အံ့ချီးလောက်စရာ ပြုံးနေတဲ့မျက်နှာရုပ်ထုနှစ်ရာ ထုဆစ်ပုံဖော်ထားတဲ့ ကမ္ဘောဒီယားနိုင်ငံ ခမာမြို့ဟောင်း အန်ခေါသုန်းအတွင်းက ဘေယွန်ဘုရားကျောင်း

ကမ္ဘောဒီယားနိုင်ငံဟာ ကမ္ဘာ့အမွေအနှစ်စာရင်းဝင် အန်ကောဝပ် ဘုရားကျောင်းတည်ရှိရာ နိုင်ငံဟု လူသိများကြပါတယ်။ ကမ္ဘောဒီယားနိုင်ငံရဲ့မြို့တော်ဟာ ဖနွမ်းပင်မြို့ဖြစ်ပေမယ့်လည်း ကမ္ဘာလှည့်ခရီးသွားများ စိတ်ဝင်စားမှု အများဆုံးနေရာကတော့ Krong Siem Reap မြို့မှာရှိတဲ့ ရှေးဟောင်းအန်ကောဝပ် ဘုရားကျောင်းပါပဲ။

အန်ကောဝပ်ဘုရားကျောင်းနဲ့ ဆက်စပ်တည်ရှိပြီး စိတ်ဝင်စားဖွယ်ရာ ရှေးဟောင်းဗိသုကာလက်ရာများနဲ့ ခရီးသွားများကို ဆွဲဆောင်တဲ့နေရာကတော့ ပြုံးနေတဲ့မျက်နှာရုပ်ထု ၂၀၀‌ ကျော် ထုဆစ်ပုံဖော်ထားတဲ့ အန်ခေါသုန်း အတွင်းက ဘေယွန်ဘုရားကျောင်းပဲ ဖြစ်ပါတယ်။

ဘေယွန်ဘုရားကျောင်းဟာ ၁၂ ရာစုနှစ်နောက်ပိုင်းမှာ တည်ဆောက်ခဲ့ပြီး အရပ်မျက်နှာအစုံကို မျက်နှာမူနေသယောင် ပြုံးနေတဲ့မျက်နှာပေါင်း ၂၀၀ အထိ ထုလုပ်ထားပါတယ်။ ဒီပြုံးနေတဲ့မျက်နှာရဲ့နောက်ကွယ်က သမိုင်းကြောင်းများစွာရှိပေမယ့် ခမာလူမျိုးအများစု ယုံကြည်ကြတဲ့ သမိုင်းကြောင်းတစ်ခုကတော့ ဘေယွန်ဘုရားကျောင်းဆီက အပြုံးမျက်နှာများဟာ ဘုရားကျောင်းတည်ထောင်သူ Jayavarman VII ဘုရင်ရဲ့ ပြုံးနေတဲ့မျက်နှာဖြစ်ပြီး အရပ်မျက်နှာအစုံကို သူ့အာဏာစက်လွှမ်းမိုးစေရန်ဆိုတဲ့ ရည်ရွယ်ချက်နဲ့ ထည့်သွင်းတည်ဆောက်ခဲ့တယ်လို့ သိရပါတယ်။

အိမ်ခြံမြေ ကိစ္စအဝဝနှင့် ပတ်သက်၍ ဥပဒေအကြံပေးပညာရှင်များနှင့် ဆွေးနွေးတိုင်ပင်လိုပါက iMyanmarHouse.com (အိုင်မြန်မာဟောက်စ်ဒေါ့ကွန်း) ၏ ဖုန်းနံပါတ်များဖြစ်သော 09-268022352 , 09-966901767  သို့ ဆက်သွယ်နိုင်ပါသည်။ အသေးစိတ်ကြည့်ရန် ဤနေရာကို နှိပ်ပါ။

ရောင်းရန်အိမ်ခြံမြေများကို သင်စိတ်တိုင်းကျ ရှာဖွေရန်အတွက် ဤနေရာကို နှိပ်ပါ။

ငှားရန်အိမ်ခြံမြေများကို သင်စိတ်တိုင်းကျ ရှာဖွေရန်အတွက် ဤနေရာကို နှိပ်ပါ။

(iMyanmarHouse.com Team မှ ရေးသား ဖော်ပြသည်။)

Credit: iMyanmarHouse.com