လန်ဒန်မြို့မှ ၂ နာရီခရီးအောက်သာ ဝေးကွာသောနေရာရှိ ၁၃ ဧကကျယ်ဝန်းသည့် ရေကန်ကြီးတစ်ခု ပေါင် ၁၀၀,၀၀၀ ဖြင့် အရောင်းစျေးကွက်ဝင်လာ

နွေခေါင်ခေါင်ကာလသို့ ရောက်ရှိလာပြီဖြစ်သောကြောင့် ရေကူးကန် (သို့မဟုတ်) သဘာဝ ရေကန်များထဲတွင် ရေကူးကာ အပူရှောင်ရန် မဖြစ်မနေလိုအပ်လာသည်။

(မှတ်ချက်။ အင်္ဂလန်တွင် မတ်လမှ မေလအထိမှာ နွေဦးကာလဖြစ်ပြီး ဇွန်လမှ သြဂုတ်လအထိမှာ နွေရာသီ ဖြစ်ကာ ဇူလိုင်မှာ အပူပြင်းဆုံးလ ဖြစ်သည်။)

အကယ်၍ သင့်အနေဖြင့် ကိုယ်ပိုင်ရေကန်ကြီးတစ်ခု ပိုင်ဆိုင်လိုသည်ဆိုပါက ရေကန်ကြီးတစ်ခု ဝယ်ယူ ပိုင်ဆိုင်နိုင်မည့် ရှားပါးအခွင့်အလမ်းတစ်ခု ပေါ်ပေါက်နေသည်။ ထိုရေကန်ကြီးမှာ လန်ဒန်မြို့တော်မှ ၂ နာရီခရီးအောက်သာ ကွာဝေးသောနေရာတွင် တည်ရှိသည်။

အောက်စ်ဖို့ဒ်မြို့အနီးတွင် တည်ရှိသော Wolvercote ကျေးရွာတွင် တည်ရှိပြီး မြို့စားကြီး၏ ရေကန်တော်ဟု ခမ်းနားစွာ အမည်ပေးထားသည့်ကန်ကြီးကို ပေါင် ၁၀၀,၀၀၀ ဖြင့် ဝယ်ယူရရှိနိုင်မည် ဖြစ်သည်။

ဗြိတိန် အိမ်ခြံမြေစျေးကွက်၏ အထင်ကရ နေရာများတွင် တည်ရှိခြင်း မဟုတ်သော်လည်း ကိုယ်ပိုင်ရေကန်တွင် လှေကလေးလှော်ရမည့် အရသာမှာ ထူးကဲသည့် အရသာပင် မဟုတ်ပါလော။

သို့သော် သင်ပေးရမည့် စျေးနှုန်းတွင် ရေကန်ကိုသာ ပိုင်ဆိုင်ရမည် မဟုတ်။ ယခုရောင်းချမှုတွင် စိုက်ပျိုးမြေနေရာလည်း ပါဝင်သည်။

ရေကန်ဧရိယာအပါအဝင် စုစုပေါင်း အကျယ်အဝန်း ၃၀ ဒသမ ၈ ဧကရှိသည်။ ရေပြင်၏ အကျယ်အဝန်းမှာ ၁၂ ဒသမ ၉၅ ဧကရှိပြီး ကျန် ၁၇ ဒသမ ၈၅ ဧကမှာ စိမ်းလန်းသော မြေနေရာများ ဖြစ်သည်။

(ရေကန်ကြီးကို စမ်းချောင်း ၂ ခုက ဝန်းပတ်ထားသည်။ ဓာတ်ပုံ-Jam Press)

သင့်အနေဖြင့် မြစ်များ၊ စမ်းချောင်းများကို သဘောကျသည်ဆိုပါက ရေလမ်းကြောင်း ၂ ခုလည်း ပါဝင်ရာ Duke’s Cut တူးမြောင်းနှင့် Wolvercote Mill စမ်းချောင်းတို့ ပါဝင်ပြီး စမ်းချောင်းမှာ သိမ်းမြစ်သို့ ပေါက်သည်။

“ဒီလိုမျိုး ရေကန်မျိုးက အတော်လေး ရှားပါတယ်။ အောက်စ်ဖို့ဒ်ဝန်းကျင်မှာဆို ပိုတောင် ရှားသေးတယ်”ဟု Carter Jonas အိမ်ခြံမြေကုမ္ပဏီမှ အကျိုးဆောင် Charlie Bott က Evening Standard သတင်းဌာနသို့ ပြောသည်။

ဤရေကန်နေရာမှ လန်ဒန်မြို့လယ်သို့ ကားဖြင့် သွားမည်ဆိုလျှင် ၂ နာရီအောက်သာ ကြာမြင့်သည်။

အတိအကျဆိုလျှင် တစ်နာရီ ၄၈ မိနစ် ဖြစ်သည်။

ရထားဖြင့် သွားမည်ဆိုလျှင် အောက်စ်ဖို့ဒ်မှ လန်ဒန်ရှိ Paddington သို့မဟုတ် Marylebone ဘူတာများသို့ တိုက်ရိုက်ရထားလိုင်း ရှိသည်။

ရထားဖြင့်သွားလျှင် ၅၃ မိနစ်မှ ၁ နာရီ ၂၂ မိနစ်ကြား ကြာမြင့်သည်။

(ရေကန်မှာ အောက်စ်ဖို့ဒ်မြို့၏ မြောက်ဘက်တွင် တည်ရှိသည်။ ဓာတ်ပုံ-Jam Press)

အိမ်ခြံမြေ ကိစ္စအဝဝနှင့် ပတ်သက်၍ ဥပဒေအကြံပေးပညာရှင်များနှင့် ဆွေးနွေးတိုင်ပင်လိုပါက iMyanmarHouse.com (အိုင်မြန်မာဟောက်စ်ဒေါ့ကွန်း) ၏ ဖုန်းနံပါတ်များဖြစ်သော 09-268022352 , 09-966901767  သို့ ဆက်သွယ်နိုင်ပါသည်။ အသေးစိတ်ကြည့်ရန် ဤနေရာကို နှိပ်ပါ။

ရောင်းရန်အိမ်ခြံမြေများကို သင်စိတ်တိုင်းကျ ရှာဖွေရန်အတွက် ဤနေရာကို နှိပ်ပါ။

ငှားရန်အိမ်ခြံမြေများကို သင်စိတ်တိုင်းကျ ရှာဖွေရန်အတွက် ဤနေရာကို နှိပ်ပါ။

(iMyanmarHouse.com Team မှ ရေးသား ဖော်ပြသည်။)

Credit: iMyanmarHouse.com

Ref: Want a private dip? A ‘rare’ lake less than 2 hours from London is up for sale for £100,000