ပြည်ပ အိမ်ခြံမြေ သတင်း | Posted by ဇာနည်ကျော်
[Unicode]
အကယ်၍ သင့်အနေဖြင့် လိုဏ်ဂူတစ်ခုအတွင်း နေထိုင်ရန် (သို့မဟုတ်) ပြင်ပမှ သဘာဝတရားခံစားချက်ကို နေအိမ်အတွင်း ဆောင်ကျဉ်းရန် အမြဲအိပ်မက်မက်နေသူဆိုပါက ကယ်လီဖိုးနီးယားပြည်နယ်၊ Indio မြို့ရှိ လိုဏ်ဂူအိမ်တစ်လုံး ကန်ဒေါ်လာ ၅၉၉၀၀၀ ဖြင့် အရောင်းဈေးကွက်ဝင်နေသည်။
ဧည့်ခန်း ၊ မီးဖိုဆောင်နှင့် အဝင်ခန်းမတို့တွင် ကျောက်ဆောင်တုများဖြင့် အလှဆင်ထားပြီး စိမ်းလန်းသော သစ်ပင်များ စိုက်ပျိုးထားသည့် ပန်းဘောင်နေရာများ ပါဝင်သည်။
Indio မြို့၊ Starlight Lane လမ်း ၊ အမှတ် ၇၉၁၅၃ တွင် တည်ရှိပြီး ထူးခြားသော အိုအေစစ်လေးတစ်ခု ဖြစ်သည်။
နံရံနေရာများစွာတွင် သိမ်းငှက်ပန်းချီပုံများ များစွာရှိနေပြီး လိုဏ်ဂူအသွင် အရက်ဘားတစ်ခုလည်း ရှိသည်။
“တကယ့်ကို တမူထူးခြားပါတယ်”ဟု Sotheby’s အိမ်ခြံမြေကုမ္ပဏီမှ ဈေးကွက်တင်ပေးသော အကျိုးဆောင် ဘရန်ဒန် စပရင်းက ပြောသည်။
1.gif)
(လိုဏ်ဂူအိမ်အတွင်းရှိ နံရံနေရာအများအပြားတွင် ပန်းချီပုံများ ပြည့်နှက်နေသည်။ ဓာတ်ပုံ-Sotheby’s International Realty)
အကျိုးဆောင် ဘရန်ဒန် စပရင်း ပြောကြားချက်အရ ရောင်းချသူသည် ယခင်ကလည်း လိုဏ်ဂူအသွင် အတွင်းပိုင်း ဖန်တီးမှုများ ပြုလုပ်ခဲ့ဖူးကြောင်း၊ Palm Springs ရှိ ရေပူစမ်းဟိုတယ်တစ်ခုနှင့် ကျောက်မျက်ရတနာဆိုင်တို့ကို မွမ်းမံမှုများ ပြုလုပ်ပေးခဲ့ဖူးကြောင်း ပြောသည်။
1.gif)
(လိုဏ်ဂူအသွင် အရက်ဘား။ ဓာတ်ပုံ-Sotheby’s International Realty)
အဆောက်အအုံ၏ နောက်ဘက်ကွက်လပ်မှာ လက်ရှိအားဖြင့် စွန့်ပစ်ထားသော်လည်း ပိုင်ရှင်က ထိုနေရာတွင် ကျောက်ဆောင်တို့ဖြင့် ဝန်းပတ်သော ရေကူးကန်တစ်ခု ဆောက်လုပ်ရန် ရည်မှန်းထားကြောင်း အကျိုးဆောင် က ပြောသည်။
နာမည်ကြီး လူမှုကွန်ရက်အကောင့်တစ်ခုဖြစ်သော Zillow Gone Wild က ယခုစံအိမ်ကို အင်စတာဂရမ်တွင် တင်ထားရာ လူကြိုက်များလျက်ရှိသည်။ ပိုင်ရှင်က ခြံနောက်ဘက်ကွက်လပ်တွင် ကျောက်ဆောင်ဝန်းပတ်ထားသော ရေကူးကန်တစ်ခု ဆောက်လုပ်ရန် စီစဉ်ခဲ့သည်။
1.jpg)
(နောက်ဖေးတွင် ရေကူးကန်တစ်ခု ထားရှိရန် စီစဉ်နေပုံ။ ဓာတ်ပုံ-Sotheby’s International Realty)
.gif)
(နေအိမ်အတွင်းပိုင်း မြင်ကွင်းတစ်ခု။ ဓာတ်ပုံ-Sotheby’s International Realty)
.gif)
(နေအိမ်အတွင်းမှ စိမ်းလန်းသော အပင်များ။ ဓာတ်ပုံ-Sotheby’s International Realty)
Indio သည် Coachella ဂီတပွဲတော်နှင့် Stagecoach ကန်းထရီးဂီတပွဲတော်များ ကျင်းပသောနေရာဖြစ်ပြီး အနိမ့်အမြင့်တောင်ကုန်းများ ရေကန်စပ် နေအိမ်များဖြင့် ပြည့်နှက်နေသည်။
.gif)
(အဆောက်အအုံအပြင်ပိုင်း မြင်ကွင်း။ ဓာတ်ပုံ-Sotheby’s International Realty)
အိမ်ခြံမြေ ကိစ္စအဝဝနှင့် ပတ်သက်၍ ဥပဒေအကြံပေးပညာရှင်များနှင့် ဆွေးနွေးတိုင်ပင်လိုပါက iMyanmarHouse.com (အိုင်မြန်မာဟောက်စ်ဒေါ့ကွန်း) ၏ ဖုန်းနံပါတ်များဖြစ်သော 09-268022352 , 09-966901767 သို့ ဆက်သွယ်နိုင်ပါသည်။ အသေးစိတ်ကြည့်ရန် ဤနေရာကို နှိပ်ပါ။
ရောင်းရန်အိမ်ခြံမြေများကို သင်စိတ်တိုင်းကျ ရှာဖွေရန်အတွက် ဤနေရာကို နှိပ်ပါ။
ငှားရန်အိမ်ခြံမြေများကို သင်စိတ်တိုင်းကျ ရှာဖွေရန်အတွက် ဤနေရာကို နှိပ်ပါ။
(iMyanmarHouse.com Team မှ ရေးသား ဖော်ပြသည်။)
Credit: iMyanmarHouse.com
Ref: This quirky California 'cave home' is for sale for $599,000 (sfgate)
