက် တစ်ညလျှင် ပေါင် ၈၅၀ ဖြင့် အငှားချလာသည်။

Pytch ကို တည်ထောင်သူဖြစ်သော ဂျွန်နီ ပန်မာ (Johnny Palmer) က သက်တမ်း ၅၇ နှစ်ရှိပြီဖြစ်သော လေယာဉ်ကြီးကို ၂၀၂၀ ပြည့်နှစ် နှစ်လယ်ပိုင်းတွင် ဝယ်ယူခဲ့ခြင်းဖြစ်သည်။

(ဂျွန်နီက လေယာဉ်ကြီးကို အငှားအိမ်အဖြစ် ပြောင်းလဲခဲ့သည်။ ဓာတ်ပုံ-airbnb.co.uk/h/pytchair)

(ဂျွန်နီက လေယာဉ်ကြီးကို ၂၀၂၀ ပြည့်နှစ်အတွင်း ဝယ်ယူပြီးနောက် PYTCHair ဟု အမည်ပေးခဲ့သည်။ ဓာတ်ပုံ-airbnb.co.uk/h/pytchair)

(727 ဂျက်လေယာဉ်ကြီးတွင် လူ ၄ ဦး တည်းခိုနိုင်သည့် နေရာရှိသည်။ ဓာတ်ပုံ-airbnb.co.uk/h/pytchair)

(luxury ဆန်သော အတွင်းပိုင်း။ ဓာတ်ပုံ-airbnb.co.uk/h/pytchair)

လေယာဉ်ကြီးကို အငှားအိမ်အဖြစ် ပြောင်းလဲမွမ်းမံခဲ့ပြီးနောက် ဂျွန်နီက တစ်ညလျှင် ပေါင် ၈၅၀ ဖြင့် အငှားချထားခဲ့သည်။

“တချို့လူတွေက ပြောကြတယ်။ ဘရစ္စတိုးမှာ ဈေးအကြီးဆုံးပဲတဲ့” ဟု ဂျွန်နီက ပြောသည်။

“ခရစ္စမတ်နေ့မှာ ပေါင် ၈၅၀ အထိ ဈေးတက်သွားတယ်။ ဒါက ၄ ယောက်စာအတွက် တကယ်ဈေးကြီးပါတယ်”

အချို့သူတို့က ပုံမှန်အတိုင်း တည်းခိုနေထိုင်ကြသော်လည်း အချို့ကမူ ပါတီပွဲ လာရောက်ကျင်းပကြကာ ပါတီပွဲပြီးချိန်တွင် အိမ်ပြန်သွားကြလေ့ရှိကြောင်း ဂျွန်နီက ပြောသည်။

727 ဂျက်လေယာဉ်အိမ်ကြီးတွင် sauna ၊ ရေပူစိမ်ကန်တို့အပြင် full kitchen လည်း ပါသည်။

လေယာဉ်အိမ်သည် ခရီးသွားများနှင့် ဒေသခံတို့အကြား အလွန်ကျော်ကြားနေကြောင်း ဂျွန်နီက ပြောပြသည်။

မြို့ခံတို့က လေယာဉ်အိမ်ကို အလွန်သဘောကျနေပြီး မြို့၏ စိတ်ဝင်စားစရာနေရာတစ်ခုအဖြစ် သတ်မှတ်ထားကြကြောင်းလည်း ဂျွန်နီက ပြောသည်။

လေယာဉ်ကြီး၏ သမိုင်းကြောင်းကိုလည်း ဂျွန်နီက သဘောကျနေသည်။

ဤလေယာဉ်ကြီးကို ကိုလံဘီယာ ဘိန်းဘုရင် ပါဘလို အက်စ်ကိုဘာ တချိန်က ပိုင်ဆိုင်ခဲ့ဖူးသည်ဟူသော သတင်းများရှိသည်။

ပထမဆုံးပိုင်ခဲ့သည်မှာ ဂျပန်လေကြောင်းလိုင်းမှဖြစ်ပြီး ၁၉၆၇ မှ ၁၉၇၅ ခုနှစ်အထိ ခရီးသည်တင် လေယာဉ်ကြီးအဖြစ် အသုံးပြုခဲ့သည်။

ယင်းနောက်ပိုင်း ကိုယ်ပိုင်ဂျက်လေယာဉ်အဖြစ် အသုံးပြုခဲ့သည်။

နောက်ဆုံးပျံသန်းခဲ့သည်မှာ ၂၀၁၂ ခုနှစ်အတွင်း ဘရစ္စတိုးရှိ Filton Airfield သို့ ဖြစ်သည်။

ထိုနေရာမှ Kemble Airfield သို့ ကုန်းလမ်းမှ သယ်ဆောင်ခဲ့သည်။

ဂျွန်နီသည် ၂၀၁၈ ခုနှစ်တွင် Kemble သို့ ရောက်ရှိခဲ့ရာတွင် လေယာဉ်ကြီးကို တွေ့ခဲ့ခြင်း ဖြစ်သည်။

၂၀၂၀ နှစ်လယ်ပိုင်းတွင် ဝယ်ယူခဲ့ပြီးနောက် ထားရှိမည့်နေရာဖြစ်သော Brislington သို့ ၂၀၂၁ ခုနှစ်၊ ဖေဖော်ဝါရီလတွင် သယ်ယူခဲ့သည်။

(လေယာဉ်ကြီးကို ဘရစ္စတိုးမြို့၊ Brislington အရပ်ရှိ စက်မှုဇုန်တစ်ခုတွင် ထားရှိခဲ့သည်။ ဓာတ်ပုံ-airbnb.co.uk/h/pytchair)

အိမ်ခြံမြေ ကိစ္စအဝဝနှင့် ပတ်သက်၍ ဥပဒေအကြံပေးပညာရှင်များနှင့် ဆွေးနွေးတိုင်ပင်လိုပါက iMyanmarHouse.com (အိုင်မြန်မာဟောက်စ်ဒေါ့ကွန်း) ၏ ဖုန်းနံပါတ်များဖြစ်သော 09-268022352 , 09-966901767 သို့ ဆက်သွယ်နိုင်ပါသည်။ အသေးစိတ်ကြည့်ရန် ဤနေရာကို နှိပ်ပါ။

ရောင်းရန်အိမ်ခြံမြေများကို သင်စိတ်တိုင်းကျ ရှာဖွေရန်အတွက် ဤနေရာကို နှိပ်ပါ။

ငှားရန်အိမ်ခြံမြေများကို သင်စိတ်တိုင်းကျ ရှာဖွေရန်အတွက် ဤနေရာကို နှိပ်ပါ။

(iMyanmarHouse.com Team မှ ရေးသား ဖော်ပြသည်။)

Credit: iMyanmarHouse.com

Ref: PLANE SAILING I transformed Boeing 727 ‘once owned by Pablo Escobar’ into ultimate Airbnb with hot tub & sauna – now I make £850 a day Photo Credit- airbnb.co.uk/h/pytchair