ပြည်ပ အိမ်ခြံမြေ သတင်း | Posted by ရွှေစင်ဝင်း
စင်္ကာပူရှိ Concorde ဟိုတယ်နှင့် ဈေးဝယ်စင်တာကြီးကို စင်္ကာပူနိုင်ငံသား မလေးရှားဘီလျံနာကြီး Ong Beng Seng ၏ HPL ကုမ္ပဏီက ဒေါ်လာ ၈၂၁ သန်းဖြင့် ဝယ်ယူလိုက်ရာ ၂၀၂၄ ခုနှစ်အတွင်း စင်္ကာပူ၏ ဈေးအကြီးဆုံး အိမ်ခြံမြေအရောင်းအဝယ်အဖြစ် စံချိန်တင်သွားသည်။
Hotel Properties Ltd (HPL) ၏ ကုမ္ပဏီခွဲဖြစ်သော Luxury Peak Pte Ltd က ဝယ်ယူခဲ့ခြင်းဖြစ်သည်။
စက်တင်ဘာလ ၃ ရက်က Concorde Hotel ကို ရည်ညွှန်းဈေး စင်္ကာပူဒေါ်လာ သန်း ၈၂၀ ဖြင့် တင်ဒါခေါ်ရောင်းချခဲ့ရာ ရည်ညွှန်းဈေးထက် ဒေါ်လာ ၁ သန်း ပိုပေးကာ စင်္ကာပူ ၈၂၁ သန်း (ကန်ဒေါ်လာ ၆၂၁ သန်း) ဖြင့် ဝယ်ယူခဲ့ခြင်း ဖြစ်သည်။
Orchard လမ်းတွင် တည်ရှိပြီး အကျယ်အဝန်းမှာ စတုရန်းပေ ၉၉၆၂၃ ပေ ရှိသည်။ ဟိုတယ်၊ လူနေနှင့် ကူးသန်းရောင်းဝယ်ရေးဆိုင်ရာ နေရာအဖြစ် ဘက်စုံသုံးရန် ပြန်လည်မွမ်းမံ ဆောက်လုပ်နိုင်သည်ဟု ဆိုသည်။
Concorde Hotel အရောင်းအဝယ်တွင် Savills Singapore က အကျိုးဆောင်အဖြစ် ဆောင်ရွက်ခဲ့သည်။
ယခုအရောင်းအဝယ်ဖြစ်သွားသော ဈေးနှုန်းအရဆိုလျှင် ၁ စတုရန်းပေလျှင် စင်္ကာပူဒေါ်လာ ၁၈၀၄ ပေးခဲ့ရခြင်း ဖြစ်သည်။
ပြန်လည်ပြုပြင်ဆောက်လုပ်မည်ဆိုပါက ဟိုတယ် ၄၀ ရာခိုင်နှုန်း၊ လူနေ ၄၀ ရာခိုင်နှုန်းနှင့် ကူးသန်းရောင်းဝယ်ရေးဆိုင်ရာနေရာ ၂၀ ရာခိုင်နှုန်း အချိုးဖြင့် အကောင်အထည်ဖော်ရမည် ဖြစ်သည်။
Concorde ဟိုတယ်ကို HPL ကုမ္ပဏီက ၉၅ ဒသမ ၄ ရာခိုင်နှုန်း ပိုင်ဆိုင်သည်။
Concorde ဟိုတယ်မှာ အဆောက်အအုံ၏ ၄ ထပ်မှ ၉ ထပ်အထိ ဖြန့်ကျက်တည်ရှိပြီး အခန်းပေါင်း ၄၀၇ ခန်း ပါဝင်သည်။
လက်လီအရောင်းဆိုင်နေရာမှာ အထပ် ၃ ထပ်တွင် ဖြန့်ကျက်တည်ရှိသည်။
ရောင်းချသူဘက်မှ ကိုယ်စားပြုခဲ့သည်မှာ Rajah & Tann မှဖြစ်သည်။
“Concorde ဟိုတယ်နဲ့ Shopping Mall ရောင်းချမှုဟာ Savills က အကျိုးဆောင်ပေးခဲ့တဲ့ အကြီးမားဆုံး အရောင်းအဝယ်ကြီးတွေမှာ စတုတ္ထမြောက်အရောင်းအဝယ်ဖြစ်ပါတယ်။ ယခင်ကလည်း Tanglin ဈေးဝယ်စင်တာ (စင်္ကာပူဒေါ်လာ ၈၆၈ သန်း၊ ၁ စတုရန်းပေလျှင် ၂၇၆၉ ဒေါ်လာ) ၊ Ming Arcade (စင်္ကာပူဒေါ်လာ ၁၇၂ သန်း၊ ၁ စတုရန်းပေလျှင် ၃၁၂၅ ဒေါ်လာ)နဲ့ Delfi Orchard (စင်္ကာပူဒေါ်လာ ၄၃၉ သန်း၊ ၁ စတုရန်းပေလျှင် ၃၃၄၆ ဒေါ်လာ) တို့ ဖြစ်ပါတယ်” ဟု Savills Singapore မှ မန်နေးဂျင်းဒါရိုက်တာ Jeremy Lake က ပြောသည်။
အဆိုပါ အရောင်းအဝယ် ၄ ခုလုံးကို Savills Singapore က အကျိုးဆောင်ပေးခဲ့ခြင်း ဖြစ်သည်။
အိမ်ခြံမြေ ကိစ္စအဝဝနှင့် ပတ်သက်၍ ဥပဒေအကြံပေးပညာရှင်များနှင့် ဆွေးနွေးတိုင်ပင်လိုပါက iMyanmarHouse.com (အိုင်မြန်မာဟောက်စ်ဒေါ့ကွန်း) ၏ ဖုန်းနံပါတ်များဖြစ်သော 09-268022352 , 09-966901767 သို့ ဆက်သွယ်နိုင်ပါသည်။ အသေးစိတ်ကြည့်ရန် ဤနေရာကို နှိပ်ပါ။
ရောင်းရန်အိမ်ခြံမြေများကို သင်စိတ်တိုင်းကျ ရှာဖွေရန်အတွက် ဤနေရာကို နှိပ်ပါ။
ငှားရန်အိမ်ခြံမြေများကို သင်စိတ်တိုင်းကျ ရှာဖွေရန်အတွက် ဤနေရာကို နှိပ်ပါ။
(iMyanmarHouse.com Team မှ ရေးသား ဖော်ပြသည်။)
Credit: iMyanmarHouse.com
Ref: Tycoon Ong Beng Seng’s HPL Buys Concorde Hotel Singapore In Deal Valued At $620 Million (sg.news)
