ဗဟုသုတ | Posted by နှင်းအိခင်
အစားအစာသည် အသက်ရှင်သန်မှု၏ အခြေခံလိုအပ်ချက်များတွင် ထိပ်ဆုံးမှ ပါဝင်သည်။
ထိုလိုအပ်ချက်အရာသည် ဝါသနာဖြစ်လာလျှင် သင့်အား နေရာတစ်ခု ပေးလာလေသည်။
နီရှား မာဒူးလိကား (Nisha Madhulika) သည် အိန္ဒိယအချက်အပြုတ်နယ်ပယ်တွင် ထင်ရှားသူဖြစ်ပြီး အိန္ဒိယ၏ အချမ်းသာဆုံး YouTuber များတွင် တစ်ဦးအပါအဝင် ဖြစ်သည်။
သူ၏ အချက်အပြုတ် YouTube ဗွီဒီယိုများမှာ အလွန်ကျော်ကြားလှပြီး အိန္ဒိယတွင် လူတိုင်းသိသည့် အမည်နာမတစ်ခု ဖြစ်လာသည်။
မာဒူးလိကာ၏ ချန်နယ်တွင် Subscriber ၁၄ ဒသမ ၅ သန်းရှိပြီး သူ၏ ကြွယ်ဝမှုမှာ ရူပီး ၄၃ ကုဋေအထိ ရှိလာသည်။
မာဒူးလိကားသည် ၂၀၀၇ ခုနှစ်တွင် အစားအသောက် ဝက်ဘ်ဆိုက်တစ်ခု လွှင့်တင်ခြင်းမှ စတင်ခဲ့ပြီး YouTube တွင် အလွန်အောင်မြင်သည့်ဘဝသို့ နောက်ပိုင်းတွင် ရောက်ရှိလာသည်။
မာဒူးလိကားသည် အရသာရှိသော အိမ်ချက်ဟန် ချက်ပြုတ်နည်းများဖြင့် နာမည်ကျော်သည်။
ယခင်က ကျောင်းဆရာမတစ်ဦးဖြစ်ပြီး အသက် ၆၅ နှစ်အရွယ်တွင် အိန္ဒိယ၏ အချမ်းသာဆုံး YouTube Content Creator အဖြစ် လျှောက်လှမ်းခဲ့သော သူ၏ခရီးမှာ စိတ်ဝင်စားဖွယ်ကောင်းသည်။
((နီရှား မာဒူးလိကား ဘယ်သူလဲ))
သူ၏ follower များစွာအတွက် မာဒူးလိကားဟူသည်မှာ အိမ်ချက်အရသာ အိန္ဒိယဟင်းလျာဟူသော အဓိပ္ပာယ်သာ ဖြစ်သည်။
လက်ရှိအားဖြင့် မာဒူးလိကားသည် လူမှုကွန်ရက် platform များစွာတွင် ကျော်ကြားမှုရရှိလျက်ရှိနေရာ ဤအသက်အရွယ်တွင် ပရိသတ်များစွာနှင့် ထိတွေ့ဆောင်ရွက်နိုင်စွမ်းရှိသည့် ထူးခြားသည့်အရည်အချင်းကို ပြသနေသည်။
မာဒူးလိကာသည် ၂၀၀၉ ခုနှစ်တွင် YouTube စတင်သုံးစွဲခဲ့ခြင်း ဖြစ်သည်။
Times of India သတင်းဌာန၏ ဖော်ပြချက်အရ မာဒူးလိကားသည် သားသမီးများ အိမ်ခွဲသွားကြသောကြောင့် အထီးကျန်မှုကို ဖြေဖျောက်သည့်အနေဖြင့် ယခုခရီးကို စတင်ခဲ့ခြင်းဖြစ်ကြောင်း ဖော်ပြသည်။
အာဟာရဓာတ်ပြည့်ဝကာ ကျန်းမာရေးနှင့်ညီညွှတ်သော အစားအသောက်များမှတဆင့် နေအိမ်တိုင်းဆီသို့ ပျော်ရွှင်မှုနှင့် အတူလက်တွဲမှုတို့ ဆောင်ကြဉ်းပေးရန် ရည်ရွယ်ကြောင်း မာဒူးလိကာက သူ၏ YouTube profile တွင် ဖော်ပြသည်။
မာဒူးလိကာသည် YouTube သာမက Facebook တွင် follower ၅ ဒသမ ၇ သန်းရှိပြီး အင်စတာဂရမ်တွင်လည်း follower ၃ သိန်းကျော်ရှိသည်။
((ငယ်ဘဝ))
နီရှား မာဒူးလိကာကို အိန္ဒိယနိုင်ငံ၊ ဥတာပရာဒက်ရှ်ပြည်နယ်ရှိ လူလတ်တန်းစား မိသားစုတွင် ၁၉၅၉ ခုနှစ်၊ သြဂုတ်လ ၂၅ ရက်တွင် မွေးဖွားသည်။
အတန်းကျောင်းတက်ကာ ဘွဲ့ရပြီးချိန်တွင် ကျောင်းဆရာမအလုပ် ဝင်ရောက်လုပ်ကိုင်ခဲ့၏။
လက်ထပ်ပြီးနောက်ပိုင်း ဥတာပရာဒက်ရှ်ပြည်နယ်၊ Noida မြို့သို့ ပြောင်းရွှေ့ခဲ့ပြီး သားသမီး ၂ ဦးထွန်းကားသည်။
ငယ်စဉ်ကတည်းက အချက်အပြုတ်ဝါသနာပါသူ မာဒူးလိကာသည် ချက်ပြုတ်ပုံနည်းလမ်းသစ်များ အမြဲစမ်းသပ်ကြည့်လေ့ရှိသည်။
ကျောင်းဆရာမအလုပ်ဖြင့် နှစ်ပေါင်းများစွာ ဘဝဖြတ်သန်းခဲ့ပြီးနောက် လူအများစု အနားယူလေ့ရှိသော အသက်အရွယ်တွင် မာဒူးလိကာက နယ်ပယ်သစ်တွင် ခြေချရန် ဆုံးဖြတ်ခဲ့သည်။
((YouTube ခရီး))
မာဒူးလိကာသည် YouTube တွင် အစားအသောက်နှင့် ပတ်သက်သည့် ဗွီဒီယိုများ အမြဲမပြတ်တင်ခဲ့ပြီးနောက် ၂၀၁၄ ခုနှစ်တွင် YouTube ပေါ်ရှိ အိန္ဒိယထိပ်တန်းစားဖိုမှူးအဖြစ် နာမည်ကြီးလာသည်။
ယင်းနောက် နှစ်အနည်းငယ်အကြာ ၂၀၁၇ ခုနှစ်၊ နိုဝင်ဘာလတွင် Top YouTube Cooking Content Creator အဖြစ် ဂုဏ်ပြုခံရသည်။
သူ၏ တစိုက်မတ်မတ်ကြိုးစားမှုများကြောင့် မာဒူးလိကာသည် ရူပီး ၄၃ ကုဋေ အထိ ချမ်းသာကြွယ်ဝလာခဲ့သည်။
အိမ်ခြံမြေ ကိစ္စအဝဝနှင့် ပတ်သက်၍ ဥပဒေအကြံပေးပညာရှင်များနှင့် ဆွေးနွေးတိုင်ပင်လိုပါက iMyanmarHouse.com (အိုင်မြန်မာဟောက်စ်ဒေါ့ကွန်း) ၏ ဖုန်းနံပါတ်များဖြစ်သော 09-268022352 , 09-966901767 သို့ ဆက်သွယ်နိုင်ပါသည်။ အသေးစိတ်ကြည့်ရန် ဤနေရာကို နှိပ်ပါ။
ရောင်းရန်အိမ်ခြံမြေများကို သင်စိတ်တိုင်းကျ ရှာဖွေရန်အတွက် ဤနေရာကို နှိပ်ပါ။
ငှားရန်အိမ်ခြံမြေများကို သင်စိတ်တိုင်းကျ ရှာဖွေရန်အတွက် ဤနေရာကို နှိပ်ပါ။
(iMyanmarHouse.com Team မှ ရေးသား ဖော်ပြသည်။)
Credit: iMyanmarHouse.com
Ref: Nisha Madhulika is wealthiest female YouTuber with a net worth of ₹43 crores (ndtv)
