လန်ဒန်မြို့သား ၄၀ ရာခိုင်နှုန်းခန့်မှာ အရက်ဆိုင်နှင့်နီးနီးနားနားရှိသော နေအိမ်များကိုသာ ဝယ်ယူကြကြောင်း စစ်တမ်းတစ်ရပ်အရ တွေ့ရှိ

ဗြိတိသျှတို့သည် အခြားနိုင်ငံသားတို့ထက် အရက်ပိုသောက်ကြကြောင်း လူအများသိထားကြပြီး ဖြစ်သည်။

ဗြိတိသျှတို့သည် နေအိမ်ဝယ်ယူရာတွင်ပင် အရက်ဆိုင်နှင့်နီးသော အိမ်များကိုသာ ဝယ်ယူကြကြောင်း စစ်တမ်းတစ်ရပ်အရ သိရှိလာရသည်။

လန်ဒန်သားတို့သည် မိမိတို့အနီးဝန်းကျင်ရှိ ဘုံဆိုင်တို့၏ အရည်အသွေးကို တန်ဖိုးထားကြသည်။

မကြာသေးမီက လေ့လာချက်တစ်ရပ်အရ လန်ဒန်မြို့တွင်နေထိုင်ကြသူတို့၏ ၄၁ ရာခိုင်နှုန်းမှာ နေအိမ်ဝယ်ယူ ရာတွင် အရက်ဆိုင်နီးနီးနားနား ရှိ၊ မရှိဟူသော အချက်ကို ထည့်သွင်းစဉ်းစားခဲ့ကြောင်း သိရသည်။

လန်ဒန်တွင်သာမက အိုင်ယာလန်မြောက်ပိုင်းတွင် ၃၄ ရာခိုင်နှုန်း၊ အနောက်မြောက်ဒေသတွင် ၂၉ ရာခိုင်နှုန်း၊ West Midlands ဒေသတွင် ၂၅ ရာခိုင်နှုန်းနှင့် အရှေ့မြောက်ပိုင်းဒေသတွင် ၂၅ ရာခိုင်နှုန်းက နေအိမ်ဝယ်ယူရာ တွင် အရက်ဆိုင်ကို ထည့်သွင်းစဉ်းစားခဲ့ကြသည်။

(လန်ဒန်တွင် နွေအခါများ၌ အရက်ဆိုင်အပြင်ဘက်တွင် တစ်ခွက်တစ်ဖလား အရက်သောက်ခြင်းမှာ လန်ဒန်၏ အရေးပါသော ဘဝအစိတ်အပိုင်း ဖြစ်သည်။ ဓာတ်ပုံ-Getty Images)

Zoopla အိမ်ခြံမြေဝက်ဘ်ဆိုက်၏ တွေ့ရှိချက်အရ အိမ်ရှင် ၃၆ ရာခိုင်နှုန်းသည် အိမ်မကြည့်မီ (သို့မဟုတ်) အိမ်ကြည့်ပြီးနောက်ပိုင်း အရက်ဆိုင်သို့ သွားခဲ့ကြသည်ဟု ဆိုသည်။

၇၆ ရာခိုင်နှုန်းက ယူဆသည်မှာ အရက်ဆိုင်တို့သည် အသိုက်အဝန်းတစ်ခု၏ ရောင်ပြန်ဖြစ်ကြောင်း ယုံကြည်ကြပြီး ၄၉ ရာခိုင်နှုန်းကမူ ဒေသတွင်း အချင်းချင်းဆက်သွယ်နိုင်မည့်နေရာများ ရှာဖွေနိုင်ရန် အလွန်အရေးကြီးကြောင်း ယုံကြည်ကြသည်။

အရက်တစ်ခွက် (သို့မဟုတ်) နှစ်ခွက် သောက်လျှင် ခေါင်းရှင်းသွားပြီး အပြီးသတ်ဆုံးဖြတ်ချက်ကို ချမှတ်နိုင်လာကြသည်ဟု ဆိုသည်။

အိမ်ရှင် ၅၃ ရာခိုင်နှုန်းက ပြောသည်မှာ အရက်ဆိုင်ထဲတွင် အရက်သောက်နေစဉ် နေအိမ်ဝယ်ယူရန် ဆုံးဖြတ်ခဲ့ခြင်းဖြစ်ကြောင်း ပြောသည်။

((ဗြိတိန်နိုင်ငံသားတို့က အရက်ဆိုင်နှင့် ပတ်သက်ပြီး အရေးကြီးသည်ဟု ယူဆထားသောအချက်များ))

သောက်စရာအရက် ရွေးစရာစုံလင်ခြင်း (၆၂ ရာခိုင်နှုန်း)

သန့်ရှင်းမှု (၆၀ ရာခိုင်နှုန်း)

မိသားစုဆန်ခြင်း (၅၆ ရာခိုင်နှုန်း)

တနင်္ဂနွေနေ့ အကင်ကောင်းရခြင်း (၄၃ ရာခိုင်နှုန်း)

ဈေးသက်သာသော အရက်ရခြင်း (၃၃ ရာခိုင်နှုန်း)

အိမ်မွေးတိရ စ္ဆာန်များ ခေါ်ယူနိုင်ခြင်း (၃၃ ရာခိုင်နှုန်း)

အားကစားပွဲအစီအစဉ်များ ပြသပေးခြင်း (၂၂ ရာခိုင်နှုန်း)

အရက်သေစာမဟုတ်သည့် အခြားရွေးစရာရှိခြင်း (၂၂ ရာခိုင်နှုန်း)

ကလေးများခေါ်ယူရန် သင့်တော်ခြင်း (၂၁ ရာခိုင်နှုန်း)

လန်ဒန်တွင် ဘုံဆိုင်များစွာမှာ ပိတ်သိမ်းရမည့် အခြေအနေနှင့် ရင်ဆိုင်နေရသော်လည်း အရက်ဆိုင်ယဉ်ကျေးမှု မှာ လန်ဒန်တွင် အလွန်အားကောင်းနေဆဲဖြစ်ကြောင်း လေ့လာချက်တစ်ရပ်တွင် ဖော်ပြသည်။

(အရက်ဆိုင်နှင့် နီးနီးနားနား ရှိ၊ မရှိမှာ အိမ်ဝယ်ရာတွင် ထည့်သွင်းစဉ်းစားသည့် အချက်တစ်ခု ဖြစ်လာသည်။ ဓာတ်ပုံ-Getty Images)

အိမ်ခြံမြေ ကိစ္စအဝဝနှင့် ပတ်သက်၍ ဥပဒေအကြံပေးပညာရှင်များနှင့် ဆွေးနွေးတိုင်ပင်လိုပါက iMyanmarHouse.com (အိုင်မြန်မာဟောက်စ်ဒေါ့ကွန်း) ၏ ဖုန်းနံပါတ်များဖြစ်သော 09-268022352 , 09-966901767 သို့ ဆက်သွယ်နိုင်ပါသည်။ အသေးစိတ်ကြည့်ရန် ဤနေရာကို နှိပ်ပါ။

ရောင်းရန်အိမ်ခြံမြေများကို သင်စိတ်တိုင်းကျ ရှာဖွေရန်အတွက် ဤနေရာကို နှိပ်ပါ။

ငှားရန်အိမ်ခြံမြေများကို သင်စိတ်တိုင်းကျ ရှာဖွေရန်အတွက် ဤနေရာကို နှိပ်ပါ။

(iMyanmarHouse.com Team မှ ရေးသား ဖော်ပြသည်။)

Credit: iMyanmarHouse.com

Ref: Would you buy a house because of a pub? 40% of Londoners have done just that (metro)

Photo Credit-Getty Images