အင်္ဂလန်တွင် ဒုတိယကမ္ဘာစစ်ကြီးအတွင်းက အသုံးပြုခဲ့သော လျှို့ဝှက်မြေအောက်ဗုံးခိုကျင်းကြီးတစ်ခု ရည်ညွှန်းဈေး ပေါင် ၁၆၅၀၀၀ ဖြင့် လေလံတင်ရောင်းချမည်

[Unicode]

Operation Chastise (Dumbusters Raid ဟု လူသိများ) ဟုခေါ်သော စစ်ဆင်ရေးနှင့် ဆက်နွှယ်မှုရှိ သည်ဟူသော သတင်းများရှိသည့် အင်္ဂလန်မှ မြေအောက်ဗုံးခိုကျင်းကြီးတစ်ခု အရောင်းဈေးကွက်ဝင်လာသည်။

(မှတ်ချက်။ Operation Chastise သည် ဒုတိယကမ္ဘာစစ်ကြီးအတွင်း ဗြိတိန်လေတပ်က ဂျာမနီရှိ ရေအား လျှပ်စစ် ထုတ်လုပ်သည့် ဆည်ကြီးများကို ဗုံးကြဲတိုက်ခိုက်သည့် စစ်ဆင်ရေးဖြစ်ပြီး ဗြိတိန် တော်ဝင်လေတပ်၏ အမှတ် ၆၁၇ ဗုံးကြဲလေယာဉ်အုပ်စုက ၁၉၄၃ ခုနှစ်၊ မေလ ၁၆ နှင့် ၁၇ ရက်များတွင် ပြုလုပ်ခဲ့သော စစ်ဆင်ရေး ဖြစ်သည်။ အဆိုပါစစ်ဆင်ရေးအကြောင်းကို ၁၉၅၅ ခုနှစ်တွင် The Dam Busters ဟူသောအမည်ဖြင့် ရုပ်ရှင် ရိုက်ကူးခဲ့ရာ အလွန်ကျော်ကြားအောင်မြင်ခဲ့သည်)

လျှို့ဝှက် ဗုံးခိုကျင်းကြီးကို ရည်ညွှန်းဈေး ပေါင် ၁၆၅၀၀၀ ဖြင့် လေလံတင်ရန် စီစဉ်လာခြင်း ဖြစ်သည်။

တည်နေရာမှာ အင်္ဂလန်နိုင်ငံ၊ ဆာရေးခရိုင်၊ Cobham ကျေးရွာအနီးတွင် တည်ရှိပြီး Foxwarren ဗုံးခိုကျင်းဟု အမည်ပေးထားသည်။

ဗုံးခိုကျင်းကြီးနှင့်အတူ သစ်တောမြေ ၂ ဒသမ ၁ ဧကလည်း ပါဝင်မည် ဖြစ်သည်။

သို့သော် ဗုံးခိုကျင်းကြီးကို ပြုပြင်မွမ်းမံဆောက်လုပ်မှုများ ပြုလုပ်ရန် ခွင့်ပြုချက်မရှိသောကြောင့် ဝယ်ယူသူ အနေဖြင့် မည်သို့သော ပြုပြင်မွမ်းမံမှုများအတွက်မဆို ကန့်သတ်ချက်များနှင့် ရင်ဆိုင်ရမည် ဖြစ်သည်။

စူးစမ်းလေ့လာသူများက ယခုမြေအောက်ဗုံးခိုကျင်းကြီးကို အလွန်နှစ်သက်ကြပြီး ၎င်းတို့ သွားရောက်လည်ပတ် ခဲ့ကြပုံများကို YouTube တွင် ဗွီဒီယိုလွှင့်တင်ထားမှုများရှိသည့်အပြင် ဤဗုံးခိုကျင်းကြီးအတွက် သီးသန့် ဝက်ဘ်ဆိုက်တစ်ခုပင် ရှိနေသည်။

Foxwarren ဗုံးခိုကျင်းကြီးကို တောအုပ်ထဲရှိ ကမ်းပါးတစ်ခုတွင် RC ကွန်ကရစ်နံရံများဖြင့် အင်္ဂလိပ်အက္ခရာ H ပုံသဏ္ဍာန် ဆောက်လုပ်ထားသည်။ ပုံမှန်အားဖြင့် ထိုခေတ်က ဗုံးခိုကျင်းနံရံများကို သွပ်ပြားများဖြင့်သာ ကာရံလေ့ရှိခဲ့ကြသည်။

လက်ရှိအားဖြင့် လှေကား ကျိုးပျက်နေမှုနှင့် ကြီးမားသောသစ်မြစ်ကြီးတို့ကြောင့် ဝင်ရောက်၍ မရနိုင်ချေ။

သို့သော် ဗုံးခိုကျင်း၏ အခြားတဖက်စွန်းတွင် ထွက်ပေါက်တစ်ခုရှိသည်။

(ဝင်ပေါက်ငယ်တစ်ခုသာ ရှိသည်။ ဓာတ်ပုံ-Strettons)

(ဒုတိယကမ္ဘာစစ်ကြီးအတွင်းက ဆောက်လုပ်ခဲ့သော ဗုံးခိုကျင်း၏ ကွန်ကရစ်နံရံများ။ ဓာတ်ပုံ-Strettons)

ဗုံးခိုကျင်းသည် အမြင်ပိုင်းအရ မတင့်တယ်သော်လည်း သမိုင်းကြောင်းရှိပြီး ဗြိတိန်စစ်သမိုင်း၏ အရေးအပါဆုံး ကာလများနှင့် ဆက်နွယ်နေသည်။ ဤဗုံးခိုကျင်းသည် Foxwarren စမ်းသပ်မှုဌာန၏ အခြေစိုက်စခန်းလည်း ဖြစ်ခဲ့ဖူးသည်။

အဆိုပါ ဌာနသည် ကမ္ဘာစစ်ကာလအတွင်း လေယာဉ်သစ်များနှင့် လက်နက်သစ်များ လျှို့ဝှက်ထုတ်လုပ် ခဲ့သော ဌာနဖြစ်သည်။

(ဗြိတိန်စစ်သမိုင်း၏ အစိတ်အပိုင်းတစ်ခုဖြစ်သည်။ ဓာတ်ပုံ-Strettons)

(Foxwarren ဗုံးခိုကျင်းကို မြေပေါ်မှ ကြည့်လျှင် မတွေ့ရချေ။ ဓာတ်ပုံ-Strettons)

ဂျာမနီမှ ဆည်များကို ဗုံးကျဲသည့် စီမံကိန်း ဖော်ဆောင်ခဲ့သူ Barnes Wallis သည် ယခုဗုံးခိုကျင်းတွင် ကမ္ဘာ့ပထမဆုံး bouncing bomb ကို တီထွင်ခဲ့သည်။

Wallis တီထွင်သော အဆိုပါဗုံးဖြင့် ၁၉၄၃ ခုနှစ်တွင် ဂျာမနီဆည်များကို ဗုံးကျဲတိုက်ခိုက်ခဲ့ရာ ဆည်များ ကျိုးပျက်ကာ ရေကြီးခဲ့ပြီး နာဇီတို့၏ စတီး၊ ကျောက်မီးသွေးနှင့် စစ်လက်နက်ထုတ်လုပ်သည့် စက်ရုံများ ရေနစ်မြုပ်သွားခဲ့သည်။

(ဆာရေးခရိုင် Cobham ကျေးရွာအနီးတွင် တည်ရှိသည်။ ဓာတ်ပုံ-Strettons)

(ကျယ်ပြောသော တောအုပ်အလယ်တွင် ရှိသည်။ ဓာတ်ပုံ-Strettons)

ဤဗုံးခိုကျင်းကို ပြီးခဲ့သောနှစ်အတွင်းကလည်း ပေါင် ၃၀၀,၀၀၀ ဖြင့် အရောင်းဈေးကွက်တင်ခဲ့ပြီး ရောင်းမထွက်ခဲ့ချေ။

အိမ်ခြံမြေ ကိစ္စအဝဝနှင့် ပတ်သက်၍ ဥပဒေအကြံပေးပညာရှင်များနှင့် ဆွေးနွေးတိုင်ပင်လိုပါက iMyanmarHouse.com (အိုင်မြန်မာဟောက်စ်ဒေါ့ကွန်း) ၏ ဖုန်းနံပါတ်များဖြစ်သော 09-268022352 , 09-966901767  သို့ ဆက်သွယ်နိုင်ပါသည်။ အသေးစိတ်ကြည့်ရန် ဤနေရာကို နှိပ်ပါ။

ရောင်းရန်အိမ်ခြံမြေများကို သင်စိတ်တိုင်းကျ ရှာဖွေရန်အတွက် ဤနေရာကို နှိပ်ပါ။

ငှားရန်အိမ်ခြံမြေများကို သင်စိတ်တိုင်းကျ ရှာဖွေရန်အတွက် ဤနေရာကို နှိပ်ပါ။

(iMyanmarHouse.com Team မှ ရေးသား ဖော်ပြသည်။)

Credit: iMyanmarHouse.com

  Ref: A secret underground wartime bunker in Surrey is now on sale for £165,000 (metro)

Photo Credit: Strettons

[Zawgyi]

အဂၤလန္တြင္ ဒုတိယကမၻာစစ္ၾကီးအတြင္းက အသံုးျပဳခဲ့ေသာ လွ်ိဳ႕ဝွက္ေျမေအာက္ဗံုးခိုက်င္းၾကီးတစ္ခု ရည္ညႊန္းေစ်း ေပါင္ ၁၆၅၀၀၀ ျဖင့္ ေလလံတင္ေရာင္းခ်မည္

Operation Chastise (Dumbusters Raid ဟု လူသိမ်ား) ဟုေခၚေသာ စစ္ဆင္ေရးႏွင့္ ဆက္ႏႊယ္မႈရွိ သည္ဟူေသာ သတင္းမ်ားရွိသည့္ အဂၤလန္မွ ေျမေအာက္ဗံုးခိုက်င္းၾကီးတစ္ခု အေရာင္းေစ်းကြက္ဝင္လာသည္။

(မွတ္ခ်က္။ Operation Chastise သည္ ဒုတိယကမၻာစစ္ၾကီးအတြင္း ျဗိတိန္ေလတပ္က ဂ်ာမနီရွိ ေရအား လွ်ပ္စစ္ ထုတ္လုပ္သည့္ ဆည္ၾကီးမ်ားကို ဗံုးၾကဲတိုက္ခိုက္သည့္ စစ္ဆင္ေရးျဖစ္ျပီး ျဗိတိန္ ေတာ္ဝင္ေလတပ္၏ အမွတ္ ၆၁၇ ဗံုးၾကဲေလယာဥ္အုပ္စုက ၁၉၄၃ ခုႏွစ္၊ ေမလ ၁၆ ႏွင့္ ၁၇ ရက္မ်ားတြင္ ျပဳလုပ္ခဲ့ေသာ စစ္ဆင္ေရး ျဖစ္သည္။ အဆိုပါစစ္ဆင္ေရးအေၾကာင္းကို ၁၉၅၅ ခုႏွစ္တြင္ The Dam Busters ဟူေသာအမည္ျဖင့္ ရုပ္ရွင္ ရိုက္ကူးခဲ့ရာ အလြန္ေက်ာ္ၾကားေအာင္ျမင္ခဲ့သည္)

လွ်ိဳ႕ဝွက္ ဗံုးခိုက်င္းၾကီးကို ရည္ညႊန္းေစ်း ေပါင္ ၁၆၅၀၀၀ ျဖင့္ ေလလံတင္ရန္ စီစဥ္လာျခင္း ျဖစ္သည္။

တည္ေနရာမွာ အဂၤလန္ႏိုင္ငံ၊ ဆာေရးခရိုင္၊ Cobham ေက်းရြာအနီးတြင္ တည္ရွိျပီး Foxwarren ဗံုးခိုက်င္းဟု အမည္ေပးထားသည္။

ဗံုးခိုက်င္းၾကီးႏွင့္အတူ သစ္ေတာေျမ ၂ ဒသမ ၁ ဧကလည္း ပါဝင္မည္ ျဖစ္သည္။

သို႔ေသာ္ ဗံုးခိုက်င္းၾကီးကို ျပဳျပင္မြမ္းမံေဆာက္လုပ္မႈမ်ား ျပဳလုပ္ရန္ ခြင့္ျပဳခ်က္မရွိေသာေၾကာင့္ ဝယ္ယူသူ အေနျဖင့္ မည္သို႔ေသာ ျပဳျပင္မြမ္းမံမႈမ်ားအတြက္မဆို ကန္႔သတ္ခ်က္မ်ားႏွင့္ ရင္ဆိုင္ရမည္ ျဖစ္သည္။

စူးစမ္းေလ့လာသူမ်ားက ယခုေျမေအာက္ဗံုးခိုက်င္းၾကီးကို အလြန္ႏွစ္သက္ၾကျပီး ၎တို႔ သြားေရာက္လည္ပတ္ ခဲ့ၾကပံုမ်ားကို YouTube တြင္ ဗြီဒီယိုလႊင့္တင္ထားမႈမ်ားရွိသည့္အျပင္ ဤဗံုးခိုက်င္းၾကီးအတြက္ သီးသန္႔ ဝက္ဘ္ဆိုက္တစ္ခုပင္ ရွိေနသည္။

Foxwarren ဗံုးခိုက်င္းၾကီးကို ေတာအုပ္ထဲရွိ ကမ္းပါးတစ္ခုတြင္ RC ကြန္ကရစ္နံရံမ်ားျဖင့္ အဂၤလိပ္အကၡရာ H ပံုသ႑ာန္ ေဆာက္လုပ္ထားသည္။ ပံုမွန္အားျဖင့္ ထိုေခတ္က ဗံုးခိုက်င္းနံရံမ်ားကို သြပ္ျပားမ်ားျဖင့္သာ ကာရံေလ့ရွိခဲ့ၾကသည္။

လက္ရွိအားျဖင့္ ေလွကား က်ဳိးပ်က္ေနမႈႏွင့္ ၾကီးမားေသာသစ္ျမစ္ၾကီးတို႔ေၾကာင့္ ဝင္ေရာက္၍ မရႏိုင္ေခ်။

သို႔ေသာ္ ဗံုးခိုက်င္း၏ အျခားတဖက္စြန္းတြင္ ထြက္ေပါက္တစ္ခုရွိသည္။

(ဝင္ေပါက္ငယ္တစ္ခုသာ ရွိသည္။ ဓာတ္ပံု-Strettons)

(ဒုတိယကမၻာစစ္ၾကီးအတြင္းက ေဆာက္လုပ္ခဲ့ေသာ ဗံုးခိုက်င္း၏ ကြန္ကရစ္နံရံမ်ား။ ဓာတ္ပံု-Strettons)

ဗံုးခိုက်င္းသည္ အျမင္ပိုင္းအရ မတင့္တယ္ေသာ္လည္း သမိုင္းေၾကာင္းရွိျပီး ျဗိတိန္စစ္သမိုုင္း၏ အေရးအပါဆံုး ကာလမ်ားႏွင့္ ဆက္ႏြယ္ေနသည္။ ဤဗံုးခိုက်င္းသည္ Foxwarren စမ္းသပ္မႈဌာန၏ အေျခစိုက္စခန္းလည္း ျဖစ္ခဲ့ဖူးသည္။

အဆိုပါ ဌာနသည္ ကမၻာစစ္ကာလအတြင္း ေလယာဥ္သစ္မ်ားႏွင့္ လက္နက္သစ္မ်ား လွ်ိဳ႕ဝွက္ထုတ္လုပ္ ခဲ့ေသာ ဌာနျဖစ္သည္။

(ျဗိတိန္စစ္သမိုင္း၏ အစိတ္အပိုင္းတစ္ခုျဖစ္သည္။ ဓာတ္ပံု-Strettons)

(Foxwarren ဗံုးခိုက်င္းကို ေျမေပၚမွ ၾကည့္လွ်င္ မေတြ႔ရေခ်။ ဓာတ္ပံု-Strettons)

ဂ်ာမနီမွ ဆည္မ်ားကို ဗံုးက်ဲသည့္ စီမံကိန္း ေဖာ္ေဆာင္ခဲ့သူ Barnes Wallis သည္ ယခုဗံုးခိုက်င္းတြင္ ကမၻာ့ပထမဆံုး bouncing bomb ကို တီထြင္ခဲ့သည္။

Wallis တီထြင္ေသာ အဆိုပါဗံုးျဖင့္ ၁၉၄၃ ခုႏွစ္တြင္ ဂ်ာမနီဆည္မ်ားကို ဗံုးက်ဲတုိက္ခိုက္ခဲ့ရာ ဆည္မ်ား က်ဳိးပ်က္ကာ ေရၾကီးခဲ့ျပီး နာဇီတို႔၏ စတီး၊ ေက်ာက္မီးေသြးႏွင့္ စစ္လက္နက္ထုတ္လုပ္သည့္ စက္ရံုမ်ား ေရနစ္ျမဳပ္သြားခဲ့သည္။

(ဆာေရးခရိုင္ Cobham ေက်းရြာအနီးတြင္ တည္ရွိသည္။ ဓာတ္ပံု-Strettons)

(က်ယ္ေျပာေသာ ေတာအုပ္အလယ္တြင္ ရွိသည္။ ဓာတ္ပံု-Strettons) ဤဗံုးခိုက်င္းကို ျပီးခဲ့ေသာႏွစ္အတြင္းကလည္း ေပါင္ ၃၀၀,၀၀၀ ျဖင့္ အေရာင္းေစ်းကြက္တင္ခဲ့ျပီး ေရာင္းမထြက္ခဲ့ေခ်။

အိမ္ၿခံေျမ ကိစၥအဝဝႏွင့္ ပတ္သက္၍ ဥပေဒအႀကံေပးပညာရွင္မ်ားႏွင့္ ေဆြးေႏြးတိုင္ပင္လိုပါက iMyanmarHouse.com (အိုင္ျမန္မာေဟာက္စ္ေဒါ့ကြန္း) ၏ ဖုန္းနံပါတ္မ်ားျဖစ္ေသာ 09-268022352 , 09-966901767  သို႔ ဆက္သြယ္ႏိုင္ပါသည္။ အေသးစိတ္ၾကည့္ရန္ ဤေနရာကို ႏွိပ္ပါ။

ေရာင္းရန္အိမ္ၿခံေျမမ်ားကို သင္စိတ္တိုင္းက် ရွာေဖြရန္အတြက္ ဤေနရာကို ႏွိပ္ပါ။

ငွားရန္အိမ္ၿခံေျမမ်ားကို သင္စိတ္တိုင္းက် ရွာေဖြရန္အတြက္ ဤေနရာကို ႏွိပ္ပါ။

(iMyanmarHouse.com Team မွ ေရးသား ေဖာ္ျပသည္။)

Credit: iMyanmarHouse.com

Ref: A secret underground wartime bunker in Surrey is now on sale for £165,000 (metro)

Photo Credit: Strettons