ကမ္ဘောဒီးယားက ကမ္ဘာလှည့်ခရီးသွားလုပ်ငန်း မြှင့်တင်ရေးအတွက် ရည်ရွယ်ကာ မြန်မာအပါအဝင် နိုင်ငံပေါင်း ၁၁ နိုင်ငံကို ဗီဇာမဲ့ လည်ပတ်ခွင့်ပေးလာ

ကမ္ဘောဒီးယားသည် ကမ္ဘာလှည့်ခရီးသွားလုပ်ငန်း မြှင့်တင်နိုင်ရန် ရည်ရွယ်ကာ ၂၀၂၄ ခုနှစ်၊ အောက်တိုဘာလ မှ စတင်ပြီး မြန်မာ၊ ထိုင်း၊ ဗီယက်နမ်၊ အင်ဒိုနီးရှားနှင့် မလေးရှားတို့ အပါအဝင် နိုင်ငံပေါင်း ၁၁ နိုင်ငံကို ဗီဇာလွတ် ခရီးသွားလာခွင့် ပေးအပ်လာသည်။

ယခုခြေလှမ်းက ဒေသတွင်း ဆက်သွယ်မှုကို မြှင့်တင်ပေးနိုင်မည်ဖြစ်ကာ ကမ္ဘောဒီးယား၏ ပေါကြွယ်ဝသော ယဉ်ကျေးမှုအမွေအနှစ်များ၊ အံ့မခန်း ရှုခင်းအခင်းအကျင်းများနှင့် သမိုင်းဝင်နေရာများကို စူးစမ်းလေ့လာနိုင်ရန် အတွက် လည်ပတ်မည့်သူများ ပိုမိုဖိတ်ခေါ်နိုင်စေမည်လည်း ဖြစ်သည်။

အရှေ့တောင်အာရှနိုင်ငံတစ်ခုဖြစ်သော ကမ္ဘောဒီးယားသည် ခမာ အင်ပါယာနှင့် အန်ကောဝပ်ကျောင်းတော် တို့ဖြင့် ထင်ရှားသည်။

((ကမ္ဘာလှည့်ခရီးသွားများကြား ကျော်ကြားလာနေ))

၂၀၂၄ ခုနှစ် ပထမ ၈ လတာအတွင်း ကမ္ဘောဒီးယားသို့ လာရောက်လည်ပတ်သော ကမ္ဘာလှည့်ခရီးသည် ၄ ဒသမ ၃ သန်းခန့် ရှိခဲ့သည်။

ကမ္ဘောဒီးယား၏ အံ့မခန်း ရှုမျှော်ခင်းများ၊ အန်ကောဝပ်ဘုရားကျောင်းတော်ကြီး အပါအဝင် သမိုင်းဝင်နေရာများနှင့် ယဉ်ကျေးမှု အမွေအနှစ်များ ပေါကြွယ်ဝမှုတို့ကို ကမ္ဘာလှည့်ခရီးသည်ဝင်ရောက်မှု မြင့်တက်နေခြင်းက ထပ်ဟပ်ပြသနေသည်။

ကိုဗစ်ကပ်ဘေးလွန်တွင် ကမ္ဘာလှည့်ခရီးသွားလုပ်ငန်းများ ပြန်လည်ဖွံ့ဖြိုးလာရာ ကမ္ဘောဒီးယားရှိ ကြက်ပျံမကျ စည်ကားသော ဈေးများမှသည် ဆိတ်ငြိမ်အေးချမ်းသော ပင်လယ်ကမ်းခြေများအထိ လည်ပတ်စရာ နေရာအစုံအလင်တို့က နိုင်ငံတကာ ခရီးသွားများကို ကြိုလင့်နေသည်။

((ကမ္ဘောဒီးယား၏ GDP က စီးပွားရေးဆက်လက်ဖွံ့ဖြိုးနေမှုကို ပြသနေ))

၂၀၂၃ ခုနှစ်တွင် ကမ္ဘောဒီးယား၏ GDP မှာ ကန်ဒေါ်လာ ၃၁ ဒသမ ၇၇ ဘီလီယံရှိခဲ့ပြီး တိုင်းပြည်စီးပွားရေး ဆက်လက်ဖွံ့ဖြိုးနေမှုကို ပြသနေသည်။

ကမ္ဘောဒီးယားသည် အခက်အခဲအကျပ်အတည်းများမှ ကြံ့ကြံ့ခံနိုင်မှု၊ ဖွံ့ဖြိုးမှုတို့ရှိကြောင်း အဆိုပါကိန်းဂဏန်း က မီးမောင်းထိုးပြသနေပြီး အထူးသဖြင့် ကမ္ဘာလှည့်ခရီးသွားလုပ်ငန်း၊ စိုက်ပျိုးရေးနှင့် ကုန်ထုတ်လုပ်ရေးကဏ္ဍ တို့တွင် ဖြစ်သည်။

((ကမ္ဘောဒီးယားသို့ လာရောက်လည်ပတ်မှုများဆုံးမှာ တရုတ်ပြည်သားများဖြစ်နေဆဲဖြစ်))

၂၀၁၉ ခုနှစ်အတွင်း ကမ္ဘောဒီးယားသို့ လာရောက်လည်ပတ်သူ အများဆုံးမှာ တရုတ်ပြည်မှဖြစ်ပြီး လာရောက်လည်ပတ်သူ ၂ ဒသမ ၃၆ သန်းရှိခဲ့သည်။

၂၀၂၀ ပြည့်နှစ်တွင်လည်း ထိုအခြေအနေအတိုင်း ဆက်လက်ရပ်တည်ခဲ့ပြီး တရုတ်ပြည်နောက်တွင် ထိုင်းနှင့် ဗီယက်နမ်တို့ အသီးသီးရပ်တည်နေသည်။

((ကမ္ဘောဒီးယားသို့ ဗီဇာမလိုဘဲ ဝင်ရောက်ခွင့်ရလာသည့် နိုင်ငံများ))

● ဘရူနိုင်း ● အင်ဒိုနီးရှား ● လာအို ● မလေးရှား ● မော်လ်ဒိုက် ● မြန်မာ ● ဖိလစ်ပိုင် ● Seychelles ● စင်္ကာပူ ● ထိုင်း ● ဗီယက်နမ်

အိမ်ခြံမြေ ကိစ္စအဝဝနှင့် ပတ်သက်၍ ဥပဒေအကြံပေးပညာရှင်များနှင့် ဆွေးနွေးတိုင်ပင်လိုပါက iMyanmarHouse.com (အိုင်မြန်မာဟောက်စ်ဒေါ့ကွန်း) ၏ ဖုန်းနံပါတ်များဖြစ်သော 09-268022352 , 09-966901767  သို့ ဆက်သွယ်နိုင်ပါသည်။ အသေးစိတ်ကြည့်ရန် ဤနေရာကို နှိပ်ပါ။

ရောင်းရန်အိမ်ခြံမြေများကို သင်စိတ်တိုင်းကျ ရှာဖွေရန်အတွက် ဤနေရာကို နှိပ်ပါ။

ငှားရန်အိမ်ခြံမြေများကို သင်စိတ်တိုင်းကျ ရှာဖွေရန်အတွက် ဤနေရာကို နှိပ်ပါ။

(iMyanmarHouse.com Team မှ ရေးသား ဖော်ပြသည်။)

Credit: iMyanmarHouse.com

Ref: Cambodia is surging the tourism sector with Visa free travel for 11 countries including Thailand,Vietnam,Indonesia, Malaysia and Seychelles (travelandtourworld)