အကျယ် ၃ ပေသာရှိသော ကမ္ဘာ့အကျဉ်းမြောင်းဆုံးအိမ်ကလေး ယနေ့ခေတ်တွင် အိမ်တစ်လုံးပိုင်ဆိုင်ရေးမှာ အပြင်းအထန်ကြိုးစားရန် လိုအပ်မည် ဖြစ်သည်။

အိမ်တစ်လုံးပိုင်ဆိုင်ရန်ခက်ခဲသော ယနေ့ခေတ်တွင် ကျဉ်းမြောင်းလှသောအိမ်တစ်လုံးပင်ဖြစ်စေကာမူ သင့်အနေဖြင့် ပိုင်ဆိုင်လိုစိတ်ရှိမည်သာ ဖြစ်သည်။

ပိုလန်နိုင်ငံ၊ ဝါဆောမြို့တွင် Keret House ဟုအမည်ပေးထားသော အိမ်တစ်လုံးမှာ အကျဉ်းဆုံးနေရာတွင် ၉၂ စင်တီမီတာ (၃ ဒသမ ၀၂ ပေ) သာရှိပြီး အကျယ်ဆုံးနေရာမှာ ၁၅၂ စင်တီမီတာ (၄ ဒသမ ၉၉ ပေ) သာရှိသည်။

ဗိသုကာပညာရှင် Jakub Szczesny က ဆောက်လုပ်ခဲ့ခြင်းဖြစ်သည်။

အမြဲနေထိုင်ရန် နေအိမ်အဖြစ် ဆောက်လုပ်ခြင်းမဟုတ်ဘဲ ခရီးသွားများအတွက် ယာယီတည်းခိုရာနေရာအဖြစ် ရည်ရွယ်ဆောက်လုပ်ခဲ့ခြင်း ဖြစ်သည်။

ကျဉ်းမြောင်းလှသောအိမ်လေးတွင် ပထမဆုံး စတင်တည်းခိုနေထိုင်ခဲ့သူမှာ စာရေးဆရာ Etgar Keret ဖြစ်ပြီး ၎င်းကို အစွဲပြုကာ Keret House ဟု အမည်ပေးခဲ့သည်။

Jakub က လမ်းလျှောက်ရင်း တစ်ရက်တွင် ယခုနေရာကို တွေ့ကာ ကျဉ်းမြောင်းသော နေအိမ်လေးတစ်လုံးဆောက်ရန် စိတ်ကူးရခဲ့ခြင်း ဖြစ်သည်။

(အိမ်အတွက် ပရိဘောဂတို့ကို သီးသန့်အထူးမှာယူထုတ်လုပ်ခဲ့ရသည်။ ဓာတ်ပုံ-Jakub Szczesny)

“ဒီနေရာမှာ ဘယ်လိုလူတွေ နေကြမလဲလို့ ကျွန်တော်တွေးကြည့်ခဲ့တယ်။ ရသေ့တစ်ပါးလို ပုဂ္ဂိုလ်မျိုးဖြစ်ရမယ်။ တစ်ယောက်တည်း တစ်ခုခုလုပ်ရင်း ဖြတ်သန်းလိုတဲ့သူလည်း ဖြစ်နိုင်တယ်။ ဒါပေမယ့် ဘာကိုလုပ်ရင်းလဲ..” ကျဉ်းမြောင်းလှသောအိမ်လေးအတွင်း ပရိဘောဂများ မည်သို့ ထည့်သွင်းခဲ့သနည်း။

ဈေးကွက်အတွင်းရှိ ပရိဘောဂအားလုံးမှာ ယခုအိမ်လေးနှင့် မဆန့်နိုင်သည့် အရွယ်အစားများသာဖြစ်ရာ အထူးအော်ဒါမှာယူခဲ့ရခြင်းဖြစ်သည်။

(အတွင်းပိုင်းမြင်ကွင်းတစ်ခု။ ဓာတ်ပုံ-Jakub Szczesny)

ကျဉ်းမြောင်းသော အိမ်လေးအတွင်း အိပ်ခန်း ၁ ခန်း၊ မီးဖိုဆောင်၊ ရေချိုးခန်း၊ ဧည့်ခန်းတို့ပါဝင်ပြီး အထပ် ၂ ထပ်တွင် ဖြန့်ကျက်တည်ရှိသည်။

သို့သော် အပေါ်ထပ်နှင့် အောက်ထပ်ကို လှေကားတစ်ခုမှတဆင့် တွယ်တက်ရမည် ဖြစ်သည်။

အဆောက်အအုံ ၂ ခုကြား ကျဉ်းမြောင်းသော နေရာလေးတွင် ဆောက်လုပ်ထားခြင်းဖြစ်သော်လည်း အထဲတွင် မှောင်အတိကျမနေ။ အလင်းဖောက်နိုင်သော ချပ်ပြားများ တပ်ဆင်ထားသောကြောင့် အလင်းရောင်ကောင်းစွာရှိသည်။

ဆောက်လုပ်ခဲ့သည်မှာ ၁၂ နှစ်ရှိပြီဖြစ်ပြီး Iconic Houses က ယခုအိမ်ကို ကမ္ဘာပေါ်ရှိ သတိပြုဖွယ်အကောင်းဆုံးအိမ်များတွင် တစ်ခုအပါအဝင်ဖြစ် ထည့်သွင်းထားသည်။

သို့သော် ဒေသတွင်း အဆောက်အအုံစံနှုန်းများနှင့် မကိုက်ညီသောကြောင့် အိမ်တစ်လုံးဟု သတ်မှတ်ထားခြင်းမရှိဘဲ အနုပညာ installation တစ်ခုအဖြစ်သာ သတ်မှတ်ခြင်းခံထားရသည်။

(art installation တစ်ခုအဖြစ်သာ သတ်မှတ်ခံထားရသည်။ ဓာတ်ပုံ-Jakub Szczesny)

အိမ်ခြံမြေ ကိစ္စအဝဝနှင့် ပတ်သက်၍ ဥပဒေအကြံပေးပညာရှင်များနှင့် ဆွေးနွေးတိုင်ပင်လိုပါက iMyanmarHouse.com (အိုင်မြန်မာဟောက်စ်ဒေါ့ကွန်း) ၏ ဖုန်းနံပါတ်များဖြစ်သော 09-268022352 , 09-966901767  သို့ ဆက်သွယ်နိုင်ပါသည်။ အသေးစိတ်ကြည့်ရန် ဤနေရာကို နှိပ်ပါ။

ရောင်းရန်အိမ်ခြံမြေများကို သင်စိတ်တိုင်းကျ ရှာဖွေရန်အတွက် ဤနေရာကို နှိပ်ပါ။

ငှားရန်အိမ်ခြံမြေများကို သင်စိတ်တိုင်းကျ ရှာဖွေရန်အတွက် ဤနေရာကို နှိပ်ပါ။

(iMyanmarHouse.com Team မှ ရေးသား ဖော်ပြသည်။)

Credit: iMyanmarHouse.com

Ref: The ‘thinnest house’ in the world is 3ft wide — and there’s no electricity (metro)

Photo Credit- Jakub Szczesny