ဗဟုသုတ | Posted by ရွှေစင်ဝင်း
YouTube တွင် ဗြိတိန်နိုင်ငံသား ခရီးသွားဘလော့ဂါတစ်ဦးက စပိန်နိုင်ငံသို့ ရောက်ရှိခဲ့ရာ စပိန်မှ မြို့တစ်မြို့မှာ နိုင်ငံခြားသားများ လာရောက်လည်ပတ်သည်ကို သဘောမကျခြင်းအား တွေ့ကြုံခဲ့ရသည်။
YouTuber တစ်ဦးဖြစ်သူ Ben Morris သည် စပိန်နိုင်ငံ၊ ဘာစီလိုနာမြို့တွင် အဆိုပါဖြစ်ရပ် ကြုံတွေ့ခဲ့ရခြင်း ဖြစ်သည်။
ဘာစီလိုနာတွင် ဒေသခံတို့အကြား ကမ္ဘာလှည့်ခရီးသွားများ အလွန်အကျွံလာရောက်နေခြင်းကို အပြင်းအထန် ကန့်ကွက်မှုများ ရှိနေသည်။
လာရောက်လည်ပတ်သော ကမ္ဘာလှည့်ခရီးသည်တို့အား ရေပြွတ်သေနတ်များဖြင့် ပက်ဖြန်းကြသည်ဟု ဆိုသည်။
ဘာစီလိုနာတွင် “ကမ္ဘာလှည့်ခရီးသည်တွေ အိမ်ပြန်ကြ” ဟူသော စတစ်ကာများ တစ်မြို့လုံး နေရာအနှံ့ ကပ်ထားသည်ကို တွေ့ခဲ့ရသည်။
မိမိနှင့် အခြားသော ကမ္ဘာလှည့်ခရီးသည်အချို့ကို စားသောက်ဆိုင်တစ်ခုတွင် ဆိုင်နောက်ဘက် မှောင်မိုက်သော နေရာ၌ နေရာချထားပေးခြင်းခံခဲ့ရကြောင်း Morris က ပြောပြသည်။
ဒေသခံတို့သည် မိမိတို့ကို ခွဲခြားဆက်ဆံကြသည်ဟု ခံစားရကြောင်း Morris က သူ၏ YouTube ချန်နယ် ဗွီဒီယိုတစ်ခုတွင် ပြောကြားသည်။
“ကျွန်တော်မြို့ထဲက tapas စားသောက်ဆိုင်တစ်ခုကို သွားခဲ့ပါတယ်။ ဆိုင်ထဲမှာ ပြတင်းပေါက်ဘေး လင်းလင်းချင်းချင်းရှိပြီး ထိုင်လို့ကောင်းတဲ့နေရာလွတ်တွေ အများကြီးရှိပါတယ်။”
(ဘာစီလိုနာမြို့သားတို့သည် ကမ္ဘာလှည့်ခရီးသည်များကို ရေပြွတ်သေနတ်များဖြင့် ဖြန်းပက်ကြသည်။ ဓာတ်ပုံ-Anadolu via Getty Images)
“ကျွန်တော်ကိုယ်တိုင်နဲ့ တခြားကမ္ဘာလှည့်ခရီးသည်တချို့ဟာ ဆိုင်နောက်ဘက် မှောင်မိုက်တဲ့နေရာက စားပွဲမှာ နေရာချထားပေးတာ ခံရပါတယ်”
ယခုနှစ်ဇွန်လအတွင်းက ဘာစီလိုနာမြို့သားတို့သည် ကမ္ဘာလှည့်ခရီးသည်များကို ရေပြွတ်သေနတ်များဖြင့် စိုရွှဲအောင်ရေပက်ကာ အိမ်ပြန်ရန် ပြောခဲ့ကြသည်ဟု ဆိုသည်။
ကမ္ဘာလှည့်ခရီးသွားများ အလွန်အကျွံမလာကြရန် ဆန္ဒပြပွဲတစ်ရပ်လည်း ပေါ်ပေါက်ခဲ့ပြီး လူပေါင်း ၂၈၀၀ ခန့် ပါဝင်ဆန္ဒပြခဲ့ကြသည်။
ကာတာလိုနီယာပြည်နယ်၏ မြို့တော် ဘာစီလိုနာတွင် ကမ္ဘာလှည့်ခရီးသည်ဦးရေ များစွာကျဆင်းသွား စေရေးအတွက် စီးပွားရေးပုံစံသစ်ဖော်ဆောင်ရန် ၎င်းတို့က ဆန္ဒပြတောင်းဆိုခဲ့ကြသည်။
“ကမ္ဘာလှည့်ခရီးသွားများ အိမ်ပြန်ကြ” “ဘာစီလိုနာသည် ရောင်းရန်မဟုတ်” ဟူသော ဆိုင်းဘုတ်များ ကိုင်စွဲကာ ကမ္ဘာလှည့်ခရီးသွားများစွာ လည်ပတ်လေ့ရှိသည့်နေရာများတွင် ဆန္ဒပြခဲ့ကြသည်။
ထိုဒေသရှိ စားသောက်ဆိုင်များတွင် ညစာစားကြသော ကမ္ဘာလှည့်ခရီးသွားများမှာ ရေဖြင့်အပက်ခံကြရသည်။
ရေဖြင့် ပက်သူတို့က “ကမ္ဘာလှည့်ခရီးသည်တွေ ငါတို့နေရာက ထွက်သွားကြ” ဟု ကြွေးကြော်ကြသည်။
(ဘာစီလိုနာမှ Sagrada Familia ဘုရားကျောင်း။ ဓာတ်ပုံ-NurPhoto Via Getty Images)
“ဒီမြို့ရဲ့ ဟိုတယ်ခန်း ဈေးနှုန်းတွေ ဈေးကြီးနေတာဟာ ဒေသခံတွေ ကျွန်တော်တို့ကို မလာစေချင်တဲ့ အခြေခံအကြောင်းရင်းဖြစ်ပါတယ်။ ဒါက တရားမျှတ ပါတယ်”
“ဒါပေမယ့် ဘာစီလိုနာကို လည်ပတ်မယ့်သူတွေ ရပ်တန့်သွားမယ်လို့ ကျွန်တော်မထင်ပါဘူး”
“ဒေသခံတွေက ကိုယ့်ကို မလိုလားဘူးလို့ သိနေတဲ့နေရာမှာ ရှိနေရတာဟာ ထူးဆန်းတဲ့ ခံစားချက်တစ်ခုပါပဲ”
“ဘာစီလိုနာကို သွားမယ်ဆိုရင် ကမ္ဘာလှည့်ခရီးသည်တွေ အများကြီးတွေ့ရမှာပါ။ လမ်းတိုင်း၊ နေရာတိုင်းမှာ ကမ္ဘာလှည့်ခရီးသည်တွေ ရှိပါတယ်။ အထူးသဖြင့် မြို့လယ်ဝန်းကျင်မှာပေါ့ ”
အိမ်ခြံမြေ ကိစ္စအဝဝနှင့် ပတ်သက်၍ ဥပဒေအကြံပေးပညာရှင်များနှင့် ဆွေးနွေးတိုင်ပင်လိုပါက iMyanmarHouse.com (အိုင်မြန်မာဟောက်စ်ဒေါ့ကွန်း) ၏ ဖုန်းနံပါတ်များဖြစ်သော 09-268022352 , 09-966901767 သို့ ဆက်သွယ်နိုင်ပါသည်။ အသေးစိတ်ကြည့်ရန် ဤနေရာကို နှိပ်ပါ။
ရောင်းရန်အိမ်ခြံမြေများကို သင်စိတ်တိုင်းကျ ရှာဖွေရန်အတွက် ဤနေရာကို နှိပ်ပါ။
ငှားရန်အိမ်ခြံမြေများကို သင်စိတ်တိုင်းကျ ရှာဖွေရန်အတွက် ဤနေရာကို နှိပ်ပါ။
(iMyanmarHouse.com Team မှ ရေးသား ဖော်ပြသည်။)
Credit: iMyanmarHouse.com
Ref: 'I visited the Spanish city that doesn't want UK tourists to come - one thing shocked me' (express)
Photo Credit- NurPhoto Via Getty Images