သေတမ်းစာတစ်စောင် ပြုလုပ်ဆောင်ရွက်ခြင်းအကြောင်း ဥပဒေဗဟုသုတအနေဖြင့် ရေးသားဖော်ပြပေးလိုက်ပါသည်။

သေတမ်းစာဆိုသည်မှာ သေဆုံးပြီးနောက်တွင် မိမိပိုင်ဆိုင်မှုပစ္စည်းအရပ်ရပ်အား စီမံခန့်ခွဲမှုပြုနိုင်ရန် ညွှန်ကြားစာ တစ်ရပ်ပင်ဖြစ်ပါသည်။ မြန်မာဗုဒ္ဓဘာသာဝင် မိသားစုဖြစ်ပါက အမွေဆက်ခံမှုအား မြန်မာဓလေ့ထုံးတမ်းဥပဒေနှင့်အညီ အမွေခွဲဝေမှုပြုလုပ်ရမည်ဖြစ်ပါသည်။

မြန်မာဗုဒ္ဓဘာသာဝင်များသည် သေတမ်းစာ ဆောင်ရွက်နိုင်ခြင်းမရှိပါ။ ခရစ်ယာန်၊ ဟိန္ဒူနှင့် အစ္စလာမ် ဘာသာဝင်များသာ သေတမ်းစာပြုလုပ်ခွင့်ရှိပါသည်။ သေတမ်းစာရေးသားခွင့်ရှိသူမှာ မိမိသက်ရှိထင်ရှားရှိသည့် မည်သည့်အချိန်တွင်မဆို သေတမ်းစာရေးသားခွင့်ရှိပါသည်။ သေတမ်းစာတွင် ရေးသားထားချက်မှာ ရည်ရွယ်ချက်မပေါ်လွင် တိကျရှင်းလင်းမှုမရှိလျှင် သေတမ်းစာမှာ ပျက်ပြယ်ပါသည်။

သေတမ်းစာရေးသားလိုသူသည် မိမိကိုယ်တိုင်ဖြစ်စေ၊ တစ်စုံတစ်ယောက်အားဖြစ်စေ မိမိရှေ့မှောက်တွင်ပင် ရေးသားစေပြီး သေတမ်းစာတွင် လက်မှတ်ရေးထိုးခြင်းပြုရမည်ဖြစ်ပါသည်။ သေတမ်းစာတစ်စောင်တွင် အသိသက်သေ အနည်းဆုံး(၂)ဦး လက်မှတ်ရေးထိုးရန်လိုအပ်ပြီး သေတမ်းစာပြုသူ သေဆုံးသွားသည့် နောက်ပိုင်းမှ သေတမ်းစာပါအတိုင်း စီမံခန့်ခွဲခွင့်ရှိမည်ဖြစ်ပါသည်။

အထက်ဖော်ပြပါသေတမ်းစာ ရေးသားခွင့်ရှိသူများသည် အရွယ်ရောက်သူဖြစ်ရမည်ဖြစ်ကာ ရူးသွပ်သူ ၊ စိတ်ပေါ့သွပ်သူ မဖြစ်ရပါ။ ရူးသွပ်နေသူဖြစ်သော်လည်း စိတ်ဝေဒနာ ကောင်းမွန်သောအချိန်။ ဆွံအနားမကြားသူ ဖြစ်ပါကလဲ သေတမ်းစာ၏ သဘောသဘာဝကိုသိရှိနားလည်ကာ သေတမ်းစာရေးရန် ဆန္ဒရှိပါက သေတမ်းစာပြု လုပ်နိုင်ပါသည်။

အထူးသေတမ်းစာ တစ်စောင်ပြုလုပ်မည်ဆိုပါကလဲ နုတ်ဖြင့် မိမိရည်ရွယ်ချက်ရှိသည်ကို ထုတ်ဖော် ပြောကြားပြီး သေတမ်းစာ ပြုလုပ်ဆောင်ရွက်နိုင်ပါသည်။ မှတ်ပုံတင်အက်ဥပဒေ-၁၈အရ သေတမ်းစာမှာ မှတ်ပုံတင်လိုက တင်နိုင်သော စာချုပ်စာတမ်းအမျိုးအစားထဲ ပါဝင်ပါသည်။

သေတမ်းစာပြုလုပ်သူ သေဆုံးပြီးနောက်တွင် သက်ဆိုင်ရာ တရားရုံးတော်တွင် သေတမ်းစာအတည်ပြု ပေးရန် လျှောက်ထားခြင်းပြုရမည်ဖြစ်ကာ သေတမ်းစာအတိုင်း စီမံခန့်ခွဲရန် အမွေထိန်းစာလက်မှတ်လဲ လျှောက်ထားခြင်း ပြုနိုင်ကြောင်း ဥပဒေဗဟုသုတအနေဖြင့် ရေးသားဖော်ပြပေးလိုက်သည်။

အိမ်ခြံမြေ ကိစ္စအဝဝနှင့် ပတ်သက်၍ ဥပဒေအကြံပေးပညာရှင်များနှင့် ဆွေးနွေးတိုင်ပင်လိုပါက iMyanmarHouse.com (အိုင်မြန်မာဟောက်စ်ဒေါ့ကွန်း) ၏ ဖုန်းနံပါတ်များဖြစ်သော 09-268022352 , 09-966901767 သို့ ဆက်သွယ်နိုင်ပါသည်။ အသေးစိတ်ကြည့်ရန် ဤနေရာကို နှိပ်ပါ။

ရောင်းရန်အိမ်ခြံမြေများကို သင်စိတ်တိုင်းကျ ရှာဖွေရန်အတွက် ဤနေရာကို နှိပ်ပါ။

ငှားရန်အိမ်ခြံမြေများကို သင်စိတ်တိုင်းကျ ရှာဖွေရန်အတွက် ဤနေရာကို နှိပ်ပါ။

iMyanmarHouse.com ၏ ဥပ​ဒေအကြံ​ပေး ပညာရှင်​အဖွဲ့ မှ အထူးရေးသားဖော်ပြသည်။

Credit: iMyanmarHouse.com